Ներկայացվածից վատ պայմաններ, գնային անհարկի բարձրացումներ․ վարձով բնակարան տրամադրողների շրջանում իրարանցում է

Հայաստանյան անշարժ գույքի շուկայում վարձակալությամբ տրվող բնակարանների հետ կապված խնդիրը դեռ չի լուծվում, ավելին՝ օրեցօր նոր դեպքեր են ի հայտ գալիս, իսկ բողոքողների ու իրավիճակի զոհ դարձած անձանց շղթան գնալով մեծանում է։ Խնդիրը վերջին օրերին էլ ավելի է խորացել՝ ռուս-ուկրաինական հակամարտությամբ պայմանավորված՝ այդ երկրների որոշ բնակիչների Հայաստան գալով:

«Հայկական ժամանակ»-ը մեկ տասնյակից ավելի անձանց հետ է խոսել, որոնք վերջին շրջանում բախվել են անտուն մնալու խնդրին․ բնակարանի տերերը վարձակալներին առանց հստակ հիմնավորման ու պատճառաբանության պարզապես ասել են՝ ազատեն բնակարանը։ Զրուցել ենք նաեւ այն անձանց հետ, որոնք վարձակալած բնակարանից հեռացել են նախնական արժողությամբ գնի բարձրացումից հետո։ Բնակարանի տերերն առաջարկել են կա՛մ կրկնակի վճարել, կա՛մ մի քանի օրվա ընթացքում լքել այն:

Մեր զրուցակիցներից Էրիկա Գրիգորյանը նախ՝ տուժել է ամսավճարով վարձակալությամբ վերցված բնակարանի պատճառով, ապա՝ նաեւ օրավարձով։

«Բնակարանը վարձակալել եմ մոտավորապես 4 ամիս առաջ, 180 հազար դրամ վարձ էի վճարում։ Ի սկզբանե այնպես էինք պայմանավորել, որ ես իրենց դեպոզիտ (- խմբ. կանխավճար) չէի տվել։ Այս ամիս՝ վարձը մուծելու օրը, եկավ ոչ թե այն անձը, որի հետ ես պայմանավորվել էի եւ բնակարանը վերցրել, այլ նրա հայրն ու ասաց, որ դեպոզիտ չեմ տվել, 180 հազար դրամ վարձավճարի հետ 180 հազար դրամ էլ դեպոզիտ վճարեմ»,- պատմեց Էրիկա Գրիգորյանը։

Աղջիկը բնակարանի տիրոջն ասել է, որ պատրաստ չէ կանխավճար վճարել, ինչից հետո բնակարանի տերն ասել է, որ վարձակալը տունն ազատի: Ավելին՝ նա անգամ ասել է, որ պատրաստվում են ավելի թանկ արժեքով այն վարձակալությամբ տրամադրել ռուսներին:

Բնակարանատերը հաջորդ օրվանից ժամային որոշակի պարբերականությամբ թակել է տան դուռն ու շտապեցրել, որ աղջիկը իրերը դուրս բերի։ Էրիկան այժմ օրավարձով բնակարանում է ապրում, որպեսզի փողոցում չմնա։ Նա ստիպված է օրը 17 հազար դրամ վճարել՝ մինչեւ կկարողանան բնակարան գտնել, ինչը, իր համոզմամբ, այդքան էլ արագ լուծելի հարց չէ:

Անշարժ գույքի կառավարմամբ զբաղվող «Էյրիս» ընկերության հիմնադիր տնօրեն Ռոզա Ղռեջյանը, որը շուկայում բավականին երկար տարիների փորձառություն ունի, խորքային ծանոթ է խնդիրներին ու բացերին: Նա «Հայկական ժամանակ»-ի հետ զրույցում հայտնեց, որ վերջին հայտնի իրադարձություններից տուժել է նաեւ ինքը: Ղռեջյանը նշեց, որ ապրում է կենտրոնում, բնակարանը 120 հազար դրամով 7-8 տարի առաջ է վարձակալել: ՌԴ-ում ապրող բնակարանատերը վերջերս ասել է, որ ֆինանսական խնդիրների պատճառով 40 հազար դրամով թանկացնում է վարձավճարը։

«Ընկերներիցս մեկն էլ ասաց, որ սփյուռքահայ իր բարեկամները վարձակալած են եղել 300 դոլարով, տան տերը զանգահարել, մի քանի օր ժամանակ է տվել՝ բնակարանն ազատելու։ Ասել է, որ 650 դոլարով պայմանագիր է կնքել ՌԴ-ից եկած անձանց հետ։ Ընկերներիցս մյուսն էլ, որը երիտասարդ աղջիկ է, 150 հազարով էր վարձակալել, տան տերը զանգահարել եւ ասել է՝ կա՛մ 300 հազարով ես վարձակալում, կա՛մ քեզ 10 օր ժամանակ՝ ազատիր բնակարանը, որովհետեւ նման գնով վարձակալել ցանկացող կա»,- ասաց զրուցակիցը։

Նրա խոսքով՝ եթե մոտ 10 օր առաջ գործակալները կամ շուկայում գործունեություն ծավալող անձինք կկարողանային վարձով բնակարանների որոշակի գնային սանդղակ ներկայացնել, այսօր դա անհնար է:

Ըստ Ղռջյանի՝ այս լրջագույն խնդիրը վերացնելու եւ վարձակալության բեռը թեթեւացնելու համար առաջին հերթին անհրաժեշտ են խելամիտ հիպոթեքային պայմաններ: Մարդիկ, որոնք այսօր վարձակալությամբ են բնակվում, կկարողանան տուն գնել հնարավորինս մեղմ պայմաններով, ասում է նա: Ռոզա Ղռեջյանը նաեւ նկատեց՝ եթե այսօր Հայաստանում գործող կառուցապատող ընկերություններն ու բանկերը կշռադատված մոտեցում ցուցաբերեն, կարող են շահույթով դուրս գալ բոլոր կողմերը։

Նրա դիտարկմամբ՝ երրորդ հիմնական կետերից է նաեւ մարդկանց մարզեր ուղղորդելու պայմանը․ «Հյուրերի մեծ մասն ազատ գրաֆիկով հեռավար աշխատողներ են։ Կգտնվեն մարդիկ, որոնք կցանկանան բնակվել Երեւանին հարակից վայրերում: Այս առումով մենք կկարողանանք զարգացնել նաեւ մարզերը, այնտեղի բնակիչներն էլ որոշակի աշխուժություն կտեսնեն իրենց մոտ։ Խոսենք, ներկայացնենք նաեւ մեր հայրենիքը Երեւանից դուրս՝ բոլոր անկյուններից։ Դրանով կթուլանան նաեւ ծայրահեղ լարվածությունն ու ֆինանսական բումը մայաքաղաքում»։

Նկատենք՝ ՀՀ էկոնոմիկայի նախարարությունը խնդրի վերաբերյալ բողոքների բարձրաձայնումից հետո որոշել է հավաքել Հայաստանում բնակարան վարձակալելիս խարդախության զոհ դարձած կամ տուժած անձանց տվյալները, վեր հանել դրանք եւ տրամադրել ՀՀ ոստիկանությանը։

Նախարարությունը հանդես է եկել հայտարարությամբ, ըստ որի՝ մարդիկ, որոնք բնակարան վարձակալելիս խաբեության զոհ են դարձել, կարող են դիմել իրենց:

«Հայկական ժամանակ»-ը ՀՀ էկոնոմիկայի նախարարությունից հետաքրքրվեց, թե հայտարարությունը տեղադրելուց հետո քանի՞ դիմում-բողոք են ստացել, հիմնականում ի՞նչ բնույթի խնդրի առաջ են կանգնում վարձակալները։ Նախարարությունից մեզ հայտնեցին, որ 2 օրում ստացել են շուրջ 10 դիմում։

«Հիմնական խնդիրները վերաբերում են բնակարանային վատ պայմաններին, որոնք բացահայտվել են վարձակալությունից օրեր անց։ Արձանագրվել են նաեւ վարձավճարի չարդարացված բարձրացումներ, այլ դեպքեր»,- նշեցին ՀՀ էկոնոմիկայի նախարարությունից:

Նաեւ հայտնեցին, որ Էկոնոմիկայի նախարարությունը միջոցներ է ձեռնարկում, որպեսզի անշարժ գույքի շուկայում հնարավորինս քիչ լինեն անորակ ծառայություններ մատուցող ոչ պրոֆեսիոնալ ընկերությունները: «Մարտի 15-ին Էկոնոմիկայի նախարարությունում կայացել է հանդիպում խոշորագույն ընկերությունների ներկայացուցիչների հետ, որի ընթացքում համատեղ քննարկվել են ստեղծված իրավիճակից դուրս գալու քայլերը։ Խնդիրներից մեկը, որին հաճախ բախվում են բնակարան փնտրելիս, list.am կայքում բնակարանների կրկնօրինակումն է»,- մանրամասնեցին նախարարությունից։

Խարդախություններից զերծ մնալու համար ՀՀ էկոնոմիկայի նախարարությունը ներկայացրել է նաև ընկերությունների ցանկ, որոնց հետ իրենք գտնվում են անմիջական կապի մեջ։

Տպել
4299 դիտում

Չկան «սիրելիներ» և «չսիրելիներ», կա պրոֆեսիոնալ աշխատանք և սկզբունքայնություն. գլխավոր դատախազն այցելել է Արմավիրի մարզ

«Օրենքի առաջ բոլորն են հավասար». Քնարիկ Հարությունյանը՝ ավագանու անդամի մասնակցությամբ կողոպուտի մասին

Վթարային գազանջատում Արաբկիր վարչական շրջանում

«Գնա, նախարարիդ կբարևես». Բրյուսովի աշխատակիցներն ահազանգում են ճնշումների մասին, շտապօգնությամբ դասախոս են տեղափոխել

ԱԺ պատգամավորները Վոլգոգրադում մասնակցել են Ստալինգրադի ճակատամարտի 80-ամյակին նվիրված միջոցառումներին

Երևան-Գյումրի ավտոճանապարհի վթարի հետևանքով կա զոհ և 4 տուժած․ Փրկարար ծառայությունը մանրամասներ է հայտնել

Կարմիր Խաչի ուղեկցությամբ Արցախից Հայաստան է տեղափոխվել ևս 6 բուժառու

Սուրեն Պապիկյանը շարունակել է առանձնազրույցները ՊՆ ուսումնական զորամասի սպայակազմի հետ

Քաղցկեղի հայտնաբերումն ու բուժումը ավելի հասանելի կդառնա ապահովագրական համակարգի ամբողջական ներդրումից հետո․ Ավանեսյան

Փոքր Վեդի-Լուսառատ ճանապարհին ավտոմեքենան բախվել էլեկտրական սյանը․ կա տուժած

Հայաստանը կարևորում է Շրի Լանկայի հետ հարաբերությունների խորացումը․ վարչապետն ուղերձ է հղել Դինեշ Գունավարդենային

Երևան-Արմավիր ճանապարհին վրաերթի ենթարկված կինը մահացել է

Բավական է խայտառակեք Եվրամիությունը, մեզ ադրբեջանական գազ պետք չէ․ Անն-Լոուրենս Պետել

«Սուրբ Գրիգոր Լուսավորիչ» բժշկական կենտրոնում գլխուղեղի սուր իշեմիկ կաթվածի բուժման կենտրոն կբացվի

Ծաղկաձորի դպրոցի աշակերտներն այցելել են ԱԺ, հանդիպել իրենց դպրոցի շրջանավարտ, պատգամավոր Վաղարշակ Հակոբյանի հետ

Հանրային սննդի վայրերում շարունակում են ծխել, պատասխանատվության ենթարկելու գործիքը չի աշխատում. Արսեն Թորոսյան

Գյումրեցի մի քանի տղամարդ կողոպտել է զբոսաշրջիկներին, տարել՝ գումար. նրանք հայտնաբերվել են, մեկը ավագանու անդամ է

ՃՏՊ Կոշ գյուղի մոտակայքում

«Խաղաղապահին մեջտեղից հանել են, «խեղճ» Ալիևին էլ հանեն, տակը մնան Փաշինյանն ու հայ զինվորը». Ստյոպա Սաֆարյան

Գետնանցումում նկարների տեղադրումը լավ գաղափար է, բայց գրված չեն հայ մեծերի անունները․ Սարգսյանն առաջարկել է ավելացնել

Հայ առաքելական եկեղեցին այսօր նշում է Սուրբ Սարգիս զորավարի տոնը

Հայաստանում տարեկան արձանագրվում է քաղցկեղի շուրջ 7700 նոր դեպք. աճել է ստամոքսի և կոլոռեկտալ քաղցկեղի դեպքերի թիվը

Ճարտարագիտության ամառային դպրոցի 2 մասնակից կվերապատրաստվի Հռոմում

Մաստարա-Լանջիկ ավտոճանապարհը դժվարանցանելի է բոլոր տեսակի տրանսպորտային միջոցների համար

Գյումրու հեքիաթային ձմեռը (լուսանկարներ)

Աշխարհն ականատես կլինի հայերի ևս մեկ ցեղասպանության, որն այս անգամ կանխարգելելի է․ Լեմկինի ինստիտուտն ահազանգ է հնչեցրել

Իհարկե, դատական համակարգում գուցե լինեն նշանակումներ, որ մտահոգություններ կառաջացնեն. հարցազրույց Գրիգոր Մինասյանի հետ

Գյումրու Բարեկամության այգին տարածաշրջանի հյուսիսային հանգույցը կդառնա․ այսօր բացվեցին սահադաշտն ու Վերնիսաժը

Ալեն Սիմոնյանը նոր խորհրդական ունի

Լավրովը չի համակերպվում, որ ՀՀ ԱԳ նախարարն իր ենթական չէ, դրա համար էլ կիսագողական բառապաշարով է խոսում. Իոաննիսյան

ՌԴ դեսպանը Ջերմուկում դիտարկել է քաղաքին հարակից այն հատվածները, որտեղ այժմ տեղակայված է Ադրբեջանի ԶՈՒ-ն

Հրեա ծայրահեղականները հերթական հարձակումն են գործել Երուսաղեմի եկեղեցիներից մեկի վրա՝ փորձելով այն հրկիզել

Եթե 7-րդ գումարման ԱԺ-ն իրավաքաղաքական գնահատական տար Քոչարյանին, Սարգսյանին, այլ քաղաքական միջավայր կլիներ․ Բաբաջանյան

ՀՀ քաղաքացիները երբ կկարողանան ID քարտով Վրաստան և առանց մուտքի վիզայի Արաբական Միացյալ Էմիրություններ այցելել․ ԱԳՆ

Ունենալ պահանջարկ, քիչ աշխատել և շատ վաստակել. ՀՀ-ում մասնագիտություն-աշխատաշուկա «առճակատում» կա

Կալանավորվել է «օրենքով գող» Գևորգ Իսրայելյանը. նա մեղադրյալ է նաև Արարատ Միրզոյանի հանդեպ բռնության գործով

Converse Business. հավելված Կոնվերս բանկի իրավաբանական անձ հաճախորդների համար

Երկրապահները` Ազատամարտի հաղթանակը կռողները, նույն ոգով շարունակում են պայքարը․ ԵԿՄ են այցելել դպրոցականները

Սրբազանի կողմից իշխանությանն Ադրբեջանի հետ գործարքների մեջ մեղադրելն անակնկալ անվանելը ճոխություն կլինի․ Սարուխանյան

«Վստրեչի Ապեր» մականունով հայտնի Արամ Վարդանյանին պատկանող մի շարք գույքերի բռնագանձման պահանջ է ներկայացվել․ «Հետք»