Երևան
12 °C
Սյունիքում տեղի ունեցածը դիրքային խնդիր է. Ազգային ժողովում լրագրողների հետ զրույցում այդ մասին ասաց ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը՝ մանրամասնելով. «Ադրբեջանցիները, 74 թվականի ինչ-որ քարտեզ ձեռքներին, եկել, ինչ-որ բարձունքի վրա նստել, ասում են, որ սա մերն է»:
Ըստ Քոչարյանի՝ այդ դիրքը մի այնպիսի դիրք է, որ ընդամենը մեկ զինվորական փոքր գործողության արդյունքում այնտեղ նստածները կհայտնվեն շրջափակման մեջ:
Հանձնաժողովի նախագահը վստահեցրեց՝ այդ դիրքի հետ կապված միջադեպը չի կարող վերածվել լարվածության, որովհետեւ հրադադարի ռեժիմը եւ Հայաստանի պետական սահմանի հետ կապված խնդիրները լուծվում են այլ փաստաթղթերի եւ պայմանագրերի շրջանակում:
Խոսելով բարձունքի գրավման փորձից հետո Սյունիքում իրականացվողի մասին՝ Քոչարյանն ասաց, որ հենց հիմա այնտեղ է գտնվում հրադադարի ռեժիմի մեջ ներգրավված ռուսական կողմի ներկայացուցիչը, մեր սահմանապահ զորքերի հրամանատարը: Գործընթացը, ըստ նրա, բանակցությունների փուլում է եւ կավարտվի հանգուցալուծմամբ:
«Հիմա կասեք՝ բա ինչի՞ մեր զինվորները այնտեղ չեն... Պատկերացրեք, որ սահմանի ամեն մետրի, սանտիմետրի վրա մի զինվոր կանգնած չէ»:
Քոչարյանը կարծիք հայտնեց նաեւ, որ հակառակորդը եւս իր այսօրվա նախաձեռնությամբ հաշվի է առել Հայաստանի ներսում առկա ներքաղաքական մթնոլորտը:
«Այս հարցը առաջացել է սահմանային ճշտումների պատրվակով, համոզված եմ՝ ունի քաղաքական կոմպոնենտ հակառակորդի կողմից, որ լարվածություն է առաջացնելու մեր ներքաղաքական կյանքում, լարվածություն է առաջացնելու Ռուսաստանի ներգրավվածության առումով եւ հրադադարի ռեժիմի պահպանման հարցում: Գաղտնիք չէ, որ Ադրբեջանը սկսել է խնդիրը այլ ձեւով բարձրացնել, որ Ռուսաստանի ներգրավվածությունը մեր սահմանների պահպանությանը ցանկալի չէ: Գուցե ամբողջական չի ասվում պետական մակարդակով, բայց դրա մասին խոսակցությունները զարգացվում են»:
Անդրադառնալով առավոտից մամուլում տարածվող տագնապալի տեղեկություններին՝ Քոչարյանը վստահություն հայտնեց, որ դրանք էլ քաղաքական ենթատեքստ ունեն:
Հիշեցնենք՝ տեղեկությունը առաջինը տարածեց մի կայք, որից հետո սյունեցի ընդդիմադիր գործիչները սկսեցին հարցազրույցներ տալ «տագնապալի» իրավիճակի մասին:
«Վահե Հակոբյանը (Ռոբերտ Քոչարյանի ղեկավարած դաշինքի ներկայացուցիչ -խմբ.) ասել է, որ ինքը տեղեկություն ունի, թե Սյունիքում կան վիրավորներ եւ այլն, եւ այլն: Բնականաբար, այստեղ ակնհայտ էր՝ կարծես առիթ լիներ, որ Սյունիքում լարվածության օջախ լիներ, եւ մենք դա ճոխացնեինք եւ մեր երկիրը գցեինք լարվածության մեջ, ընդ որում՝ մի աննկարագրելի լարվածություն»,- ասաց Քոչարյանը՝ հավելելով.
«Զանգեզուրը դարձրել ենք քաղաքական շահարկման առարկա եւ այսօրվա արտահերթ ընտրությունների շեմին մենք քաղաքական իրավիճակի մեջ ներգրավված ճոճանակի ենք վերածվել: Զանգեզուրը չի կարող ճոճանակ լինել, դա մեր երկրի հարավային դարպասն է»:
Պատգամավորը հիշեցրեց, որ լրատվականներից մեկն այսօր լուր է տարածել նաեւ մեր զորքի տեղաշարժի մասին: Սա, ըստ նրա, նշանակում է, որ Ադրբեջանին արդեն նույնիսկ հետախուզություն պետք չէ՝ մեր զորքի տեղաշարժը հսկելու համար:
«Մնում էր՝ կոորդինատներն էլ տային, եւ էսօրվա հրետանային կամ հրթիռային համակարգի պարագայում կարելի է մեկ կրակոցով ոչնչացնել: Իսկ այնտեղ խոսքը մեր զինվորների մասին է»,- հերթական անգամ հիշեցրեց նա՝ հավելելով. «Դուք պատկերացնո՞ւմ եք՝ նոր, փխրուն հրադադարի վիճակ է, եւ մենք այսպիսի լուր ենք տարածում, դուք պատկերացնո՞ւմ եք ծնողների վիճակը, մենք մեր երկրի դե՞մ ենք գործում, ես չեմ հասկանում»:
Պատգամավորը կարծիք հայտնեց՝ ԱԱԾ-ն պետք է մատների արանքով չնայի այսպիսի հարցերին՝ հաշվի առնելով, որ սա պլանավորված մանիպուլյացիա էր.
«Այսօր շատ լուրջ բան է տեղի ունեցել: Այս նույն ընկերուհին (Նկատի ունի լուրն առաջինը հայտնած կայքի խմբագրին -հեղ.) 2016 թվականին այսպիսի մանիպուլյատիվ խարդախության համար դատապարտվել է, ընդ որում՝ 2016 թվականին մենք չենք եղել իշխանության: Հիմա էդպիսի մարդկանց ներգրավել են մեր անվտանգային համակարգի դեմ գործողությունների մե՞ջ: ԱԱԾ-ն հստակ պետք է տրամաբանություն գտնի կամ հեռու պահի մեզ այն կառույցներից, որոնք կարող են երկիրը ապակայունացման գործողությունների տանել»:
«Մենք պետք է լրջանանք»,- կոչ արեց Անդրանիկ Քոչարյանը՝ շեշտելով. «Իրականում կա պրոբլեմ, ես չեմ ասում՝ պրոբլեմը չի եղել, բայց դա այն պրոբլեմը չէ, որի համար պետք է երկիրը քաշել այս պրոբլեմի լուծման եւ վախերի մեջ: Այո՛, կա պրոբլեմ, եւ պրոբլեմի լուծումը շատ մոտ է, բայց զոհեր չկան, վիրավորներ չկան, կրակոցներ չկան, չեն էլ եղել: Հիմա հարց է՝ Վահե Հակոբյանն այդ կրակոցները որտե՞ղ է լսել, իր ականջո՞վ է լսել, թե՞ իր ուղղաթիռով պտտվում էր կրակոցների տարածքում, թող ուղղաթիռը իջեցներ, վերցներ իր ավտոմատը, գնար, կանգներ զինվորների կողքը: Թող պանիկա չտարածի, Զանգեզուրը իրենց համար խաղալիք չէ, ինչպես կասեր դասականը՝ թող հանգիստ նստեն տեղները»:
Ինչ հարթակներով և երբ կհրապարակվի կամավոր ատեստավորման տեղի և ժամի վերաբերյալ տեղեկատվությունը
Սրբուհի Գալյանը նշանակվեց արդարադատության նախարար
Եվրախորհրդարանի շուրջ 5 տասնյակ պատգամավոր Ադրբեջանին կոչ է արել COP29-ին ընդառաջ ազատել բոլոր հայ գերիներին
ՄԱԿ-ի դատարանը կկայացնի Ադրբեջանի դեմ ՀՀ հայցի վերաբերյալ Բաքվի առաջ քաշած նախնական առարկությունների վճիռը
Դատավոր Լևոն Գրիգորյանը կարգապահական պատասխանատվության է ենթարկվել, ստացել նկատողություն
ԵՄ պատվիրակությունը ՀՀ-ում է՝ մշակելու վիզաների ազատականացման մասին բանակցությունների ծրագիրը. փոխնախարար
Դատավոր Ռազմիկ Մարիկյանը ենթարկվել է կարգապահական պատասխանատվության
ԱԳ փոխնախարարը՝ Ադրբեջանի դեսպանի կողմից Բելգիայում Տիգրան Բալայանի նկատմամբ հնչեցրած սպառնալիքների մասին
Բացահայտվել է էլեկտրատեխնիկայի առևտրի ոլորտում 1,3 մլրդ դրամի ստվերային շրջանառության դեպք (տեսանյութ)
Մի քանի ժամով կհոսանքազրկվեն Երևանի և 9 մարզի բազմաթիվ հասցեներ
Բելգիայում ՀՀ դեսպան Տիգրան Բալայանը հայտնել է Ադրբեջանի դեսպանից մահվան սպառնալիքներ ստանալու մասին. Politico
Մահվան ելքով վրաերթ Երևանում. 48-ամյա կինը տեղում մահացել է
Հայաստանի պատանի շախմատիստներն աշխարհի առաջնությունում առաջատար դիրքերում են
17 կամուրջ‚ 2 թունել‚ 5 տրանսպորտային հանգույց. ինչ աշխատանքներ են կատարվում Քաջարան-Ագարակ ճանապարհին
Ձորաղբյուրում ավտովթար-հրդեհի հետևանքով հիվանդանոց տեղափոխված վարորդները մահացել են
Ծառից կախված վիճակում հայտնաբերվել է 31-ամյա քաղաքացու դին
ԱՄՆ-ը՝ աշխարհի ուշադրության կենտրոնում. թեժ պայքարից հետո ինչպես են կազմակերպվելու նախագահական ընտրությունները
Այն, որ «Բալասանյան դաշինք»-ը վայր է դրել մանդատները, մամուլից ենք իմացել, քննարկում չենք ունեցել. Ալեքսանյան
Աշնանային Երևանում ընթրեցի Իսլանդիայի նախկին առաջին տիկին, իմ լավ բարեկամ Էլիզա Ռիդի հետ. Հակոբյան (տեսանյութ)
Ղազախստանն աջակցում է Հայաստանի և Ադրբեջանի՝ երկկողմ հարաբերություններում նոր էջ բացելու ձգտումներին. Տոկաև
Վալենսիայում ջրհեղեղի պատճառով դասերը չեղարկվել են, սահմանափակումներ են մտցվել. հայտնի է 220 զոհի մասին
Ուշիի ոլորաններում տեղի ունեցած խոշոր ավտովթարի զոհերի թիվն ավելացել է. ովքեր են մահացածներն ու վիրավորները
Սերժ Սարգսյանի եղբորորդի Նարեկ Սարգսյանն ազատ է արձակվել ՔԿՀ-ից
Միջազգային գիտաժողով, ներկայացումներ. Երևանում անցկացվում են Ֆրանկոֆոն թատերական ամենամյա հանդիպումները
Գերմանիայի ԱԳ նախարարը չհայտարարված այցով ժամանել է Կիև
Իշխան Սաղաթելյանն իր մեջ «ուժ է գտել» ու խոսել. ի՞նչ «հրաշքի» կամ «արմագեդոնի» է նա սպասում
Ձևավորվել են ՆԳՆ ոստիկանության չորս հենասյունային ուղղություններից ևս երկուսը
Առողջապահության նախարարությունն ու ֆրանսիական Վիեննը համագործակցության նոր ուղղություններ կծրագրեն
Ռուսաստանի և Ադրբեջանի վարչապետները համագործակցության հարցեր են քննարկել
Ծաղրածուներին քաղաքական դաշտ բերել չի կարելի, Հայկ Մարությանը, թե ամոթ ունենա, հողում գլուխը կթաղի. Խաչատրյան
Աննա Հակոբյանը ներկա է գտնվել ՀՀ Ազգային հերոս Վահագն Ասատրյանի հիշատակին նվիրված հուշ-ցերեկույթին (տեսանյութ)
Շիրակի մարզպետը մեկնում է արձակուրդ. ով կփոխարինի Մուշեղ Մուրադյանին
Թբիլիսիի կենտրոնում մեկնարկել է ընդդիմության հանրահավաքը. Ռուսթավելիի պողոտան փակվել է (տեսանյութ)
Մեքենաներ են բախվել, «Գազել»-ը կողաշրջվել է. կան տուժածներ (լուսանկարներ)
Վրաստանում ուժեղացվել է խորհրդարանի շենքի անվտանգությունը. ԶԼՄ ներկայացուցիչներին խնդրել են լքել այն
Տնտեսության դիվերսիֆիկացում և ոչ միայն. ինչ են քննարկել Գևորգ Պապոյանն ու ԵՄ պատվիրակության ղեկավարը
30-ամյա տղամարդու սպանության համար մեղադրանք է ներկայացվել 29-ամյա համագյուղացուն. ինչ է կատարվել Մեղրաշենում
Ucom-ի աշխատակիցները մասնակցել են Վայոց Ձորում անտառի վերականգման աշխատանքին
Աշխատանքային առօրյա. Աննա Հակոբյանը տեսանյութ է հրապարակել
Քիմ Քարդաշյանը կրել է արքայադուստր Դիանայի խաչը․ նա աճուրդում այն գնել է 200 հազար դոլարով
