Երևան
16 °C
Ադրբեջանը, մի քանի սադրիչների օգնությամբ փակ պահելով Լաչինի միջանցքը, ունի քողարկված և ակնհայտ նպատակներ՝ ամբողջությամբ վերահսկողության տակ վերցնել Արցախը և իրեն ցանկալի պայմաններով ստանալ, այսպես կոչված, «Զանգեզուրի միջանցքը»։
«Հայկական ժամանակ»-ի հետ զրույցում տեսակետ է հայտնում ադրբեջանագետ Տարոն Հովհաննիսյանը:
Ըստ նրա՝ կասկած չկա, որ այդ բնապահպանական ակտիվիստների անվան տակ թաքնված են նաև Ադրբեջանի հատուկ ծառայությունների անձինք, որոնք վարժ և հստակ տիրապետում են հայերենին։
Նշենք՝ Լաչինի միջանցքը փակ պահող ադրբեջանցի ակտիվիստներից մեկը երեկ ադրբեջանական լրատվամիջոցներից մեկի հետ զրույցում վարժ հայերեն էր խոսում և փորձում համոզել, որ ինքը Ադրբեջանի հատուկ ծառայության ներկայացուցիչ չէ։
«Կարևոր է շեշտել, որ Ադրբեջանի կողմից Արցախի օկուպացված տարածքներ ադրբեջանցի որևէ քաղաքացու մուտք հասանելի չէ։ Դա արվում է բացառապես նրանց պետական մարմինների հատուկ թույլտվությամբ, որտեղ պահանջվում է նաև Ադրբեջանի ՊՆ-ի թույլտվությունը և հատուկ ուղեկցությունը։ Գիշերը այդ սադրիչներից մեկը իրենց լրատվամիջոցների հետ զրույցում հայտնել է, որ եկել են մեծ խմբով։ Որոշ մասնակիցներ օկուպացված Շուշիի հյուրանոցներում են և ցույցերին մասնակցում են հերթափոխով։ Այսինքն՝ ստացվում է, որ ադրբեջանական իշխանությունն այս մարդկանց հատուկ հավաքագրել և նախապատրաստել է»,- նկատում է Հովհաննիսյանը։
Ըստ նրա՝ էական տարբերություն չկա, թե ճանապարհը ով է փակվել՝ Ադրբեջանի զինված ուժե՞րը, թե՞ բնապահպանների անվան տակ քողարկված անձինք, քանի որ ակտիվիստներն էլ ամեն գնով փորձում են սադրանքների դիմել։
Թեև «բնապահպանները» պնդում են, որ նրանք բացառապես մտահոգված են բնապահպանական խնդիրներով, Հովհաննիսյանը նկատում է՝ երեկ լրատվամիջոցների հետ զրույցում Ադրբեջանի բնապահպանության փոխնախարարը շեշտել է՝ իրենց նպատակը ոչ թե Արցախի հանքերի մշտադիտարկումն է, այլ այդ հանքերի փակվելը․ «Իրենց համար վտանգավոր կլիներ նաև ՌԴ-ի հետ հարաբերությունների համատեքստում, եթե զինված զորքերի միջոցով փակեին ճանապարհը: Այդ պատճառով այս շոուն են բեմականացրել։ Նրանք ցանկանում են փակել միջանցքը, ճնշում գործադրել ՀՀ-ի վրա, որպեսզի նաև Արցախի հանքավայրերը, որոնք Արցախի տնտեսության կորիզն են, փակվեն»:
Ադրբեջանագետի համոզմամբ՝ Ադրբեջանը ցանկանում է տարածաշրջանում լինել թելադրող երկիր, որտեղ Հայաստանը ոչինչ չի կարող անել: «Սադրանքներ են իրականացնում, երեկ քաշքշում էին ռուս խաղաղապահներին, մեղադրում, որ հարվածել են ինչ-որ մեքենայի, որը փորձում էր մուտք գործել խաղաղապահների վերահսկողության տարածք, և խաղաղապահները պարզապես պարտավոր էին կանխել այդ մեքենայի մուտքը։ Փորձում են այնպես անել, որ այնտեղ որևէ գործողություն լինի, և իրենց զորքերը նույնպես հնարավորություն ունենան խառնվելու՝ ցույց տալով՝ իբրև քաղաքացիների իրավունքներն են պաշտպանում»,- ասում է նա:
Քանի որ բնապահպանները եկել են Ադրբեջանի օկուպացրած ճանապարհով, ուստի որևէ մեկը ակտիվիստների շրջանում ստուգումներ չի իրականացրել, և հնարավոր է, որ նրանցից մի քանիսը լինեն զինված, կարծում է ադրբեջանագետը։ Ըստ նրա՝ Ադրբեջանի հատուկ ծառայության անձինք ակտիվիստների ցանկում են նաև, որպեսզի տեղում աշխատող պետական լրատվամիջոցներին ուղղորդեն՝ ում հետ ինչի մասին և ինչպես խոսեն։
«Այդ անձնավորությունը, ում վերաբերյալ տեսանյութ է տարածվում, որտեղ նա հայերեն է խոսում, բավականին հայտնի մարդ է։ Ի դեպ, ծնվել է խորհրդային Հայաստանում, հետո՝ տեղափոխվել Ադրբեջան։ Մասնակցել է Արցախի առաջին և 44-օրյա պատերազմներին։ Ռամիլ Սաֆարովի հետ լուսանկար և ջերմ հարաբերություններ ունի։ Շատ հակահայկական քաղաքականություն վարող անձ է, որը ներկայանում է հայագետ, տիրապետելով հայոց լեզվին՝ համագործակցում է Ադրբեջանի հատուկ ծառայությունների հետ»,- ասում է Հովհաննիսյանը։
Ինչ վերաբերում է առհասարակ ադրբեջանցիների շրջանում հայերենին տիրապետելուն, ադրբեջանագետի խոսքով՝ այն ադրբեջանցիները, որոնք վերադարձել են Բաքու ԽՍՀՄ Հայաստանից, լավ են տիրապետում հայերենին։ Վերջինս ընդգծում է՝ մենք այս առումով բացթողումներ ունենք կրթական մակարդակում։ Այսօր էլ չնայած հայկական որոշ դպրոցներում ներդրվել են ադրբեջաներենի, թուրքերենի դասաժամեր, սակայն դեռ կարիք կա մեծ աշխատանքի։
«Խորհրդային շրջանում Ադրբեջանը քաղաքականություն էր վարում, որ այնտեղ բնակվող հայերը ստանային ռուսական կրթություն, հետևաբար քչերը գիտեին ադրբեջաներեն։ Դրանից հետո վերջին 10 տարվա ընթացքում ենք սկսել ուսումնասիրել այդ լեզուն, ինչը պետք է շատ վաղուց անեինք։ Դա նախ կարևոր է՝ առաջին հերթին նրանց վարած քարոզչությանը առաջին ձեռքից տեղեկանալու համար։ Այս պատճառով պետք է հստակ իրականացվի ռազմավարություն, և դրա շնորհիվ ունենանք ադրբեջաներենին տիրապետող անձինք, որոնք կարող են հստակ քարոզչություն իրականացնել մեր երկրի համար»,- ընդգծում է զրուցակիցը։
Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը
Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է
Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում
Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա
Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին
«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին
Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել
Քաղաքացին ընկել է շենքի նկուղը
Վրաստանը չի հրաժարվի «Օտարերկրյա գործակալների մասին» օրենքից. Կոբախիձե
Ինչ վիճակում է երրորդ հարկից ընկած 1-ամյա երեխան. ԲԿ-ն նոր մանրամասներ է հայտնել
Լավրով & Մարգո քոմփնին պատմության մեջ կմնան իրենց «հայրենիքին» ստորագույն հարվածը հասցրած կիսահայեր․ Սաֆարյան
Գյումրիում տղամարդը սպառնացել է նետվել կամրջից և ինքնասպան լինել
Բնակիչները գոհունակություն են հայտնել Կառավարության նախաձեռնությունից․ մանրամասներ վարչապետի տավուշյան այցից
«ՊԱԶ»-ը բախվել է քարե պարսպին և հայտնվել մեղվափեթակների մեջ․ ուղևորներին մեղուները խայթել են, 29 հոգի հիվանդանոցում է
Ռուս խաղաղապահների առաքելությունը Լեռնային Ղարաբաղում լիովին կատարված է․ Պետդումա
Վարչապետը Բերքաբերում ծանոթացել է սահմանամերձ բնակավայրերում տների կառուցման ծրագրի ընթացքին (լուսանկարներ)
4 գյուղերը սովետական տարիներին ադրբեջանական են եղել. բնակիչ (տեսանյութ)
Երբ կանայք հաջողում են քաղաքականության մեջ, հաջողում է պետությունը․ պատգամավորները մասնակցում են IDEA-ի ծրագրին
Գալիս է պահ, որ դու քեզ պետք է զոհաբերես հանուն քո հայրենիքի և երկրի. վարչապետ (տեսանյութ)
Դատարանը քննում է Սամվել Վարդանյանի կալանքի հարցը
Ինչու չհավատանք երկրի վարչապետին, ժողովրդին հարգելով՝ եկել էր, անկեղծ զրույց էր. Ոսկեպարի բնակիչ (տեսանյութ)
Նիկոլ Փաշինյանին տված քֆուրները իրանց կպնի, ուզում ենք՝ հիմնական սահման լինի, պահենք. Բերքաբերի բնակիչ (տեսանյութ)
Ուզում են իրավապահներին մոլորեցնել, քրգործ խմորել իմ դեմ, բանալի բառերը ուղղված են իրենց քաղաքական հայրերին. Մկրտչյան
Հայտնի են «Հայրենյաց բարիքներ»-ի տոմատի մածուկների լաբորատոր փորձաքննության արդյունքները․ իրացումն արգելվել է
Վլադիմիր Գասպարյանի աղջիկն այլևս փոխգնդապետ չէ․ կոչումն անվավեր է ճանաչվել
Վետո կդնեմ «օտարերկրյա գործակալների մասին» օրենքի վրա․ Վրաստանի նախագահ
Նիկոլ Փաշինյանը նոր որոշում է ստորագրել
Ինչպես են Լեռնային Ղարաբաղից հեռանում ՌԴ խաղաղապահները․ նոր կադրեր զինտեխնիկայի դուրսբերումից (տեսանյութ)
Արտակարգ դեպք Արմավիրում. Շահումյան գյուղի աղբավայրում մոտ 31 հատ հակատանկային ական է հայտնաբերվել
Ասում են՝ Տավուշի գյուղերը տալիս են, խի՞ եք աղավաղում, դրանք ադրբեջանական են. բերքաբերցի (տեսանյութ)
Կոնվերս բանկը երկու արժույթով պարտատոմսեր է տեղաբաշխում
Փոխհրաձգություն Թբիլիսիի կենտրոնում․ կան վիրավորներ
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 17-ին
ՎՏԲ-Հայաստան բանկը հանդես է եկել որպես ARMMONO փառատոնի գլխավոր գործընկեր
Վերահաստատվել է Հայաստան-Սիրիա փոխգործակցության խորացմանն ուղղված քայլերի իրականացման հանձնառությունը
Երիտասարդը 93-ամյա կնոջը մահացու վնասվածքներ է հասցրել, մինչև մահանալը կատարել սեքսուալ բնույթի բռնի գործողություններ
Որևէ հայտարարություն, որը չի հնչել կամ հաստատվել վարչապետի կողմից, պաշտոնապես հերքվում է. Նազելի Բաղդասարյան
Նիկոլ Փաշինյանը հանդիպել է Բերքաբերի բնակիչների հետ
Ռուս խաղաղապահների հեռացումը Ադրբեջանի և Ռուսաստանի բարձրագույն ղեկավարության համատեղ որոշումն է
Ժողովրդավարությունը մի երեւույթ է, որը մշտապես բախվել եւ բախվում է մարտահրավերների. Վարդանյանի ելույթը ԵԽԽՎ-ում
© 2024 Հայկական ժամանակ