Հրթիռային հարված դրամատիկական թատրոնին, որի նկուղում 1200 մարդ է եղել. Մարիուպոլում իրավիճակն աղետալի է (լուսանկարներ)

Ռուսական բանակն արդեն երկու շաբաթ է, ինչ օդային և հրետանային հարվածներ է հասցնում շրջափակված Մարիուպոլի վրա։ Քաղաքային խորհուրդը նշում է, որ օրական միջինը 50-100 ավիառումբ է նետվում քաղաքի վրա: Ուկրաինայի իշխանությունների տվյալներով՝ չորեքշաբթի օրը այդ ռումբերից մեկն ավերել է քաղաքային դրամատիկական թատրոնի շենքը, որի նկուղում հարյուրավոր խաղաղ բնակիչներ են եղել պատսպարված։

Սկզբում մտավախություն է եղել, որ դա հանգեցրել է զգալի զոհերի, սակայն հետո ապացույցներ են ի հայտ եկել, որ ռմբապաստարանում պատսպարվածները ողջ են մնացել, և փրկված մարդիկ սկսել են հեռանալ այնտեղից:

Ընդհանուր առմամբ, ուկրաինական մյուս շրջանների համեմատությամբ, այժմ հումանիտար ծայրաստիճան  իրավիճակ է հենց Մարիուպոլում: Հաշվի առնելով այն, որ քաղաքում մնացել է միայն մեկ գործող հիվանդանոց՝ այն աշխատում է քսանակի գերբեռնված վիճակում, վիրավորում ստացած քաղաքացիներ են ամենուր՝ մուտքից մինչև միջանցքներ, իսկ նկուղային հարկն ամբողջությամբ լցված է դիերով: Դրանք վիրավորներ են եղել, որոնց կյանքը չի հաջողվել փրկել: Ընդ որում՝ նկուղային հարկի դիերի թվում կան նորածիններ, մանկահասակ երեխաներ, պատանիներ, կանայք ու տղամարդիկ՝ առանց տվյալների:

Քաղաքում կաթվածահար է ամեն բան, ու հնարավոր չէ պատշաճ կազմակերպել այդ դիերի ո՛չ պահման ու պահպանման, ո՛չ նույնականացման, ո՛չ էլ անգամ հուղարկավորման խնդիրը, քանի որ անգամ քաղաքի գերեզմանոցներին հասանելիություն չկա:

783.jpg (355 KB)

Մարիուպոլում գրեթե չեն գործում մթերային խանութները, ավերված է ամեն բան, մարդիկ զրկված են էլեկտրաէներգիայի ու ջրի հասանելիությունից, կա կապի բացակայություն:

Երեկ առավոտյան Գերագույն Ռադայի պատգամավոր Սերխի Տարուտան ֆեյսբուքյան իր էջում գրել էր, որ Մարիուպոլի ռմբակոծված դրամատիկական թատրոնի տակ գտնվող ապաստարանում մարդիկ ողջ են մնացել.

«Սկսել են փլատակներ քանդել, մարդիկ ողջ դուրս են գալիս»,- հավելել էր նա:

786.jpg (438 KB)

Դրանից հետո ողջ մնացածների մասին նոր տեղեկություն չկար. ըստ իշխանությունների և ուկրաինացի զինվորականների՝ դժվար է այն ձեռք բերել շարունակվող ռազմական գործողությունների պատճառով, քանի որ արտակարգ իրավիճակների ծառայությունները հնարավորություն չունեն մոտենալ հրետակոծվող օբյեկտներին կամ շարժվել կրակի տակ:

«Երեկ և այսօր, չնայած մշտական հրետակոծություններին, հնարավորության սահմաններում շարունակվում են փլատակների հեռացումը և մարդկանց փրկությունը»,- գրել է Մարիուպոլի քաղաքային խորհուրդը տելեգրամ-ալիքում՝ հավելելով, որ զոհերի մասին տեղեկությունները դեռ ճշտվում են։

Միևնույն ժամանակ, Մարիուպոլի քաղաքապետի խորհրդական Պետր Անդրյուշչենկոն հինգշաբթի երեկոյան ֆեյսբուքյան իր էջում գրել է. «Ավելի վաղ քաղաքական գործիչներն ասում էին, որ նկուղում գտնվող մարդիկ ողջ են, սակայն հրետակոծության պատճառով նրանց հնարավոր չէ դուրս բերել: Ողջերի թվի մասին հաստատում չկա, տրամադրությունները զուսպ են և լավատեսական, բայց առանց հաստատման՝ անպատասխանատու է նման լուրերը հանրության մեջ նետելը»:

781.png (393 KB)

Թատրոնի շենքը ռմբակոծվելուց առաջ

782.png (413 KB)

Ավերվելուց հետո

Մարիուպոլի իշխանությունների տվյալներով՝ հրետակոծություններից և ռմբակոծություններից քաղաքում ավելի քան 350 հազար մարդ այժմ թաքնվում է նկուղներում:

Քաղաքային խորհուրդը հայտարարել է, որ Մարիուպոլի բնակֆոնդի մոտ 80%-ը ավերվել է, որից գրեթե 30%-ը հնարավոր չէ վերականգնել:

Քաղաքի վրա հարվածները շարունակվում են արդեն 16 օր, սակայն խաղաղ բնակիչների տարհանման միջանցքները միայն վերջերս են սկսել գործել։ Մարիուպոլը հասցրել է թողնել մոտ 30 հազար մարդ։ Ուկրաինայի իշխանությունների տվյալներով՝ պատերազմի սկզբից քաղաքում 2400 խաղաղ բնակիչ է զոհվել։

Ավիահարվածների պահին դրամատիկական թատրոնի շենքում, ըստ քաղաքային իշխանությունների, թաքնվել է մինչև 1200 խաղաղ բնակիչ։ Human Rights Watch միջազգային իրավապաշտպան կազմակերպությունը 500-700 մարդու մասին է հայտարարել՝ նկատի ունենալով այն մարդկանց փոխանցած տվյալները, ովքեր սնունդ, ջուր և դեղորայք են հասցրել թատրոն։

787.jpg (133 KB)

Թատրոնի նկուղային հարկում պատսպարված անձինք առաջին 10 օրերին դրսից սնունդ չեն ստացել, հետո սեփական դաշտային խոհանոց են նախաձեռնել ու արդեն հասած սնունդը բաժանել օրերի՝ խնայողության համար:

Թատրոնի շենքը ավերած պայթյունը որոտացել է մարտի 16-ին. Մարիուպոլի քաղաքային խորհուրդը հայտնում է, որ շենքը միտումնավոր թիրախավորվել է, և ռուսական զորքերը «դիտավորյալ և ցինիկ կերպով ավերել են Մարիուպոլի սրտում գտնվող դրամատիկական թատրոնը»։

Քաղաքային խորհուրդը ՌԴ-ին մեղադրում է ցեղասպան քաղաքականության համար:

Որոշ ժամանակ անց հրապարակվել է «Maxar» կոմերցիոն ընկերության արբանյակային լուսանկարը, որը ցույց է տալիս, որ թատրոնի շենքի երկու կողմերում ասֆալտին մեծ գրված է «երեխաներ» գրությունը։

780.png (620 KB)

Փորձագետները, սակայն, հիշեցնում են, որ օդային հարվածի դեպքում օդաչուները սովորաբար կենտրոնանում են թիրախի կոորդինատների վրա, այլ ոչ թե գետնի վրայի մակագրությունների։

«Քանի դեռ մենք ավելի մանրամասն տեղեկություններ չունենանք, մենք չենք կարող բացառել, որ թատրոնի տարածքում ուկրաինական ռազմական թիրախ է եղել: Բայց մենք հաստատ գիտենք, որ թատրոնում առնվազն 500 խաղաղ բնակիչ է եղել»,- ասել է HRW-ի հակամարտությունների մասնագետ Բելկիսը:

Ռուսաստանը պաշտոնապես հերքում է, որ հրետանու հարված է հասցրել Մարիուպոլի դրամատիկական թատրոնին։

Մարտի 16-ի ցերեկը ՌԴ պաշտպանության նախարարությունը հայտարարել է, որ օրվա սկզբից «չի կատարել Մարիուպոլ քաղաքում ցամաքային թիրախների ուղղությամբ հարվածների հետ կապված որևէ առաջադրանք»։

Ռուսաստանը պայթյունի պատասխանատվությունը բարդել է ուկրաինացի զինվորականների վրա, որոնք իբր ականապատել են թատրոնի շենքը, և իրենք պայթեցրել այն՝ քարոզչական նպատակներով։

789.jpeg (70 KB)

«Քաղաքից փախած փախստականներից հավաստի տեղեկություններ կան, որ «Ազովի» ազգային գումարտակի գրոհայինները թատրոնի շենքում որպես պատանդներ են պահել խաղաղ բնակիչներին: Մենք վստահ ենք, որ արմատականները արյունալի սադրանք են կատարել՝ պայթեցնելով ականապատ մշակութային օբյեկտ»,- հայտարարել է են ռուսական լրատվամիջոցները՝ ցիտելով որպես Մարիուպոլի փախստական ներկայացած անձանց խոսքերը:

Ավելի վաղ Ուկրաինայի ժամանակավոր օկուպացված տարածքների վերաինտեգրման հարցերով նախարար Իրինա Վերեշչուկը հայտնել էր, որ ռուս զինվորականները Մարիուպոլի և իրենց կողմից տարհանված շրջանի բնակիչներից պահանջել են տեսաուղերձներ ձայնագրել՝ պահանջելով տեսախցիկի առաջ պատմել, թե ինչպես Ազովի գունդը թույլ չի տվել բնակիչներին քաղաքից դուրս գալ:

Ի դեպ, Իտալիայի իշխանությունները խոստացել են օգնել դրամատիկական թատրոնի վերականգնման գործում՝ հոգալով ֆինանսական ծախսերը:

Եթե թատրոնը վերականգնվի, այն կլինի արդեն մշակույթի կենտրոնի երկրորդ շենքը՝ 1887 թվականի կառուցումից ի վեր:

Ստորև՝ լուսանկարներ Մարիուպոլից

790.jpg (41 KB)792.jpg (104 KB)785.jpg (757 KB)786.jpg (438 KB)791.jpg (171 KB)784.jpg (295 KB)

«Հայկական Ժամանակ»-ը Telegram-ում
Տպել
3032 դիտում

Կադրային փոփոխություններ Գլխավոր դատախազությունում. Աննա Վարդապետյանը հրամաններ է ստորագրել

Օդի ջերմաստիճանն էապես չի փոխվի. անձրևները կարճատև կլինեն

Իսրայելում պատգամավորը բռնությամբ հեռացվել է ամբիոնից՝ Գազայում պատերազմը կոշտ քննադատելուց հետո. տեսանյութ

ԼՂ-ից բռնի տեղահանվածների՝ ՀՀ քաղաքացիություն ստանալու դիմումների ակտիվացում է նկատվում. ՆԳ փոխնախարար

Հիմնանորոգվում է Արմավիրի մարզի Լուսագյուղ բնակավայրը Ջրառատին միացնող ավտոճանապարհը. լուսանկարներ

Պահպանվող հատուկ տարածքներ է տեղափոխվել Վերջին զանգի մասնակից անձանց 109 մեքենա. 78-ը վարել են անչափահասները

2024-ին 160 հազարից ավելի նույնականացման քարտ է տրամադրվել. կարճ ժամանակով դանդաղեցվել է գործընթացը. Ղազարյան

Կառավարությունը կփոխհատուցի ոչխարաբուծության և այծաբուծության ծրագրով կենդանիների ձեռք բերման գնի 50 տոկոսը

Պոլսո Հայոց պատրիարքը կմեկնի ԱՄՆ

Դադարեցվել է Վարդենիս քաղաքի մի քանի փողոցի գազամատակարարումը

Ինչ է ներառում հղիների անվճար բժշկական օգնությունը. նախարարությունն իրազեկում է

Քոչարյանը սխալ գիտի. իր որդու հայհոյանքներից հետո խոսել է հազարներով մարդ՝ անեծքներ հղելով. Սաֆարյան

Հայտնաբերվել են կանեփի խնամված բույսեր ու մարիխուանա. տեսանյութ

Լկտի սուտ, որ ասում են՝ դեռ փառք է. Քոչարյանները շարունակում են թաքցնել հունական կղզու ունեցվածքը. Սաֆարյան

Պռոշյան փողոցից դանակահարված վիճակում հիվանդանոց է տեղափոխվել Թուրքմենստանի քաղաքացի

Թբիլիսին շահագրգռված է հայ-ադրբեջանական հակամարտության դադարեցմամբ. Վրաստանի նախագահ

Հարվածներ է հասցրել կնոջը, վերջինս էլ ծծմբաթթուն լցրել է զուգընկերոջ վրա՝ սպանելով նրան. կինը կալանավորվել է

Կոտրել են Կարեն Դեմիրճյանի անվան մարզահամերգային համալիրի մուտքի դռները

Թրամփի վարչակազմը Հարվարդի համալսարանին արգելել է օտարերկրյա ուսանողներ ընդունել

Ձեր այսօրվա եռանդն ու գործադրվելիք ջանքերը մեր երկրի վաղվա ուժն են․ ԱԺ նախագահի ուղերձը

Ավտոմեքենան հրդեհվել է, բախվել կայանված մեքենաներին. վարորդը և ուղևորը տեղափոխվել են հիվանդանոց

Վերջին զանգը դպրոցական կյանքի ապրումների մասին է, ջերմ գրկեք իրար, գնացե՛ք առաջ. Ժաննա Անդրեասյան

Հաջիևը ԵՄ պաշտոնական ներկայացուցչի հետ քննարկել է հայ-ադրբեջանական հարաբերությունների կարգավորման գործընթացը

Դավթաշենի կամրջի տակ հայտնաբերել է տղամարդու մարմին

Դեսպան Լիլիթ Մակունցը կոնգրեսական Փեթ Հարիգանի հետ քննարկել է ՀՀ-ԱՄՆ երկկողմ օրակարգի հարցեր

ՔԿ շենքից 590 հազար դոլար գողանալու դեպքով կա ձերբակալված. մանրամասներ

Երևանի փոխքաղաքապետը հրապարակել է 1998-2018 թթ․ օտարված մանկապարտեզների ցանկը

Չեմ պատրաստվում վերընտրվել կամ կրկին առաջադրվել. Էրդողան

Քիմ Քարդաշյանն ավարտել է իրավաբանական դպրոցի դասընթացները. բազմաթիվ հետևորդներ ծաղրել են նրան

Mercedes-Benz GLE 350 մակնիշի տրանսպորտային միջոցը կամրացվի Պետական գույքի կառավարման կոմիտեին

Որդիս հրաժարվեց տարկետման իրավունքից և գնաց բանակ՝ ասելով՝ չեմ ուզում զբաղվել գիտությամբ բանակ չգնալու համար

Գագիկ Բեգլարյանի Մոնումենտի երկու առանձնատունը գնահատվել է 8 մլրդ դրամ. տեսանյութ

ՀՀ ԱԳՆ-ն ցավակցություն է հայտնել

Լուկա Մոդրիչը հայտարարել է «Ռեալ»-ից հեռանալու մասին

Դատավորն արգելափակել է Կրթության նախարարությունը լուծարելու Դոնալդ Թրամփի առաջարկը

Վոլգոգրադում «Մայր հայրենիքը կանչում է» հուշարձանի գլխում հայտնաբերվել է բուհի ռեկտորի դիակ

Սան Դիեգոյում մասնավոր ինքնաթիռի վթարի հետևանքով մի քանի մարդ զոհվել է. տեսանյութ

Bitcoin-ի գինը գերազանցել է պատմական առավելագույնը

100 մլն դոլար քեշ փող ունեցողը խոսում է ուրիշի հարուստ լինելու մասին. Ղազարյանը՝ Քոչարյանի մասին. տեսանյութ

Ռուսաստանը անվտանգության բուֆերային գոտի կստեղծի Ուկրաինայի հետ սահմանին. Պուտին