Երևան
17 °C
«Գալուստի Ձոր» հանգստյան գոտում տեղի ունեցած խմբակային խուլիգանության վարույթով նախաքննությունը՝ 8 անձի մասով, ավարտվել է:
Այս մասին հայտնում են ՀՀ քննչական կոմիտեից:
«Ավարտվել է 2023թ․ հոկտեմբերի 20-ին Աշտարակ քաղաքի Քասախի կիրճում գտնվող «Գալուստի Ձոր» կոչվող հանգստյան գոտու տարածքում տեղի ունեցած խուլիգանության, ոստիկանության աշխատակիցների օրինական ծառայողական գործունեությանը միջամտելու դեպքի առթիվ նախաձեռնված քրեական վարույթի նախաքննությունը՝ 8 անձի վերաբերյալ։
ՀՀ քննչական կոմիտեի հատկապես կարևոր գործերի քննության գլխավոր վարչությունում իրականացված մեծածավալ քննչական և վարութային գործողությունների արդյունքում ձեռք բերված փաստական տվյալներով հիմնավորվել է, որ 2023թ. հոկտեմբերի 20-ին՝ ժամը 14-15-ի սահմաններում, Աշտարակի 64–ամյա բնակչի և նրա որդու կողմից, նախապես վարձակալված էքսկավատորով և ինքնաթափ բեռնատարով Քասախի կիրճում՝ իրենց ընտանիքին պատկանող «Գալուստի ձոր» կոչվող հանգստյան գոտուն հարակից տարածքում հողաշինական աշխատանքների կապակցությամբ վիճաբանություն է տեղի ունեցել, որի կապակցությամբ և հաջորդիվ սպասվող հավանական վեճի մասին ստացված օպերատիվ տեղեկությունների հիման վրա նշված տարածք են ժամանել ՀՀ ՆԳՆ ոստիկանության Աշտարակի բաժնի մի շարք ծառայողներ:
Աշտարակի 64–ամյա բնակչի և նրա որդու հետ ոստիկանների կողմից պարզաբանումներ կատարելու ընթացքում, բազմաթիվ անձինք իրենց անձի ենթադրյալ առավելություններն ու գերակայությունն ընդգծելու, հիշյալ հոր և որդու մոտ սարսափ առաջացնելու նպատակով, հեռախոսազանգերի և հանդիպումների միջոցով հավաքագրել են շուրջ 50 մտերիմներ ու կողմնակիցներ, որից հետո նրանցից մի մասի ձեռքերին քարերով, ջրով լցված շշերով, ոմանց մոտ դանակներով ու տարբեր տեսակի այլ առարկաներով, մեկնել են «Գալուստի ձոր» կոչվող հանգստյան գոտու տարածք։
Հիշյալ 50 անձինք, վնաս պատճառելու նպատակով տեղում տարբեր չափերի քարեր վերցնելով, հայհոյելով մոտեցել են 64–ամյա տղամարդուն և նրանց մոտ գտնվող ոստիկանության ծառայողներին։ Նրանք շշեր և քարեր են նետել հոր և որդու, ոստիկանների և շինարարական տեխնիկայի ուղղությամբ, ոտքով հարվածել են արգելափակոցին, վնասել են շինարարական տեխնիկայի ապակիները, հարվածելով ու քաշքշելով պոկել են արգելափակոցը, նրանցից մեկը, նստելով ոստիկանության ծառայողների ավտոմեքենան, առաջ ընթանալով՝ հարվածել է նրանցից մեկին։ Հիշյալ գործողությունների հետևանքով 64–ամյա տղամարդը և ոստիկանության որոշ ծառայողներ ստացել են մարմնական վնասվածքներ։
Այդ ընթացքում 64–ամյա տղամարդու որդին, տարածքում կայանված իր ավտոմեքենայից վերցրել ու լիցքավորել է իր անվամբ հաշվառված 7,62 մմ տրամաչափի «Սայգա» տեսակի որսորդական ակոսափող հրազենը և հանդարտեցնելու համար մեկ անգամ օդ է կրակել։ Տեսնելով, որ խուլիգանության մասնակիցները չեն դադարեցնում իր հորը ծեծի ենթարկելը և իրենց ուղղությամբ քարեր նետելը, նրանց կյանքի և առողջության համար վտանգավոր եղանակով կրակոցներ է արձակել հորը ծեծի ենթարկողների ոտքերի ուղղությամբ, որի արդյունքում ոտքերի շրջանում հրազենային վնասվածքներ է ստացել 2 անձ։ Դրանից հետո խուլիգանության մասնակիցները դադարեցրել են իրենց գործողությունները և դիմել փախուստի:
Ձեռք բերված բավարար փաստերի հիման վրա խուլիգանության 8 մասնակիցների մեղադրանք է ներկայացվել՝ ՀՀ քրեական օրենսգրքի 297-րդ հոդվածի 2-րդ մասի 1-ին կետով (Խուլիգանությունը) և ՀՀ քրեական օրենսգրքի 452-րդ հոդվածի 3-րդ մասով (Պաշտոնատար անձի օրինական ծառայողական կամ քաղաքական գործունեությանըմիջամտելըմիջամտելը)։
Նրանցից երկուսի նկատմամբ որպես խափանման միջոց է կիրառվել կալանավորումը, 4–ի նկատմամբ՝ տնային կալանքը։
Նշված 8 անձի վերաբերյալ մասն անջատվել է առանձին վարույթ, որով նախաքննությունն ավարտվել է, և քրեական վարույթի նյութերն ուղարկվել են հսկող դատախազին՝ մեղադրական եզրակացությունը հաստատելու և վարույթի նյութերը դատարան ուղարկելու համար։
Խուլիգանության մյուս մասնակիցների, ինչպես նաև 64–ամյա տղամարդու որդու մասով նախաքննությունը շարունակվում է»,- ասված է հաղորդագրության մեջ:
Հայաստանի հավաքականը 4։1 հաշվով հաղթեց Լատվիայի ընտրանուն
Ոստիկանությունը հրապարակել է ոստիկանին սպանած ու վիրավորած անձի նկարը. նրան որոնում են
Արմավիրում զինված անձը կրակել է ոստիկանների ուղղությամբ. մեկ ծառայող զոհվել է, մյուսը՝ տեղափոխվել հիվանդանոց
«Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով
ՌԴ-ն արգելված պահանջներ է առաջադրում ՀՀ-ին, փորձում է անտեսել Իրանի դիրքորոշումը, ճնշել նրան. Խալաթյան
Ֆրանսիայում բողոքի ցույցեր են. հազարավոր ակտիվիստներ դեմ են նոր վարչապետի նշանակմանը
Ոտքը վնասած քաղաքացուն փրկարարները սարալանջից ամենագնացով իջեցրել, մոտեցրել են շտապօգնության մեքենային
Նիդերլանդների նորանշանակ դեսպանն այցելել է Հայոց ցեղասպանության հուշահամալիր
Գնդակոծվել է Դոնեցկի շրջանի մանկական հիվանդանոցը. վիրավորների թվում երեխա կա
Փարիզ-2024. գյումրեցի պարածանրորդ Գրետա Վարդանյանը 3 անձնական ռեկորդ է սահմանել, նա 6-րդ հորիզոնականում է
Հայաստան է ժամանել Իրաքի Դաշնային գերագույն դատարանի բարձրաստիճան պատվիրակությունը
Հրդեհ Բայանդուրում. գազի բալոնից արտահոսք է տեղի ունեցել
Օդինցովոյում ավտոկանգառ է հրդեհվել. կան զոհեր
Արգենտինան Միջազգային քրեական դատարանից Նիկոլաս Մադուրոյին ձերբակալելու օրդեր է խնդրել
Հայաստան կայցելի Հունգարիայի արտաքին գործերի և առևտրի նախարար Պետեր Սիյարտոն
Համոզված եմ, որ մեր կառավարությունները կշարունակեն սերտորեն համագործակցել. Նիկոլ Փաշինյանի ուղերձը Ֆրանսիայի վարչապետին
Կայացել է Ժողովրդավարության դպրոցի 2-րդ հոսքի բացումը
ՀՀ օրգանական և դեղագործական քիմիայի գիտահետազոտական կենտրոնի հարակից շինարարությունը ժամանակավորապես դադարեցվել է
2024 թվականին երեխաների ստացիոնար բուժման համար բյուջետային հատկացումները 2019-ի համեմատ 23 տոկոսով աճել են. փոխնախարար
Հաստատվել է մշակութային արժեքների փորձաքննություն անցկացնող մասնագետների ցանկը
Որ դեպքում Արևմտյան Նեղոսի տենդը կարող է փոխանցվել մարդուց մարդուն. վարակված և բուժված մայրը կարո՞ղ է կրծքով կերակրել
Նոր Նորք վարչական շրջանի նոր զբոսայգում շների համար առանձնացված տարածք կկառուցվի (տեսանյութ)
Ավարտվել է ԱԺ «Ամառային դպրոց» 3-րդ ծրագիրը. մասնակիցները հավաստագրեր են ստացել
Հերհերի ջրամբարի մոտ մեքենաներ են բախվել. վարորդներից մեկը մահացել է
Հրապարակվել է Հայաստանի ազգային հավաքականի վերջնական հայտացուցակը Լատվիայի դեմ խաղում. ովքեր են դուրս մնացել
Ազգային փոքրամասնությունները ՀՀ կառավարության և խորհրդարանի ուշադրության կենտրոնում են. ինչ խնդիրներ կան համայնքներում
Գնել Սանոսյանը դժգոհել է Դիլիջան-Վանաձոր հատվածում իրականացվող աշխատանքների տեմպից
Օդի ջերմաստիճանը կբարձրանա 2-4 աստիճանով. առանձին շրջաններում կարճատև անձրև կտեղա
SMS-ով խախտման մասին ծանուցումը չի փոխարինում էլեկտրոնայինին. ինչպես օգտվել 20 տոկոսի բոնուսային համակարգից
Պաշտոնական այցով Հայաստան կժամանի Լյուքսեմբուրգի Մեծ Դքսության փոխվարչապետ Քսավյե Բետելը
«Զանգեզուրի միջանցքը» կեղծ է, նման պատրանքներին հետևողների համար հետևանքները ծանր կլինեն. Էբրահիմ Ազիզի
Լոռիում մեքենաներ են բախվել. ընտանիքի 4 անդամ, այդ թվում՝ անչափահասներ, տեղափոխվել են հիվանդանոց
Կոչեր Ադրբեջանին, միջազգային հանրությանը. Ցեղասպանագետների միջազգային ընկերակցությունը ԼՂ-ի վերաբերյալ բանաձև է ընդունել
Հայաստանը կարևորում է բազմաբնույթ հարաբերությունների զարգացումը. վարչապետը շնորհավորել է Բրազիլիայի նախագահին
7 միլիոն վաղաժամ մահ աշխարհում. մոլորակի բնակչության 99%-ը աղտոտված օդ է շնչում
Թեհրանը կշարունակի աշխատել Ռուսաստանից գազ ստանալու ուղղությամբ. Ջալալի
Վրաստանում 4,1 մագնիտուդ ուժգնությամբ երկրաշարժ է տեղի ունեցել
Բանվորները պահեստից հեռահաղորդակցության մարտկոցներ են գողացել․ ընկերությանը պատճառվել է խոշոր չափի նյութական վնաս
Քննարկվել է արտահանման և ներմուծման նոր ուղիներ գտնելու հնարավորությունը. Լատվիայում հանդիպել են Պապոյանն ու Վալայնիսը
Մեր քաղաքին պետք են մարդիկ, որոնք ընկեր են Երևանին ու գրքին. Տիգրան Ավինյան
© 2024 Հայկական ժամանակ