Ադրբեջանը սառը պատերազմական քայլեր է անում, պետք է պատրաստ լինենք նաև ռազմական գործողությունների. Թարվերդյան

«Միացյալ Հայաստան» կուսակցության նախագահ Երվանդ Թարվերդյանի համոզմամբ՝ Ադրբեջանի կատարած քայլերը սառը պատերազմական գործողություններ են, որի նպատակը սադրելն է և նոր ռազմական կոնֆլիկտի հրահրման սկիզբը: Վերջինիս խոսքով՝ ՀՀ իշխանությունները պետք է դիմեն հրատապ եռակողմ հանդիպում անցկացնելու հարցով:

«Նոյեմբերի 9-ի եռակողմ հայտարարությունը, իհարկե, լավը չէ Հայաստանի համար, սակայն այդ փաստաթղթով է կանոնակարգվում Լաչինի միջանցքի գոյությունը: Մենք որպես մի կողմ այդ փաստաթղթի՝ պետք է դիմենք և՛ ՌԴ-ին, և՛ Ադրբեջանին, որպեսզի նրանք պահպանեն դրա կետերը: Անգամ բնապահպաններն իրավունք չունեն խաթարել Լաչինի միջանցքի գործունեությունը»,- «Հայկական ժամանակ»-ի հետ զրույցում ասում է նա:

Խոսելով ռուս խաղաղապահների առաքելության արդյունավետության մասին՝ զրուցակիցը վստահեցնում է՝ եթե խաղաղապահները չլինեին, արդեն պատերազմ սկսված կլիներ Ադրբեջանի հետ:

Ըստ Թարվերդյանի՝ այս օրերին ՀՀ իշխանությունները պետք է օգտագործեն իրենց հնարավոր բոլոր լծակները:

«Իշխանությունները պետք է բանակցեն առաջին հերթին Ռուսաստանի Դաշնության հետ, Ադրբեջանի հետ պետք է լինեն քննարկումներ, քանի որ առանց Ադրբեջանի իշխանությունների իմացության, ոչ մի բնապահպան ակտիվիստ չէր կարող փակել Լաչինի միջանցքը: Պետք է բանակցել նաև տարածաշրջանում մեր ամենամեծ բարեկամ երկրի՝ Իրանի հետ, հարցը պետք է քննարկել նաև Հնդկաստանի հետ, որը խիստ գնահատականներ է տալիս օրակարգի վերաբերյալ: Քննարկումներ պետք է ունենալ Եվրամիության և ԱՄՆ-ի հետ նույնպես»,- ասում է նա:

Թարվերդյանը նկատում է՝ 44-օրյա պատերազմի ժամանակ էլ Եվրամիության երկրները և ԱՄՆ-ն հորդորներ հղում էին Ադրբեջանին, սակայն կոնկրետ գործողություններ չեն նկատվում:

Դիտարկմանը, որ ՌԴ-ից ևս կոնկրետ գործողություններ կամ հորդորներ չեն հնչում, վերջինս ասում է՝ «ՌԴ-ի խաղաղապահները պահում են 2000-ի մոտ լկտի, ագրեսոր բնապահպաններին, որոնք իրականում պատրաստի հատուկ ծառայության աշխատակիցներ են»:

Քաղաքական գործիչը նաև ընդգծում է՝ իշխանությունները պետք է հայտարարությամբ հանդես գան, ասեն, թե իրականում ինչ է կատարվում. «Այս պահին ՀՀ-ին ու Արցախին երկրի ղեկավարությունը գոնե համախմբման կոչեր պետք է անի: Եթե պետք է, թող ասեն, ամբողջ ազգով գնանք սահման, պետք է ուղղորդեն»:

Հարցին՝ Արցախի պետնախարարի խորհրդական Արտակ Բեգլարյանն այսօրվանից անժամկետ նստացույց ու շարժում է սկսել Երևանում՝ ՄԱԿ-ի գրասենյակի առջև, ինչպես նաև որոշ քաղաքացիներ ակցիա էին իրականացնում ՌԴ դեսպանատան առաջ, արդյոք այսպիսի քայլերը կտա՞ն արդյունք, վերջինս ընդգծում է՝ մենք մեր հույսը պետք է դնենք մեզ վրա, ոչ թե սպասենք, որ այլ երկրներ պետք է գան օգնության:

«Պետք է պատրաստ լինենք նաև ռազմական գործողությունների: 120 հազար մեր հայրենակիցներ հիմա դանդաղ եղեռնի են ենթարկվում: Չունեն գազ, վառելանյութ, շուտով հնարավոր է՝ սննդամթերքի հետ կապված խնդիրներ ի հայտ գան: Մենք պետք է մեր հողերը ու հայրենակիցներին պաշտպանենք, ոչ թե մեղքը գցենք ռուսների վրա, կամ սպասենք, որ Ֆրանսիան կգա, մեզ կօգնի»,- ասում է նա:

Անդրադառնալով Արցախի պաշտպանության բանակի նախկին հրամանատար Սամվել Բաբայանի այն հայտարարությանը, որ պետք է զարկ տալ Արցախին ՀՀ-ի հետ կապող այլընտրանքային ճանապարհի կառուցմանը՝ Երվանդ Թարվեդյանը նշում է՝ դրա մասին շուտ պետք է մտածեին. «Ինչպես եք պատկերացնում ճանապարհի կառուցում հիմա, երբ մենք հումանիտար գերխնդրի առաջ ենք կանգնած: Մինչև այդ ճանապարհը կառուցեն, միգուցե դրա կարիքը էլ չլինի»:

Արդեն երրորդ օրն է՝ Ադրբեջանի իշխանությունները կեղծ բնապահպանական ցույցերի անվան տակ քաղաքացիական հագուստով մեծաթիվ մարդկանցով փակ են պահում Արցախն աշխարհին կապող միակ ավտոճանապարհը՝ Լաչինի միջանցքը:

Բնապահպան ներկայացող անձինք նստացույց են հայտարարել, վրաններ տեղադրել՝ թույլ չտալով մարդկանց հասնել իրենց բնակավայրեր: Նրանց թիվը գնալով ավելանում է, քանի որ Բաքուն քաղաքացիներ է տեղափոխում ավտոբուսներով: 3 օր շարունակ փաստացի շրջափակման մեջ է 120 հազար մարդ, ընդ որում՝ 30 հազար երեխա: Մի քանի հազար մարդ չի կարողանում հասնել տուն, նրանք ժամանակավոր տեղավորվել են Գորիսի և մոտակա համայնքների կացարաններում:

Երեկ էլ հայտնի դարձավ, որ ադրբեջանցիները խափանել են Արցախը սնուցող գազատարի աշխատանքը: Պատկան մարմինների փոխանցմամբ՝ դադարեցվել է դասապրոցեսը դպրոցներում, որոնք ջեռուցվում են գազով: Հնարավոր չէ կազմակերպել մի շարք ծանր և ծայրահեղ ծանր վիճակում գտնվող հիվանդների տեղափոխումը Երևանի բուժհաստատություններ, Ստեփանակերտ չեն տեղափոխվում դեղորայք, սնունդ: Ու թեև նշվածի պաշարներ դեռևս կան Արցախում, սակայն դրանք կարող են բավարարել կարճ ժամանակ միայն:

Տպել
1947 դիտում

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը