Միջանցքում անարգել գործում են միայն ադրբեջանական լրատվամիջոցները. ՀՀ լրագրողական կազմակերպությունների հայտարարությունը

Լրագրողական կազմակերպությունները հայտարարություն են տարածել Լաչինի միջանցքում իրադարձությունների լուսաբանումը խոչընդոտելու վերաբերյալ։

Հայտարարությունն ամբողջությամբ՝ ստորև․

«Դեկտեմբերի 12-ից ի վեր, երբ Ադրբեջանը փակեց Հայաստանը Արցախին կապող միակ ճանապարհը՝ Լաչինի միջանցքը, ստեղծվել է ոչ միայն հումանիտար խորը ճգնաժամ 120 հազար արցախցիների համար, այլ նաև անհնարին է դարձել հայկական լրատվամիջոցների ներկայացուցիչների աշխատանքն այդ թեժ գոտում։ Վերջիններս զրկված են ազատ տեղաշարժվելու, իրադարձությունների կիզակետում իրավիճակին ծանոթանալու և խնդիրը լուսաբանելու հնարավորությունից։

Մասնավորապես՝ «Ազատություն» ռադիոկայանի, «Factor․am» և «Civilnet» լրատվական կայքերի, լրագրողների «Ասպարեզ» ակումբի, այլ ԶԼՄ-ների և մասնագիտացված կազմակերպությունների նկարահանող խմբերին չի հաջողվել հասնել Լաչինի շրջանի այն հատված, որտեղ ադրբեջանցիների մի մեծ խումբ, որոնց պաշտոնական Բաքուն ներկայացնում է որպես «բնապահպան-ակտիվիստներ», փակել են արցախցիների «կյանքի ճանապարհը»։

Երևանից դեպի իրադարձությունների վայր մեկնող լրագրողներին ու օպերատորներին կամ ՀՀ ոստիկանության ու ԱԱԾ աշխատակիցները թույլ չեն տվել Գորիսից այն կողմ անցնել, կամ, եթե հաջողվել է հաղթահարել այդ անհիմն արգելքը, նկարահանող խմբերը հասել են առավելագույնը մինչև Լիսագոր գյուղ, որտեղ արդեն ռուս խաղաղապահներն են արգելել շարունակել ճանապարհը։

Արդյունքում ինչպես հայաստանյան մեդիա լսարանը, այնպես էլ միջազգային հանրությունը հնարավորություն չունեն օբյեկտիվ տեղեկություններ ստանալ ստեղծված իրավիճակի վերաբերյալ։ Լաչինի միջանցքի փակված վայրում անարգել գործում են միայն ադրբեջանական լրատվամիջոցների ներկայացուցիչները, որոնք, հաճախ իրականացնելով պաշտոնական Բաքվի քարոզչությունը, իրենց հրապարակումներում խեղաթյուրում են ակնհայտ փաստերը և ստահոդ տեղեկատվությամբ առ այն, թե չեն խոչընդոտում Հայաստանի և Արցախի միջև հաղորդակցությանը, թյուրիմացության մեջ են գցում թե՛ սեփական հասարակությանը, թե՛ միջազգային հանրությանը։

Հաշվի առնելով այս տագնապալի իրավիճակը և արտահայտելով մեր խորը մտահոգությունն այդ կապակցությամբ՝ մենք՝ ներքոստորագրյալ կազմակերպություններս, պահանջում ենք․

  1. ՀՀ կառավարությունից՝ անհապաղ բանակցություններ նախաձեռնել խաղաղապահ առաքելության հրամանատարության, իսկ անհրաժեշտության դեպքում՝ նաև ՌԴ պատասխանատու պետական կառույցների ղեկավարների հետ՝ հստակ կանոնակարգելու և դյուրացնելու համար հայաստանյան ԶԼՄ-ների ներկայացուցիչների այցելությունները Լեռնային Ղարաբաղ։ Այս խնդիրն առաջացել է 44-օրյա պատերազմից հետո և հատկապես զգացնել է տալիս իրավիճակի սրացումների պայմաններում,
  2. ԱԱԾ-ից և ՀՀ ոստիկանությունից՝ դադարեցնել անհիմն խոչընդոտումները և առավելագույնս աջակցել հայաստանյան ԶԼՄ-ներին Արցախում իրավիճակը լուսաբանելու գործում, քանզի դա բխում է նաև մեր պետական և ազգային շահերից,
  3. Միջազգային կազմակերպություններից, հատկապես ՄԱԿ-ից, Եվրամիությունից և ԵԱՀԿ-ից՝ դիտորդական առաքելություններ ուղարկել հայ-ադրբեջանական շփման գոտի, այդ թվում նաև Լաչինի միջանցք՝ իրավիճակն օբյեկտիվորեն արձանագրելու և զեկույցի տեսքով այն ներկայացնելու լայն հանրությանը։
  4. Մենք կոչ ենք անում նաև համաշխարհային առաջատար լրատվամիջոցներին Արցախյան հակամարտության գոտի գործուղել իրենց թղթակիցներին ու նկարահանող խմբերին, ակտիվորեն լուսաբանել Լաչինի միջանցքը փակելու հետևանքով առաջացած հումանիտար ծանր ճգնաժամը և դրանով իսկ կանխել ադրբեջանական քարոզչության ապատեղեկատվությունը միջազգային ասպարեզում։

ԽՈՍՔԻ ԱԶԱՏՈՒԹՅԱՆ ՊԱՇՏՊԱՆՈՒԹՅԱՆ ԿՈՄԻՏԵ
ԵՐԵՎԱՆԻ ՄԱՄՈՒԼԻ ԱԿՈՒՄԲ
ՄԵԴԻԱ ՆԱԽԱՁԵՌՆՈՒԹՅՈՒՆՆԵՐԻ ԿԵՆՏՐՈՆ
ՀԱՆՐԱՅԻՆ ԼՐԱԳՐՈՒԹՅԱՆ ԱԿՈՒՄԲ
ԼՐԱԳՐՈՂՆԵՐԻ «ԱՍՊԱՐԵԶ» ԱԿՈՒՄԲ
ԻՆՖՈՐՄԱՑԻԱՅԻ ԱԶԱՏՈՒԹՅԱՆ ԿԵՆՏՐՈՆ
ԲԱԶՄԱԿՈՂՄԱՆԻ ՏԵՂԵԿԱՏՎՈՒԹՅԱՆ ԻՆՍՏԻՏՈՒՏ – ՀԱՅԱՍՏԱՆ
«ԼՐԱԳՐՈՂՆԵՐ ՀԱՆՈՒՆ ԱՊԱԳԱՅԻ» ՀԿ
«ԼՐԱԳՐՈՂՆԵՐ ՀԱՆՈՒՆ ՄԱՐԴՈՒ ԻՐԱՎՈՒՆՔՆԵՐԻ» ՀԿ
ԳՈՐԻՍԻ ՄԱՄՈՒԼԻ ԱԿՈՒՄԲ
«ՖԵՄԻԴԱ» ՀԿ»։

Տպել
411 դիտում

Հնարավոր է՝ ատոմակայանի բացմանը Պուտինը ներկա գտնվի. Էրդողան

Արարատ Միրզոյանին ընդունել է Մալթայի նախագահը. քննարկումների շրջանակը հայտնի է

Ռուսաստանում ապրող կամ այնտեղ գտնվող ԱՄՆ քաղաքացիները պետք է անհապաղ լքեն այն․ Բլինքեն

Կտեղադրվի Շուշանիկ Կուրղինյանի կիսանդրին՝ փոխարինելով տարիներ առաջ գողացվածին

Հակաիրանական արշավ ու զանգվածային ձերբակալություններ՝ Ադրբեջանում. ինչի՞ց է զգուշանում Ալիևը

ՀՀ մի շարք շրջաններում անձրև է տեղում, որոշ հատվածներում՝ ձյուն

Վանաձորում փրկվել է «բալգարկայով» վնասվածքներ ստացած տղամարդու կյանքը

Զելենսկիի կայքում հայտնվել է Ուկրաինայում ամերիկյան միջուկային զենք տեղադրելու մասին խնդրագիր

ՀՀ կառավարությունն ապահովում է ազատ մամուլի զարգացման համար անհրաժեշտ բոլոր մեխանիզմները. վարչապետ

Հայկական կողմն իրավիճակին մոտենում է էսկալացիա թույլ չտալու տրամաբանությամբ. ԱԱԾ հայտարարությունը

Ծրագրվում են ՀԱՊԿ զորավարժություններ և համատեղ հատուկ վարժանքներ

Հանդիպել են զինվորական դատախազը և զորամասի կացարանում հրդեհից զոհվածների հարազատները. ինչ են նրանք քննարկել

Սիրիայում Իրանի նախկին դեսպանը նշանակվել է Հայաստանում

Լաչինի միջանցքում սահմանային անցակետ տեղադրելու քննարկումներ չեն եղել. Զախարովա

Ժամանակավորապես փակ կլինի Սարալանջի շրջանցիկ ճանապարհի մի հատվածը

Մայրաքաղաքում դրոշների հանդեպ վերաբերմունքը բավարար է, բայց ոչ լավ. ավագանու անդամը խոստանում է քայլեր ձեռնարկել

Ադրբեջանի կողմից Լաչինի միջանցքի արգելափակման մասին Կոնջորյանը պատմել է Շվեյցարիայի դեսպանին

Հռոմի ստատուսին Հայաստանի անդամակցության հարցը կլուծվի դաշնակցային ճանապարհով. ՌԴ ԱԳՆ

Կալիֆորնիայի նահանգային խորհրդին է ներկայացվել Լաչինի միջանցքի շրջափակումը դատապարտող միջոց

Արարատ Միրզոյանը Մալթայում ներկայացրել է Ադրբեջանի կողմից Ղարաբաղում ստեղծված հումանիտար ճգնաժամը

Լավրովը կմեկնի Թուրքիա. հանդիպման օրակարգում նաև ԼՂ հիմնախնդիրն է

Նոր մանրամասներ ՌՈ քրեականի պետին ծեծելու դեպքից․ պատճառը մատուցողուհուն «ձեռք գցելն» է եղել

Ապրիլի 1-ից երթևեկության համար բաց կլինի Հայաստանն Արցախին կապող այլընտրանքային ճանապարհը

Հունաստանի ՊՆ ղեկավարը կմեկնի Թուրքիա՝ չնայած հարաբերությունների կարգավորման նախանշաններ չի տեսնում

«Սարոյի հետ պայմանավորվել էինք՝ եթե գերի ընկնի, ինքն իրեն խփի». հետմահու պարգևներ շիրակցի հերոսներին

Ադրբեջանը կրակել է դաշտավայրում աշխատող Բերդաշենի բնակչի ուղղությամբ

Ստեփանակերտում վթարի հետևանքով 3 քաղաքացի տեղափոխվել է բուժհաստատություն

«Գյումրեցի նկարիչներ. սերունդների երկխոսություն». 4 գերդաստան, որոնք նկարում են գենով

Նաիրի Հոխիկյանը դատավորին զրպարտող ու վիրավորող գրառում է կատարել. ԲԴԽ

36 հազարից մինչև 8 միլիոն դրամ. «գոլդ» համարանիշների տրամադրման նոր կարգ է առաջարկվում

Սուրենյանը խորհուրդ է տալիս ծխահարել Արարատյան դաշտի այգիներն ու հայտնում ցրտահարության օրերը

Ամենաուշը վաղը ճանապարհը ամբողջովին պատրաստ կլինի․ ինչ իրավիճակ է Կոռնիձորում

ՀԷՑ-ի բաժանորդ դառնալու վճարները բարձրացվում են

Որքան գումար է ծախսվել մայրաքաղաքում 2500 ծառ փոխարինելու համար, և ինչ են արվում կտրված ծառերը

Հայաստանն ամրապնդում է կապերը Հունաստանի հետ. ռազմական համագործակցության նոր ծրագիր է ստորագրվել

Գերմանիայում ԱԺ նախագահը հանդիպել է հայ համայնքի հետ (տեսանյութ)

Երևանում հրդեհ է բռնկվել երկհարկանի շինության տանիքում

Արմավիրում ավազի ապօրինի հանք է հայտնաբերվել

2023-ից բոլոր ուսուցիչները պետք է կամավոր ատեստավորման մասնակցեն. սահմանվել է հայտերի ընդունման վերջնաժամկետ

Որոնվում են տեսագրության մեջ պատկերված անձինք (տեսանյութ)