Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

12/05/2021 schedule21:21

Գյումրու թատրոնում տրամադրություններն ու գույներն այսօր հակասական ու առավել քան դրամատիկ էին: Գրեթե ողջ Գյումրին էր ներկա: Ճամփորդ ունեինք:

«Երբ իմանամ՝ ինձ էլ չեն լսում, ես էլ չեմ խոսի: Բայց փառք Աստծո, ես դեռ նման բանի չեմ հանդիպել: Ես չգիտեմ, թե քանի հազարերորդ անգամ, անձայն ու անխոս, հոգուս մեջ, աչքերս փակ, թե բաց, միշտ բարի լույս եմ ասելու իմ քաղաքին».

Թատերական հրապարակում հնչած Հասմիկ Կիրակոսյանի այս խոսքերով էլ գյումրեցին այսօր հրաժեշտ տվեց նրան: Տարբեր առիթներով արված ձայնագրությունների փոքրիկ պատառիկներ հնչեցին, որոնցից մեկում ՀՀ մշակույթի վաստակավոր գործիչ, Գյումրու պատվավոր քաղաքացի և մեծ գյումրեցին անկեղծ սիրել, շենացնել պատգամեց, մեկում քաղաքի նկատմամբ իր սիրո մասին, մյուսում ընտանիքի եւ նիստուկացի մասին խոսեց: Ասաց՝ եթե նորից աշխարհ գար, կապրեր նույն կերպ, ոչինչ չէր փոխի:

Նույն ձեռագիրն էր, նույն կամքն ու պարտաճանաչությունը: Այնպես, ինչպես կենդանության օրոք էր: Տեղին ու ժամանակին, հստակ սցենարով: Հասմիկ Կիրակոսյանը դեռ կենդանության օրոք էր մտածել, թե ինչպես են իրեն ճանապահելու, ով ինչ է անելու և ինչպես:

«Եղավ այնպես, ինչպես ողջ կյանքում էր: Նա միշտ հստակ գիտեր, թե ումից և ինչպես ինչ է ուզում: Հասցրել էր պատգամել, թե հատկապես ինչպես է պատկերացնում իր հրաժեշտի արարողությունը: Անձամբ ինձ էլ պատմել էր որոշ բաներ, նաև ընտանիքի անդամների հետ եմ զրուցել:

Երեք նվագախումբ է ստեղծել նա, երեքն էլ այսօր կային իրենց երաժշտական ներկայությամբ: Աղասի Շաբոյանի թաղման ժամանակ հենց տիկին Կիրակոսյանն է կազմակերպել, որ Շաբոյանի մենապարուհիներից մեկը պարի: Եվ ինքը միշտ ասում էր, թե երկրորդն իմն է լինելու: Նույն պարուհին՝ Հերմինեն Մանուկյան, մեկ պարել էր Աղասի Շաբոյանի ժամանակ, մեկ էլ պարեց տիկին Կիրակոսյանին հրաժեշտ տալիս:

Նա շատ էր սիրում Կարապետ Շաբոյանի դուդուկի ձայնը, դա ևս կար այսօր: Մնացած ամեն ինչը կազմակերպել էինք այնպես, ինչպես իրեն դուր կգար՝ ֆայտոնի ներկայություն, պարային համույթներ, խոնարհված ծաղիկներ, ծափեր, և անշուշտ իր ձայնը, որն այս քաղաքում դեռ երկար է լսվելու, անկախ նրա ֆիզիկական բացակայությունից:

Ուզեցինք, որ այնպես, ինչպես կես դար իր ձայնով ապրել էր Գյումրին, այնպես էլ իր ձայնով հրաժեշտ տար»,- Հայկական ժամանակի հետ զրույցում ասաց Գյումրու քաղաքապետարանի մշակույթի բաժնի պետ Լիլիթ Թովմասյանը:

Գյումրին հրաժեշտ տվեց աշխարհում Գյումրու իր խոսնակին: «Հասմիկ Կիրակոսյանի վաստակի ու արվեստում ունեցած ահռելի ներդրման, նրա ներկայության գնահատականը պետք է այսօր տային ամբողջ Հայաստանի մշակութային ոլորտի ներկայացուցիչները:

Գյումրին կորցրեց իր մշակութային հենասյունը: Մշակույթն իր մեջ ամփոփող նվիրյալին: Երբ որ միջոցառում էր լինում, ասում էի՝ տիկին Կիրակոսյան, լավ կպատրաստվես: Ասում էր, դու բդի ընձի ըսե՞ս: Ու դա այդպես էր: Նա ելույթների համար պատրաստվելու կարիք ուներ: Խոսքով ու կյանքով լեցուն էր: Անհնարինն էր անում Գյումրու համար: Խաղաղությամբ գնաս քո մեջ Գյումրին ամփոփած»,- հուզված հրաժեշտ տվեց Գյումրու քաղաքապետ Սամվել Բալասանյանը:

«Քաղաքից գույնը պակասեց: Այսօր մի կենսավիշ անոթ կորցրեց Գյումրին: Մատը Գյումրու մշակութային զարկերակին»,- Հասմիկ Կիրակոսյանին է բնութագրում Գյումրու Հայորդյաց տան տնօրեն Աստղիկ Եդիգարյան-Բաբունցը: «Համ ու հոտն էր Գյումրու, աղն էր: Անում էր անկարելին մի նոր շունչ, նոր գաղափար Գյումրի բերելու համար: Նա իր տեսակով ապացուցեց, որ անհնարին ոչինչ չկա, եթե կա կամք: Նրա համար փակ դռներ չկային»,-ընդգծում է նա:

«Լսել էի, որ կոլորիտային, պատվարժան մի կին կա մարզպետարանում, բայց անձնապես ծանոթ չէի: Նա առաջին մարդկանցից մեկն էր, ում հետ առանձին հանդիպեցի: Ես երբեք նրան հանձնարարություն չէի տալիս, միշտ խնդրանքով էի դիմում: Ասում էի տիկին Հասմիկ, եթե քեզ եմ ասում, ուրեմն գիտես, թե ինչ պատասխանատու հարց է: Ինչ էլ լիներ, նա շվեյցարական ժամացույցի ճշտությամբ էր անում:

Հետո արդեն անձնական մտերմություն էլ եղավ: Միշտ զանգում էի նրան: Ասում էր՝ արի մեր բալկոնում չայ խմենք: Ափսոս չստացվեց»,- մեզ հետ զրույցում պատմեց Շիրակի նախկին մարզպետ Արթուր Խաչատրյանն ու աշխատանքային փոքրիկ մի դրվագ պատմեց.

«Երևանից նոր խորհրդականի հրավիրեցի, որ գա, աշխատի: Կողք կողքի էին կաբինետները: Առավոտյան շուտ Սևակը (նոր խորհրդականին նկատի ունի-խմբ.) նստած էր, մեկ էլ մեկը դուռը թակեց, հարցրեց՝ ո՞ւր է տիկին Հասմիկը: Սևակն էլ թե՝ կներեք, չեմ ճանաչում: 15 րոպե հետո մեկ ել տիկին Հասմիկը ջղայնացած եկավ: Ասում է, ըդիգ ով է, որ ընձի չի ճանչնա: Բայց հետո ընկերացավ նաև Սևակի հետ: Պայծառ հիշողություններ ունեմ: Սա շատ ծանր բաց է քաղաքի համար: Գյումրին իր անկրկնելի կոլորիտից անվերադարձ կորուստ ունեցավ: Գյումրին այլևս էն չի լինի առանց տիկին Հասմիկի»:

Հասմիկ Կիրակոսյանն ո՞ւմ պատգամեց Գյումրին սիրել ու ներկայացնել այնպես, ինչպես ինքը դա կաներ, այն նույն համ ու հոտով, նույն նվիրվածությամբ, ինչպես 50 և ավելի տարի նա էր ապրեցնում քաղաքը:

Այս պահին այդ ծանր պատասխանատվությունը դրված է Գյումրու քաղաքապետարանի մշակույթի բաժնի պետի ուսերին: Լիլիթ Թովմասյանը չի թաքցնում՝ անասելի դժվար է լինելու.

«Հսկայական, ահռելի, չբացատրվող, աննորմալ չափի բեռ կա իմ ուսերին, որովհետև այսօր ու այս պահին այստեղ առաջին անգամ այս ծանրությամբ գիտակցեցի, թե հատկապես ինչ եմ պարտավոր անել: Գոնե այն նշաձողը, որի վրա կարողացել է տիկին Կիրակոսյանը պահել Գյումրու մշակույթը, գոնե այնպես, ինչպես հաջողվել է իրեն ներկայացնել, և գոնե այնքան, ինչքան ինքը սիրել է այս քաղաքն ու Գյումրու մշակույթը, ես պարտավոր եմ շարունակել:

Կկարողանա՞մ իր հիմնաքարերին մի քար ավելի դնել, անսահման ուրախ կլինեմ: Բայց գոնե այնքան, ինչքան թողել է, այդքանի պահպանումն իմ ուսերին է, ես այդ պատասխանատվությունն իր ողջ ծանրությամբ գիտակցում եմ»:

Եվ վերջում՝ ծափեր, երկար, չդադարող, անկեղծ: Հասմիկ Կիրակոսյանին դեպի երկնային հանգրվան Գյումրվա ֆայտոնը նաև ուղեկցեց:

Տպել
3861 դիտում

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել