Երևան
19 °C
«Ես էս շարժման ողջ ընթացքում արգելել եմ մարդկանց գոռալու «թուրք Նիկոլ», «դավաճան Նիկոլ», արգելել եմ բառիս բուն իմաստով, ինձնից նեղացել են, բայց արգելել եմ, որովհետեւ ասել եմ՝ սա մերը չի, մենք ուրիշ բանի մասին պետք ա խոսենք»:
Նախքան «սրբազան շարժման» արձակուրդ մեկնելը՝ հունիսի 19-ին հրավիրված ասուլիսում, այս մասին հայտարարել էր այդ շարժումն առաջնորդող Վազգեն (Բագրատ) Գալստանյանը։
Սրանք այն «տերմիններն» են, որոնք, հիշեցնենք, գործածվում էին «Դիմադրության» շարժման եւ ՀՓՇ-ի օրերին՝ թե՛ հարթակին կանգնած քաղաքական գործիչները, թե՛ շարժման շարքային մասնակիցները։
Խաչը լանջից հանելուց հետո, ինչպես դեպքերի ընթացքն է ցույց տալիս, հոգեւորականի հանդերձով հանդես եկող ֆիգուրը շուրթերը ոչ միայն պղծում է իշխանությանն ուղղված նզովքով ու անվայելուչ բնորոշումներով, այլեւ գնալով սաստկացնում է ատելության քարոզն ու թիրախավորելով Կառավարության ղեկավարին՝ նրան անվանում «չարիք», «սատանա», օրերս էլ գործածել է «նեռ» տերմինը։
«Սա իմ պայքարն է նեռի եւ սատանայի դեմ, որը մեր երկրում մարմնավորված նստած է կառավարության համար 1 շենքում»,- Աբովյանում բնակչության հետ հանդիպման ժամանակ հայտարարել է Գալստանյանը։
Գրեթե նույն ձեւակերպմամբ նույն միտքը նա արտահայտել է նաեւ Հրազդանում․ «Սա չարի դեմ պայքար է՝ հանուն բարու հաղթանակի, սա մարմնացած Նեռի դեմ պայքար է։ Իմ առաքելությունը մեկ թիրախ ունի՝ սատանան, վիշապը, որը նստել է մեր ջրերի վրա եւ խմելով ցամաքեցնում է մեր կյանքը»։
Փաստորեն, «թուրք» ու «դավաճան» բառերի գործածումից զերծ մնալը որպես «որակի նշան» ներկայացրած հոգեւորականը վերածվել է ատելության խոսքի ագրեգատի եւ ՀՀ 680 հազար քաղաքացիների ընտրած քաղաքական ուժի ղեկավարին կոչում է տերմիններով, որոնք իրենց նեգատիվ իմաստով մի քանի անգամ գերազանցում են «դավաճան» եւ «թուրք» բառերի իմաստը։ Եվ սա այն դեպքում, երբ նույն այս՝ բարձրաստիճան հոգեւորականը շարժման առաջին օրերին «ես օրհնում եմ իրենց»-ով էր պատասխանում իրեն քննադատողներին, խոսում հաշտությունից, «որը պետք է լինի բոլորիս միջեւ», ապաեւ հավելում՝ «ես հոգնել եմ ատելությունից ու թշնամանքից»։
Վարչապետի հասցեին գործածվող այս տերմինները պատահական չեն եւ միտված են վերջինիս անձի հրեշացմանը կամ դիվայնացմանը։ Այսպես կոչված՝ «դեմոնիզացիան» քարոզչական հայտնի տեխնոլոգիա է՝ անձի (խմբի, գաղափարախոսության) դաժան, անմարդկային, ոչնչացնող, սարսափելի կերպարի ձեւավորում հանրության շրջանում (անկախ ճշմարտությունից) եւ դրանից ազատվելու համար կոլեկտիվ ջանքերի ակնկալում։
Այս հնարքը, եթե ուշադիր հետեւեք շարժման քարոզչական թեզերի դինամիկային, սկսվեց կիրառվել այն փուլում, երբ այլեւս ակնհայտ էր՝ իշխանափոխության պլանը հերթական անգամ ձախողվել է, եւ շարժումը գնում է դեպի անխուսափելի մարում։ Իսկ որեւէ գործընթացի ձախողումը հանգեցնում է ձախողվածի կամ ձախորդի վարքաբանության փոփոխության՝ դարձնելով վերջինիս ավելի ագրեսիվ, ծայրահեղական ու անզիջում, ստիպում գնալ «վա բանկ»։
Հոգեւորականի պարեգոտի տակ ծպտված քաղաքական գործիչ Գալստանյանը, ինչպես երեւում է, իր բառապաշարը էլ ավելի կոշտացնելով, վարչապետի անձը նեգատիվ հույզերի թիրախ դարձնելով, խնդիր ունի ապացուցել ընդդիմության՝ արդեն մի քանի տարի գեներացվող «թեզաց թեզը», այն է՝ մեր երկրի բոլոր դժբախտությունների ակունքը՝ «ալֆան եւ օմեգան», մեկ, միայն մեկ անձ է՝ Նիկոլ Փաշինյանը (թիմը առանց նրա զորություն չունի), որը «դագաղներով եկավ եւ դագաղներ բերեց», որը «Արցախը Հայաստան է եւ վերջ» բացականչեց, բայց «հանձնեց Արցախը», որը «մարսեց Արցախի հանձնումը, այդ պատճառով էլ անցել է Հայաստանը մաս-մաս հանձնելուն»․․․
Վանո Սիրադեղյանի նամակ-զգուշացումը
Այսպես ասած՝ արյունռուշտ տրամադրությունների գեներացիան, նկատենք, նոր ֆենոմեն չէ, եւ դեռ 90-ականներից հասարակությունը հաղորդակից էր լինում մամուլի էջերից, հրապարակների «ռուպռներից» եւ/կամ ԱԺ-ի միկրոֆոններից թափվող ատելության խոսքի «մաստեր կլասների»։
Երբ 1998-ի իշխանափոխությունից հետո շրջանառության մեջ մտան «նախկիններին» պատժելու, «ժողովրդի արյունը ծծողներին», «երկրի առաջընթացն արգելակողներին», «Ղարաբաղը ծախողներին» ջարդել-փշրելու նարատիվները, «ռոմանտիկների» հայտնի խմբակը, ազդված երկրում քարոզվող տրամադրություններից, որոշեց նյութականացնել դրանք: Թերեւս տեղին է վերհիշել Վանո Սիրադեղյանի նամակ-զգուշացումը՝ ուղղված Վազգեն Սարգսյանին, որը թեեւ քաղաքական այլ իրողությունների եւ, այսպես ասած, «ստատուս-քվոյի» պայմաններում է գրվել, սակայն կարծես ներկայիս քաղաքական իրականությունը նկարագրելիս լինի։
«Ամիսներ շարունակ Հայաստանի հասարակական-քաղաքական մթնոլորտում ներշնչում են, որ քո գոյությունը «կասեցնում է Հայաստանի զարգացումը»: Ուշադրություն դարձրու ձեւակերպման չարագուշակ անմեղությանը… Պարզունակ կլինի, եթե այս ամենը բացատրեմ գործընկերներիդ նենգությամբ։ Նրանք փակուղի են մտել: Ո՛չ դուրս կարող են գնալ, ո՛չ ետ գնալ: Նրանք դատապարտված են Հայաստանում ունենալ բացարձակ իշխանություն, որի համար հարկ կլինի մանրացնել, փոշիացնել, ապա/եւ ամայացնել Հայաստանի քաղաքական դաշտը, ինչպես արեցին Ղարաբաղում: Այս ճանապարհին պիտի դաշնակիցներ փոփոխեն, շարքից հանեն նշանակալի որեւէ մեկին… Ղարաբաղը ամայացնելիս դաշնակից (Քոչարյանը -խմբ.) ուներ Հայաստանը, Հայաստանի դեպքում կգտնեն այլ երկիր․․․»:
Իշխանազավթման հերթական ձախողված փորձը, նկատենք, ընդդիմադիր խմբակին կարող է ստիպել փոխել պայքարի «խաղաղ, անզեն» գործիքակազմն ու աշնանը վերսկսվելիք (օրերս այդ մասին անոնսեց Իշխան Սաղաթելյանը՝ նշելով՝ «պետք է ամբողջ ուժերը կենտրոնացնել առաջիկայում մեր երկրին սպասվող մարտահրավերներին դիմադրելու եւ կանխելու համար, առաջիկայում մեզ սպասվում են շատ ծանր իրադարձություններ․․․») քաղաքական շարժման ժամանակ ապավինել «վերջին փամփուշտի» զորությանը։ Ընդ որում՝ բառի բուն իմաստով վերջին փամփուշտի։
Իզուր չէ, որ քարոզչական փսիխոզին զուգահեռ տեղի է ունենում նաեւ մերօրյա «մի խումբ ռոմանտիկների» մոբիլիզացիա, որոնց համապատասխան գործողությունների ներշնչողն այս անգամ Աստծո անունից հանդես եկող անձն է։
Հեղինե Մանուկյան
Հայաստանի հավաքականը 4։1 հաշվով հաղթեց Լատվիայի ընտրանուն
Ոստիկանությունը հրապարակել է ոստիկանին սպանած ու վիրավորած անձի նկարը. նրան որոնում են
Արմավիրում զինված անձը կրակել է ոստիկանների ուղղությամբ. մեկ ծառայող զոհվել է, մյուսը՝ տեղափոխվել հիվանդանոց
«Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով
ՌԴ-ն արգելված պահանջներ է առաջադրում ՀՀ-ին, փորձում է անտեսել Իրանի դիրքորոշումը, ճնշել նրան. Խալաթյան
Ֆրանսիայում բողոքի ցույցեր են. հազարավոր ակտիվիստներ դեմ են նոր վարչապետի նշանակմանը
Ոտքը վնասած քաղաքացուն փրկարարները սարալանջից ամենագնացով իջեցրել, մոտեցրել են շտապօգնության մեքենային
Նիդերլանդների նորանշանակ դեսպանն այցելել է Հայոց ցեղասպանության հուշահամալիր
Գնդակոծվել է Դոնեցկի շրջանի մանկական հիվանդանոցը. վիրավորների թվում երեխա կա
Փարիզ-2024. գյումրեցի պարածանրորդ Գրետա Վարդանյանը 3 անձնական ռեկորդ է սահմանել, նա 6-րդ հորիզոնականում է
Հայաստան է ժամանել Իրաքի Դաշնային գերագույն դատարանի բարձրաստիճան պատվիրակությունը
Հրդեհ Բայանդուրում. գազի բալոնից արտահոսք է տեղի ունեցել
Օդինցովոյում ավտոկանգառ է հրդեհվել. կան զոհեր
Արգենտինան Միջազգային քրեական դատարանից Նիկոլաս Մադուրոյին ձերբակալելու օրդեր է խնդրել
Հայաստան կայցելի Հունգարիայի արտաքին գործերի և առևտրի նախարար Պետեր Սիյարտոն
Համոզված եմ, որ մեր կառավարությունները կշարունակեն սերտորեն համագործակցել. Նիկոլ Փաշինյանի ուղերձը Ֆրանսիայի վարչապետին
Կայացել է Ժողովրդավարության դպրոցի 2-րդ հոսքի բացումը
ՀՀ օրգանական և դեղագործական քիմիայի գիտահետազոտական կենտրոնի հարակից շինարարությունը ժամանակավորապես դադարեցվել է
2024 թվականին երեխաների ստացիոնար բուժման համար բյուջետային հատկացումները 2019-ի համեմատ 23 տոկոսով աճել են. փոխնախարար
Հաստատվել է մշակութային արժեքների փորձաքննություն անցկացնող մասնագետների ցանկը
Որ դեպքում Արևմտյան Նեղոսի տենդը կարող է փոխանցվել մարդուց մարդուն. վարակված և բուժված մայրը կարո՞ղ է կրծքով կերակրել
Նոր Նորք վարչական շրջանի նոր զբոսայգում շների համար առանձնացված տարածք կկառուցվի (տեսանյութ)
Ավարտվել է ԱԺ «Ամառային դպրոց» 3-րդ ծրագիրը. մասնակիցները հավաստագրեր են ստացել
Հերհերի ջրամբարի մոտ մեքենաներ են բախվել. վարորդներից մեկը մահացել է
Հրապարակվել է Հայաստանի ազգային հավաքականի վերջնական հայտացուցակը Լատվիայի դեմ խաղում. ովքեր են դուրս մնացել
Ազգային փոքրամասնությունները ՀՀ կառավարության և խորհրդարանի ուշադրության կենտրոնում են. ինչ խնդիրներ կան համայնքներում
Գնել Սանոսյանը դժգոհել է Դիլիջան-Վանաձոր հատվածում իրականացվող աշխատանքների տեմպից
Օդի ջերմաստիճանը կբարձրանա 2-4 աստիճանով. առանձին շրջաններում կարճատև անձրև կտեղա
SMS-ով խախտման մասին ծանուցումը չի փոխարինում էլեկտրոնայինին. ինչպես օգտվել 20 տոկոսի բոնուսային համակարգից
Պաշտոնական այցով Հայաստան կժամանի Լյուքսեմբուրգի Մեծ Դքսության փոխվարչապետ Քսավյե Բետելը
«Զանգեզուրի միջանցքը» կեղծ է, նման պատրանքներին հետևողների համար հետևանքները ծանր կլինեն. Էբրահիմ Ազիզի
Լոռիում մեքենաներ են բախվել. ընտանիքի 4 անդամ, այդ թվում՝ անչափահասներ, տեղափոխվել են հիվանդանոց
Կոչեր Ադրբեջանին, միջազգային հանրությանը. Ցեղասպանագետների միջազգային ընկերակցությունը ԼՂ-ի վերաբերյալ բանաձև է ընդունել
Հայաստանը կարևորում է բազմաբնույթ հարաբերությունների զարգացումը. վարչապետը շնորհավորել է Բրազիլիայի նախագահին
7 միլիոն վաղաժամ մահ աշխարհում. մոլորակի բնակչության 99%-ը աղտոտված օդ է շնչում
Թեհրանը կշարունակի աշխատել Ռուսաստանից գազ ստանալու ուղղությամբ. Ջալալի
Վրաստանում 4,1 մագնիտուդ ուժգնությամբ երկրաշարժ է տեղի ունեցել
Բանվորները պահեստից հեռահաղորդակցության մարտկոցներ են գողացել․ ընկերությանը պատճառվել է խոշոր չափի նյութական վնաս
Քննարկվել է արտահանման և ներմուծման նոր ուղիներ գտնելու հնարավորությունը. Լատվիայում հանդիպել են Պապոյանն ու Վալայնիսը
Մեր քաղաքին պետք են մարդիկ, որոնք ընկեր են Երևանին ու գրքին. Տիգրան Ավինյան
© 2024 Հայկական ժամանակ