Երևան
13 °C
Նախօրեին տեղեկություններ տարածվեցին, որ Լոռու մարզպետի աշխատասենյակում մարզպետ Արամ Խաչատրյանի կողմից ծեծի է ենթարկվել Օձուն խոշորացված համայնքի ղեկավար Արսեն Տիտանյանը: Ըստ տեղեկությունների՝ մարզպետը կանչել է համայնքապետին և ներկայացրել հրաժարականի դիմում գրելու անօրինական պահանջ, որից հետո պահանջը չկատարելու համար մարզպետարանի շենքում 7-8 մարդու ներկայությամբ նրան ծեծի ենթարկել:
ՀԺ-ն կապ հաստատեց Արսեն Տիտանյանի հետ, որը, սակայն, այդ պահին բուժզննում էր անցնում. «Ես հիվանդանոցում եմ, տեղս այդքան էլ հարմար չէ, խնդրում եմ ավելի ուշ զանգահարեք»,- ասաց համայնքի ղեկավարը՝ նշելով միայն, որ վերահաստատում է՝ ծեծ ու բռնություն իր նկատմամբ իսկապես եղել է:
Օձունի համայնքապետարանի աշխատակազմի ղեկավար Հարություն Գալստյանը մեր զրույցում որոշ մանրամասներ ներկայացրեց, ասաց՝ մարզպետը Տիտանյանից պահանջել է հրաժարականի դիմում գրել: Նա մերժել է, ինչից հետո ֆիզիկական բռնության է ենթարկվել:
Նա պատմեց, որ երեկ՝ հունիսի 22-ին, Տիտանյանը հրավիրվել էր մարզպետարան: Քանի որ ինքն էլ մարզպետարանի տարբեր բաժիններում գործեր ուներ, միասին են գնացել: Մոտ 40 րոպե անց երկրորդ հարկից, որտեղ մարզպետի աշխատասենյակն է, բարձր ձայներ են լսվել: Երբ շտապել է վերեւ, տեսել է, որ Արսեն Տիտանյանն արդեն իջնում է: «Ասաց՝ մարզպետն է իր վրա հարձակվել»,- հետո պարզածը ներկայացրեց Հարություն Գալստյանը: Թե ինչպես է արտահայտվել այդ «հարձակումը», նա մանրամասնել չկարողացավ: Ասաց, որ գյուղապետն այնպիսի վիճակում էր, որ միայն կցկտուր տեղեկություններ է կարողացել փոխանցել: Ասել է, սակայն, որ հետո մարզպետի տեղակալներն են միացել, մարզպետարանի պաշտոնյաներից մեկը հարվածել է իրեն, թե ով, չի հիշում:
«Ինչպես հասկացա, իրավիճակը փրկել է Վանաձորի քաղաքապետը»,- ասաց Գալստյանը: Ըստ նրա՝ քանի որ Վանաձորի քաղաքապետը նույնպես մարզպետարանի ընդունարանում է եղել, ենթադրում է, որ տարբեր ժամերի հրավիրված են եղել տարբեր համայնքների ղեկավարներ:
Օձուն համայնքի ղեկավարին հրաժարականի պահանջ ներկայացվելու բացատրություն-պատճառաբանությունը եւս համայնքապետարանի աշխատակազմի ղեկավարին հստակ հայտնի չէ:
«Պատճառը երեւի թե իրենց կուսակցությանը չանդամակցելն է»,- ենթադրեց նա: Վստահեցրեց, որ հունիսի 20-ի խորհրդարանական ընտրություններին նախորդող ժամանակահատվածում համայնքի ղեկավարի կողմից բնակիչներին ուղղորդելու, նրանց ազատ կամարտահայտման վրա բռնանալու խնդիր չի եղել: Որպես ապացույց՝ Հարություն Գալստյանը ասաց, որ ինքը «Լուսավոր Հայաստան» կուսակցության անդամ է, նրանց կողմից ներկայացված է եղել ընտրական հանձնաժողովի կազմում, կուսակցության ղեկավար Էդմոն Մարուքյանին գյուղում ինքն է դիմավորել քարոզարշավի ժամանակ, բայց որեւէ ճնշման չի ենթարկվել:
Լոռու մարզպետ Արամ Խաչատրյանը, սակայն, ամբողջությամբ հերքում է տարածված տեղեկությունները՝ դրանք որակելով սուտ. «Հանդիպել ենք Օձունի համայնքապետի հետ, նաեւ Վանաձորի քաղաքապետի հետ, բայց այն, ինչ գրում են, իրականությանը չի համապատասխանում»,- մեր զրույցում ասաց մարզպետը: Հարցին՝ հրաժարական չե՞ք պահանջել, ասաց. «Ոչ, ծեծկռտուք ու վիճաբանություն էլ չի եղել»:
Ըստ տեղեկությունների՝ մարզպետը հանդիպման է կանչել, ապա նաեւ հրաժարականի դիմումներ պահանջել Նոր Խաչակապ եւ Ղուրսալի համայնքների ղեկավարներից. «Ես ոչ մեկից ոչ մի բան չեմ պահանջել, ո՛չ հրաժարական, ո՛չ բան… սուտ տեղեկություններ են»: Տեղեկությունը մեր զրույցում հերքեցին նաեւ համայնքի ղեկավարները:
Վանաձորի քաղաքապետ Մամիկոն Ասլանյանն էլ մեր զրույցում հաստատեց՝ նախօրեին ինքը եւս հանդիպել է Լոռու մարզպետի հետ, սակայն որեւէ վիճաբանություն, որեւէ խոսակցություն իր հետ չի եղել. «Ինձ հետ կապված որեւէ խոսակցություն, որեւէ խնդիր չկա: Ես կարող եմ օր ու մեջ հանդիպելԻմ հրաժարականը ոչ մեկը նախ չի կարա պահանջի, եւ հետո, նման խոսակցություն, անգամ ակնարկ չի եղել»,- ասաց Վանաձորի քաղաքապետը՝ նշելով, սակայն, որ մարզպետի եւ Օձունի համայնքապետի միջեւ տեղի ունեցած վիճաբանությանը ինքը ներկա չի եղել, չի տեսել. «Ես ներկա չեմ եղել բուն վիճաբանությանը»:
Գլխավոր դատախազության հանրային կապերի բաժնի պետ Արեւիկ Խաչատրյանը ՀԺ-ի հետ զրույցում տեղեկացրեց, որ դեպքի առթիվ հարուցվել է քրեական գործ ՀՀ քրեական օրենսգրքի 309 հոդվածի 2-րդ մասի հատկանիշներով (Պաշտոնեական լիազորություններն անցնելը, որը զուգորդվել է բռնություն գործադրելով՝ պատժվում է ազատազրկմամբ՝ երկուսից վեց տարի ժամկետով):
Հիշյալ միջադեպին այսօր Գյումրիում անդրադարձավ նաև ՀՀ փոխվարչապետի պաշտոնակատար Տիգրան Ավինյանը՝ նշելով, որ միջադեպի մասին տեղյակ է, սակայն մանրամասներին չի տիրապետում: Ըստ Ավինյանի՝ Հայաստանի իշխանությունները երբեք չեն խրախուսել և չեն խրախուսելու իրենց քաղաքական ընդդիմախոսների նկատմամբ բռնությունները:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ