Լուկաշենկոն առաջին անգամ մեկնաբանել է Ryanair-ի հետ կապված իրավիճակը. պնդումները, սակայն, անմիջապես էլ հերքվում են

Բելառուսի նախագահն առաջին անգամ մեկնաբանել է մայիսի 23-ին Մինսկում հարկադիր վայրէջք կատարած Ryanair ինքնաթիռի հետ կապված իրավիճակը և Nexta տելեգրամ-ալիքի խմբագիր Ռոման Պրոտասևիչի ու նրա ընկերուհու ՝ ռուս  Սոֆյա Սապեգայի կալանավորումը:

Լուկաշենկոյի ելույթը ուղիղ հեռարձակմամբ չի հեռարձակվել: Նրա խոսքերը փոխանցել են բելառուսական լրատվամիջոցները և նախագահականին մոտ կանգնած տելեգրամ ալիքները:

Սկզբում Լուկաշենկոն ասել է, որ ինքնաթիռը ականապատ լինելու մասին ազդանշանը եկել է Շվեյցարիայից, և այս մասին հաղորդագրությունը միաժամանակ հասել է Աթենք, Վիլնյուս և Մինսկ: Շվեյցարիան, սակայն, անմիջապես հայտարարել է, որ ինքնաթիռի վիճակի մասին որևէ տեղեկություն չունի և չի էլ փոխանցել:

Ավելի վաղ Բելառուսի տրանսպորտի նախարարության  պաշտոնյան՝ Արտեմ Սիկորսկին ասել էր, որ օդանավում ականի առկայության մասին հաղորդագրությունը տարածել  են «ՀԱՄԱՍ-ի զինվորները»:

 «ՀԱՄԱՍ-ն է, ՀԱՄԱՍ-ը չէ,  նշանակություն չունի: Անձնակազմը ժամանակ ուներ որոշում կայացնելու: Թռիչքի տարածքում էր  բելառուսական ատոմակայանը, որի մոտ էլ ինքնաթիռը շրջվեց: Եվ եթե հանկարծ մի բան այն չլինե՞ր. Չեռնոբիլը մեզ բավարար չէ՞. իրավիճակին ինչպե՞ս էր արձագանքելու այդ դեպքում ԱՄՆ-ը», - հարցնում է Լուկաշենկոն Pul Pervyi հեռագրային ալիքի հրապարակած տեսանյութում:

Լուկաշենկոն բացատրել է նաև Ryanair- ին ուղեկցելու համար կործանիչ օդ բարձրացնելու անհրաժեշտությունը ատոմակայանի հարևանությամբ: Նախագահն ասել է, որ չէր կարող թույլ տալ, որ ինքնաթիռն ուղղակի  «ընկնի մարդկանց գլխին»: 

Բացի այդ, ըստ Լուկաշենկոյի, Ryanair ինքնաթիռը հարկադիր վայրէջք է կատարել Մինսկում, քանի որ Վիլնյուսի, Վարշավայի, Լվովի և Կիևի օդանավակայանները չէին ցանկացել  ընդունել այն:

BBC- ի ռուսական ծառայությունը հարցում է ուղարկել այս օդանավակայաններին: Կիևի «Ժուլյանի» օդանավակայանից ասել են, որ Ryanair ինքնաթիռից մայիսի 23-ին իրենց հետ չեն կապվել, ահազանգ չի եղել: Նմանատիպ հայտարարություն է տարածել նաև Վարշավայի Ֆրեդերիկ Շոպեն օդանավակայանի ներկայացուցիչը:

«Հենց ինքնաթիռը վայրէջք կատարեց Մինսկում, անմիջապես տարածվեցին մեղադրանքները Արևմուտքից ու դրան հաջորդեց  թռիչքների արգելքը: Նրանք շատ արագ արձագանքեցին, բայց Արևմուտքը հրաժարվեց մասնակցել ինքնաթիռի հետ կապված միջադեպի հետաքննությանը»,- Ալեքսանդր Լուկաշենկոյի խոսքերը մեջբերում է BELTA գործակալությունը:

Բացի այդ, Լուկաշենկան հայտարարել է, որ Բելառուսի և Արևմուտքի միջեւ «հիբրիդային ժամանակակից պատերազմ» է ընթանում: «Մենք նրանց համար մարզադաշտ ենք նախքան Արևելք դուրս գալը: Մեզ հետ փորձարկումներից հետո նրանք կգնան այնտեղ», -նկարագրել է Լուկաշենկոն:

Նա ավելացրել է, որ բելառուսական տելեգրամ հայտնի մի ալիք «արդեն աշխատում է հզոր և հիմնական Ռուսաստանի դեմ» և ցույց է տալիս «արևմտյան ստրատեգների իրական նպատակը»:

Այս խոսքերից հետո Լուկաշենկան խոստացել է հանրաքվե անցկացնել նոր Աահմանադրության վերաբերյալ «ամենաբարձր մակարդակով» ու փոխել Սահմանադրությունը:

Բելառուսի նախագահը մեկնաբանել է նաև եվրոպական շատ ավիաընկերությունների  կողմից Բելառուսի վրայով չվերթ իրականացնելուց հրաժարվելն ու «Բելավիա»-ին եվրոպական երկրների օդային տարածք չթողնելու մասին հայտարարությունները:

Նա նշել է, որ եթե այդ երկրները չեն ցանկանում թռչել անվտանգ Բելառուսի վրայով, թող թռչեն վտանգավոր երկրների օդային  տարածքում: Լուկաշենկոն հավելել է, որ «Բելավիա»-ն թռչելու է Միջերկրական ծովի չեզոք տարածքում ՝ Բալթյան օդում, ու կարող է անգամ «թռչել Հյուսիսային բևեռի վրայով»:

Իր ելույթի ժամանակ Լուկաշենկոն ասել է, որ շուտով Բելառուսը կներկայացնի իր բոլոր ասածների ապացույցները՝ նկատի ունենալով Ռոման Պրոտասևիչին և նրա ընկերուհուն ՝ Սոֆտիա Սապեգային ձերնակալելու մոտիվները:

Պրոտասևիչը, ըստ Լուկաշենկոյի, պատրաստվում էր կազմակերպել «ջարդեր ու արյունալի ապստամբություն» երկրում: «Հիմա թող նրա բազմաթիվ արևմտյան պաշտպանները պատասխանեն այն հարցին, թե ո՞ր հատուկ ծառայության համար է աշխատել այդ մարդը: Ոչ միայն նա, այլև նրա հանցակիցը», - ասաց նա: 

Բելառուսի Հատուկ ծառայությունների ղեկավարն ասել է, որ Պրոտասևիչը ցուցմունք է տալիս «իր հովանավորների ու հաճախորդների» մասին:

Լուկաշենկոյի վարչակազմին մոտ տելեգրամ ալիքներում նախօրեին հայտնվել էին տեսանյութեր, որոնցում Պրոտասևիչը խոստովանում էր անկարգությունների կազմակերպման մասին, իսկ Սապեգան ասում էր, որ ինքը ղեկավարում էր Telegram ալիքը:

Բելառուսը տեղեկացրել է Ռուսաստանի արտգործնախարարությանը, որ ռուս կնոջ՝ Սոֆիա Սապեգային մեղադրանքներ են առաջադրվելու տասն օրվա ընթացքում:

Սոֆիա Սապեգայի փաստաբան Ալեքսանդր Ֆիլանովիչը BBC- ին հայտնել է, որ Բելառուսի քննչական կոմիտեում բողոք է ներկայացրել Սոֆիայի ձերբակալման վերաբերյալ:

Բելառուսի քրեական դատավարության օրենսգրքի համաձայն, բողոքը ենթակա է քննարկման դատարանում `երկու օրվա ընթացքում: