Ինչու չի գործարկվում Մոնումենտում տեղադրված «Սատանի անիվ» կոչվող նոր կարուսելը. տնօրենը մանրամասնում է խոչընդոտները

Շաբաթներ առաջ Երեւանի քաղաքապետ Հրաչյա Սարգսյանը հայտարարել էր, որ Երեւանի «Հաղթանակ» զբոսայգու նոր՝ «Սատանի անիվ» կոչվող կարուսելն ապօրինի է տեղադրվել։ Քաղաքապետը հանձնարարել էր մինչեւ հաջորդ երկուշաբթի համապատասխան խախտման մասին արձանագրություն կազմել եւ հաջորդ գործակարգավարական խորհրդակցությանը ներկայացնել իրեն: Սակայն դրանից հետո այս հարցի վերաբերյալ որեւէ նոր զարգացում այդպես էլ չեղավ, իսկ կարուսելը չշահագործվեց:

 

Հատկանշական է, որ այգու նոր ատրակցիոնի ապօրինի լինելու մասին սա քաղաքապետարանում արված առաջին հայտարարությունն էր։ Մինչդեռ մայրաքաղաքի բարձունքում տեղադրված ատրակցիոնն արդեն մի քանի ամիս է՝ տեսանելի է Երեւանի տարբեր հատվածներից։

Այսօր «Հայկական ժամանակ»-ը այցելել է Մոնումենտի զբոսայգի, տեղում ծանոթացել առկա խոչընդոտներին, զրուցել պատասխանատուների հետ: «Սատանի անիվը», ինչպես եւ Մոնումենտի մոտ 60 ատրակցիոնները պատկանում են «Ուրախ ժամանց» ՍՊԸ-ին:

ՍՊԸ-ի տնօրեն Վահրամ Ներսեսյանը մեզ հետ զրույցում հայտնում է, որ փետրվար ամսին դիմել են Երեւանի քաղաքապետարան՝ շինթույլտվություն ստանալու համար, սակայն, երբ ձգձգվել է պատասխանը, որոշել են սպասելուն զուգահեռ մնացած թղթաբանական հարցերը կարգավորել:

«Կարուսելն անցել է համալիր փորձաքննության բոլոր փուլերը: Քանի որ այն բավականին բարդ կառույց է, մենք ի սկզբանե աշխատել ենք ամեն ինչ պատշաճ կերպով անել: Ունենք բոլոր գերատեսչությունների դրական եզրակացությունները՝ նախագծայինից զատ՝ շրջակա միջավայրի նախարարության, քաղաքաշինության կոմիտեի տեսչական մարմնի, ԱԻՆ-ի, քաղաքացիական ավիացիայի, բոլորի դրական եզրակացություններն ունենք: Մենք չէինք սպասում, որ համալիր փորձաքննության դրական եզրակացությունից հետո հանկարծ կարող էր քաղաքապետարանի թույլտվությունը չլինել»,- ասում է Վահրամ Ներսեսյանը:

ստանաաաաա.jpg (260 KB)

Վերջինիս խոսքով՝ ատրակիցիոնը ներկրել են Ռուսաստանի Դաշնությունում գործող «Կարուսել» ընկերության գործարանից, որի հետ նախապես պայմանագիր են ունեցել, ու եթե պայմանագրերի կետերը խախտեին, տույժ-տուգանքնի առաջ կարող էին կանգնել: Մայիսից սկսել են աշխատանքները:

Տնօրենի խոսքով՝ մոտավորապես 2 միլիոն ԱՄՆ դոլարին համարժեք գումար միայն ատրակցիոնի արժեքն է եղել: «Հայաստանում նման բան չկա, սա առաջինն է, փակ կաբինայով, ձմռանը՝ տաքացուցիչով, ամռանը՝ հովացնող համակարգով, հարմարավետ ու ապահով»,- նոր ատրակցիոնը ներկայացնելիս ասում է Ներսեսյանը: Նրա խոսքով՝ գինը եւս թանկ չի լինելու, նախնական՝ գուցե 1500 դրամի սահմանում որոշեն:

տոմսարկղղղ.jpg (243 KB)

Մոնումենտի կարուսելների այդ հատվածում նախկինում շղթա կոչվող ատրակցիոնն է եղել:

Տնօրենի խոսքով՝ այդ ատրակցիոնն արդեն հին է եղել, որոշել են թարմացնել ժամանակակից տարբերակով: «Այս երկու տարվա ընթացքում 10 կարուսել ենք նորացրել, հինը հանել, ապամոնտաժել, նորն ենք տեղադրել: Սեզոնի ընթացքում 100-120 աշխատող ենք ունենում: Բոլոր կարուսելները կամաց-կամաց թարմացնում ենք, բայց երբեմն հանդիպում ենք նման խոչընդոտների: Մեր ժողովրդի համար լավ բան ենք անում, բայց որ այս ձեւով աշխատանքը ստոպ են տալիս, հիասթափվում ես: Բազմաթիվ ծրագրեր ունենք, բայց չգիտենք՝ կանե՞նք, ինչպես անենք, եթե ամեն մի ծրագրի համար նման խոչընդոտներ են լինելու»,- դժգոհում է նա:

տատիկկկ.jpg (317 KB)

մայր հայստան.jpg (195 KB)

Ներսեսյանի վստահեցմամբ՝ արդեն քաղաքապետարանի համապատասխան բաժնի հետ պայմանավորվածություն ունեն, որպեսզի հանդիպեն ու վերջնական քննարկեն թույլտվության հարցը: Այժմ սպասում են ԱԻՆ-ի երրորդ փուլի փորձաքննության պատասխանին, որը կհաստատի՝ կարուսելը պիտանի է շահագործման: «Չեմ կարծում, թե չլինի»,- ասում է նա:

Նշենք, որ մեր այցելության ժամանակ ատրակցիոնի տարածքում բարեկարգման աշխատանքներ էին իրականացվում:

բարեկրգում.jpg (262 KB)

Երեւանի քաղաքապետարանից էլ հայտնում են, որ առայժմ նոր ասելիք չունեն, այն, ինչ ասվել է, դրան եւս ավելացնելու բան չունեն:

ԱԻՆ տեխնիկական անվտանգության ազգային կենտրոնի տնօրեն Վարդան Գեւորգյանը մեզ հետ զրույցում հաստատում է՝ փորձաքննություն են իրականացրել, առաջին երկու փուլերին՝ նախագծին եւ վկայագրին, տվել դրական եզրակացություն:

«Այժմ պետք է գործարկելու իրավունք ստանալու համար էլ փորձաքննություն անցնեն, բայց դրա համար չեն դիմել: Սպասում ենք իրենց դիմումին: Ենթադրվում է, որ իրենք էլ սպասում են Երեւանի քաղաքապետարանի թույլտվությանը»,- նկատում է Գեւորգյանը:

Անդրադառնալով մնացած ատրակցիոնների գործարկմանը՝ վերջինս նշում է՝ ժամանակ առ ժամանակ ուսումնասիրում են: «Ամեն ինչ նորմալ է: Այդ մարդիկ էլ բավականին հետեւողական ու պատասխանատու կերպով են մոտենում»,- ընդգծում է նա:

մոտիկ.jpg (187 KB)

Լուսանկարները՝ «Հայկական ժամանակ»-ի

Տպել
4912 դիտում

Հարևան երկրները տեղեկացված են եղել Իսրայելի վրա հարձակման մասին գործողությունից 72 ժամ առաջ. Աբդոլլահիան

Իսրայելը կպատասխանի Իրանի հարձակմանը. CNN

Ծաղկունքում հրդեհի հետևանքով այրվել է պահեստավորված անասնակերն ու խորդանոցը

Քեզ ո՞ւմ տեղն ես դրել, որ մարդու արժանապատվության հետ ես խաղում. Կարեն Բաբաջանյանը՝ Արմուշի և «32 ատամ» ակումբի մասին

Ավարտին են մոտենում Սանահին-Ակներ ճանապարհի կառուցման աշխատանքները

Ժամկետային զինծառայողը մեքենայով բախվել է կայանված բեռնատարին, այնուհետ՝ պատին. նա տեղափոխվել է հիվանդանոց

Իրանի հարձակումը հետ մղելը Իսրայելին արժեցել է 1,3 միլիարդ դոլար

«Մա՛հ Իսրայելին». Իրանի խորհրդարանը վանկարկումներով «տոնել է» իր գործողությունը (տեսանյութ)

Ադրբեջանն ու Հորդանանը համաձայնագիր են ստորագրել պաշտպանության ոլորտում համագործակցության մասին

Իսրայելի ցանկացած նոր արկածախնդրություն կարժանանա ավելի ծանր պատասխանի. Ռայիսին մեկնաբանել է Իրանի գործողությունը

Այս պահին Իրանը մտադիր չէ շարունակել պաշտպանական գործողությունները. Աբդոլլահիան

Երևանում բախվել են «Ֆոլկսվագեն»-ն ու կվադրոցիկլը․ վարորդները տեղափոխվել են հիվանդանոց

Իրանի ԱԳՆ-ն Իսրայելի վրա հարձակումից հետո կանչել է Մեծ Բրիտանիայի, Գերմանիայի և Ֆրանսիայի դեսպաններին

Հռոմի պապը մտահոգություն է հայտնել Իրանի գործողություններից հետո Մերձավոր Արեւելքում տիրող իրավիճակի կապակցությամբ

Գետափնյա գյուղի մոտակա կամրջով երթևեկությունը դեռևս փակ է

Սպասվում են տեղումներ, ամպրոպ, քամու ուժգնացում. առաջիկա օրերի եղանակային կանխատեսումը

Երուսաղեմում կրթական բոլոր հաստատությունները փակ են, ցանկացած հավաք՝ արգելված. Արտյոմ Չերնամորյան

ՄԻՊ-ն իրականացրել է պարեկային ծառայությունում կանանց ներգրավման հարցերի ուսումնասիրություն

Քիմ Քարդաշյանը մասնակցել է 10-րդ «Breakthrough Prize» մրցանակաբաշխությանը (լուսանկարներ)

Արման Ծառուկյանը հաղթել է UFC դասակարգման առաջատարին՝ բրազիլացի Չարլզ Օլիվեյրային

Աղոթեք, որ մեր լավ հարևան Իրանը չմտնի արևմուտքի մեր լավ բարեկամների հետ ռազմական հակամարտության մեջ. Իոաննիսյան

Իրանը հայտարարել է Իսրայելի դեմ գործողության ավարտի մասին

Երևանի մանկապարտեզներից մեկում շչակ է գործարկվելու

Մահվան ելքով վրաերթ Երևանում. հետիոտնը մահացել է ճանապարհին

Իսրայելը բացել է օդային տարածքը

Տոկաևը կժամանի Հայաստան. հայտնի է հանդիպումների շրջանակը

Իրան-Իսրայել լարվածության ֆոնին Նեթանյահուն առաջին անգամ հայտարարություն է արել

ԱՄՆ-ը հրավիրել է G7-ի առաջնորդներին՝ Իրանի «լկտի» հարձակման պատասխան մշակելու համար

ԱՄՆ-ն օգնեց Իսրայելին ոչնչացնել գրեթե բոլոր անօդաչու սարքերն ու հրթիռները. Բայդեն

Իսրայելը կպատժվի. Իրանի գերագույն առաջնորդ

Երուսաղեմի հայկական թաղամասում ամեն ինչ հանգիստ է. զոհեր և վիրավորներ չկան

Իսրայելի՝ Թել Ավիվ քաղաքի երկինքը (տեսանյութ)

Սա աննախադեպ էսկալացիա է և լուրջ սպառնալիք տարածաշրջանային անվտանգության համար․ Բորել

Խստորեն դատապարտում ենք Իրանի հարձակումը Իսրայելի վրա․ Մեծ Բրիտանիայի վարչապետ

Մի շարք երկրներ փակել են իրենց օդային տարածքները

Իրանական բալիստիկ հրթիռներն Իրաքի օդային տարածքում (տեսանյութ)

Հեզբոլլահի հարվածներն Իսրայելի հյուսիսին (տեսանյութ)

Ցանկացած երկիր, որը կբացի իր օդային տարածքը Իսրայելի առաջ՝ Իրանի վրա հարձակվելու համար, կստանա մեր ուժգին պատասխանը

Նեթանյահուն ռազմական շտաբում արտահերթ նիստ է գումարել

Ռուսաստանը դադարեցրել է դեպի Իսրայել, Իրաք և Հորդանան թռիչքները