Ամենաողբերգականն այն է, որ վառարանում բենզին լցնողը սպան է, առաջնայինը մեր արժեքային համակարգը պետք է փոխենք. Բաբայան

«Դժբախտ պատահար, իհարկե, կարող է ամեն տեղ պատահել, բայց սա կանխատեսելի դժբախտ պատահար էր, որովհետև, ցավոք, շատ այլ զորանոցներում էլ հակահրդեհային ոչ մի նորմ չի պահպանվում, և սա նոր երևույթ չէ»:

Այս մասին «Հայկական ժամանակ»-ի հետ զրույցում ասում է ռեժիսոր, Հայաստանի արվեստի վաստակավոր գործիչ Ռուբեն Բաբայանը՝ անդրադառնալով երեկ Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհին և դրա ողբերգական հետևանքներին:

Ըստ Բաբայանի՝ յուրաքանչյուր ողբերգություն միշտ ունի հեղինակ:

«Կարող եք հարցնել բանակում ծառայած յուրաքանչյուր մեր երիտասարդից, և բոլորը կպատմեն նմանատիպ դեպքերի մասին, որոնք, Փառք Աստծո, չեն ավարտվել այսպես ողբերգական ձևով: Ամեն մի ողբերգություն ինչ-որ մեկի, կամ ինչ-որ մի կառույցի թափթփված աշխատանքի արդյունքն է»,- կարծում է նա:

Տիկնիկային թատրոնի գեղարվեստական ղեկավարի նկատառմամբ՝ այս պատմության մեջ ամենաողբերգականն այն է, որ, ըստ նախնական վարկածի, վառարանում բենզին լցնողը սպա է եղել:

«Ի՞նչ օրինակ է ցույց տվել, ուրեմն դա ընդունված կարգ է, և, այո, դա իսկապես ընդունված կարգ է: Ես շատ եմ շփվել բանակի հետ, իմ տղան էլ է ծառայել և պատմել նմանատիպ բազմաթիվ դեպքերի մասին, պարզապես հրաշքով մարդիկ փրկվել են: Կարծում եմ՝ սա լուրջ քննության պետք է ենթարկվի, ինչպես, ցավոք սրտի, չեղավ «Սուրմալու»-ի պահեստի պայթյունի դեպքում, և մենք ժամանակ առ ժամանակ տեսնում ենք նման կրկնվող պատմություններ: Մի խոսքով, համապատասխան ծառայությունները պետք է զբաղվեն, սա ձևական բնույթ չպետք է կրի, մարդկանց կյանքն է դրված նժարին»,- նշում է Բաբայանը:

Ըստ նրա՝ սա նաև արժեքային հարց է՝ զինվորի կյանքը մեզ համար արժե՞ք է, թե՞ ոչ. «Եթե արժեք է, մենք պետք է սկսենք մտածել՝ որտեղ են նրանք ապրում, ինչպես են սնվում, ինչպես են հագնվում, ինչպես են լուծում իրենց կենցաղային հարցերը: Ապահովում ենք սանիտարական նորմերը, ջերմությունը: Ի վերջո, այս մարդիկ են մեզ պաշտպանում, և նրանք պետք է պետությունից տեսնեն համապատասխան վերաբերմունք: Զինվորի կյանքը չարժևորվող այդ վատ ավանդույթը պետք է վերանա»:

Ռուբեն Բաբայանը կարծում է, որ, օրինակ, կացարանի ճաղավանդակները հանելու համար հատուկ հրաման պետք չէր. «Սա պարզապես մոտեցում է, այդքան մարդ պառկած է մի տեղում, որտե՞ղ է դրվում վառարանը: Նույնիսկ բոլոր նորմերը պահպանելով՝ հանկարծակի կրակ հայտնվելու դեպքում մարդիկ պետք է դուրս գային ինչ-որ տեղից, պետք է լինեին լրացուցիչ ելքեր: Չեն մտածել, ինչո՞ւ չեն մտածել, որովհետև մարդու կյանքը արժեք չէ, և կարծում եմ՝ սա է ամենամեծ խնդիրը»:

Ժամանակին, երբ շրջանառվել է ազգ-բանակ թեզը, մշակույթի գործիչն առաջարկել է մեկ այլ՝ բանակ-պետություն թեզը:

«Բանակը պետք է լինի պետության փոքրիկ մոդելը, ամենազարգացած բանակներն աշխարհում հենց այդպես են կառուցվում: Բանակը չպետք է ընկալվի որպես պատիժ, որպես կյանքից երկու տարի զրկվելու, կորցնելու երևույթ: Պետք է ունենանք բանակ, որտեղ և՛ հանգիստը նորմալ կազմակերպված կլինի, և՛ ժամանցը, և՛ վարժությունները, և՛ սնվելը. փոքրիկ պետության մոդել պետք է լինի բանակը՝ օրինակ ծառայելով մնացած բոլոր ոլորտների համար: Ֆիդայական, սովետական բանակի ժամանակներն անցել են վաղուց, մենք պետք է ունենանք ժամանակակից բանակ, կամ շարունակենք անընդհատ մարդկանց զոհ տալ»,- նկատում է նա:

Խոսելով երեկ Կառավարության նիստի ժամանակ հնչեցված մի շարք բարձրաստիճան զինվորականների պաշտոնանկությունների մասին՝ Բաբայանն ասում է՝ եթե երևույթը չվերացնենք, այլ որոշ պաշտոնյաների հանենք, նման դեպքերը կարող են կրկնվել:

«Իսկ ո՞վ պետք է հետևի, որ կատարվեն հակահրդեհային նորմերը, եթե բարձրագույն սպայական կոչում ունեցող մարդն ինքն է խախտում, և էլի եմ ասում՝ սա մի զորամասի պատմություն չէ, սա համատարած երևույթ է: Ամենամեծ պատասխանատվությունը ոլորտի պատասխանատուններինն է: Եթե ենթակաները չեն ենթարկվում ու չեն կատարում հրամանները, ապա պետք է փոխել ենթականերին: Հրման տալուց հետո պետք է հետևել՝ այդ հրամանը կատարվո՞ւմ է, թե՞ ոչ, ինչպե՞ս է կատարվում: Ես վախենում եմ, որ հարցը սահմանափակվի միայն մեղավորներին գտնելով պատժելով, այնինչ համակարգն է պետք փոխել վերևից մինչև ներքև»,- այս տեսակետին է նա:

Վերջինս նաև օրինակ է բերում Սպիտակի ավերիչ երկրաշարժը և ասում. «Ձեզ թվում է՝ եթե պահպանվեին շինարարական բոլոր նորմերը, մենք Գյումրիում այդքան զոհեր կունենայի՞նք, իհարկե՝ ո՛չ: Չէ՞որ կան շինարարական նորմեր՝ այսքան չափով բետոն, այսքան ցեմենտ, գողացել են, գողացել, խաբել, և դրա հետևանքով թղթե տնակների պես քանդվեց ամեն ինչ: Կյանքը շատ ուժեղ է պատժում, երբ որ փորձում ես շրջանցել նման օրենքները, շատ ուժեղ»:

Նա ասում է, որ փոխանակ նման բացասական երևույթները վերացնենք, իշխանություն ենք փոխում, մարդկանց, պաշտոնյաների. «Առաջնայինը պետք է փոխենք մեր արժեքային համակարգը: Եթե մենք փորձենք ամեն ինչ կառուցել՝ ելնելով այն սկզբունքից, որ մարդը բացարձակ արժեք է, կտեսնեք, թե ինչպես է մեր երկրում օրեցօր ամեն ինչ փոխվում դեպի լավը»:

Հերմինե Կարապետյան

Տպել
1936 դիտում

Բլինքենն Ալիևին կոչ է արել առանց հապաղման Հայաստանի հետ խաղաղության պայմանագիր կնքել

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

Երևանի 2 վարչական շրջանում իրականացվում են ճանապարհների միջին նորոգման և դիտահորերի բարձրացման աշխատանքներ (տեսանյութ)

Ծանր սրտով հայտնում եմ՝ հայրս մահացել է. Դոնալդ Սազերլենդի որդին չի հայտնել դերասանի մահվան պատճառը

ԵՄ-ն շարունակում է կոչ անել Ադրբեջանին ապահովել իրենց տները վերադառնալու ԼՂ հայերի իրավունքի իրացումը

Կարևորվել է հայ-բրազիլական միջխորհրդարանական հարաբերությունների զարգացումը. Խանդանյանն ընդունել է Ֆաբիո Վազ Պիտալուգային

Եվրո-2024․ Անգլիան ոչ-ոքի խաղաց Դանիայի հետ

Միլիոնավոր դրամների եկամուտ ունեցող ամուսինները. ինչ ունեցվածք են հայտարարագրել Ռոբերտ Քոչարյանի որդին և հարսը

ՎՏԲ-Հայաստան բանկը վերաբացել է Նոր Նորքի մասնաճյուղը

Հորդառատ անձրև և ուժգին քամի Փամբակում. հեղեղվել է Դեբեդ բնակավայրի վարչական շենքը, անանցանելի են դարձել որոշ փողոցներ

Կադաստրի կոմիտեի ղեկավարը կգործուղվի ԱՄՆ. վարչապետը որոշում է ստորագրել

«ՎԱԶ 2107»-ը «Բոչկի ձոր»-ի հատվածում բախվել է երկաթե արգելապատնեշներին, ընկել ձորը․ կա վիրավոր

Տապալված ծառեր ու սյուներ, վնասված ջերմոցային տնտեսություններ. ավերածություներ Երևանում և մարզերում (լուսանկարներ)

Գիդում չեմ, ընկեր Փաշինյան, մնալու ես ու մնալու. սյունեցին՝ վարչապետին (տեսանյութ)

Ինչու է Ռուսաստանը ցանկանում հյուպատոսություն բացել Կապանում. ինչ մտավախություններ ունի Մոսկվան

Վարդենիսի երկինքը պայթում է․ Սուրենյան (տեսանյութ)

Մոսկվայում մոլեգնում է «Էդգար» փոթորիկը. կան զոհեր ու տուժածներ, ավերածությունների թիվն աճել է

Պապիկյանն ու Լյուքսեմբուրգի պաշտպանության նախարարը ՆԱՏՕ-ի և ԵՄ շրջանակում փոխգործակցությանը վերաբերող հարցեր են քննարկել

Ամիօ ժամանակաշրջան. ստորագրվել է հուշագիր Հայաստանի Ազգային ագրարային համալսարանի հետ

Եվրո-2024. Սլովենիա-Սերբիա հանդիպումն ավարտվել է ոչ-ոքի

Երազանքիդ ղեկին Ամիօ-ի հետ. մասնակցում ենք տարվա ամենամեծ և ամենաթեժ ավտոմոբիլային միջոցառմանը

Կառուցողական առաջարկներ ենք ուղարկել Ադրբեջանին, պատրաստ ենք խաղաղության պայմանագիրը կնքել առաջիկա ամսում. Միրզոյան

Ինտենսիվ տեղատարափ Լոռիում (տեսանյութ)

Արարատ Միրզոյանը Վիլնյուսում հանդիպել է Սվետլանա Տիխանովսկայայի հետ

Ամպային զանգվածները տեղաշարժվում են Վանաձորի և Դիլիջանի ուղղությամբ. ինչ է սպասվում առաջիկա ժամերին

Երևանի գերհզոր ամպրոպը. Սուրենյանը նոր հրապարակում է արել (լուսանկար)

Լյուքսեմբուրգում պաշտպանության բնագավառում համագործակցության և տարածաշրջանային անվտանգության հարցեր են քննարկվել

Լիտվան Հայաստանի հետ կկիսվի դեպի Եվրոպա գնալու իր փորձով և կաջակցի Երևանին այդ ամբողջ ճանապարհին. Լանդսբերգիս

Մոսկվայում փոթորիկ է սկսվել, փողոցում գտնվողները ստիպված կառչել են ծառերից. զոհերի մասին տեղեկություններ կան (տեսանյութ)

Խոշոր տրաչափի կարկուտ է տեղացել. Գագիկ Սուրենյանը լուսանկարներ է հրապարակել

Ուժեղ քամին Վանաձորում հսկա եղևնիներ է տապալել (լուսանկարներ)

Տղամարդը մեքենայով հետապնդել, միտումնավոր հարվածել է քաղաքացու «ՎԱԶ 217230»-ին, ավտոտնակին, այնուհետ կրակել ու հեռացել

Հարսի աչքերին նյութ են փչել, պարանոցից հափշտակել խաչով շղթան. սկեսուրն ահազանգել է ոստիկանություն

Սրբազան հոր մեծահոգության շնորհիվ էր, որ Սուրենը եկավ և մեզ հետ քայլեց․ Գառնիկ Դանիելյան

Ոնց է հնարավոր՝ տղամարդը առաջնորդին «բիձա» ասի, դերասանուհուն՝ «ք...ձ», իրենց իսկ նախագահին էլ՝ «պահպանակ». Սաֆարյան

Որպես վարչապետ լավն ես, գոհ ենք, բայց մի քիչ թույլ ես, ասեմ՝ ինչի համար. քաղաքացին՝ Նիկոլ Փաշինյանին (տեսանյութ)

Արայիկ Հարությունյանը մասնակցել է «Աշխարհահռչակ հայեր. Փարաջանովի ծննդյան 100-ամյակ» թեմայով նամականիշերի մարմանը

Հանրությունը քննարկում է 3 պսևդո գործիչների գզվռտոցը, այս երկրին օդ ու ջրի պես նորմալ ընդդիմություն է պետք. Իոաննիսյան

Կայացել է Հայաստանի և Լիտվայի ԱԳ նախարարների առանձնազրույցը

Օգտագործել են իբրև թե ՌԴ-ում նոտարների վավերացրած կեղծ փաստաթղթեր. հափշտակել են անժառանգ տարեցների բնակարանները