Երեւան են բերվել հավելվածով աշխատող վճարովի սամակատներ. ինչպես կարելի է օգտվել դրանցից եւ որ տարիքից սկսած

Վերջին շրջանում Երեւանի կենտրոնական հատվածներում հաճախ կարելի է հանդիպել կայանած ինքնագլորների կամ, ինչպես շատերին է հայտնի, սամակատների: Պարզվում է՝ դրանք վարձույթով են տրվում:

Կողպեքով փակած, թեթեւ ու գունեղ ինքնագլորները տեսնելիս մարդիկ արդեն շատ չեն զարմանում, քանի որ նմանատիպ մի ծրագիր էլ հեծանվային շեյրիգն էր ժամանակին, որը, ի դեպ, բավականին տարածում գտավ:

Այնուամենայնիվ, ինքնագլորով երթեւեկությունը, այն էլ՝ 1 րոպեն ընդամենը 30 դրամով, նորություն է մեր քաղաքում: Ինքնագլորի բռնակի հատվածում փակցված է հուշող ցուցանակ, թե ինչպես սկսել երթեւեկությունը: Նախ, հարկավոր է ներբեռնել Jet-e-scooter հավելվածը, ապա կցել բանկային քարտը, այնուհետեւ սկանավորելով ղեկի վրայի QR կոդը, մեկնարկել երթեւեկությունը:

Ուղեւորությունը կարելի է վերջացնել քարտեզի վրա նշված ցանկացած կանգառում, որոնք, ի դեպ, առաջիկայում դեռ ավելանալու են, քանի որ առայժմ չեն տանում դեպի մայրաքաղաքի բոլոր հատվածներ: Մեր քաղաքացիներն առայժմ կարող են երթեւեկել միայն քաղաքի կենտրոնական հատվածներում եւ մասամբ էլ Արաբկիրում. ամբողջ վարչական շրջանում դեռ հասանելի չէ:

Jet.am ընկերության ներկայացուցիչ Գոռ Մելքոնյանը «Հայկական ժամանակի» հետ զրույցում հայտնեց, որ հոկտեմբերի 7-ից են սկսել տեղադրման աշխատանքները. եվրոպական մի շարք քաղաքներում էին տեսել ինքնագլորներն ու շատ հավանել: Երթեւեկության նման մշակույթ Հայաստան բերելու գաղափարը դեռեւս երկու տարի առաջ էր առաջացել, սակայն համավարակը խանգարել էր դրա իրագործմանը:

«Քանի որ Երեւանը եւս զբոսաշրջային բավականին ակտիվ քաղաք է, մտածեցինք, որ մեզ մոտ էլ դա կաշխատի, ամեն դեպքում: Մեր քաղաքացիները մեծ ոգեւորությամբ են արձագանքել այս նորույթին»,- ասաց ընկերության ներկայացուցիչը:

Այս պահին ունեն 200-ից ավելի ինքնագլոր, բայց նախատեսում են հասցնել մինչեւ 1500-ի եւ ծառայությունը գործարկել նաեւ Հայաստանի այլ քաղաքներում եւս: Իսկ թե ո՞ր քաղաքները կընտրվեն, ու քանի՞ ինքնագլոր կտարվի այդտեղ, Մելքոնյանը դժվարացավ դեռ ասել:

Ըստ մեր զրուցակցի՝ եվրոպական մոդելից չի շեղվում նաեւ հավելվածից օգտվող անձանց տարիքային շեմը: Այն նախատեսված է 16-ից բարձր անձանց համար: Մինչեւ 18 տարեկան պատանիներն ինքնագլորն օգտագործում են հաճույքի համար, ուսանողների շրջանում այն օգտագործվում է որպես տրանսպորտային միջոց: Օգտվում են նաեւ 40-ից բարձր տարիքի անձինք. այս դեպքում ինքնագլորը միանշանակ ծառայում է որպես տրանսպորտային միջոց:

«Ընդհանրապես Եվրոպայում սա կոչվում է վերջին կանգառի տրանսպորտ: Այսինքն՝ մեքենայով կամ մետրոյով մոտենում են ինչ-որ կանգառի, հետո այդ վերջին կետը, որն արդեն տունն է կամ աշխատավայրը, գնում են սամակատով»,- ասաց նա:

Երթեւեկության առավելագույն արագությունը 25 կմ ժամ արագությունով է սահմանափակված: Դեռեւս վթարներ չեն ունեցել: Եթե այսպես շարունակվի, արագությունը չեն իջեցնի, իսկ եթե օգտվողների թվի մեծացման հետ մեկտեղ տեսնեն, որ դրանք ուղեւորահոսքին են խանգարում կամ վթարների պատճառ դառնում, միանշանակ սահմանված արագությունը կնվազեցնեն:

Մելքոնյանից նաեւ հետաքրքրվեցինք՝ արդյոք խնամքո՞վ են օգտագործում մեր քաղաքացիներն ինքնագլորները: Պարզվեց՝ եվրոպական քաղաքների համեմատ մեզ մոտ ավելի խնամքով են վերաբերվում, սակայն այստեղ էլ են բացառություններ լինում, եւ, չնայած դեռ մեկ ամիսն էլ չի լրացել, ինչ այդ հավելվածից են օգտվում, արդեն ե՛ւ գողության, ե՛ւ վանդալիզմի դեպքեր են արձանագրվել:

«Գողության մեկ դեպք ենք ունեցել, առաջին շաբաթում էր: Դեռահաս մի տղա էր: Հայտնաբերելուց հետո, իհարկե, նա ոչ մի խնդիր չունեցավ, քանի որ մենք ընթացք չտվեցինք, բայց հասկացավ, որ չի կարելի մյուս անգամ: Կոտրել էր GPS-ն ու տարել, որ բակում վարի»,- պատմեց նա:

Ինքնագլորների վրա երկու GPS կա, մեկը տեսանելի է, մյուսը՝ ոչ, այնպիսի տեղում է, որ անգամ կոտրելով չեն կարող անջատել: Վերջում, միեւնույն է, իրավապահները գտնելու են:

«Դիտավորյալ վնասման երկու դեպք ենք ունեցել. էկրանը բանալիով վնասել էին, ընկնելուց չէր կարող նման կերպ վնասվել: Բայց ոչինչ, ըմբռնումով ենք մոտենում մեր քաղաքացիներին, քանի որ նման դեպքերը շատ քիչ տոկոս են կազմում»,- ասաց Գոռ Մելքոնյանը՝ նկատելով՝ հույս ունեն, որ մյուս վարչական շրջաններում եւս անփույթ վերաբերմունք չի լինի:

Հաջորդ կետը, որտեղ նախատեսվում է, Արաբկիր վարչական շրջանն է ամբողջությամբ, ապա՝ Աջափնյակը:

Էլեկտրական այս ինքնագլորները Հայաստան բերելու նպատակն է մաքուր, մատչելի եւ արդյունավետ տեղաշարժվելու հնարավորություն ընձեռել յուրաքանչյուր քաղաքացու, դարձնել մարդկանց առողջ ապրելակերպի եւ առօրյայի մաս: Գոռ Մելքոնյանը նաեւ շեշտեց՝ ինքնագլորով երթեւեկելն անհամեմատ մատչելի է:

Հայաստանյան շուկա են մուտք գործել միջազգային Jet ընկերության միջոցով, որը, հիիմնադրվելով Ղազախստանում, արդեն տարածում է գտել եւ գործում է նաեւ Ուկրաինայում, Բելառուսում, Սերբիայում եւ Հայաստանում:

Մելքոնյանը նաեւ հայտնեց՝ ինքնագլորները տարբեր հատվածներում տեղակայելու նպատակով Երեւանի քաղաքապետարանի հետ բանավոր պայմանավորվածություն են ձեռք բերել: Մասնավոր տարածքներում ինքնագլորը չեն կարող թողնել, դրա համար էլ հատուկ քարտեզագծով ցույց են տրված հանրային թույլատրելի հատվածները:

Տպել
5504 դիտում

Նոր Արմավիր գյուղի տներից մեկում հրդեհ է բռնկվել․ դեպքի վայրում է հրշեջ-փրկարարական ջոկատների երեք մարտական հաշվարկ

Հովտաշատում օծվել է Արցախյան պատերազմում զոհվածների հիշատակը հավերժացնող խաչքար (տեսանյութ)

Ընդդիմությունը ցանկալին ներկայացնում է իրականություն․ ՏԻՄ ընտրությունը չի կարող համեմատվել համապետական ընտրության հետ

Ստեփանավանի ոլորաններ կոչվող հատվածում, Վանաձոր-Դիլիջան և Արթիկ-Ալագյազ ավտոճանապարհներին տեղ-տեղ առկա է մերկասառույց

Պատրաստակամ ենք ընդլայնել համագործակցությունը․ Նարեկ Մկրտչյանն ընդունել է ՄԱԿ-ի մանկական հիմնադրամի ներկայացուցչին

Դոլարն ու եվրոն թանկացել են․ Կենտրոնական բանկը սահմանել է նոր փոխարժեքներ

Իջևան-Դիլիջան ճանապարհահատվածում բեռնատարն ու թեթեւ մարդատարը բախվել են․ բեռնատարի վարորդը հոսպիտալացվել է

Հայաստանում անցկացվել է անվասայլակներով բասկետբոլի ու հաշմանդամություն ունեցող անձանց սեղանի թենիսի առաջնությունը

Բուհ ընդունվելու համար դիմորդներն այսուհետ կհանձնեն երկու միասնական քննություն. բանավոր քննությունները հանվել են

Ընտրապայքարն ավարտված է, և առանց ժամանակ կորցնելու պետք է լծվենք մեր համայնքի շենացման գործին․ Արամ Խաչատրյան

Երևանի ամենատարեց ծառերն անձնագրեր կստանան (տեսանյութ)

Ամենայն հայոց կաթողիկոսն ընդունել է Կաթողիկե հայոց պատրիարքին, անդրադարձել հայ ժողովրդի առջև ծառացած մարտահրավերներին

Խախտումներ են հայտնաբերվել Էրեբունի և Նուբարաշեն վարչական շրջանների տրանսպորտային միջոցներում

Անցկացվել է մարտական հերթապահության մեկնող անձնակազմի շարային ստուգատես

ՀՀ-ում կորոնավիրուսի դեմ ավելի շատ տղամարդիկ են պատվաստվել, քան կանայք

Ստանիսլավսկու անվան պետական ռուսական դրամատիկական թատրոնը Տաշքենդում մասնակցում է երիտասարդական թատերական ֆորումին

Քաղաքական խորհրդակցություններ են կայացել Հայաստանի և Ֆինլանդիայի արտաքին գործերի գերատեսչությունների միջև

Ողբերգական դեպք Գեղարքունիքի մարզում, հայտնաբերվել է Ակունք գյուղի բնակչի հոշոտված դին․ shamshyan

24 հարց՝ դեկտեմբերի 7-ին գումարվող հերթական նիստերի օրակարգի նախագծում

Արմեն Սարգսյանը ցավակցական հեռագիր է հղել ԱՄՆ նախկին սենատոր և նախագահի թեկնածու Ռոբերտ Դոուլի մահվան կապակցությամբ

ՀՀ յուրաքանչյուր պետական այր որևէ տառ արտասանելուց առաջ պետք է լավ գիտակցի իր խոսքի կշիռն ու հետևանքը. Աղաջանյան

Ոստիկանությունը տեսանյութ է հրապարակել՝ ինչպես է բերման ենթարկել հետախուզման մեջ գտնվող Ստեփանավանի նախկին քաղաքապետին

«Սևան» ՔԿՀ-ում հայտնաբերվել է ներնետված փաթեթ (լուսանկարներ)

Կոալիցիաների շուրջ բանակցությունները դրական ընթացք ունեն. Ալեքսանյանը՝ ՏԻՄ ընտրությունների և արդյունքների մասին

Ներկայացված 14-օրյա թեստի ժամկետը լրանալուց հետո նոր կգործի 7 օրը մեկ ՊՇՌ թեստի պատասխան ներկայացնելու պահանջը

1 քրեական գործ և 11 նախապատրաստվող նյութեր՝ 4 մարզերի ՏԻՄ ընտրություններում առերևույթ ընտրական հանցագործության դեպքերով

Հայաստանն արտադրում է «Սպուտնիկ Լայթ» պատվաստանյութ

Նախագահ Արմեն Սարգսյանը հանդիպել է Միացյալ Թագավորության արտակարգ և լիազոր դեսպանի հետ

Մարտական հենակետերում ստուգայցեր են իրականացվել

ԿԳՄՍ նախարարության պատվիրակությունը Վրաստանում կքննարկի համագործակցության խթանմանն ուղղված հարցեր

«Դալմա Գարդեն մոլ» առեւտրի կենտրոնը տուգանվել է. չեն պահպանվել հակահամաճարակային կանոնները

Երախտապարտ եմ ինձ հասցեագրված յուրաքանչյուրիդ վստահության համար. Վահագն Արսենյան

Տեղեկացված ես՝ պաշտպանված ես. IDBank

Ավազի հանքարդյունահանմամբ և վերամշակմամբ զբաղվող ընկերության գործունեությունը կասեցվել է

ՀՀ նախագահը կրթական, տեխնոլոգիական ոլորտներում համագործակցության հարցեր է քննարկել Մոսկվայի «Սկոլկովո»-ի ռեկտորի հետ

Երևանում հացի արտադրամասի գործունեություն է կասեցվել, հայտնաբերվել են սանիտարահիգիենիկ նորմերի կոպիտ խախտումներ. ՍԱՏՄ

Պողոս Աբրահամյանն ազատվել է Շիրակի մարզպետի տեղակալի պաշտոնակատարի պաշտոնից

Ուժեղացված ծառայություն մարզերում. հայտնաբերվել է ճանապարհային երթևեկության կանոնների 4570 խախտում (տեսանյութ)

Շուտով կիրառության մեջ կդրվի Հայաստանում արտադրված «Սպուտնիկ լայթ» պատվաստանյութը. այն կօգտագործվի որպես խթանիչ դեղաչափ

Կարեն Սարուխանյանն ազատվել է ՀՀ ԱԻ նախարարի տեղակալի պաշտոնից