Ով դուրս է գալիս, ուզում է դիմացինի գլխին քարով խփել. Վահագն Հայրապետյանը՝ ներքաղաքական զարգացումների մասին

20/05/2024 schedule23:00

ՀՀ վաստակավոր արտիստ, ջազային երաժիշտ, դաշնակահար Վահագն Հայրապետյանը չի հետևում վերջին օրերին Հայաստանում տեղի ունեցող քաղաքական զարգացումներին, զբաղված է նրանով, ինչն ամենաշատն է սիրում՝ երաժշտությամբ ու ստեղծագործելով, սակայն միաժամանակ տարակուսանք է հայտնում, որ հոգևորականները քաղաքական դաշտ են մտել:

Նրա հետ մեր զրույցը՝ ստորև.

- Պարոն Հայրապետյան, մեկ շաբաթից ավելի է, ինչ սկսվել է «Տավուշը հանուն հայրենիքի» շարժումը, որն առաջնորդում է հոգևորական Վազգեն (Բագրատ) Գալստանյանը: Ի՞նչ դիրքորոշում ունեք շարժման վերաբերյալ:

- Ինձ համար շատ տարօրինակ է, որ հոգևորականները քաղաքական դաշտ են մտել: Որ հարցնում են՝ ո՞նց եք վերաբերվում, ասում եմ՝ չեմ վերաբերվում: Ընթացքում անընդհատ փոխվում է շարժման գաղափարախոսությունը, բայց եթե շատ անկեղծ լինեմ, չեմ էլ հետևում, որ հականամ՝ ինչի մասին է: Ամեն մարդ պետք է իր գործով զբաղվի, որ կարողանա հայրենիքին ու Հայաստանին օգուտ բերի: Մարդը, որ իր գործը թողել, ուրիշ բանով է զբաղվում, չգիտեմ՝ ինչքանով կարող է օգտակար լինել հայրենիքին: Ես կարծում եմ, որ ամեն մարդ պիտի իր գործը պատշաճ, անկեղծ ու նվիրումով անի՝ եկեղեցականից սկսած, մշակույթի գործչով վերջացրած:

- Պարբերաբար մշակույթի գործիչներին էլ է կոչ արվում, որ միանան, աջակցեն շարժմանը: 

- Ծանոթ ընկերներ ունեմ, որոնց շատ լավ եմ վերաբերվում, մարդիկ էլ կան, որ իրոք հավատում են շարժմանը: Բայց կան նաև մարդիկ, որոնք ուղղակի զբաղվածություն չունեն ու ժամանակ են գտնում այդ ամենի մեջ մտնելու:

- Շարժման բանալի բառերն են՝ «հայ, հայրենիք, Հայաստան ու Աստված», պայքարն էլ, դրա առաջնորդների խոսքով, սրբազան: Ըստ Ձեզ՝ իրականում այս պահին ինչի՞ կարիք ունի Հայաստանը և հայ մարդը:

- Հայ մարդու ագրեսիան պիտի պակասի, շատ-շատ է մեր մեջ ու միշտ է եղել, ուղղակի հիմա ամեն ինչ շատ բաց է, ու հայելու մեջ մեր արտացոլանքը մեզ դուր չի գալիս: Մի քիչ պետք է հանդուրժող լինել, ավելի սիրով մոտենանք իրար, մենք մեր մեջ պիտի այդ խաղաղությունը գտնենք առաջին հերթին՝ ամեն մեկս իր մեջ ու իր դիմացինի մեջ: Մենք մեր երեխային սովորեցնում ենք, որ բակ իջնես, քեզ բան ասող լինի, քարով կխփես գլխին, այդպես ենք դաստիարակում: Չենք ասում՝ բալիկ ջան, որ գնաս մյուս երեխայի հետ խաղալու, փորձառություններով կկիսվես, կարդացած գրքերով, նման բաներ չենք սովորեցնում, սովորեցնում ենք քարով գլխին խփել, դրա համար էսօր այս արդյունքն ունենք. ով դուրս է գալիս, ուզում է դիմացինի գլխին քարով խփել, մեկը դա անում է «Ֆեյսբուք»-ում, մյուսը՝ հրապարակում:

- Իսկ ի՞նչ է պետք Հայաստանին:

- Հայաստանին հենց պետք է այն ժողովուրդը, որը կարողանում է իրոք ոչ թե կենացներով, այլ գործով իր երկիրը ներկայացնի: Հայաստանի համար շատ ավելի կարևոր է, որ Հայաստանից դուրս եկող արվեստագետը աշխարհին Հայաստանը ներկայացնի, ոչ թե ներսում տարբեր բաներով զբաղվի:

- Շարժումը, ինչպես ասում են դրա առաջնորդները, միտված է հոգևոր արժեքների վերականգնմանը, ստի ու կեղծիքի վերացմանը: Դուք այդ միտումը տեսնո՞ւմ եք:

- Ես ամեն ինչի մեջ ագրեսիվ խոսույթ եմ լսում: Ես իր մեջ էլ եմ (-խմբ նկատի ունի Վազգեն Գալստանյանին) ագրեսիա տեսնում, չնայած նրան ճանաչում եմ, մի քանի անգամ առիթ եղել է հանդիպելու, զրուցել ենք, շատ լավ տպավորություն է թողել ինձ վրա, սակայն հիմա ագրեսիա եմ տեսնում:

- Այս ամենը կարո՞ղ է բացասաբար ազդել եկեղեցու, հոգևորականների վարկանիշի վրա:

- Կարևորը հավատքի հանդեպ հուսահատություն չլինի, որովհետև եկեղեցին ու եկեղեցականը կոչված են քեզ Աստծու հետ հաղորդակցվելու միջոց լինելու համար: Բայց արվեստագետը առանց եկեղեցականի էլ հաղորդակցվում է, իսկական արվեստագետը միշտ վերևների հետ է հաղորդակցվում, էդ էլ ուրիշ մի կապ է՝ երկրի ու երկնքի հետ: Ինձ համար հավատքն է արժեք, մարդով չի իմ հավատքը, ոչ էլ շենքով: Ես հուսով եմ, որ մենք մի օր պիտի հավատքի գանք: Օրինակ՝ շատերը եկեղեցի են գնում, մոմ վառում, հետո գնում գողություն են անում, կամ գողություն են անում, հետո գնում են եկեղեցի մոմ վառում: Բայց մարդիկ էլ կան ազնվորեն իրենց մեղքերը գնում, եկեղեցում արտասուքով մաքրում են ու աշխատում են այլևս նման մեղքեր չգործել: Մենք պիտի մաքրվենք, մեր հոգին պիտի մաքրենք, դադարենք իրար քարկոծելուց, իրար վրա կայանալուց, զրպարտելուց:

- Այսինքն՝ ներսի՞ց պիտի ինքնամաքրվենք:

- Այո, մեր խնդիրը մենք ենք, մեր ամենամեծ թշնամին: Ինձ համար մեր ապրելակերպի ամենամեծ ուսուցիչը մեքենա վարելն է. ինչպես մեքենա ենք վարում, այդպես էլ ապրում ենք. առանց իրար ճանապարհ տալու, իրար վրա գոռալով, մունաթ գալով: Ճանապարհ չենք տալիս՝ ժամանակ չունենք, բայց պատրաստ ենք ժամերով կանգնել, իրար հետ կռիվ անել. այդ ժամանակը կա:

- Մշակութային գործիչների դերն ու անելիքը ո՞րը պետք է լինի ինքներս մեզ ճանաչելու ու մաքրվելու ճանապարհին:

- Մշակույթի գործիչը պետք է վեր լինի քաղաքականությունից, որովհետև այդ նույն մշակութային գործիչը, որ այլ երկրում Հայաստանն է ներկայացնում, չի ներկայացնում այդ երկրի այս կամ այն կողմը, իշխանությունը կամ օպոզիցիան, քաղաքականություն չի ներկայացնում, մշակույթն է ներկայացնում: Իմ պարագայում ամեն դեպքում այդպես է, երբ դրսում նվագում եմ, Հայաստանի անունից եմ ներկայանում, ու ինձանով շատերը Հայաստանը գիտեն, շատերը գալիս են Հայաստան համերգների, շատերը ուղղակի գալիս են տեսնելու, ոմանք սիրահարվում են մեր երկրին, մարդիկ էլ կան՝ տեղափոխվում են այստեղ ապրելու, ու այդ մարդկանց չեն հետաքրքրում այս քաղաքական կուրսերը, մեր մշակույթն են սիրում, երկիրը:

Ամեն մեկն իր տեղն ունի, ամենադժվար բանն այն է, որ ինքդ քո տեղում չես ու չգիտես՝ դու ինչ տեղ ունես... Ես, օրինակ, երաժիշտ լինելով, արվեստագետ լինելով, չեմ կարող ադմինիստրատիվ գործով զբաղվել, զբաղվեմ, հաստատ վատ կանեմ այդ գործը: Պիտի անեմ այն, ինչ լավ եմ կարողանում, այդ դեպքում և՛ ես, և՛ ունկնդիրը հաճույք ենք ստանում:

Հերմինե Կարապետյան

Տպել
3524 դիտում

ԵՄ-ն 3 փորձագետի է գործուղել Հայաստան․ նրանք օգնելու են գնահատել հեղեղումների հետևանքով ենթակառուցվածքների կրած վնասները

Եվրոն կրկին թանկացել է․ ինչ փոփոխություններ է արձանագրել տարադրամի շուկան հունիսի 18-ին

Իրանի հյուսիս-արևելքում 4․9 մագնիտուդով երկրաշարժ է գրանցվել

Երևանում և Գեղարքունիքի մարզում 3 գազա-բենզալցակայանի գործունեություն է դադարեցվել

Պտտահողմ է․ Գագիկ Սուրենյանը լուսանկար է հրապարակել

Գարեգին Բ-ի օրհնած շարժումը չարացման պիկին է, բայց այդ պարագայում էլ անթույլատրելի է լրագրողի թիրախավորումը․ Ալեքսանյան

Շնորհիվ երկկողմ ջանքերի Հայաստանի և Էստոնիայի հարաբերությունները դինամիկ զարգանում են. դեսպանը՝ ՀՀ նախագահին

Սոչիում ընկերոջ հետ զբոսնող աղջկան ծովը քշել-տարել է. տեսախցիկները ֆիքսել են նրա անհետացման պահը (տեսանյութ)

Հորդորում ենք կասկածելի դրվագներ չփորձել փնտրել Ոստիկանության և Փրկարար ծառայության ղեկավարների կենսագրությունում. ՆԳՆ

Դատապարտում եմ լրագրող Իրինա Մկրտչյանի թիրախավորումը. Ռուբեն Ռուբինյան

Վարժական նոր հավաքներ կհայտարարվեն. ՊՆ-ն ներկայացրել է նախագիծը

Հաջի ծեսի ժամանակ ծայրահեղ շոգից առնվազն 14 ուխտավոր է մահացել, 100-ավոր մարդիկ ջերմային այրվածք են ստացել

Ժաննա Անդրեասյանն աշխատանքային այցով մեկնել է Գերմանիա

Նիկոլ Փաշինյանն ու Ռիչարդ Վերման մտքեր են փոխանակել Հայաստան-Ադրբեջան խաղաղության պայմանագրի շուրջ քննարկումների մասին

Ռուբիկ Մխիթարյանը՝ հակակոռուպցիոն պալատի կոռուպցիոն հանցագործությունների քննության դատական կազմի դատավոր

Ուր գնում ես, ասում են՝ խաչքար դնենք, հասկացանք, ինչքա՞ն. մեր նահատակները զոհվել են, որ երեխեքը ազատ ապրեն. վարչապետ

Հերթական ավտովթարը կանչի վայր մեկնող շտապօգնության մասնակցությամբ. կա վիրավոր

Մայիսին 84 հարկ վճարողի մոտ արձանագրվել են վարձու աշխատողի չձևակերպման դեպքեր․ տուգանքի չափը՝ ավելի քան 59 մլն դրամ

Սարսափելի ավտովթար ՌԴ-ում. միկրոավտոբուսը մխրճվել է հանդիպակաց երթևեկող մեքենաների մեջ, կա 8 զոհ, 13 տուժած

Մեքենան բախվել է սյանը և կողաշրջվել. վարորդը տեղափոխվել է բուժհաստատություն

Ավստրիայի Ազգային խորհրդի մարդու իրավունքների հանձնաժողովի նախագահն այցելել է Ծիծեռնակաբերդի հուշահամալիր

Քրեակատարողական ծառայությունը պաշտոնապես անդամակցել է EuroPris-ին

ՄԱԿ-ի աշխատանքային խմբերին ներկայացվել են Կոռուպցիայի դեմ պայքարի կոնվենցիայի շրջանակում ՀՀ բարեփոխումները

ՃՈ տուգանքը կիսով չափ վճարելու արտոնությունից օգտվելու համար մնացել են հաշված օրեր

Կարող եք հույս դնել ՀՀ-ի վրա` որպես երկիր, որը կիսում է ԵՄ արժեհամակարգը․ Սիմոնյանը հրաժեշտ է տվել Էստոնիայի դեսպանին

Գյուղական համայնքներում շոր հագնեն, կասեն՝ բա էս ի՞նչ ես հագել, երիտասարդները պետք է ազատություն ստանան․ վարչապետ

Ավտոլվացման կետերից մեկում հայտնաբերվել է Հնդկաստանի 34-ամյա քաղաքացու մարմինը

Բնության հուշարձանի, արգելոցի կամ հատուկ պահպանվող տարածքի խախտման տուգանքը գրեթե կրկնակի ավելացել է

Հրազդանի և Վերին Պտղնիի մի շարք հասցեներում սպասվում են գազամատակարարման պլանային դադարեցումներ

Սահմանազատումը փորձում են ներկայացնել որպես աղետ, բայց սահմանամերձ գյուղերում առաջին հարցն այդ մասին է. վարչապետ

Ապահովագրական ընկերության պատասխանատուն հոսանքահարվել է, բարձրությունից ընկել և մահացել

Բլոգեր Արթուր Չախոյանը վարչապետին վերագրվող կեղծ տեղեկություններ է հրապարակել

ՊՆ ռազմական ոստիկանությունում մեկնարկել են հրամանատարական հավաքներ

Ծեծի են ենթարկել տանտիրոջը, հափշտակել ավելի քան 2 մլն դրամ, հանցավոր խումբը գործել է հստակ սխեմայով. 3-ը կալանավորվել են

Ֆրանսիան «CAESAR» հրետանային համակարգեր կմատակարարի Հայաստանին. կնքվել է պայմանագիր (լուսանկարներ)

Ինչ արժեն Երևան-Բաթումի-Երևան գնացքի տոմսերը, և ինչպիսին է ժամանակացույցը

Իրական Հայաստանի գաղափարախոսությունը մեր բաբոների, պապիկների անհասանելի երազանքն է եղել միշտ․ Նիկոլ Փաշինյան

Երևանի և 7 մարզի մի շարք հասցեներում մինչև 6-ժամյա հոսանքազրկումներ են սպասվում

Իրանական ընկերության ներկայացուցիչների հետ քննարկվել է Քաջարան-Ագարակ ճանապարհի շինաշխատանքների ընթացքը

ԵՄ առաջնորդներին դեռևս չի հաջողվել համաձայնեցնել Եվրահանձնաժողովի ղեկավարի թեկնածությունը