Երևան
12 °C
Մեսրոպ Մաշտոցի անվան Մատենադարանում այսօր տեղի է ունեցել Եվրոպական միության «Հորիզոն Եվրոպա» ծրագրի և EURAXESS-Հայաստան պորտալի շնորհանդեսը: Այդ մասին տեղեկացնում է ԿԳՄՍՆ-ն։
Ողջույնի խոսքով հանդես են եկել ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, ՀՀ ԳԱԱ նախագահ, ակադեմիկոս Աշոտ Սաղյանը, Եվրոպական հանձնաժողովի հետազոտությունների և նորարարությունների գլխավոր տնօրենի տեղակալ Սինե Ռացոն, ՀՀ գիտության կոմիտեի նախագահ Սարգիս Հայոցյանը: Ներկա են եղել գիտական տարբեր հաստատությունների ներկայացուցիչներ:
Նախարարի տեղակալ Արթուր Մարտիրոսյանը շնորհավորել է Հայաստանի գիտական համայնքին «Հորիզոն Եվրոպա» ծրագրին միանալու համար` նշելով, որ այն ավելի վաղ մեկնարկած «Հորիզոն 2020» ծրագրի շարունակությունն է:
«Ծրագրին անդամակցությունը կարևոր ձեռքբերում է, քանի որ այն հնարավորություն է ընձեռում Հայաստանի գիտահետազոտական կազմակերպություններին, բուհերին, նորարարությունների ոլորտում աշխատող փոքր ու միջին ձեռնարկություններին՝ մասնակցելու եվրոպական մեծ տարածքի դրամաշնորհային մրցույթներին՝ որպես լիիրավ անդամ: Ծրագիրը կարող է դիտարկվել նաև ՀՀ գիտական և հետազոտական համակարգը եվրոպական տարածքում ինտեգրելու շատ լավ գործիք: Սա հնարավորություն է յուրացնելու ԵՄ-ում առկա գիտական փորձը, մասնակցություն ունենալու մարդկության առջև ծառացած կարևոր խնդիրների լուծման գիտական-գործընկերային խոշոր ծրագրերին»,- նշել է Ա. Մարտիրոսյանը:
Նրա խոսքով` Հայաստանի գիտնականներին հաջողվել է մոտ 4 մլն եվրո արժողությամբ դրամաշնորհներ ստանալ «Հորիզոն 2020» ծրագրով: Ստացված դրամաշնորհներից մի քանիսը գիտահետազոտական են. «Մեր խնդիրն է աջակցել, որ գիտնականների ներգրավվածությունը ԵՄ ծրագրերում մեծանա` հատկապես շեշտը դնելով գիտահետազոտական բաղադրիչի վրա: Իմ տպավորությամբ՝ մեր ներուժը շատ ավելի մեծ է, քան մենք փաստացի օգտվել ենք «Հորիզոն 2020» ծրագրից: Մենք ակնկալում ենք ավելի մեծ արդյունքներ «Հորիզոն Եվրոպա» ծրագրից»:
Ըստ փոխնախարարի` գիտնականների մասնակցության ակտիվությունը խրախուսելու և նրանց աջակցելու առումով կարևոր է Գիտական և նորարարական գործընկերությանն աջակցման կենտրոնի աշխատանքի արդյունավետությունը, որը համարվում է կապող օղակ ԵՄ «Հորիզոն Եվրոպա» ծրագրի և Հայաստանի շահառու թիրախային խմբերի միջև: Արթուր Մարտիրոսյանը նշել է, որ Գիտական և նորարարական գործընկերությանն աջակցման կենտրոնը պատասխանատու է գիտական հանրույթի իրազեկման բարձրացման և կարողությունների զարգացման համար: Կենտրոնը պետք է աջակցի, որ գիտնականները կարողանան ճիշտ, ըստ պահանջվող ձևաչափի, ներկայացնել հայտերը: Նա նշել է, որ «Հորիզոն Եվրոպա» ծրագրի համաձայնագիրը՝ որպես միջպետական փաստաթուղթ, առաջիկայում պետք է ներկայացվի նաև Ազգային ժողովի վավերացմանը, ստանա ներպետական այլ ինստիտուտների համաձայնությունը:
Եվրոպական հանձնաժողովի հետազոտությունների և նորարարությունների գլխավոր տնօրենի տեղակալ Սինե Ռացոն շնորհանդեսի մասնակիցներին ողջունել է տեսակապի միջոցով: Նա նշել է, որ Հայաստանն արդեն ունի 44 մասնակից ԵՄ գիտահետազոտական ծրագրերում` շեշտելով, որ Հայաստանն այս ծրագրի շրջանակում ունի բոլոր հնարավորությունները, ինչ ԵՄ անդամ երկրները:
«Ես համոզված եմ, որ Հայաստանը կօգտագործի բոլոր հնարավորությունները՝ ամրապնդելու գիտության ասպարեզում հայաստանցի գիտնականների դիրքերը»,- նշել է ԵՄ ներկայացուցիչը:
ՀՀ ԳԱԱ նախագահ Աշոտ Սաղյանը կարևոր ձեռքբերում է համարել Հայաստանի ասոցացված անդամությունը ԵՄ գիտության և նորարարության «Հորիզոն Եվրոպա» ծրագրին: Նրա խոսքով` 2016 թվականից ՀՀ ԳԱԱ ինստիտուտների գիտնականները մասնակցել են ԵՄ գիտական ծրագրերին. «Համոզված եմ, որ ասոցացումը «Հորիզոն Եվրոպա» ծրագրին թույլ կտա շարունակել համագործակցությունը` զարգացնելով ձեռք բերված փորձը»:
Գիտական և նորարարական գործընկերությանն աջակցման կենտրոնը կլինի համակարգող
ՀՀ գիտության կոմիտեի նախագահ Սարգիս Հայոցյանը շնորհակալություն է հայտնել ԵՄ գործընկերներին համագործակցության համար: Նա նշել է, որ հայ գիտնականների համար «Հորիզոն Եվրոպա» ծրագիրը բաց է եղել դեռևս 2021 թվականի սկզբից, չնայած Հայաստանի ասոցացման համաձայնագիրը ստորագրվել է միայն ընթացիկ տարվա նոյեմբերի 12-ին:
«Պետք է անել ամեն ինչ, որ մեր երկրին տրվող դրամաշնորհներն առավելապես գիտական և հետազոտական բնույթի լինեն: Կառավարության աջակցությամբ վերագործարկված Գիտական և նորարարական գործընկերությանն աջակցման կենտրոնը, որի տնօրենը Տիգրան Արզումանյանն է, լինելու է ազգային կոնտակտային անձանց համակարգողը: Կենտրոնը պետք է ապահովի «Հորիզոն Եվրոպա» ծրագրի շրջանակում հայտարարված մրցույթների հասանելիությունը ՀՀ գիտական կազմակերպություններին և բուհերին»,- նշել է Սարգիս Հայոցյանը:
Նա նաև տեղեկացրել է, որ Գիտական և նորարարական գործընկերությանն աջակցման կենտրոնին գործունեության համար տարածք է տրամադրվել ինֆորմատիկայի ավտոմատացման պրոբլեմների ինստիտուտում:
Նշենք, որ «Հորիզոն Եվրոպա» ծրագրի և EURAXESS-Հայաստան պորտալի շնորհանդեսը կազմակերպվել է Գիտական և նորարարական գործընկերությանն աջակցման կենտրոնի կողմից՝ ՀՀ գիտության կոմիտեի, ՀՀ գիտությունների ազգային ակադեմիայի և Եվրոպական հանձնաժողովի հետ համագործակցությամբ:
Միջոցառման երեք նիստերի ժամանակ ներկայացվել են «Հորիզոն Եվրոպա» ծրագրին Հայաստանի ասոցացման և միջազգային համագործակցության հնարավորություններն ու հեռանկարները: Ելույթներով հանդես են եկել հայաստանյան և արտասահմանյան մասնագետները:
«Հորիզոն Եվրոպա» ծրագիրը նախատեսված է 2021-2027 թթ.-ի համար
«Հորիզոն Եվրոպա» ծրագիրը նախատեսված է 2021-2027 թթ.-ի համար: Մոտ 95 միլիարդ եվրո ընդհանուր բյուջե ունեցող ծրագիրը համաշխարհային մակարդակով ամենածավալուն գիտահետազոտական ծրագիրն է, որը համաեվրոպական համագործակցային գիտահետազոտական նախագծերի ֆինանսավորման հիմնական գործիքն է:
2019 թ.-ին ՀՀ ԳԱԱ-ն միացել է EURAXESS համաեվրոպական նախաձեռնությանը, որի շրջանակում ստեղծվել է EURAXESS-Հայաստան պորտալը, որում ներգրավվել են Երևանի պետական համալսարանը, Երևանի պետական բժշկական համալսարանը և ՀՀ ԳԱԱ միջազգային գիտակրթական կենտրոնը: EURAXESS ցանցը գիտնականներին մատուցում է տեղեկատվական և օժանդակ ծառայություններ, աջակցում է գիտնականների տեղաշարժին և կարիերայի զարգացմանը` միաժամանակ հնարավորություն ստեղծելով ընդլայնելու գիտական համագործակցությունն անդամ երկրների և աշխարհի միջև:
«Հայկական Ժամանակ»-ը Telegram-ում
Մոսկվայից դեպի Հայաստան ավտոբուսային երթուղի է գործարկվել
Սերը՝ միասնություն, ջուրը՝ ազատություն․ Կողբ-Վարդավառը միավորեց հազարավոր մարդկանց. լուսանկարներ
Զելենսկին հայտարարել է Ուկրաինայի վարչապետի հրաժարականի մասին
Իտալացի հանրահայտ DJ Alex Gaudino-ն՝ Հանրապետության հրապարակում. տեսանյութ
Վարդավառը՝ Հանրապետության հրապարակում. համերգային հատվածն ապահովում են հայ աստղերն ու իտալացի DJ-ը
Հանրապետության հրապարակում նշում ենք Վարդավառը. Ավինյանը տեսանյութ է հրապարակել
Արման Ծառուկյանը ջախջախել է ղազախստանցի ըմբիշին. Համիտովը ռևանշ է պահանջում
Հայաստանի պատվիրակությունն ակտիվորեն մասնակցում է HLPF 2026 թվականի աշխատանքներին
Բջնիի Սուրբ Աստվածածին եկեղեցում մասնակցեցի սուրբ և անմահ պատարագի. վարչապետ
Մ-20 ԵԱ. ըմբիշ Նարեկ Նիկողոսյանը հաղթանակ է տարել Ադրբեջանի ներկայացուցչի նկատմամբ
Վարդավառը՝ Կողբում․ ավանդական շրջայց գյուղում, գաթայի և քաղցրավենիքի հյուրասիրություն․ լուսանկարներ
Սոչիի, Կրասնոդարի և Գելենջիկի օդանավակայաններում 55 չվերթ է հետաձգվել
Վարդավառ. ինչպիսին է եղել 19 տարվա եղանակային վիճակագրությունը ՀՀ-ում
ԱՄՆ-ի հարվածների ֆոնին Իրանը փակել է Հորմուզի նեղուցը
Նոր ճաշարան՝ կուրսանտների համար. Սուրեն Պապիկյանը տեսանյութ է հրապարակել
36-ամյա վարորդը մեքենայով դուրս է եկել երթևեկելի գոտուց, բախվել քարերին և գլխիվայր շրջվել. կա տուժած
Մահացել է ժամանակակից Կատարի հիմնադիրը համարվող նախկին էմիրը
Ստամբուլում վնասել են հայկական եկեղեցու գերեզմանատունը. կա ձերբակալված
Երևանում ծառն արմատից պոկվել և ընկել է օտարերկրացի մոպեդավարի վրա. նա տեղում մահացել է
Էյֆելյան աշտարակում հուլիսի 11-ին և 12-ին կկրճատվեն աշխատանքային ժամերը ծայրահեղ շոգի պատճառով
Ալեն Զուրաբյանը՝ պատանիների աշխարհի առաջնության փոխչեմպիոն
Մահացել է ԱՄՆ սենատոր Լինդսի Գրեհեմը
Խոշոր ավտովթար Մարտունի-Վարդենիս ճանապարհին․ հոսպիտալացվել է 5 անձ
Հայ առաքելական եկեղեցին նշում է Վարդավառը՝ Քրիստոսի պայծառակերպության տոնը
Ջրահեղձ եղած 131 մարդ, անտառային հրդեհներ, տարհանումներ․ Ֆրանսիան շարունակում է մնալ շոգի ճիրաններում
Ինչ փոփոխություններ է արձանագրել տարադրամի շուկան հուլիսի 11-ին
Կանանց ակումբների և «Նոր մեկնարկ» կրթաթոշակային նախագծի մասին․ Աննա Հակոբյանը մանրամասներ է ներկայացրել
Մահացել է Հարավային Աֆրիկայի հավաքականի կիսապաշտպան 25-ամյա Ջեյդեն Ադամսը
Երդվում ենք, որ վրեժ կլուծենք, այս հարցը կախված չէ իմ կամ որևէ այլ պաշտոնյայի ներկայությունից․ Մոջթաբա Խամենեի
ԿԳՄՍ նախարարը և ՅՈՒՆԵՍԿՕ-ի պաշտոնյան քննարկել են կրթության ոլորտում համագործակցության ընդլայնումը
Երասխ գյուղում բեռնատարը հայտնվել է ծիրանի այգում և բռնկվել. կա վիրավոր
Հրամանները տրված են, ԱՄՆ զինված ուժերը պատրաստ են․ ասել եմ՝ ինչ անեն, եթե Իրանը սպանի ինձ․ Թրամփ
Իսրայելի ռազմաօդային ուժերը հարվածներ են հասցրել Լիբանանի հարավային շրջաններին
Մինչև պատերազմի ավարտը Ուկրաինայի համար Patriot-ի որսացող հրթիռները կարտադրվեն Գերմանիայում
Բլոկավորեք հեռախոսահամարը կամ ուղարկողի էլ.փոստը․ ՃՈ անունից կեղծ հաղորդագրություններ են տարածվում
Ինչպես դիմել շենգենյան վիզայի համար․ ԱԳՆ-ն խորհրդատվական տեսանյութ և ուղեցույց է հրապարակել
Հայաստանը վերահաստատել է մինչև 2030-ը ՁԻԱՀ-ը որպես հանրային առողջության սպառնալիք վերացնելու հանձնառությունը
Օդի ջերմաստիճանը կնվազի, այնուհետև կբարձրանա․ հյուսիսային շրջաններում սպասվում է կարճատև անձրև
Ուրուգվայի Փոստի նախագահի հետ քննարկվել են համագործակցության հնարավոր ուղղությունները
24-ամյա կինը Սևանում վրաերթի է ենթարկել 5 տարեկան տղային
