Ադմինիստրատոր՝ 350 հազար դրամ, այգեգործ՝ 150, բանվոր՝ 120. ինչ թափուր հաստիքներ կան Հայաստանում և որքան է աշխատավարձը

ՀՀ աշխատանքի եւ սոցիալական հարցերի նախարարության Միասնական սոցիալական ծառայության աշխատանքի որոնման՝ «Գտի՛ր աշխատանք» հարթակում այս պահի դրությամբ 3 հազար 387 թափուր աշխատատեղ կա:

Հարթակում հավաքագրված են Երեւանում եւ մարզերում առկա այն թափուր հաստիքները, որոնք գործատուները ներկայացրել են Միասնական սոցիալական ծառայություն. դրանք հիմնականում մասնավոր են, պետական համակարգում ներկայացված են այն հաստիքները, որոնք ոչ մրցութային են:

Առաջարկվող թափուր հաստիքները ամենատարբեր բնույթ են, աշխատավարձերի թիվը՝ եւս. սկսվում է նվազագույն աշխատավարձից՝ 68 հազար դրամից՝ հասնելով մինչեւ 350 հազար դրամի եւ ավելիի:

Օրինակ՝ Երեւանում ադմինիստրատորի թափուր հաստիքի համար առաջարկվող ամենացածր վարձատրությունը նվազագույն աշխատավարձի սահմանում է՝ 68 հազար դրամ, իսկ ամենաբարձրը՝ 155 հազար դրամի: Նույն հաստիքի համար առաջարկ կա նաեւ 150 հազար, 120 հազար, 100 հազար, 98 հազար, 93 հազար դրամի սահմաններում:

Որակավորում չունեցող բանվորի համար առաջարկվող աշխատանքը 120 հազար դրամի սահմանում է: Պահանջվում է նաեւ Ճանապարհային բանվոր, միս կտրող, մետաղյա իրեր մաքրող, պահածոյացված համեմունքներ պատրաստող եւ այլն, եւ այլն:

Ամրանագործի աշխատանքի համար նախանշված գումարը սկսվում է 200 հազար դրամից, այս աշխատանքի համար առաջարկվող նվազագույն աշխատավարձը 80 հազար դրամ է: Այգեգործի աշխատանքի համար վճարը 150 հազարից 120 հազար դրամ է, իսկ գործարքային այգեպանինը՝ 100 հազար դրամ: Անասնաբույժի աշխատանքի վարձատրությունը սկսվում է նվազագույն աշխատավարձի չափով՝ 68 հազար դրամ՝ առավելագույնը հասնելով 120 հազար դրամի: Խոշոր եղջերավոր անասուններ պահելու համար առաջարկվող աշխատավարձը սկսվում է 68 հազար դրամից՝ հասնելով մինչեւ 120 հազար դրամի:

Անեսթեզոլոիգա եւ ռեանիմատոլոգիա. այստեղ աշխատավարձը սկսվում է 90 հազար դրամից՝ հասնելով մինչեւ 350 հազար դրամի, ապրանքագետի աշխատանքի համար առաջարկվում է 80 հազար դրամ, առաքիչի աշխատանքի համար՝ 80 հազար դրամ՝ հասնելով 130 հազար դրամի:

«Հայկական ժամանակ»-ը ՀՀ աշխատանքի եւ սոցիալական հարցերի նախարարության Միասնական սոցիալական ծառայությունից հետաքրքրվել է՝ վերջին տվյալներով՝ ՀՀ-ում ընդհանուր առմամբ որքա՞ն է կազմում գրանցված գործազուրկների եւ աշխատանք փնտրողների թիվը:

ՄՍԾ-ի փոխանցմամբ՝ միասնական սոցիալական ծառայության տարածքային կենտրոններում հաշվառված աշխատանք փնտրողների թիվը 2022 թվականի հունիսի 1-ի դրությամբ կազմել է 78 հազար 600 մարդ, որը նախորդ տարվա նույն ժամանակահատվածի համեմատ նվազել է 13%-ով։ 

Աշխատանք փնտրող գյուղաբնակների թիվը կազմում է 40.5% կամ 31 հազար 800 մարդ, ըստ ՄՍԾ-ի՝ նախորդ տարվա համեմատ այս թիվը նվազել է. 2021-ի դեկտեմբերի տվյալներով՝ աշխատանք է փնտրել 34 հազար 200 մարդ:

Ըստ տնտեսության ճյուղերի՝ աշխատանք փնտրողների աշխատանքի տեղավորման բաշխվածության ամենամեծ տեսակարար կշիռը կազմել է արդյունաբերության, մեծածախ եւ մանրածախ առեւտրի, ավտոմեքենաների եւ մոտոցիկլների նորոգման, սպասարկման այլ ծառայությունների, կրթության եւ այլ ոլորտներում:

ՄՍԾ-ում գրանցված գործազուրկների թվաքանակը կազմում է աշխատանք փնտրողների 68.6%-ը կամ 53 հազար 900 հարյուր մարդ. այս ցուցանիշը նախորդ տարվա նույն ժամանակահատվածի համեմատ մնացել է անփոփոխ:

Գործազուրկ կանանց թվաքանակը կազմում է գործազուրկների ընդհանուր թվի 63.9%-ը կամ 34 հազար 500 մարդ,

Երիտասարդների թվաքանակը՝ 17.1% է կամ 9 հազար 200 մարդ,

Հաշմանդամություն ունեցող գործազուրկ անձանց թվաքանակը կազմում է 4.4% կամ 2 հազար 400 մարդ:

ՄՍԾ վարչությունն առանձին թվով ներկայացրել է նաեւ առաջին անգամ աշխատանք փնտրողների թիվը, այն կազմում է 25 հազար 300 մարդ, որից 34.5%-ը՝ 16-29 տարեկան երիտասարդներն են:

Ըստ ՄՍԾ-ի՝ երբ հավաքագրվում են թափուր հաստիքները, ոլորտային համակարգող անձինք կազմակերպում են խորհրդատվություն աշխատանք փնտրող անձանց հետ, ըստ փնտրող աշխատանքի ու մասնագիտության՝ առաջարկում առկա թափուր հաստիքները:

Օրինակ՝ այս տարվա հունիսի 1-ի դրությամբ խորհրդատվություն է ստացել 31 հազար 300 աշխատանք փնտրող անձ: Վերջիններիս խորհրդատվություն է տրամադրվել աշխատանքի եւ զբաղվածության օրենսդրության, մասնագիտական կողմնորոշման, զբաղվածության ծրագրերի, աշխատանքի փոփոխման եւ այլ հարցերով:

ՄՍԾ-ի փոխանցմամբ՝ տարածքային կենտրոնները համագործակցել են 20 հազար 500 գործատուի հետ, որոնցից հավաքագրվել է 3891 չկրկնվող թափուր աշխատատեղ: Դրանցից 240-ը նոր ստեղծված աշխատատեղ է, 29-ը՝ նոր ստեղծվող: Աշխատանքի է տեղավորվել 4340 աշխատանք փնտրող, որից 2826-ը՝ կին, 1089-ը՝ տղամարդ, 98-ը՝ հաշմանդամություն ունեցող անձ:

Տարեսկզբից տարբեր պատճառներով դադարեցվել է 9524 գործազուրկի կարգավիճակ: Ընդ որում՝ նրանցից 5%-ինը դադարեցվել է երկու անգամ հարմար աշխատանքի առաջարկից հրաժարվելու, 32%-ինը՝ տարածքային կենտրոնների հրավերով հարմար աշխատանքի տեղավորման կամ զբաղվածության պետական ծրագրում ընդգրկվելու առաջարկություն ստանալու համար 2 անգամ անհարգելի պատճառով չներկայանալու:

Կանանց գրեթե կրկնակի թիվը վկայում է այն մասին, որ իգական սեռի ներկայացուցիչներն ավելի շատ են դիմում ու հետամուտ լինում վերոնշյալ ճանապարհով աշխատանք գտնելուն:

Տպել
965 դիտում

Վարչապետը առցանց ասուլիս կտա. հայտնի են օրն ու ժամը

Մուշավան գյուղի մոտակայքում տեղի է ունեցել ՃՏՊ՝ ավտոմեքենան շրջվել է

Հնարավո՞ր է՝ մեր հեռախոսահամարները հրապարակվեն, գուցե գեղեցիկ աղջիկները տեսնեն ու զանգեն. «Ջերմուկյան էսքիզներ»

Ինչպես ենք կարողանում վնասել այն, ինչը ստեղծելու խնդիր ունենք․ Անդրեասյանը՝ դպրոցներից մեկում կատարված գողության մասին

ՀՀ ԱԳՆ-ն մեկնաբանել է Փաշինյան-Պուտին հանդիպման 2022թ․ ապրիլի 19-ի համատեղ հայտարարության 24-րդ կետը

Հայաստանն ու Լիտվան պատրաստվում են միջկառավարական հանձնաժողովի նիստին

Էջմիածնի բնակիչը երթուղայինում բջջային հեռախոս է գողացել

ԵՏՄ անդամ Հայաստանը պատրաստ է աջակցել հայկական շուկա մտնելու ցանկություն ունեցող ավստրիական ընկերություններին․ Սիմոնյան

Ինչ եղանակ սպասել առաջիկա օրերին

Նիկոլ Փաշինյանն ընդունել է ՌԱԿ Կենտրոնական վարչության ատենապետ Միքայել Խարապյանին և վարչության ներկայացուցիչներին

Բարի գալուստ «Նոա» ընտանիք․ ֆուտբոլային ակումբը նոր պայմանագրեր է կնքել

Գավառի ԲԿ-ում առաջին անգամ կեսարյան հատումով եռյակ է լույս աշխարհ եկել

Լոռիում վերջին մի քանի օրում հայտնաբերվել է 10-ից ավելի մեքենա՝ բեռնված տարբեր ծավալի փայտանյութով

Ուժեղ քամին Գյումրիում պոկել է Ղանդիլյան փողոցի շենքերից մեկի տանիքի թիթեղները

Համայն Ռուսիո պատրիարք Կիրիլը Նովոռոսիյսկում պատարագի ժամանակ սայթաքել է և ընկել

Ավտոմեքենան ընկել է Ազատի ջրամբարը և սուզվել

Կյանքից հեռացել է կլարնետիստ Հովհաննես Վարդանյանը

ՌԴ-ում ՀՀ դեսպանը և Յուրի Վորոբյովը քննարկել են Հայաստան-Ռուսաստան միջխորհրդարանական փոխգործակցության ամրապնդման հարցերը

Շիրակի մարզի պարեկները բեռնատարի մեջ՝ արկղերով կանեփ, պլաստմասե շշերում էլ կանեփանման զանգվածներ են հայտնաբերել

Վթարային ջրանջատում Սյունիքում․ երկու բնակավայր 12 ժամ ջուր չի ունենա

Արարատում համագյուղացիների վեճն ավարտվել է  դանակահարությամբ․ կա ձերբակալված

Երևան-Մեղրի ճանապարհին ավտոմեքենան ծառին է բախվել․ վարորդը հոսպիտալացվել է

Պուշկինի թունելի էլեկտրամատակարարումն ամբողջությամբ վերականգնվել է

Հիմնադրամի համահայկական ընդգրկումն ինքին բացառում է որևէ քաղաքական միտում, նախընտրություն կամ ազդեցություն․ ՀՀ նախագահ

Նոր խաղադաշտի բացում՝ ֆուտբոլային խաղով․ ընկերական հանդիպմանը մասնակցել է նաև Երևանի քաղաքապետ Հրաչյա Սարգսյանը

Բերման է ենթարկվել գողության և խարդախության մեղադրանքով հետախուզվող 29-ամյա տղամարդը

Հայաստանը բարձր է գնահատում մեր երկրների միջև բարեկամական հարաբերությունները. Վահագն Խաչատուրյանը՝ Սլովենիայի նախագահին

Հրդեհ է բռնկվել Արմավիրի բնակարաններից մեկում

Լիլիթ Մակունցը հանդիպում է ունեցել ԱՄՆ նախագահ Ջո Բայդենի հետ

Բացահայտվել և չեզոքացվել է անօրինական միգրացիայի կազմակերպմամբ զբաղվող հերթական հանցավոր խմբի գործունեությունը

Նիկոլ Փաշինյանը մասնակցում է «Հայաստան» համահայկական հիմնադրամի հոգաբարձուների խորհրդի նիստին

Բացվել է Գյումրու համալիր մանկապատանեկան մարզադպրոցի նոր մասնաշենքը

Քաղաքացիական մեքենայով վթարի են ենթարկվել ՊԲ N զորամասի պայմանագրային զինծառայողները․ նրանցից մեկը մահացել է

Փրկարարներն օգնություն են ցուցաբերել քաղաքացիներին

Գնել Սանոսյանն այցելել է Ազատի ջրամբար (լուսանկարներ)

Դիմիտրով գյուղի կամրջի մոտակայքում տեղի է ունեցել ՃՏՊ՝ հրդեհի բռնկմամբ․ վնասվել է նաև գազատարը

Մինչև 6 ժամ լույս չի լինի Երևանի բազմաթիվ հասցեներում և 8 մարզի տարբեր համայնքներում

Սիսիան-Երևան ճանապարհին մեքենաներ են բախվել․ կա զոհ

Նոր տրանսֆեր․ «Արարատ-Արմենիա»-ի հերթական համալրումը

ՀՀ նախագահն ու Արտակ Բեգլարյանը քննարկել են Արցախի հումանիտար խնդիրներն ու դրանց լուծման հնարավոր ուղիները