Վովա Գասպարյանի դուստրն ու փեսան հրավիրվել են դատախազություն

ՀՀ ոստիկանության նախկին պետ Վլադիմիր Գասպարյանի դուստրը՝ Աննա Գասպարյանն ու նրա ամուսինը՝ Արթուր Գեւորգյանը, նոյեմբերի 18-ին հրավիրվել են ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչություն։ Այս մասին «Հայկական ժամանակ»-ը տեղեկացավ azdarar.am կայքից։

Աննա Գասպարյանին ուղղված ծանուցագրում մասնավորապես նշված է․ «ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչությունում Արթուր Սամվելի Գեւորգյանին պատկանող գույքի առնչությամբ իրականացվում է ուսումնասիրություն, որի արդյունքում կազմվել է ամփոփագիր, ինչի հիման վրա Ձեր անվամբ հաշվառված գույքը հանդիսանում է բռնագանձման առարկա»: 

Նշենք, որ Արթուր Գեւորգյանը եղել է ԱԺ պատգամավոր, իսկ մինչ այդ՝ 2005-2008 թթ., Երեւանի Դավթաշեն համայնքի ղեկավարի տեղակալը, 2008-ին էլ ընտրվել էր հիշյալ համայնքի ղեկավար: 2009-ին, երբ մայրաքաղաքը բաժանվեց վարչական շրջանների, Գեւորգյանը նույն տարում նշանակվեց Դավթաշենի ղեկավար՝ պաշտոնավարելով մինչեւ 2012 թվականը: ՀՀԿ-ական Գեւորգյանը 2012-ին մեծամասնական ընտրակարգով Դավթաշենից ընտրվեց ԱԺ պատգամավոր, 2017-ի ԱԺ ընտրությունների ժամանակ էլ վերընտրվեց ռեյտինգային ընտրակարգով Երեւանի թիվ 2 ընտրատարածքից։ 2018-ի մայիսին Ա․ Գեւորգյանը հայտարարեց ՀՀԿ-ից, ինչպես նաեւ ԱԺ ՀՀԿ խմբակցությունից դուրս գալու մասին։ Գեւորգյանը նաեւ ՀՀ բռնցքամարտի ֆեդերացիայի նախագահն էր։

Նախկին պատգամավորն իր՝ պաշտոնը դադարեցնելու օրվա դրությամբ Բարձրաստիճան պաշտոնատար անձանց էթիկայի հանձնաժողով ներկայացրած գույքի, եկամուտների հայտարարագրում (2019 թ․) պատկառելի ունեցվածք է հայտարարագրել։ Մասնավորապես որպես դրամական միջոց նախկին պատգամավորը հայտարարագրել է 1 մլն 600 հազար ԱՄՆ դոլար, 50 մլն ՀՀ դրամ, 150 հազար եվրո, ինչպես նաեւ՝ հողին ամրակայված երկու անշարժ գույք, մեկ հողամաս եւ մեկ անհատական բնակելի տուն։ Որպես տրանսպորտային միջոց՝ Գեորգյանը հայտարարագրել է երեք միավոր մարդատար ավտոմեքենա՝ JEEP WRANGLER 3.6, TOYOTA CAMRY 2.5, TOYOTA LAND CRUISER 200 4.6։

Նշենք, որ «Հետք»-ը 2020 թվականի փետրվարին գրեց, որ Գեւորգյանը վաճառել է ամերիկյան իր բնակարաններն ու 1,5 մլն դոլարով առանձնատուն գնել Գլենդելում։

Վլադիմիր Գասպարյանի փեսան, ըստ «Հետք»-ի, ԱՄՆ-ում 2015 եւ 2016 թթ. ձեռք է բերել 2 բնակարան (մեկը՝ Գլենդելում՝ 520 հազար դոլարով, մյուսը՝ Լոս Անջելեսում՝ 475 հազար դոլարով), որոնք, սակայն, չի հայտարարագրել, ինչը պարտավոր էր անել: 2017-ին պատգամավոր Գեւորգյանն օտարել է բնակարանները իր իսկ հիմնած «Arvivi» ընկերությանը, մինչդեռ իբրեւ պատգամավոր իրավունք չուներ զբաղվել ձեռնարկատիրությամբ, քանի որ դա Սահմանադրության խախտում է:

Գույքի ձեռքբերումը չհայտարարագրած պաշտոնյան չի հայտարարագրել նաեւ դրա օտարումը, այնինչ 2017 թ. հուլիսի 1-ից ուժի մեջ է մտել Քրեական օրենսգրքի 314.3 հոդվածը, որով հայտարարագրերում կեղծ տվյալ ներկայացնելը կամ հայտարարագրման ենթակա տվյալ թաքցնելը համարվում է քրեորեն պատժելի արարք։

Հիշյալ հրապարակումից հետո՝ 2020թ․ մարտի 11-ին, ՀՀ հատուկ քննչական ծառայությունը հարուցեց քրեական գործ ՔՕ 310.1 (Ապօրինի հարստանալը) հոդվածի առաջին մասով եւ 314.3 (Հայտարարագրում կեղծ տվյալ ներկայացնելը կամ հայտարարագրման ենթակա տվյալը թաքացնելը) հոդվածի երկրորդ մասով:

2020 թ․ ապրիլի 9-ին էլ ՀՀ գլխավոր դատախազությունը հաղորդագրություն տարածեց՝ մասնավորապես պարզաբանելով․ «Իրականացվող նախաքննության ընթացքում ձեռք են բերվել փաստական տվյալներ առ այն, որ 5-րդ եւ 6-րդ գումարման ԱԺ պատգամավոր Ա. Գ.-ը, 2012-2019թթ. ընթացքում «Հանրային ծառայության մասին» ՀՀ օրենքով սահմանված կարգով հանդիսանալով հայտարարատու պաշտոնատար անձ, ՀՀ բարձրաստիճան պաշտոնատար անձանց էթիկայի հանձնաժողով ներկայացրած իր 2017 եւ 2018 թվականների գույքի, եկամուտների եւ փոխկապակցված անձանց հայտարարագրերում թաքցրել է ԱՄՆ-ում իրեն պատկանող առանձնապես խոշոր չափերով երեք անշարժ գույքի, մասնավորապես՝ 2011թ. ապրիլի 6-ին 490 հազար ԱՄՆ դոլարով ձեռք բերած Լոս Անջելեսի Վուդլենդ Հիլսում, 2015թ. օգոստոսի 10-ին 520 հազար ԱՄՆ դոլարով ձեռք բերած՝ Գլենդեյլի Քեմփբլ փողոցում, 2016թ. հունիսի 2-ին ձեռք բերած Վելլի Վիլիջ թաղամասի Ուիթսեթ ավենյուում գտնվող շենքերի բնակարանների, ինչպես նաեւ մի ընկերությունում 100 տոկոս բաժնեմաս ունենալու վերաբերյալ հայտարարագրման ենթակա տվյալները:  

Ա. Գ.-ը ՀՀ բարձրաստիճան պաշտոնատար անձանց էթիկայի հանձնաժողով ներկայացրած իր՝ 2018թ. գույքի, եկամուտների եւ փոխկապակցված անձանց, ինչպես նաեւ 2019թ. հունվարի 14-ին պաշտոնից ազատվելուց հետո պաշտոնական պարտականությունները դադարեցնելու օրվա դրությամբ առկա գույքի, եկամուտների եւ փոխկապակցված անձանց վերաբերյալ հայտարարագրում անփոփոխ հայտարարագրել է 50 մլն ՀՀ դրամ, 1.6 մլն ԱՄՆ դոլար եւ 150 հազար եվրո:

Մինչդեռ 2019թ. հունվարի 10-ին նա 1 մլն 525 հազար ԱՄՆ դոլարով, որի մի մասը՝ վարկային միջոցներով, ԱՄՆ-ում, մասնավորապես՝ Գլենդեյլում, ձեռք է բերել առանձնատուն, ինչի մասին հայտարարագրման ենթակա տվյալը թաքցրել է 2019թ. հունվարի 14-ին պաշտոնից ազատվելուց հետո պաշտոնական պարտականությունները դադարեցնելու օրվա դրությամբ առկա գույքի, եկամուտների եւ փոխկապակցված անձանց վերաբերյալ ՀՀ բարձրաստիճան պաշտոնատար անձանց էթիկայի հանձնաժողով ներկայացրած իր հայտարարագրում»:

Նկատի ունենալով, որ մեղադրյալը 2019թ. փետրվարի 26-ից ՀՀ-ում չէ, հայտնի չէ նրա գտնվելու վայրը եւ հնարավոր չի ապահովել նրան նախաքննական մարմնին ներկայացնելը՝ ՀՀ ՀՔԾ քննիչը, ըստ դատախազության, Գեւորգյանի նկատմամբ հայտարարվել է հետախուզում, եւ միջնորդություն է ներկայացվել Երեւան քաղաքի ընդհանուր իրավասության դատարան՝ նրա նկատմամբ որպես խափանման միջոց կալանավորումն ընտրելու վերաբերյալ, որը բավարարվել է:   

Արձագանքելով իր դեմ հարուցված քրեական գործին՝ Գեւորգյանը ֆեյսբուքյան իր էջում մասնավորապես գրել էր․ «Թեեւ տեւական ժամանակ բացակայում եմ Հայաստանից, սակայն պնդում եմ, որ իմ գտնվելու վայրը հայտնի է, ոչ թե «անհայտ», ինչպես տարածվել է իրավապահների մամուլի հաղորդագրության մեջ, ավելին՝ անընդունելի է, որ միայն ՀՀ-ից դուրս գտնվելը իրավապահները եւ դատարանը հիմք են ընդունել՝ ինձ հետախուզելու եւ կալանավորման որոշում կայացնելու համար:․․․ Գտնում եմ, որ ձեռնարկված քրեական հետապնդումը եւ ընտրված բիրտ գործիքակազմը իրավական չեն, դրա տակ այլ միտում եմ տեսնում, ինչը կապված է իմ անվան եւ շրջապատի հետ»:   

Նշենք, որ թե՛ Ա․ Գասպարյանը, թե՛ Ա․ Գեւորգյանը հաշվառված են Երեւանի Դավիթաշեն վարչական շրջանում, թեեւ բնակվում են ԱՄՆ-ում։ Արթուր Գեւորգյանը, ի դեպ, բավական ակտիվ է «Ֆեյսբուք»-ում եւ իր էջում պարբերաբար կիսվում է սպորտային նորություններով։ Մասնագիտությամբ բռնցքամարտի մարզիչ-մանկավարժ Գեւորգյանը, որը 2001-2003 թթ. ԱՄՆ-ում զբաղվել է պրոֆեսիոնալ բռնցքամարտով, TGB Promotion-ը ներկայացնող հայ բռնցքամարտիկ Գուրգեն Հովհաննիսյանի մենեջերն է։

Հեղինե Մանուկյան  

«Հայկական Ժամանակ»-ը Telegram-ում
Տպել
5421 դիտում

Ծանրորդ Հարություն Հովհաննիսյանը՝ պատանիների աշխարհի առաջնության փոխչեմպիոն

Վանաձոր-Ստեփանավան ճանապարհի թունելում ավտոմեքենա է հրդեհվել

Քարը՝ պաշտամունքի առարկա և դիվանագիտական զենք. ինչպես է Բաքուն աշխարհով մեկ օգտագործում Հեյդար Ալիևի արձանները

Շուրջ 450 մասնակից համալրել է կրթաշղթան. Բերդում ընթացել է «Կրթվելը նորաձև է» շարժման 30-րդ հանդիպումը

«Կրթվելը նորաձև է» շարժման 30-րդ հանդիպումը. Աննա Հակոբյանը տեսանյութ է հրապարակել

Նավուր-Թթուջուր ճանապարհի մի հատվածի շինարարությունում առաջացած խնդիրներին ծանոթացա. Փաշինյան

Խոշոր ավտովթար Իջևան-Դիլիջան ճանապարհին. կա 7 տուժած

Տարիքը խոչընդոտ չէ անընդհատ կրթվելու համար. «Կրթվելը նորաձև է» շարժման մասնակից Նաիրա Մաթոսյան

Կրթվելը նորաձև է Բերդում. Նիկոլ Փաշինյան

Իսրայելը փորձում է ներսիրիական հակամարտություն հրահրել. Էրդողան

Էդուարդ Սպերցյանը բացառիկ ռեկորդ է գրանցել

Ռոբերտ Քոչարյանին թշնամի չեմ համարում. Սերժ Սարգսյան

Եթե վրդովմունք են առաջացնում Վազգեն արքեպիսկոպոսի խոսքերը, այդ դեպքում՝ նզո՞վքն է ընդունելի. Խաչատրյան

Թրամփը հրապարակել է իր լուսանկարը՝ որպես Հռոմի պապ. կաթոլիկներին դա դուր չի եկել

Մենք ռուսական կողմի որոշումը համարում ենք ոչ բարեկամական քայլ և ակնկալում ենք բացատրություն. Ադրբեջանի ԱԳՆ

Արենիում վրաերթի հետևանքով մահացած տղամարդը Մալազիայի քաղաքացի է

Մարզերում և Երևանում սպասվում են տեղումներ, առանձին վայրերում՝ հորդառատ

Ադրբեջանի Միլլի Մեջլիսի պատգամավոր Բադամովը Մոսկվայի օդանավակայանում ձերբակալվել է. նա արտաքսվում է

Պուտինը պատմել է, թե ինչ է իրեն նվիրել Լուկաշենկոն

Գանձաքարից մինչև Իծաքար ճանապարհի շինարարությունն այս տարի կավարտվի. վարչապետը ծանոթացել է աշխատանքներին

Ուկրաինայի հետ հաշտությունն անխուսափելի է, դա ժամանակի հարց է. Պուտին

Ոստիկաններն ու փրկարարները Հրազդանի Մարմարիկ գետում որոնում են 2-ամյա տղային

Ինչով էր կարևոր Վրաստանի նախագահի այցը ՀՀ, ինչ կարող է անել Թբիլիսին խաղաղության հաստատման մասով. տեսանյութ

Երևան-Մեղրի ճանապարհին Iveco-ն վրաերթի է ենթարկել հետիոտնին. վերջինը հիվանդանոցում մահացել է

Նեթանյահուն հետաձգել է Ադրբեջան այցելությունը՝ նշելով պատճառները

Առինջ գյուղում վթարի է ենթարկվել ուղևորատար միկրոավոտոբուս. կան տուժածներ

Կալիֆորնիայում ինքնաթիռը մխրճվել է երկու բնակելի տների մեջ

Իջևանի կենտրոնական զբոսայգու չգործող լճակի տեղում սուբվենցիոն ծրագրով բացօթյա լողավազան է կառուցվում. վարչապետ

Չինաստանի նախագահը կուղևորվի Մոսկվա. ստորագրվելու են մի շարք փաստաթղթեր

Ֆրանսիայի հրապարակում մեքենաներ են բախվել. կա 5 վիրավnր

Երևան-Սևան ճանապարհին իրականացվելու են հարկադիր քարաթափման աշխատանքներ

Ուզում են Գյումրու սցենարով՝ «տորգերով», այնպես դասավորել, որ Լևոն Քոչարյանին աթոռի գլխին դնեն. Սաֆարյան

Պատանիների և երիտասարդների աշխարհի առաջնության մրցումային վերջին օրը Հայաստանն ունի երկու մասնակից

Խոշոր ավտովթար Արմավիրում. կան տուժածներ

Երկրաշարժ Հայաստանի տարածքում

Կիրակնօրյա զբոսանք Իջեւանում՝ 25 կմ. վարչապետը տեսանյութ է հրապարակել

96 կգ քաշային Գրիգոր Ղազարյանը դարձավ աշխարհի առաջնության ոսկե մեդալակիր

«Կրթվելը նորաձև է» շարժումը հասել է սահմանամերձ Բերդավան. այն չի սկսվել ավանդական բանախոսություններով

Մանրանկարչության մեջ ժամանակից մարդու համար գաղտնիքներ կան դեռ. Վարդևար Շամամյան

Վանաձորում տեղի ունեցած պայթյունի հետևանքով տուժածներ կան. նրանք ռեանիմոբիլով տեղափոխվել են Երևան