Երևան
19 °C
ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է Հայաստանում առաջին անգամ աշխատանքային այցով գտնվող Google ընկերության պատվիրակությանը:
Հանդիպմանը ներկա են եղել նաև Կրթական տեխնոլոգիաների ազգային կենտրոնի տնօրեն Արտակ Պողոսյանը, ԿԳՄՍՆ մշակութային ժառանգության վարչության պետ Աստղիկ Մարաբյանը, ռազմավարական պլանավորման և մոնիթորինգի վարչության պետ Ռոբերտ Ստեփանյանն ու հանրակրթության և արտադպրոցական ծրագրերի մշակման և իրականացման բաժնի պետ Սուսաննա Ազատյանը:
Արթուր Մարտիրոսյանը ողջունել է հյուրերին նախարարությունում և կարևորել Google ընկերության հետ հարաբերությունների զարգացումը՝ հաշվի առնելով ԿԳՄՍՆ ներգրավվածությունը Հայաստանի թվայնացման ռազմավարության 2021-2025թթ․ ծրագրում, ինչպես նաև կրթական գործընթացների թվայնացման անհրաժեշտությունը:
Նախարարի տեղակալն ընդգծել է՝ Հայաստանը կրթական բոլոր մակարդակների բարեփոխումների ակտիվ փուլում է, որի շրջանակում մեծ տեղ է հատկացվում թվային տեխնոլոգիաների կիրառմանը, թվային գրագիտության զարգացմանն ու կրթական որակի չափելիության համար անհրաժեշտ գործիքների ներդրմանը: Արթուր Մարտիրոսյանը տեղեկացրել է՝ ՀՀ կառավարությունը որդեգրել է Հայաստանի Հանրապետության ամբողջ տարածքում կրթության հավասար հնարավորությունների ապահովման, կրթական համակարգի թվայնացման զարգացման քաղաքականություն, և այս համատեքստում Google ընկերության հետ համագործակցությունն առանցքային նշանակություն կարող է ունենալ:
Google ընկերության ներկայացուցիչները շնորհակալություն են հայտնել ընդունելության համար և տեղեկացրել՝ իրենք մի շարք ծրագրեր և հարթակներ ունեն, որոնք օգնում են ուսուցիչներին, աշակերտներին և ադմինիստրատիվ աշխատողներին արդյունավետ կազմակերպել կրթական գործընթացը, ինչպես նաև առցանց դասընթացներ, խորհրդակցություններ և հանդիպումներ: Այս համատեքստում կողմերը կարևորել են նաև անձնական տվյալների պաշտպանության բարձր մակարդակը:
Google ընկերության ներկայացուցիչների հետ հանդիպմանն անդրադարձ է եղել նաև արհեստական բանականության կրթության ներդրման միջոցներին: Արթուր Մարտիրոսյանը տեղեկացրել է՝ 2023 թ. սեպտեմբերից Հայաստանի 7 մարզերի և Երևանի 15 ավագ դպրոցներում իրականացվում է «Արհեստական բանականության (ԱԲ) սերունդ» փորձարարական կրթական ծրագիրը, որն ընդգրկում է շուրջ 500 աշակերտ ողջ Հայաստանից։
Անդրադառնալով մշակութային ժառանգության պահպանության ուղղությամբ համագործակցության հեռանկարներին՝ Google ընկերության ներկայացուցիչ Օլգա Սկորոխոդովան խոսել է Google Arts and Culture հարթակի մասին, որտեղ ներկայացված է նաև Հայաստանի մշակութային ժառանգությունը։ Նրա խոսքով՝ հարթակը հնարավորություն է տալիս միջազգային հանրությանը ծանոթանալ Հայաստանի հարուստ պատմությանը, արվեստին, մշակութային արժեքներին, ինչպես նաև հայկական մշակույթի տարբեր տարրերին՝ սկսած խաչքարերից և միջնադարյան ճարտարապետությունից մինչև ժամանակակից արվեստ։
Այս համատեքստում կողմերը պայմանավորվել են ուսումնասիրել Հայաստանի թանգարանների, մշակութային հաստատությունների և գրադարանների հավաքածուների թվայնացման հնարավորությունները, ինչպես նաև ամպային հուսալի պահոց ունենալուն վերաբերող հարցեր: Անդրադարձ է կատարվել նաև Մեսրոպ Մաշտոցի անվան հին ձեռագրերի գիտահետազոտական ինստիտուտի՝ Մատենադարանի հետ համագործակցության հեռանկարներին:
Ընկերության ներկայացուցիչները նշել են՝ Google-ի կողմից տրամադրվող բազմաթիվ գործիքներ և ծառայություններ հասանելի են նաև հայերեն, ինչը նպաստում է հայախոս օգտագործողների համար ավելի հարմարավետ և արդյունավետ օգտագործման միջավայրի ստեղծմանը։ Նրանք նշել են՝ ջանքեր են ներդնում համակարգի շարունակական լավարկման ու կատարելագործման համար:
Հանդիպման ընթացքում քննարկվել են նաև երկկողմ հետաքրքրություն ներկայացնող այլ հարցեր:
Դիտավորյալ տարածվում է ապատեղեկատվություն, թե ՀԱՊԿ-ը չի պաշտպանել Հայաստանին. ՌԴ ԱԳՆ
Եռաբլուրում տեսախցիկների առջև Արցախի համար ողբացող խմբակը երեկոյան ողբը շարունակել է ռեստորանում` զուռնա-դհոլով. Չախոյան
Լեռնային Ղարաբաղում ադրբեջանցիների կողմից ռուս խաղաղապահների սպանության դատավարությունը շուտով կմեկնարկի. ՌԴ ԱԳՆ
ՖԻԴԵ-ն Հայաստանի շախմատի տղամարդկանց հավաքականը ճանաչել է 100-ամյակի լավագույն թիմ
Աննա Հակոբյանը հրապարակել է ավագ դստեր և իր լուսանկարները՝ արված Սագաեանի ցուցահանդեսի ժամանակ
Պապիկյանն Արգենտինայի դեսպանի հետ քննարկել է պաշտպանության բնագավառում համագործակցության հնարավորությունները
Լոռու մարզում 5-ամյա երեխան թերմիկ այրվածքներով տեղափոխվել է հիվանդանոց
Սեժուրնեի հայտարարությունն առաջին հերթին անհարգալից է Հայաստանի նկատմամբ. Զախարովա
Ռոթը շնորհակալություն է հայտնել Փաշինյանին խաղաղության պայմանագրի շուրջ ցուցաբերած վճռականության համար
Ինչո՞ւ գործել նրանց թիկունքում, ովքեր կերակրում են ձեզ և ապահովում պարենային անվտանգությունը. Զախարովան՝ Գրիգորյանին
Ծանրամարտի երիտասարդների ԱԱ. մրցահարթակ դուրս կգա Եվրոպայի չեմպիոն Ալեքսանդրա Գրիգորյանը
Կուզբասի հարավում երկրաշարժ է տեղի ունեցել. կան ավերածություններ (տեսանյութ)
Մահացել է Արտաշես Գեղամյանը
8 հաշտություն, դատարանի 3 վճիռ. Գալյանը Սերբիայում ներկայացրել է ապօրինի ծագում ունեցող գույքի բռնագանձման ՀՀ փորձը
Իսրայելի պաշտպանության բանակի գիշերային հարձակումների հետևանքով Լիբանանի հարավում շուրջ 100 օբյեկտ է խոցվել (տեսանյութ)
Քննարկվել են Google ընկերության հետ համագործակցության հեռանկարները. հանդիպում ԿԳՄՍ նախարարությունում
Բաքվի բանտային խիստ ռեժիմում պահվող Վարդանյանին «թույլ են տվել» արձագանքել ՀՀ վարչապետին
Գրիգոր Մինասյանը ԵՄ դեսպանի հետ քննարկել է վիզայի ռեժիմի ազատականացման հարցը
Կանխվել է ավազակության նախապատրաստման, hանցավոր խմբի կողմից մոտ 116 մլն դրամի զարդերի գողության փորձի դեպք (տեսանյութ)
Իրանի ԱԳՆ-ն Լիբանանում կապի սարքերի պայթյունները որակել է որպես ահաբեկչություն և զանգվածային սպանություն
Գագիկ Սուրենյանը սպասված նորություն է հայտնել
Կանխվել է մաքսային զննությունից թաքցված 58 հազար 750 տուփ ծխախոտի ներմուծման փորձը (տեսանյութ)
ՀՀ քաղաքացիություն ձեռք բերելու դեպքում չի դադարեցվում ԼՂ-ից տեղահանվածների 40+10 հազար դրամ աջակցության տրամադրումը
Աղձք բնակավայրի հարակից հատվածում իրականացվելու են պայթեցման աշխատանքներ
Ավարտվել է Մելքոնյանի տան և Արսենյանին պատկանող տարածքում պայթուցիկների տեղադրման գործի նախաքննությունը. նոր մանրամասներ
Վիրավոր արագիլին փրկարարները վիրակապել են, հանձնել Կենդանաբանական այգու աշխատակցին
Կյանքից հեռացել է բանաստեղծ, մանկագիր Նիկոլայ Շահնազարյանը
Օլիմպիադայի 8-րդ մրցափուլում Հայաստանի շախմատի կանանց թիմը հաղթանակ է տարել
ԱՄՆ-ը չի աջակցում Իսրայելի գործողություններին Լիբանանում և Գազայում. Պենտագոն
ՃՏՊ Երևան-Գյումրի ավտոճանապարհին․ վարորդը հոսպիտալացվել է
Դիլիջանի ոլորաններում մառախուղ է, Ստեփանծմինդա-Լարս ավտոճանապարհի համար՝ ժամանակավոր սահմանափակումներ
«ՔՊ»-ում այսօր ինքնաքննադատության օր էր»․ վարչապետը հայտնել է՝ ինչ է քննարկել կուսակիցների հետ
«Վայոց ձոր»-ի բժշկական կենտրոնում 32-ամյա ծննդկանի երեխան մահացած է ծնվել
Լիբանանը ենթարկվել է իր գոյության ողջ ընթացքի ամենամեծ, աննախադեպ հարձակմանը, սա պատերազմի հայտարարում է. Նասրալլա
Տարածաշրջանում իրավիճակ է փոխվել. Երևանից Մոսկվա այլևս զանգ չի գնում. քաղաքագետը մանրամասնում է՝ ինչու
ԱԺ 3 պատգամավոր աշխատանքային այցով կմեկնի Վրաստան
Ավարտվել են Թուրքիայի, Ղազախստանի, Ադրբեջանի ու ևս 3 երկրի համատեղ զորավարժությունները
Բայդենն ու Հարրիսը մի քանի օրից Սպիտակ տանը կընդունեն Զելենսկիին
Ժաննա Անդրեասյանը դիմել է դպրոցների տնօրեններին, ուսուցիչներին
Հակոբ Արշակյանը կգործուղվի Մեխիկո
© 2024 Հայկական ժամանակ