Կիբերհարձակման է ենթարկվել մսի վերամշակման աշխարհի խոշորագույն ընկերությունը. Բայդենը հարցը կքննարկի Պուտինի հետ

Աշխարհի ամենամեծ մսի վերամշակող ընկերությունը ենթարկվել է լայնամասշտաբ կիբերհարձակման: Կոտրել են JBS-ի համակարգչային ցանցերը ՝ ժամանակավորապես դադարեցնելով Ավստրալիայի, Կանադայի և ԱՄՆ-ի որոշ ձեռնարկությունների աշխատանքը, որը հազարավոր աշխատողների համար բացասական հետևանքներ է ունեցել:

Ընկերությունը կարծում է, որ տվյալների փոխանցման ծրագրով աշխատող հարձակումը կատարվել է հանցավոր խմբավորուման կողմից, որը հավանաբար գտնվում է Ռուսաստանում:

Հարձակումը կարող է հանգեցնել մսի պակասորդի կամ սպառողների համար թանկացման: Ծրագրային գրոհի ժամանակ հակերները ներթափանցում են համակարգչային ցանց և սպառնում են խափանել կամ ջնջել ֆայլերը, եթե իրենց պահանջած գինը չի վճարվում:

Սպիտակ տունը հայտնում է, որ ՀԴԲ-ն հետաքննություն է սկսել հարձակման փաստի վերաբերյալ:

«Գատուկ ծառայությունները Սպիտակ տանը տեղեկացրել են, որ փրկագնի պահանջը գալիս է հանցավոր կազմակերպությունից, որը, հավանաբար, գտնվում է Ռուսաստանում», - երեքշաբթի ասել է Սպիտակ տան մամուլի քարտուղար Կարին Ժան-Պիեռը՝ հավելելով, որ Սպիտակ տունն այժմ աշխատում է Ռուսաստանի իշխանությունների հետ այդ հարցի շուրջ: «Հուսով ենք, որ պատասխանատու պետությունները չեն պատսպարում տվյալենրի փրկագին պահանջող հանցագործներին», - ավելացրել է նա:

Ռուսաստանի փոխարտգործնախարար Սերգեյ Ռյաբկովը հաստատել է, որ Բայդենի վարչակազմը կապվել է Մոսկվայի հետ JBS- ի վրա իրականացված կիբերհարձակումը քննարկելու համար:

JBS- ը աշխարհի ամենամեծ մատակարարն է, այն ավելի քան 150 գործարաններ ունի 15 երկրներում:  Ընկերությունը հիմնադրվել է Բրազիլիայում 1953 թ.-ին `անասնապահ Խոսե Բատիստա Սոբրինյոյի կողմից: Ընկերությունում ներկայումս աշխատում է ավելի քան 150,000 մարդ ամբողջ աշխարհում:  Նրա հաճախորդների թվում են աշխարհի խոշորագույն սուպերմարկետները և McDonald's ցանցը: 

ԱՄՆ-ում JBS- ը վերամշակում է տավարի մսի ծավալի գրեթե քառորդ մասը և խոզի մսի հինգերորդը:

Հարձակումից հետո JBS-ից հայտնել են, որ որ այն զգալի վերականգնվել է այսօրվա հարձակումից հետո և հուսով է, որ իր գործարանների ճնշող մեծամասնությունը կգործեն արդեն մեկ օր անց:

Ընկերությունից նշել են, որ հարձակումը հայտնաբերելուն պես կասեցրել է ազդակիր բոլոր ՏՏ համակարգերը, և պահուստային սերվերները չեն վտանգվել:

JBS գործարանի աշխատողների վճարմամբ զբաղվող արհմիությունը ընկերությանը կոչ է արել ապահովել, որ աշխատողները ամբողջությամբ ապահովվեն աշխատավարձով՝ չնայած պարապուրդի:

Ժամանակակից մսի վերամշակման գործարաններում ՏՏ համակարգերն օգտագործվում են մի քանի փուլով, ներառյալ ՝ հաշիվ-ապրանքագրերն ու առաքումը:

Ըստ Beef Central առևտրային խմբի, «Սուպերմարկետները և այլ խոշոր օգտագործողները, ինչպիսիք են McDonald's- ը, կներառվեն ամենաշատ տուժած հաճախորդների շարքում` մատակարարման պակասի պատճառով»:

Ըստ Bloomberg- ի, ԱՄՆ-ում, որտեղ գտնվում են JBS-ի տավարի մսի մշակման 5  խոշոր գործարանները, հարձակման հետևանքով տուժել է արտադրության հինգերորդ մասը: Տուժել են նաև Ավստրալիայի և Կանադայի գործարանները:

Միևնույն ժամանակ, հարձակումը չի ազդել Հարավային Ամերիկայում ընկերության գործունեության վրա:

ԱՄՆ նախագահ Ջոզեֆ Բայդենն ակնկալում է, որ կիբերանվտանգության մասին հարցը կքննարկի Ժնևում Ռուսաստանի առաջնորդ Վլադիմիր Պուտինի հետ հանդիպմանը՝  հաշվի առնելով JBS մսի վերամշակող ընկերության վրա հակերային հարձակումը: Այս մասին այսօր հայտարարել է Սպիտակ տան մամուլի քարտուղար Ջեն Փսակին,  հերթական ճեպազրույցում:

Ավելի վաղ ՌԴ նախագահի մամուլի քարտուղար Դմիտրի Պեսկովը հայտարարել էր, որ Ռուսաստանի Դաշնությունը անհապաղ կքննարկի ամերիկյան կողմի խնդրանքները՝ կապված JBS ձեռնարկությունների վրա հակերային հարձակման հետ, եթե այդպիսի հայցեր ստացվեն: Նա նաեւ նշել է, որ Մոսկվան տեղեկություններ չունի JBS-ի վրա կիբերհարձակումների կազմակերպիչների մասին: 

Փսակին հավելել է, որ ԱՄՆ-ը չի բացառում  JBS- ի վրա հակերային հարձակմանն ի պատասխան քայլերի ձեռնարկումը:

«Ինչ վերաբերում է պատասխան միջոցներ դիտարկելուն, մենք չենք բացառում որևէ տարբերակ այն համատեքստում, թե ինչպես կարող ենք պատասխանել», - ասել է նա՝ պատասխանելով Ռուսաստանի Դաշնության դեմ հնարավոր պատժամիջոցների մասին հարցին: Ըստ Փսակիի՝ հնարավոր միջոցառումների ներքին դիտարկման գործընթաց կա:

«Մենք սպասում ենք, որ այս թեման կքննարկվի ԱՄՆ նախագահ Ջո Բայդենի այցի ընթացքում»: Փսակին չի հստակեցրել, թե ռուսական կողմից ում հետ է հարցը քննարկվելու:

Փսակին ընդգծել է, որ ամերիկյան վարչակազմը կոչ է անում Մոսկվային միջոցներ ձեռնարկել ՝ կանխելու Ռուսաստանում տեղակայված հակերների հարձակումը ԱՄՆ-ի ընկերությունների վրա:

Պուտինի ու Բայդենի երկկողմ հանդիպումը տեղի կունենա Ժնևում`հունիսի 16-ին: