Ռադիկ Մարտիրոսյանը հակադարձում է՝ ԳԱԱ նախագահի ընտրությունը տեղի է ունեցել առանց խախտումների

Գիտությունների ազգային ակադեմիայի նախկին նախագահ, գործող նախագահի խորհրդական Ռադիկ Մարտիրոսյանը, արձագանքելով ԳԱԱ նախագահի թեկնածուներից Լենսեր Աղալովյանի այն պնդմանը, թե հունիսի 28-ին ԳԱԱ նախագահի ընտրությունը տեղի է ունեցել կոպիտ խախտմամբ, նշում է, որ ընտրությունը տեղի է ունեցել գործող իրավական փաստաթղթերի հիման վրա՝ առանց խախտումների:

«ԳԱԱ մասին օրենքը եւ ԳԱԱ կանոնադրությունը (երկուսն էլ ընդունվել են Ռադիկ Մարտիրոսյանի նախագահության օրոք՝ 2011 թվականին-խմբ.) Կառավարության կողմից հաստատված փաստաթղթեր են, եւ ընտրությանը շարժվել ենք գործող իրավական փաստաթղթերով»,- նշեց Ռադիկ Մարտիրոսյանը:

Հիշեցնենք, որ ակադեմիկոս Լենսեր Աղալովյանը մեր զրույցում նշել էր, որ ընտրությունը տեղի էր ունեցել մի շարք խախտումներով: Մասնավորապես նա խախտում է համարում ԳԱԱ նախագահի ընտրության այն կարգը, ըստ որի՝ եթե առաջին փուլում թեկնածուներից ոչ ոք չի հավաքում ընտրությանը մասնակցողների ձայների պարզ մեծամասնությունը, ընտրության երկրորդ փուլ է անցնում այն մեկ թեկնածուն, որը ստացել է ընտրության մասնակիցների առավելագույն ձայները: Այս կարգը, սակայն, Աղալովյանի պնդմամբ, երկրորդ փուլի անցկացման տրամաբանությունը իմաստազրկում է։ Ու բացի դրանից՝ կարգը ժամանակին հաստատվել է միայն նախագահության որոշմամբ եւ չի ներկայացվել ԳԱԱ կառավարման բարձրագույն մարմնի՝ Ընդհանուր ժողովի հաստատմանը, որը եւս Լենսեր Աղալովյանը համարում է խախտում։

Ռադիկ Մարտիրոսյանի խոսքով՝ ԳԱԱ նախագահի ընտրության կարգը հաստատելը միայն նախագահության գործառույթների մեջ է, իսկ Ընդհանուր ժողովն ունի այլ գործառույթներ, այդ թվում՝ նախագահության հաշվետվության հաստատելը կամ չհաստատելը: Նրա խոսքով՝ Ընդհանուր ժողովը գումարվում է տարին առնվազն մեկ անգամ, ու Ընդհանուր ժողովում հաստատելով նախագահության հաշվետվությունը, ավտոմատ կերպով հաստատվել է նաեւ այդ կարգը: Այսինքն՝ Ռադիկ Մարտիրոսյանի խոսքով՝ նախագահության գործառույթների միջոցով այդ կարգն իհարկե հաստատվել է Ընդհանուր ժողովում:

«Կանոնադրությունը հաստատվել է 2011 թվականին, հաստատվելուց հետո այն դրվել է կայքում, գաղտնի չէ: Աբսուրդը նրանում է, որ նա (նկատի ունի Լենսեր Աղալովյանին-խմբ.) ինձ հետ մասնակցել է նաեւ 2011 թվականի ընտրություններին, որը տեղի է ունեցել համաձայն այս կարգի: Այս դեպքում ասել, թե կարգին ծանոթ չեմ եղել, ես դա չեմ հասկանում. ուրեմն ակադեմիկոսը մասնակցում է ընտրություններին եւ չգիտի՞ այդ կարգի մասին»,- ասաց Ռադիկ Մարտիրոսյանը:

Լենսեր Աղալովյանի այն պնդմանը, թե նախագահի վերջին ընտրության նիստը վարող Ռադիկ Մարտիրոսյանը  պարտավոր էր ընթերցել կարգը, որը, սակայն, չի արել, ակադեմիայի նախագահի խորհրդականը արձագանքեց հետեւյալ կերպ.

«Կարգը ընթերցելը նշանակում է, թե ես նիստից առաջ օրենքը ծայրից ծայր պիտի կարդա՞մ. ի՞նչ իմաստ ունի դա, եթե այն 2011 թվականից չի բողոքարկվել, չի քննադատվել: Ակադեմիայի ցանկացած անդամ պետք է այդ երկու իրավական ակտերն ընթերցի, իմանա, թե ինչ իրավունքներ, ինչ պարտականություններ ունի. ի՞նչ է նշանակում կարգը բացատրել, դպրո՞ց է, մանկապարտե՞զ է, ի՞նչ է»,- ասաց Մարտիրոսյանը, ապա պատասխանեց, թե ինչու Լենսեր Աղալովյանի առաջարկով հարցը չի ներառվել օրակարգում.

«Հարցն օրակարգ մտցնելու համար մարդիկ պիտի նախօրոք, ոչ թե այդ ժողովի ընթացքում դիմեին, եւ օրակարգում կարելի է ավելացնել հարց, որի իրավասությունն ունի քննարկելու տվյալ ինստիտուտը»:

Հարցրինք նաեւ, թե ինչն էր պատճառը, որ 2011 թվականին փոփոխվել է երկրորդ փուլի տրամաբանությունը, որի վերաբերյալ Ռադիկ Մարտիրոսյանը ասաց հետեւյալը.

«Դուք հիմա ինձ ասում եք՝ ես հիմնավորեմ, թե 10 տարի առաջ ինչու ենք այդ փոփոխությունը մտցրել: 10 տարի առաջ մեր կանոնադրության մեջ միայն այդ կետը չի փոփոխվել. փոփոխություններ շատ են եղել, որովհետեւ նախորդ տարիների կանոնադրությունների մեջ թերություններ շատ կային: Այդ բոլոր փոփոխություններն արտացոլվեցին նոր կանոնադրության մեջ»։

ԳԱԱ նախագահի խորհրդականը հերքեց Լենսեր Աղալովյանի այն նկատառումը, թե նախագահի ընտրության կարգում վերոնշյալ եւ ԳԱԱ կանոնադրության մեջ այլ փոփոխություններն արվել են՝ հետագայում իր համար հենարաններ ապահովելու նպատակով:

Որպես հիմք նա բերեց դեռ 2006 թվականի ընտրությունը, երբ ինքը նախագահ էր ընտրվել միանգամից, մեկ փուլով։ Խոսելով հաջորդ՝ 2011 թվականի ընտրությունների մասին, նա ընդգծեց, որ այդ ընտրության ժամանակ ինքը ստացել է 102 կողմ ձայն, իսկ թեկնածու Լենսեր Աղալովյանը՝ 34 կողմ ձայն:

«Եթե ես 4 անգամ ավելի ձայն եմ ստացել մի ընտրության ժամանակ, ինձ պե՞տք էր ինչ-որ բաներ փոխել: Արդյունքը գնահատում են ոչ թե բառերով, արդյունքը գնահատում են թվերով»,- ասաց նա:

Ռադիկ Մարտիրոսյանը չհերքեց, որ ինքն ու նորընտիր ԳԱԱ նախագահ Աշոտ Սաղյանը մտերիմ ընկերներ են:

«Ես այդտեղ վատ բան չեմ տեսնում, որ մտերիմ ու միեւնույն ժամանակ լավ մարդիկ ընտրվեն»,-ասաց նա։

ԳԱԱ նախագահի խորհրդականը նշեց նաեւ, որ նիստի ընթացքում ինքը փոքր հաշվետվություն է ներկայացրել, եւ կադրերի երիտասարդացման հարցի ներկայացման ժամանակ ասել է, որ այսօր շատ կարևորում է այդ խնդիրը:

Հարցին, թե սա ուղիղ հրահա՞նգ չէ ընտրությունից անմիջապես առաջ ընտրելու ամենաերիտասարդ թեկնածուին՝ Աշոտ Սաղյանին, Ռադիկ Մարտիրոսյանի փոխարեն արձագանքեց ակադեմիայի թղթակից անդամ Հրանտ Մաթեւոսյանը, որը ներկա էր մեր զրույցին:

Նա բացառեց այդ հանգամանքը՝ նշելով, որ զեկույցից հետո ելույթներ ունեցան շատ ակադեմիկոսներ, որոնք եւս խոսեցին կադրերի երիտասարդացման անհրաժեշտության մասին:

Ռադիկ Մարտիրոսյանը հավելեց, որ ակադեմիայի վերադաս օրգանը ԿԳՄՍ նախարարությունը չէ, այլ Կառավարությունը, ուստի կրթության նախարարությունն իրավասություն չունի ընտրության երկրորդ փուլ կամ նախագահի նոր ընտրություն նշանակելու, ինչի պահանջով նախարարություն է դիմել Լենսեր Աղալովյանը: Անդրադառնալով ակադեմիայի հետագա զարգացմանն ուղղված ծրագրերին՝ Ռադիկ Մարտիրոսյանը նշեց, որ նորընտիր նախագահի հետ միասին աշխատում են ակադեմիայի զարգացման տեսլականի, ռազմավարության մշակման վրա, եւ բոլոր ուժերը կենտրոնացնելու են՝ գիտությունը երիտասարդների համար գրավիչ դարձնելու համար:

Առաջիկա տարիներին աշխատելու են գիտահետազոտական ուղղությունների ներուժի օպտիմալացման վրա, վերանայելու են այն գերակա ուղղությունները, որոնք անհրաժեշտ են մեր պետության համար, մեծ ուշադրություն են դարձնելու կադրերի երիտասարդացման հարցին:

«Հայկական Ժամանակ»-ը Telegram-ում
Տպել
2347 դիտում

Այլևս ոչ ոք չի փորձի ուժով Սյունիքի միջանցք բացել, հետևաբար, հայ-ադրբեջանական պատերազմ այլևս չի լինի. Սարգսյան

Եթե պետք եղավ, պետք է փոխանակում իրականցվի, տրամաբանությամբ, որ 29 հզր 743 քառ կմ-ը տարածքը անխախտելի մնա

Ադրբեջանում անազատության մեջ գտնվող մեր հայրենակիցների թեման բարձրացրել ենք ամենաբարձր մակարդակում. վարչապետ

Գերմանիան ողջունել է խաղաղության համաձայնագրի նախաստորագրումը և հնարավորինս շուտ ստորագրելու կոչ արել

Խաղաղության համաձայնագիրը օգոստոսի 8-ին նախաստորագրվել է. այն կողմերի համար ընդունելի է, անփոփոխելի․ վարչապետ

Սպիտակ տունը տեսանյութ է հրապարակել Թրամփ-Փաշինյան-Ալիև հանդիպումից

ԱՄՆ-ում ստորագրված փաստաթղթերը ՀՀ-ի համար աշխարհի հետ նոր դիրքերից հարաբերվելու բացառիկ հնարավորություն են

ՀՀ-Ադրբեջան ստորագրված համաձայնագրերը նշանակալի առաջընթաց են բազմամյա հակամարտության դադարեցման գործում. ԵՄ

Երևանում քամին ավերածություններ է գործել. լուսանկարներ

Սյունիքի մարզը եղել է և կշարունակի մնալ ՀՀ-ի մաս. վարձով տարածք տալու մասին խոսք լինել չի կարող. վարչապետ

Հարավային Կովկասի համար ստեղծվել է պատմական հնարավորություն. Թուրքիան ողջունել է ստորագրված հռչակագիրը

ՀՀ-ԱՄՆ կառավարությունների միջև ԱԲ և նորարարական գործընկերության մասին փոխըմբռնման հուշագիր է ստորագրվել

Գործ ունենք մի շրջադարձային նշանակության պայմանավորվածության հետ, որից հրաժարումը ոչ մի կողմի համար օգտավետ չէ

Խաղաղությունը իրականություն է. ստորագրված փաստաթղթերը կնպաստեն ՀՀ-ի և տարածաշրջանի զարգացմանը. Հարությունյան

ԱԳՆ-ն հայտնել է՝ երբ կհրապարակվի համաձայնագրի նախաստորագրված տեքստը

Մենք անցյալում ունեցած պատմությունից ավելի լավ պատմություն գրելու համար հիմքեր ենք դնում. Նիկոլ Փաշինյան

Թրամփն ու Պուտինը կհանդիպեն Ալյասկայում. օրը հայտնի է

Դոնալդ Թրամփը հյուրընկալել է ՀՀ-ի և Ադրբեջանի ղեկավարներին. Սպիտակ տունը լուսանկար և գրառում է հրապարակել

Վարչապետը հրապարակել է Վաշինգտոնում ստորագրված Հռչակագրի տեքստը

Վաշինգտոնյան համաձայնագրերով ամրապնդեցինք ՀՀ ինքնիշխանությունը և տարածքային ամբողջականությունը. ԱԽ քարտուղար

Փոխադարձության սկզբունքը ենթադրում է, որ ՀՀ-ն ու Ադրբեջանը օգտագործելու են միմյանց ճանապարհները. Հովհաննիսյան

Ապագան այսօր է. փառք նահատակներին, և կեցցե՛ Հայաստանի Հանրապետությունը. Նիկոլ Փաշինյան

Ապագա կա Հայաստանում, և ստորագրված փաստաթղթերն այդ ապագան դարձնում են կանխատեսելի, խաղաղ, անվտանգ. Ղազարյան

Դու արեցիր այն, ինչը մյուսները չկարողացան, չուզեցան, չփորձեցին, վախեցան. Ալեքսանյանը՝ Նիկոլ Փաշինյանին

Գուցե վարչապետ Փաշինյանի հետ պայմանավորվենք և Թրամփին Խաղաղության Նոբելյան մրցանակի համար առաջադրենք. Ալիև

Ինչ փաստաթղթեր են ստորագրել Հայաստանի և Միացյալ Նահանգների կառավարությունները

Սա լրջագույն գործարք է, որ կնքեցինք, սա հաջողություն է մեր երկրների, տարածաշրջանի և աշխարհի համար. վարչապետ

Խաղաղության համաձայնագրի նախաստորագրումը կբացի նոր դարաշրջան. Նիկոլ Փաշինյան

Հայաստանն ու Ադրբեջանը հանձն են առնում հավերժ դադարեցնել ցանկացած կռիվ. Թրամփ

Հայաստանը ունենալու է նոր ատոմակայան, և ԱՄՆ-ն մեզ օգնելու է այդ հարցում. Իոաննիսյան

Թրամփ-Փաշինյան հանդիպմանը 3 կարևոր փաստաթուղթ է ստորագրվել. Խանդանյանը մանրամասնել է

Կհարգվի ՀՀ տարածքային ամբողջականությունը, նախագիծը կիրականացվի ՀՀ օրենսդրության շրջանակում

Գիտե՞ք՝ ինչ օր է Օգոստոսի 8-ը՝ «միջանցք»-ի վրա գերեզմանաքար դնելու օր. Հակոբյան

Վաշինգտոնում ամրագրվեց տարածաշրջանի պատմական շրջադարձի ելակետը. Բաբաջանյան

Փաշինյան-Թրամփ հանդիպումն ավարտվել է. տեղի է ունեցել փաստաթղթերի ստորագրում

Նրանք ասելու են, որ «Միջանցք» են տվել, որպեսզի ձեր մեջ զայրույթ առաջացնեն. էդպես հեշտ է կառավարել. Մինասյան

Սպիտակ տանը մեկնարկեց վարչապետ Փաշինյանի և նախագահ Թրամփի հանդիպումը

Նիկոլ Փաշինյանը ժամանեց Սպիտակ տուն. տեսանյութ

Անդրադարձ է եղել նաև ամերիկյան նոր խոշոր տեխնոլոգիական ընկերությունների մուտքը ՀՀ հնարավոր դարձնել. նախարար

«Թրամփի ուղու» նույնականացումը Նոյեմբերի 9-ի 9-րդ դրույթի հետ անհեթեթ է. Գայանե Աբրահամյան