ԱՄՆ-ի իշխանությունները ստուգում են Թրամփի նախկին փաստաբանի կապը Թուրքիայի հետ

ԱՄՆ իշխանությունները հետաքննում են նախկին նախագահ Դոնալդ Թրամփի նախկին փաստաբան Ռուդոլֆ Ջուլիանիի հնարավոր ներգրավվածությունը Թուրքիայի շահերի լոբբինգում:

Այս մասին երեքշաբթի օրը հաղորդել է Bloomberg գործակալությունը՝ վկայակոչելով իր աղբյուրները:

Bloomberg-ի փոխանցմամբ, ԱՄՆ արդարադատության նախարարությունը ավելի քան մեկ տարի հետաքննում է, թե արդյոք Ջուլիանին 2017 թվականին ազդեցություն է ունեցել Թրամփի որոշ քայլերի վրա, ըստ գործակալության: Մասնավորապես, ամերիկյան իշխանություններին հետաքրքրում է այն հարցը, թե արդյոք նա ցանկանում է հետ վերցնել փողերի լվացման մեղադրանքները ԱՄՆ-ում իր հաճախորդներից մեկի ՝ թուրք ոսկու վաճառական Ռեզա Զարրաբի դեմ:

Բացի այդ, Ջուլիանին իբր փորձել է ստիպել Թրամփին ԱՄՆ-ից արտաքսել Թուրքիայում պետական հեղաշրջման փորձի մեջ մեղադրվող Ֆեթուլլահ Գյուլենին, որը տևական ժամանակ է՝ ապաստանել է ԱՄՆ-ում:

Գործակալությունն ընդգծում է, որ նախկինում հայտնի չէր հետաքննության մասին, որը դեռ քրեական բնույթ չունի` ի տարբերություն Ուկրաինայի հետ կապված գործի: Գործակալության տվյալներով, այն իրականացվում է քրեական հետաքննությունից զատ  սկսված լոբբիստական գործունեության հետ կապված, որը, իբր, Թրամփի փաստաբանը կարող էր իրականացնել Ուկրաինայում:

Ջուլիանին հերքել է լոբբինգը Թուրքիայի կամ Ուկրաինայի շահերի համար, իսկ կառավարությունը նրան չի մեղադրել անօրինականության մեջ՝ այս գործերից որևէ մեկի շրջանակում: Թուրքական հետաքննության դեպքում, եթե կառավարությունը որոշում կայացնի, որ Ջուլիանին գործում է արտաքին շահերի համար, կարող է նամակով պահանջել, որ վերջինս գրանցվի որպես լոբբիստ, ինչպես նաև բացահայտի Զարրաբի և ամերիկացի ու թուրք պաշտոնյաների հետ ունեցած շփումների բոլոր մանրամասները:

ԱՄՆ-ի Արդարադատության նախարարությունը հրաժարվել է մեկնաբանություն տալուց: Ջուլիանիի փաստաբանը նույնպես հրաժարվել է գործոց մանրամասներ հայտնելուց:

2019-ին Նյու Յորքի Հարավային շրջանի գլխավոր դատախազության գրասենյակը մեղադրանք առաջադրեց ամերիկացի չորս ձեռնարկատերերի, որոնք Ջուլիանիի գործընկերներն էին: Լեվ Պառնասը, Իգոր Ֆրումանը, Անդրեյ Կուկուշկինը և Դեյվիդ Կորեան ենթադրաբար խախտել են օրենքները, որոնք արգելում են արտասահմանյան միջոցների ներգրավումը ԱՄՆ-ում նախընտրական արշավները ֆինանսավորելու համար: Բացի այդ, նրանք, ենթադրաբար, որպես միջնորդներ գործունեություն են ծավալել լոբբիստական արշավների շրջանակներում: Պառնասը և Ֆրումանը կասկածվում են Ուկրաինայում ամերիկյան դեսպանի պաշտոնից Մարի Յովանովիչին հեռացնելու փորձեր կատարելու մեջ՝ ելնելով ուկրաինացի մի պաշտոնյայի շահերից:

Ջուլիանին ուշադրության կենտրոնում հայտնվեց  այն բանից հետո, երբ Վաշինգտոնում 2019-ի սեպտեմբերին խոշոր սկանդալ բռնկվեց՝ կապված Թրամփի կողմից Ուկրաինայի նախագահ Վլադիմիր Զելենսկիի նկատմամբ ճնշում գործադրելու մասին հեռախոսազանգի հետ: Նշվում էր, որ այդ զանգի ժամանակ փորձ է եղել պայմանավորվածություն ձեռք բերել Կիևի կողմից Վաշինգտոնի վարչակազմի ղեկավարին երկրորդ ժամկետով վերընտրվելու համար:

Առաջարկվում էր, որ ամերիկացի առաջնորդը, Ջուլիանիի օգնությամբ, ուկրաինացի իր գործընկերոջից խնդրի հետաքննել ԱՄՆ ներկայիս նախագահի՝ դեմոկրատ Ջո Բայդենի որդու գործողությունները՝ Կիևին ֆինանսական և ռազմական օգնություն տրամադրելու դիմաց: ԱՄՆ Կոնգրեսի Ներկայացուցիչների պալատը, որը վերահսկում է Դեմոկրատական կուսակցությունը, նման կասկածների հիման վրա հայտարարել էր հանրապետական Թրամփի նկատմամբ իմպիչմենթի վարույթ սկսելու մասին, որի ընթացքում, ի վերջո, նա արդարացվել էր:

Իրանի անունից միլիարդավոր դոլարների լվացումով զբաղված Ռեզա Զարրաբը տարիներ առաջ դատարանին հայտնել էր, որ բարձրաստիճան մի թուրք պաշտոնյա իրեն ասել է, թե Թուրքիայի այդ ժամանակահատվածի վարչաօետ Էրդողաննա անձամբ է ստորագրել այդ գործում 2 թուրքական բանկերի ներգրավված լինելու մասին ծրագիրը:

Զարրաբը նշել է, որ այդ օրերի Թուրքիայի էկոնոմիկայի նախարար Զաֆեր Չաղլայանն իրեն ասել է,  որ Էրդողանը համաձայնել է «Ziraat»-ի հետ աշխատանքին՝ նկատի ունենալով Ziraat Bankasi բանկի միջոցով փողերի լվացման գործընթացը:

Ռեջեփ Թայիփ Էրդողանը Թուրքիայի նախագահն է եղել 2003-2014 թվականներին՝ նախքան  ուղիղ քվեարկությամբ երկրի նախագահ դառալը:

The New York Times–ն էլ հայտնում է, որ Ուկրաինայի հետ կապված գործով հստակեցվել է՝ ԱՄՆ Պետդեպարտամենտը օգնել է նախագահ Դոնալդ Թրամփի փաստաբան և Նյու Յորքի նախկին քաղաքապետ Ռուդոլֆ Ջուլիանիին հանդիպել Ուկրաինայի նոր վարչակազմի ավագ ներկայացուցչի հետ: