«Քաղաքացիական պայմանագիր»-ը Գյումրիում դիրքավորվում է որպես 11 մանդատ ունեցող խմբակցություն. ինչու խզվեց հուշագիրը

11/12/2023 schedule15:35

Գյումրու ավագանու «Քաղաքացիական պայմանագիր» խմբակցության ներկայացուցիչները մշտապես բախվել են «Բալասանյան դաշինք»-ի ոչ թափանցիկ գործելաոճին, ֆինանսական և այլ փաստաթղթերի անհասանելիության հետ կապված խնդիրներ ունեցել:

Այս մասին այսօր «Երկխոսության մեդիա կենտրոն»-ում խոստացած ասուլիսի ժամանակ հայտարարեց խմբակցության ղեկավար Քնարիկ Հարությունյանը:

Իրենց առջև ծառացած այդ և այլ խնդիրներ, ըստ Հարությունյանի, համայնքի ստվերային կառավարման հետևանք են:

MyCollages (30).jpg (67 KB)

«Այս ամենի հետևանքով «Բալասանյան դաշինք»-ի հետ աշխատանքային քննարկումների ժամանակ ձեռք բերված մի շարք պայմանավորվածություններ չեն կատարվել, մեր տպավորությամբ՝ արտաքին միջամտության արդյունքում:

Մենք հայտարարում ենք, որ ՏԻՄ և ցանկացած մակարդակում իշխանությունը մեզ համար ինքնանպատակ չէ, ուստի հրաժարվելով Գյումրիում գործադիր մարմնի մեր մասից՝ մենք հայտնում ենք, որ պատրաստվում ենք գյումրեցիների կողմից մեզ տրված ավագանու 11 մանդատն ամբողջ ծավալով ծառայեցնել Գյումրու զարգացմանը»,- հայտարարեց խմբակցության ղեկավարը:

Նախկին փոխքաղաքապետ Արթուր Պապիկյանն էլ նշեց, որ իրենց համագործակցության ժամանակ դաշինքի ներկայացուցիչները բազմաթիվ պայմանավորվածություններ չեն կատարել:

«Այդ մասին բազմիցս բարձրաձայնել ենք, անարդյունք, և մեզ այլ բան չէր մնում, քան հուշագրի խզումը: Այն բաժինը, որը ես էի համակարգում, զեկուցագրով ներկայացրել էր ոչ հիմնական շինությունների ցուցակը, ունեցել ենք մրցույթը շահած կազմակերպություն, որը պետք է այդ շինություններն ապամոնտաժեր: Չի արվել ոչինչ, իրենց դիմեք պատճառների համար»,- ասաց Պապիկյանը:

oo.jpg (68 KB)

Նույնը փաստեց նաև Վահագն Մկրտչյանը՝ նկատելով՝ օրինակները բազմաթիվ են, երբ անհասկանալի պատճառներով նախօրոք ձեռք բերված շատ պայմանավորվածություններ չեղարկվել են:

«Օրինակ՝ փողոցային առևտրի կանոնակարգման հարցում ենք անընդհատ «Բալասանյան դաշինք»-ի կողմից հանդիպել խոչընդոտի, նաև ԼՂ-ից բռնի տեղահանված անձանց հյուրընկալման ժամանակ: Նրանց հետ աշխատելը մեծ խնդիր էր: Դաշինքը մեզ հետ ունեցած հուշագրին համահունչ աշխատանք չի տարել: Ցանկացած հարցում համագործակցության անհնարինություն է առաջացել: Պայմանավորվածություն է ձեռք բերվել X հարցի շուրջ, որն իրականացման պահին առանց պատճառի չեղարկվել է, ու մենք այդ պայմաններում արդեն չենք կարողացել մեր ներուժի 100 տոկոսով աշխատանք տանել»,- ասաց Մկրտչյանը:

o.jpg (59 KB)

Գյումրու ավագանիում որևէ խմբակցություն բացարձակ մեծամասնություն չէ, ունեցած մանդատների թվով «Քաղաքացիական պայմանագիր»-ը 2-րդ ուժն է: Իր լիազորություններն իրականացնելու է ունեցած 11 մանդատի շրջանակներում, նաև Կառավարության հետ ուղիղ համագործակցությամբ:

«Կարող եմ պաշտոնապես հայտարարել, որ որևէ ուժի հետ քննարկումներ չենք ունեցել, այս պահին էլ չենք պատրաստվում նման բան անել: Մենք մնում ենք մեր 11 մանդատի շրջանակներում»,- հայտարարեց Հարությունյանը:

Անվստահություն հայտնելու գործընթաց կնախաձեռնի՞ ՔՊ-ն՝ հարցին, Քնարիկ Հարությունյանն ասաց՝ այս պահին նման օրակարգ չկա, նաև 11 մանդատով նման քայլի չեն գնա. Քաղաքապետարանում կառավարման ճգնաժամ չկա հիմա: Դա կարող է լինել միայն այն դեպքում, եթե «Բալասանյան դաշինք»-ը վայր դնի մանդատները:

«Իսկ եթե արտահերթ ընտրությունների անհրաժեշտություն առաջանա, ապա ՔՊ-ն երբեք ընտրություններից չի վախեցել, մենք պատրաստ ենք կրկին ընտրապայքարի մեջ մտնել և գյումրեցիներից վստահության քվե խնդրել»,- ասաց Հարությունյանը:

Կան խոսակցություններ այն մասին, որ Գյումրու նախկին քաղաքապետ Սամվել Բալասանյանի որդուն՝ Միսակ Բալասանյանին, Իրաքում դեսպան նշանակելու դիմաց ՔՊ-ն Գյումրիում վերցնում է իշխանությունը: Հնչած հարցին ի պատասխան՝ Հարությունյանն ասաց՝ հերքում է նման տեղեկությունը, իսկ դեսպանի աշխատանքը կարգավորվում է դիվանագիտական ծառայության մասին օրենքով: Նա նաև շեշտեց՝ ՔՊ-ն երբեք որևէ տեղ, այդ թվում՝ Գյումրիում իշխանություն զավթելու կամ վերցնելու նպատակներ չի ունեցել և չունի:

Ինչո՞ւ են միայն հիմա գնում այս քայլին՝ Հարությունյանն ասաց՝ անընդհատ փորձել են համագործակցել և ամեն խնդիր չբերել հանրային դաշտ: Չի հաջողվել:

Արդյոք Վահագն Մկրտչյանը քաղաքական որոշ պրոցեսների արդյունքում Գյումրու հաջորդ քաղաքապե՞տն է՝ հարցին, նախկին փոխքաղաքապետն ասաց՝ չկա նման խոսակցություն այդ մասին: Եթե նման որոշում լինի, առաջինը մամուլը կտեղեկացվի:

Այս պահին կարելի՞ է փաստել, որ Գյումրիում ՔՊ-ն դիրքավորվում է որպես ընդդիմություն, հարցին Հարությունյանն ասաց. «Այս պահին «Քաղաքացիական պայմանագիր»-ը Գյումրիում դիրքավորվում է որպես 11 մանդատ ունեցող խմբակցություն»:

Ինչպես հայտնի է, դեկտեմբերի 6-ին «Քաղաքացիական պայմանագիր» կուսակցությունը հայտարարություն տարածեց՝ տեղեկացնելով, որ Գյումրիում միակողմանիորեն խզում է «Բալասանյան դաշինք» սոցիալական կուսակցության միջև 2021թ.-ի հոկտեմբերի 30-ին ստորագրած «Համագործակցության մասին» հուշագիրը։

Տպել
1474 դիտում

Սուրեն Պապիկյանը մասնակցել է Վազգեն Սարգսյանի 65-ամյակին նվիրված ֆուտբոլի մրցաշարի բացման արարողությանը

Դպրոցների պատերին չափից շատ առկա պատկերները խանգարում են կրթություն ստացողին. ինչ է առաջարկվում

Կեղտի մեջ անհասկանալի սեղան է դրված, վրան կռիս էլ չես հերձի. Ջաջուռի անասնագոմը՝ Գյումրու շների ստերջացման լաբորատորիա

Էրդողանը փորձում է միաժամանակ «նստել 2 աթոռի». կհաջողվի՞ նրան պահել ՌԴ-ի և ԱՄՆ-ի հետ շփումների հավասարակշռությունը

Մասնավոր հեռուստաընկերությունների հետ հարաբերություններում առկա խնդիրները լուծելի են ողջամիտ ժամկետներում. ԲՏԱ նախարար

Խոշոր ավտովթար Երևանում. կա 5 տուժած

Հրդեհ Մալիշկա գյուղում. այրվել է մոտ 8000 քմ խոտածածկույթ

Հայաստանի և Հյուսիսային Մակեդոնիայի ԱԳ նախարարները մտքեր են փոխանակել տարածաշրջանային թեմաների շուրջ

Հայաստանում 3 տարում 78 երեխա վիրահատվել և սկսել է լսել. նշվում է լսողության պահպանման օրը

Ակնայում ականի պայթյունից ադրբեջանցի է տուժել. նրա ոտքերն ամպուտացվել են

Պակիստանը նոր վարչապետ ունի

Կանանց զբաղվածության մակարդակով աշխարհում առաջին տեղում Հայաստանն է. հրապարակվել է վարկանիշային ցանկը

Արմավիրի որոշ հասցեներում 24 ժամ ջուր չի լինի

Արարատ Միրզոյանը Անթալիայի դիվանագիտական ֆորումի շրջանակներում շփումներ է ունեցել մի շարք պաշտոնյաների հետ

Առաջիկայում սպասվում է անձրև, լեռնային շրջաններում՝ ձյուն

Լավրովը և Ֆիդանը խոսել են Հայաստանի և Ադրբեջանի միջև խաղաղության գործընթացի մասին

Ադրբեջանը ձևափոխել է Ստեփանակերտում «Արցախբանկ»-ի գլխամասային գրասենյակի շենքը և թալանել ԱԺ-ն (լուսանկարներ)

Ինգուշեթիայում ոչնչացվել է «ԴԱԻՇ»-ի 6 զինյալ. հայտարարվել է հակաահաբեկչական գործողություն

Նիկոլ Փաշինյանը շնորհավորական ուղերձ է հղել Բուլղարիայի վարչապետին

Նորամարգում հրդեհվել է անասնագոմ

Դեսպան Մակունցը և Հովնան արքեպիսկոպոս Տերտերյանը քննարկել են Լոս Անջելեսի հայ համայնքին առնչվող հարցեր

Երևանի դպրոցներից մեկում գործարկվելու է էլեկտրական շչակ

Բաքու-Թբիլիսի-Կարս երկաթգիծը կառավարելու համար կստեղծվի վրաց-ադրբեջանական համատեղ ձեռնարկություն

Վանաձոր-Ալավերդի ճանապարհի մի հատվածը դեռևս փակ է մեծ մեքենաների համար

ԱԳ նախարարը և ԵԱՀԿ գլխավոր քարտուղարը քննարկել են Հայաստան-Ադրբեջան հարաբերությունների կարգավորման գործընթացը

Ղրիմի գլխավերևում ՌԴ ՀՕՊ ուժերը որսացել են 38 անօդաչու թռչող սարք, փակվել է կամուրջը

Մայակովսկի գյուղի սկզբնամասում ճակատ ճակատի բախվել են «Մերսեդես»-ն ու «Ֆորդ Տրանզիտ»-ը․ կան վիրավորներ

Սուրենյանը նոր լուսանկար է հրապարակել

Բայդենի կինը Թրամփին անվանել է «սպառնալիք կանանց համար»

Իրանը բանակցություններ է վարել Սուդանի հետ ռազմածովային բազա ստեղծելու շուրջ

Հայաստանի և Ուգանդայի ԱԳ նախարարները քննարկել են երկկողմ համագործակցության զարգացման հարցեր

Ուռուտ գյուղում այրվել է մեծ մակերեսով խոտածածկույթ

Ինչ եղանակ է սպասվում ամբողջ մարտ ամսվա համար մարզերում ու Երևանում

Մենք եվրոպացի զինվորներ չենք ուղարկի Ուկրաինա․ Շոլց

Տարածաշրջանային ենթակառուցվածքների ապաշրջափակումը պետք է տեղի ունենա հավասարության սկզբունքների հիման վրա․ Միրզոյան

Ռուսաստանը հետևում է Հայաստանի ղեկավարության հայտարարություններին և ի գիտություն կընդունի դրանք իր քայլերում. Լավրով

Վերլուծելով անցյալը՝ մենք նայում ենք ներկային և ապագան կառուցելու հստակ հեռանկարներին. ԱԳ նախարարի ուղերձը

Ալյասկայի ափերի մոտ երկրաշարժ է տեղի ունեցել

Հայաստանը պատրաստ է Թուրքիայի հետ հարաբերությունների լիակատար կարգավորմանը և սահմանի բացմանը. Ռուբեն Ռուբինյան

Նիկոլ Փաշինյանի մասնակցությամբ տեղի է ունեցել Ժողովրդավարության դպրոցի բացումը