Լուծարքներ, վարձավճարի պարտք. ինչու է ԵՊՀ-ից հեռացվել պատգամավոր Գեղամ Մանուկյանի որդին. Մայր բուհի պարզաբանումը

Օրերս հայտնի դարձավ, որ ընդդիմադիր ուժերի՝ Գյումրիում կազմակերպած հանրահավաքի օրը՝ մայիսի 8-ին, Երևանյան խճուղու կանգառներից մեկում տարեց տղամարդկանց բռնության ենթարկելու համար մեղադարվողներից Տարոն Մանուկյանը, որը ՀՀ Ազգային ժողովի «Հայաստան» խմբակցության պատգամավոր Գեղամ Մանուկյանի որդին է, հեռացվել է Երևանի պետական համալսարանից:

Տարոն Մանուկյանի հեռացման մասին «Ֆեյսբուք»-ի իր էջում հայտնել էր ԵՊՀ արևելագիտության ֆակուլտետի դեկան Ռուբեն Մելքոնյանը։

Վերջինս նշել էր, թե ուսանողը, այսինքն՝ Տարոն Մանուկյանը, մասնակցել է դասընթացներին, սակայն չի կարողացել հանձնել քննությունները, քանի որ արդեն կալանավորված է եղել: Ըստ Մելքոնյանի՝ ինքը զեկուցագրով դիմել է ռեկտորատ և հայտնել, որ արևելագիտության ֆակուլտետի դասախոսները և անձամբ ինքը պատրաստ են Տարոնի քննությունները ընդունել կալանավայրում՝ տեսակցությունների համար նախատեսվող տարածքում: Առաջարկը, սակայն, դեկանի խոսքով, մերժվել է:

Տարոն Մանուկյանի՝ ԵՊՀ-ից հեռացվելու վերաբերյալ «Հայկական ժամանակ»-ը գրավոր հարցմամբ դիմել է Մայր բուհ՝ հարցի առնչությամբ պարզաբանումներ ստանալու: Հարցադրմանը՝ արդյոք ճի՞շտ է ԵՊՀ արևելագիտության ֆակուլտետի դեկան Ռուբեն Մելքոնյանի պնդումը, ըստ որի՝ Տարոն Մանուկյանը համալսարնից հեռացվել է քննությունները չհանձնելու պատճառով, Մայր բուհից հաստատել են այն՝ նշելով. «Արևելագիտության ֆակուլտետի «Թյուրքագիտություն» կրթական ծրագրի առկա ուսուցման բակալավրիատի 3-րդ կուրսի նախկին ուսանող Տարոն Գեղամի Մանուկյանը հեռացվել է համալսարանից, քանի որ 2021-22 ուստարվա 2-րդ կիսամյակի քննաշրջանի 2-րդ լուծարքի ամփոփման արդյունքում ունեցել է 30 կրեդիտ ակադեմիական պարտք և 110 հազար ՀՀ դրամ ուսման վարձավճարի պարտք:

ԵՊՀ-ից նաև հավելել են. «Համաձայն ՀՀ կրթության և գիտության նախարարի 2018 թ. դեկտեմբերի 17-ի թիվ 1676-Ն հրամանով հաստատված «Հայաստանի Հանրապետության բարձրագույն ուսումնական հաստատությունների ուսանողների հեռացման (ազատման) և վերականգնման» կարգի (այսուհետ՝ Կարգ) 2-րդ կետի 1-ին և 2-րդ ենթակետերի ու 3-րդ կետի 1-ին ենթակետի դրույթների՝ ակադեմիական անբավարար առաջադիմություն ցուցաբերած և կիսամյակի քննաշրջանի արդյունքներով (ներառյալ 2 վերահանձնման փուլերը) համապատասխան կրեդիտները չհավաքած ուսանողների հեռացումն իրականացվում է ակադեմիական պարտքերի վերահանձնման 2-րդ փուլի տվյալների ամփոփումից հետո»:

Նկատենք, սակայն, որ դեկան Ռուբեն Մելքոնյանն իր գրառման մեջ չի հիշատակել, որ Տարոն Մանուկյանը նաև վարձավճարի պարտք է ունեցել:

Հարցին՝ ի՞նչ հիմքով է մերժվել արևելագիտության ֆակուլտետի դեկան Ռուբեն Մելքոնյանի առաջարկը՝ Տարոն Մանուկյանի քննությունները կալանավայրում ընդունելու վերաբերյալ, ԵՊՀ-ից պատասխանել են. «Համաձայն ԵՊՀ կանոնադրության 1-ին կետի 3-րդ ենթակետի՝ ԵՊՀ-ն իր գործունեությունն իրականացնում է՝ Հայաստանի Հանրապետության Սահմանադրությանը, Հայաստանի Հանրապետության քաղաքացիական օրենսգրքին, «Բարձրագույն և հետբուհական մասնագիտական կրթության մասին» Հայաստանի Հանրապետության օրենքին, Հայաստանի Հանրապետության այլ իրավական ակտերի և ԵՊՀ կանոնադրությանը համապատասխան։ Երևանի պետական համալսարանում առկա (լսարանային) ձևաչափով ուսումնառությունը, ներառյալ՝ ստուգարքների և քննությունների հանձնումը, կազմակերպվում է ԵՊՀ մշտական տեղակայման վայրերում, այն է՝ ԵՊՀ ուսումնական մասնաշենքերում։ Այս գործընթացի կազմակերպման համար որևէ այլ ձևաչափ կամ ընթացակարգ առկա չէ։ ԵՊՀ բոլոր ուսանողների համար գործում է միևնույն կարգը և յուրաքանչյուր բացառություն ենթադրում է իրավախախտում: «Արևելագիտություն» մասնագիտությունը ներառված է ՀՀ կառավարության 2005 թ. մայիսի 25-ի թիվ 692-Ն որոշմամբ հաստատված հեռակա, ինչպես նաև հեռավար (դիստանցիոն) ձևերով ուսուցում չթույլատրվող բարձրագույն կրթության մասնագիտությունների ցանկում, ուստի ԵՊՀ արևելագիտության ֆակուլտետի «Թյուրքագիտություն» կրթական ծրագրի նախկին ուսանող Տարոն Գեղամի Մանուկյանը քննություններին կարող էր մասնակցել միայն առկա (լսարանային) ձևաչափով»:

Նկատենք՝ այսօր՝ ժամեր առաջ, հայտնի դարձավ, որ Տարոն Մանուկյանը և նույն գործով անցնող Գոռ Սարգսյանը ազատ կարձակվեն: Տեղեկությունը «Ֆեյսբուք»-ի իր էջում հայտնել էր ամբաստանյալների փաստաբան Աբգար Պողոսյանը: Վերջինս լրատվամիջոցների հետ զրույցում հավելել է, որ նրանցից յուրաքանչյուրն ազատ է արձակվել 3 միլիոն գրավի դիմաց:

Հիշեցնենք՝ մայիսի 10-ին համացանցում տեսանյութ էր հայտնվել, որտեղ մի խումբ երիտասարդներ ծեծում էին մի քանի այլ անձանց: Այնուհետև, ըստ ՀՀ քննչական կոմիտեի, պարզ դարձավ, որ դեպքը տեղի է ունեցել 2022 թվականի մայիսի 8-ին, երբ ընդդիմադիր ուժերը ավտոթերթով գնացել էինք Գյումրի՝ հանրահավք իրականացնելու: ՔԿ հաղորդագրության համաձայն՝ մի խումբ երիտասարդներ, իջնելով ավտոմեքենայից, մոտեցել էին Գյումրու Երևանյան խճուղում գտնվող հասարակական տրանսպորտի կանգառում կանգնած տարեց տղամարդկանց և սկսել հարվածներ հասցնել նրանց մարմնի տարբեր մասերին: Նախաքննության ընթացքում պարզվել էր վերոնշյալ երիտասարդների հանցավոր արարքներից տուժած տղամարդկանց ինքնությունը, որոնք 74, 56, 72 և 84 տարեկան քաղաքացիներ էին եղել:

Տպել
3978 դիտում

Հայաստանի 4 տարածաշրջաններում ձյուն է տեղում

Խորապես ցնցված եմ Վլադիմիր Մակեյի մահվան լուրից․ Արարատ Միրզոյանը ցավակցություն է հայտնել

Հիմնականում խաղում է անապահով խավը. ՀՀ-ում 2021-ին 3,9 տրիլիոնի խաղադրույք է արվել, գիրք գնվել՝ 1,8 մլրդ դրամի

9 ժամով կփակվի Պուշկինից մինչև Ամիրյան փողոց հատվածի երթևեկությունը

Մեր պատասխանն ագրեսիային պետք է լինի շատ կոնկրետ. ժողովրդավար պետությունները պետք է աջակցեն միմյանց․ Գրիգորյան

Մահացել է Բելառուսի ԱԳ նախարար Վլադիմիր Մակեյը

Թիվ 13 ԲՍՓ հանձնաժողովի անդամը որպես կաշառք պահանջած 60 հազար դրամը ստանալուց անմիջապես հետո ձերբակալվել է (տեսանյութ)

ՄԻՊ-ը պարզաբանում է պահանջել Լոռիում ոստիկանության ծառայողների և քաղաքացիների մասնակցությամբ տեղի ունեցածի վերաբերյալ

Ալիևը փակուղում է, միջազգային դաշտում տանուլ է տալիս, հաջորդ քայլը կարող է լինել պատերազմական էսկալացիան. Խալաթյան

ԱՊՀ-ի, ՀԱՊԿ-ի, ՇՀԿ-ի փորձագետները պայմանավորվել են համատեղ հակաահաբեկչական զորավարժություններ անցկացնել

ՀՀ արդարադատության նախարարությունը տեղեկություն է հրապարակել Վարուժան Ավետիսյանի առողջության վերաբերյալ

Արջուկը Գառնիի փողոցներում․ Կոտայքի մարզպետը տեսանյութ է հրապարակել

Հայաստանում ապաստան ստանալու 700 խնդրագիր է ստացվել․ որ երկրի քաղաքացիներն են ավելի շատ դիմում ներկայացրել (տեսանյութ)

Երևանում մեկնարկել է հայ-ռուսական առողջապահական 7-րդ համաժողովը

Ոչ թե հայկական, այլ ադրբեջանական ԶՈՒ-ն է խախտել հրադադարի ռեժիմը․ ՀՀ ՊՆ

Ադրբեջանի ՊՆ-ն շարունակում է ապատեղեկատվություն տարածել․ ՊԲ

Հրդեհ Գյումրու «ԼՈՖԹ» ժամանցային կենտրոնում (լուսանկարներ)

Օդի ջերմաստիճանը կնվազի, լեռնային շրջաններում թաց ձյուն կտեղա

Պուտինն ու Ալիևն այս շաբաթ երկրորդ անգամ են քննարկել Հայաստանի հետ պայմանավորվածությունների կատարման հարցը

ԿԸՀ ռազմավարական պլանավորման աշխատանքային քննարկման ընթացքում կվերանայվեն ընտրական վարչարարության ուժեղ և թույլ կողմերը

Բռնցքամարտիկ Էրիկ Իսրայելյանը՝ աշխարհի երիտասարդական առաջնության հաղթող

Շուրջ 800 աշակերտ է այս տարի մասնակցել Երևանի քաղաքապետարանի նախաձեռնած կրթական-ճանաչողական ծրագրին (տեսանյութ)

Գանձաքար-Բերդ ավտոճանապարհին բեռնատարը ձորն է գլորվել․ վարորդը մահացել է

ԿԸՀ-ն ընտրատարածքային ընտրական հանձնաժողովների անդամակցության 600-ից ավելի դիմում է ստացել

«Առողջություն և անվտանգ երթևեկություն բոլորիս». վթարի է ենթարկվել ԱԺ պատգամավոր Գևորգ Պապոյանը

Շիրակի մարզպետը ակնկալում է եղբորը բերման ենթարկելու դեպքի մանրամասն ուսումնասիրություն, ընդհուպ՝ ծառայողական քննություն

ԵԱՀԿ ԽՎ-ն պետք է ամուր լինի ուժի սպառնալիքից կամ դրա կիրառումից զերծ մնալու սկզբունքի պաշտպանության հարցում. Խանդանյան

Արման Եղոյանը Մարլեն Լունդ-Կոպպարկլինտիի հետ խոսել է Հայաստանին սպառնացող վտանգների աշխարհաքաղաքական ենթատեքստի մասին

Գորայքում, Վարդենյաց լեռնանցքում և ՀՀ այլ ավտոճանապարհներում ձյուն է տեղում

Հոկտեմբերից Հայաստանում գտնվող ՀՀ ազգային հերոս, սրտային վիրաբույժ Հրայր Հովագիմյանը 40 բարդ վիրահատություն է կատարել

Մեկ ամիս Արարատ գյուղում ջրամատակարարումը կիրականացվի ժամանակացույցի խախտումներով

ԱԽ քարտուղար Արմեն Գրիգորյանն աշխատանքային այցով կմեկնի Ֆրանսիա և Գերմանիա

Նորագավիթ 1-ին փողոցում բախվել են երկու մարդատար ավտոմեքենաներն ու բեռնատար գնացքը

ԱԱ-2022․ նոյեմբերի 26-ի խաղացանկը

ՊԲ-ն հերքում է ադրբեջանական նոր ապատեղեկատվությունը

Մարտունի-Գավառ ավտոճանապարհին մեքենաներ են բախվել․ կան տուժածներ և 4 զոհ

Մեղրիի լեռնանցքում ձյուն է տեղում

Հակառակորդը կրակ է բացել հայ-ադրբեջանական սահմանի հայկական դիրքերի ուղղությամբ

Չկա սահման՝ չկա ճանաչված տարածք, ուրեմն ինչ ամբողջականության մասին էիք խոսում 30 տարի. Աղաջանյանի ելույթը ԵԽԽՎ-ում

Կանադան պատրաստակամ է աջակցելու Հայաստանում ժողովրդավարության ամրապնդմանը. հանդիպել են Միրզոյանն ու դեսպանը