Երևան
15 °C
Քննադատությունների թիրախում հայտնված ազգությամբ ռուս Իրինա Զախարովայի՝ «Միսս տիեզերք» մրցույթին մասնակցելու ցանկությունն ու Հայաստանը ներկայացնելը մնացին անկատար։ Նա հայտարարել է, որ դրան «ընտանեկան հանգամանքների պատճառով» չի կարողանա մասնակցել: Աշխարհահռչակ մրցույթի կազմակերպիչները, սակայն, փակագծեր են բացել՝ հայտնելով, թե իրականում ինչու նա չի ներկայացնելու ՀՀ-ն:
Պարզվում է, որ նրանք ուսումնասիրել են «Միսս Աշխարհ» և «Միսս Տիեզերք» մրցույթներում նախորդ տարիների հայ գեղեցկուհիների և ոլորտով հետաքրքրված այլ հայուհիների բարձրաձայնած հարցերը․ 31-ամյա մոդելը Հայաստանի քաղաքացիություն չունի, նա ՀՀ-ում չի բնակվել, ինչպես պնդում էին թե՛ Զախարովան, թե՛ «Միսս տիեզերք Արմենիա»-ի անցկացման իրավունքը ձեռք բերած ազգությամբ ռուս Յուլյա Պավլիկովան։
«Միսս տիեզերք 2019»-ի մասնակից Դայանա Դավթյանը «Հայկական ժամանակ»-ի հետ զրույցում ասում է՝ եթե իրենք չխոսեին տեղի ունեցած մասին, ապա Զախարովայի և Պավլիկովայի կատարած խարդախությունն այդպես էլ աննկատ կմնար։
Դայանան պնդում է՝ «Միսս տիեզերք Արմենիա»-ի անցկացման իրավունքը ձեռք բերած անձնավորությունը ի սկզբանե ստել է «Միսս տիեզերք» մրցույթի կազմակերպիչներին։
Ըստ նրա՝ Զախարովան ու Պավլիկովան մտերիմ ընկերուհիներ են, ինչն արդեն խոսում է ամեն բանի մասին:
«Պավլիկովան մասնակցել է շատ մրցույթների ու դեռ այդ ժամանակվանից փոխել է իր անձնագրային տվյալները, որ կարողանա 30 տարեկանը լրանալուն պես մասնակցի դրանց, որովհետև տարիքային սահմանափակումներ են եղել տվյալ մրցույթներին մասնակցության համար։ Այժմ էլ նման խարդախ միջոցի էր դիմել, իսկ մեր երկիրն էլ ուզում էր օգտագործել որպես միջոց՝ «Միսս տիեզերք» մրցույթին մասնակցելու համար։ Մրցույթի կազմակերպիչները փաստեցին, որ ճիշտ ենք։ Մենք բոլոր տվյալները ստուգել էինք ու հայտնաբերել, որ Զախարովայի անուն-ազգանունով ՀՀ այլ քաղաքացի չկա, բացի 50 տարեկան մի կնոջից»,- մանրամասնում է նա:
Զրուցակցի խոսքով՝ Պավլիկովայի կեղծիքը բացահայտելու համար դիմել են տարբեր կառույցների, այդ թվում՝ ՀՀ ԿԳՄՍ նախարարություն, որտեղից իրենց տեղեկացրել են, որ հարցը գերատեսչության տիրույթում չէ։ Սրանից հետո գտել են «Միսս տիեզերք» մրցույթի երկրորդ սեփականատիրոջը, Զախարովայի մասին տեղեկությունները փոխանցել նրան, կազմակերպիչները ուսումնասիրել են դրանք և բացահայտել ճշմարտությունը:
«Մենք Իրինայի ու Յուլիայի սոցցանցերի էջերը ուսումնասիրել ու պարզել էինք, որ իրենք շատ վաղուց մտերիմ ընկերուհիներ են, դեռ հին նկարներն էլ էջերում պահպանված են։ Յուլիան միշտ տարբեր մրցույթներ է կազմակերպել ու ինչ-որ թագեր է դրել Իրինայի գլխին։ Հիմա էլ որոշել էր, որ Ռուսաստանի միջոցով չի կարողանա դա իրականացնել, պետք է օգտագործի Հայաստանն իր ընկերուհու համար։ Անձամբ մեզ կազմակերպությունից պատասխան չի եկել, բայց մեր տեղադրած ցանկացած ինֆորմացիայի իրենք հետևում էին, երևում էր դա։ Սեփականատերերից մեկին էլ, երբ սկզբում դիմել էինք, ասել էր, որ Զախարովան բոլոր փաստաթղթերով համապատասխանում է մասնակցության չափանիշներին, այդտեղից մենք ենթադրեցինք, որ նաև փաստաթղթեր է կեղծել Պավլիկովան»,- պատմում է Դայանան:
«Միսս տիեզերք 2019»-ի մասնակցի համոզմամբ՝ այս ամենից զատ, «Միսս տիեզերք»-ը խաբեության համար Պավլիկովային պետք է զրկի «Միսս տիեզերք Արմենիա»-ի անցկացման իրավունքից։ Վերջինս կարծում է՝ չնայած նրան, որ կազմակերպությունը հնարավորություն է տվել «Միսս Տիեզերք Հայաստան» տիտղոսը շնորհել եզրափակիչ փուլ անցած այլ թեկնածուներից մեկին, այս ամենից հետո «Միսս Տիեզերք»-ը Հայաստանի մասնակցությանը անլրջությամբ կվերաբերվի։
Նկատենք, որ Իրինա Զախարովան «Ինստագրամ»-ի իր էջի սթորի բաժնում արված հրապարակման միջոցով հայտնել է, թե իրավական պատասխանատվության է ենթարկելու «Միսս Տիեզերք» մրցույթի կազմակերպիչներին։
Միևնույն ժամանակ նկատենք, որ 31-ամյա Զախարովան իր էջում գլխատառերով շարունակում է թողնել ««Միսս Տիեզերք Հայաստան» 2024» գրությունը, իսկ մրցույթի էջերում դեռևս շարունակվում են հարցազրույցներ հրապարակվել Զախարովայի մասին։
Իրինա Զախարովան նաև երկու հրապարակում է տարածել, որտեղ հարց է ուղղել հետևորդներին, թե «արդյոք ցանկություն ունե՞ն «Միսս Տիեզերք» մրցույթի մասին իմանալ ամբողջ ճշմարտությունը»։
Յուլյա Պավլիկովան մտերիմ ընկերուհուն այլ փոխարինող է գտել, սակայն նրա մասին թե՛ Պավլիկովան, թե՛ «Միսս Տիեզերք Հայաստան»-ը դեռ չեն բարձրաձայնել։
Իրինային փոխարինելու է Emma Felice անունով հայուհին (ազգանունը՝ Ավանեսյան), որը «Միսս Տիեզերք Հայաստան» Մոսկվայում կայանալիք մրցույթում զբաղեցրել է 2-րդ հորիզոնականը։
Էմման «Ինստագրամ»-ի իր էջի բիոյում գրված՝ «VICE MISS UNIVERSE ARMENIA 2024» գրությունն արդեն փոխարինել է «MISS UNIVERSE ARMENIA 2024» գրությամբ։ Նա մոդելային ընկերության հիմնադիր է, երգչուհի և ուսուցչուհի։ 2023 թվականին այցելել է Հայաստան։
«Միսս Հայաստան» գեղեցկության ազգային մրցույթի կազմկոմիտեի նախագահ Մամիկոն Դանիելյանը «Հայկական ժամանակ»-ի հետ զրույցում նկատում է՝ Յուլյա Պավլիկովան գուցե ֆինանսական շահ է ունեցել այս ամենը կազմակերպելու համար։
Նա հիշեցնում է, որ վերջինս սկզբում դիմել է կազմկոմիտեին և ցանկություն հայտնել, որ «Միսս տիեզերք Արմենիա»-ն կայանա Հայաստանում։ Իրենք համաձայնվել են և նույնիսկ պատրաստ են եղել մրցույթի ծախսերն իրենց վրա վերցնել և հովանավորներ գտնել, սակայն դրանից հետո Պավլիկովան անհետացել է։
«Երևի որոշեց իր համար ավելի մատչելի ֆինանսական ճանապարհով գնալ, ներքին կարգով էլ մրցույթն արագ կազմակերպել, որ իրականացնի Զախարովայի մասնակցությունը։ Ինքը մեզ պատմում էր, որ Հայաստան գնում-գալիս է, բայց հետո իմացանք, որ այստեղ եկել էին Զախարովայի քաղաքացիության ու անձնագրի հարցն արագ լուծելու համար։ Երբ մեզ դիմեց, տեսավ մեր նախորդ մրցույթների կազմակերպումը, ասաց՝ այդպես բարձր մակարդակ չենք կարող մեզ թույլ տալ, հետո տեսանք, որ Մոսկվայում շատ թույլ մակարդակի վրա է ամեն ինչ արել»,- ասում է նա։
Դանիելյանի խոսքով՝ Պավլիկովան, լինելով ազգությամբ ռուս, ՌԴ անձնագրով, ժամանակին «Միսս Տիեզերք» մրցույթին ներկայացրել է Բուլղարիան, որտեղ էլ, ըստ նրա, ձեռք է բերել որոշակի կապեր ու փորձել իր օրինակով ընկերուհուն էլ մասնակցության հնարավորություն տալ աշխարհահռչակ մրցույթին․ «Կարծես թե իրենց հաջողվել է ազգությամբ ռուս մասնակից ներկայացնել նաև Էստոնիայի համար։ Մեր աղջիկները մեծ դեր ունեցան, ու ստեղծված թյուրիմացությունը շտկվեց։ Այսուհետև պետք է պետությունը ուշադիր լինի, թե բարձր մակարդակներում ով ու ինչպես է փորձում մեր երկիրը օգտագործել։ Գուցե ընտրել են մասնակից, բայց կասկածում եմ, որ այդ աղջիկներն էլ քաղաքացիության հետ կապված խնդիր չունեն»։
Ըստ նրա՝ «Միսս Տիեզերք Հայաստան» մրցույթը վերջին անգամ իրենք իրականացրել են 2022 թվականին, 2023-ին կազմակերպել չի հաջողվել Լեռնային Ղարաբաղում կատարված իրադարձությունների հետևանքով։ Այս տարի էլ տեղեկացել են, որ Պավլիկովան արդեն գնել է մրցույթն անցկացնելու իրավունքը․ «Իր խոսքերով, չնայած ես իրեն չեմ վստահում, 10 հազար դոլար է վճարել կազմակերպման իրավունքը ձեռք բերելու համար։ Մեզ ասում էր՝ այս տարի ուղղակի ես անեմ, բայց մյուս տարի ես անձամբ կազմակերպիչներին ձեզ կներկայացնեմ։ Չգիտենք՝ ինչ պայմանավորվածություններ է ունեցել այդ մասնակցության համար ինչ-որ անձանց հետ»։
Արդեն 2025 թվականին, Դանիելյանի վստահեցմամբ, ամեն ինչ անելու են, որ մրցույթն իրենք կազմակերպեն, ու հայ գեղեցկուհիները մասնակցեն դրան։
Մերի Խաչատրյան
Կայարանում բախվել են թիվ 97 երթուղին սպասարկող «Ժոնգ-Տոնգ»-ն ու «Նիսսան»-ը. կա վիրավոր
Ի՞նչ է նշանակում Հայաստան՝ սահմանազատված սահմաններով. վարչապետը մանրամասնել է (տեսանյութ)
Մանվել Խնձրցյանը հաղթել է թուրք մրցակցին. հայ ըմբիշը աշխարհի առաջնության քառորդ եզրափակչում է (տեսանյութ)
Ժամը 15:00-ի դրությամբ Վրաստանում ընտրության մասնակցության ցուցանիշը 41,62 տոկոս է
Մառնեուլիի Կղիզիլաջլո գյուղի 74-րդ ընտրատարածքում գազ կամ «պղպեղ սփրեյ» են օգտագործել (տեսանյութ)
Կարևորում ենք մեր երկրների միջև արդյունավետ երկխոսությունը. ԱԳՆ-ն շնորհավորել է Ավստրիային Ազգային օրվա առթիվ
ԱԺ պատգամավորներն ու խորհրդարանի աշխատակազմի ներկայացուցիչները պատվաստվել են գրիպի դեմ (տեսանյութ)
Մառնեուլիի թիվ 69 ընտրատեղամասի քվեներն անվավեր են ճանաչվել
Թբիլիսիի ընտրատեղամասերից մեկում ընտրողներն ու դիտորդները իրար են ծեծել (տեսանյութ)
Ծեծկռտուք թիվ 60 ընտրատեղամասի մոտ. Վրաստանում ընտրական գործընթացը լարված մթնոլորտում է անցնում (տեսանյութ)
Ծեծկռտուք և դանակահարություն է տեղի ունեցել Թբիլիսիի ընտրատեղամասերից մեկի մոտ (տեսանյութ)
Բաքվին ուղղված հերթական զսպող բանաձևը եվրոպական քաղաքական հարթակից. ինչը նպաստեց դիվանագիտական այդ ձեռքբերմանը
Ամոթալի է էթնիկ փոքրամասնության օգտագործումն ընտրակեղծիքների նպատակով. Վրաստանի նախագահ
«Միս Տիեզերք Արմենիայի» կազմակերպիչը և ռուս մոդելը փորձել են օգտագործել ՀՀ-ն. հայ գեղեցկուհիները կանխել են նրանց ծրագիրը
Մառնեուլիի 69-րդ ընտրատեղամասը փակվել է. ով է լցոնումների հեղինակը
Փոթիի ընտրատեղամասում հանձնաժողովի անդամը մահացել է
Լցոնումներ Վրաստանի ընտրատեղամասերից մեկում. քրեական գործ է հարուցվել (տեսանյութ)
Իսրայելական հարձակման հետևանքով Իրանում զինվորներ են զոհվել
Ավտոմեքենան դուրս է եկել ճանապարհի երթևեկելի հատվածից և հայտնվել դաշտում. տուժածը հոսպիտալացվել է
ՄԻՊ ներկայացուցիչները հանդիպել են ՌԴ-ում առանց թույլտվության բնակվող և ռեադմիսիայի սպասող ՀՀ քաղաքացիների հետ
Օդի ջերմաստիճանը կնվազի մինչև 6 աստիճանով. ինչ եղանակ կլինի առաջիկա օրերին
Բեռնատար գնացքը վրաերթի է ենթարկել գծերի մոտ հայտնված հետիոտնին. կնոջ կյանքը փրկել չի հաջողվել
Կա՛մ պետք է քվեարկեն ժողովրդի ու երկրի մասին հոգացողների, կա՛մ դրսից առաջադրանք կատարող գործակալների օգտին. Իվանիշվիլի
Շենքի պատին արված 44-օրյայի հերոսների դիմանկարները ներկած կինը զղջացել է, խափանման ինչ միջոց է ընտրվել. մանրամասներ
Լիպեցկի գաղութից վեց բանտարկյալ է փախել. ովքեր են նրանք և ինչի համար են դատապարտված
Երևանի կամուրջները տեխնիկական բնութագիր և անձնագիր կունենան (տեսանյութ)
Ավշարում մեքենաներ են բախվել․ վիրավորների մեջ երեխա կա
Ինչու է դադարեցվել Մարտակերտի նախկին քաղաքապետի նկատմամբ քրեական հետապնդումը. ՔԿ-ն պարզաբանել է
Դոլարը շարունակում է էժանանալ. ինչ փոփոխություններ է արձանագրել տարադրամի շուկան հոկտեմբերի 26-ին
«BMW»-ն բախվել է բազալտե եզրաքարին, ապա երկաթե էլեկտրասյանը. բժիշկները պայքարում են վիրավորների կյանքի համար
Վերակենդանացնել այն տարածքները, որոնք ժամանակին Երևանի շունչն են եղել. վերաբացվել է Մերգելյանի այգին (տեսանյութ)
Շիրակում մկնանման կրծողների դեմ քիմիական պայքար է իրականացվում. էկոնոմիկայի նախարարությունը սկսել է թունանյութի բաշխումը
Վրաստանի արևմուտքում գտնվող ընտրատեղամասերից մեկում քաշքշուկ է եղել (տեսանյութ)
Այս ընտրությունները համարժեք են հանրաքվեի. հանուն ինչի են քվեարկել Վրաստանի վարչապետն ու նախագահը (տեսանյութ)
Ավտոմեքենան շրջվել և հայտնվել է կամրջի այն հատվածում, որտեղ շինաշխատանքներ են ընթանում
Ձմռան և աշնան հանդիպումը. Գագիկ Սուրենյանը լուսանկար է հրապարակել
Իսրայելը ավիահարվածներ է հասցրել Իրանի ռազմական օբյեկտներին
Վրաստանում մեկնարկել են խորհրդարանական ընտրությունները
Առողջապահական համապարփակ ապահովագրության ներդրումը մեր քաղաքական խոստումն է. Ավանեսյանն ասել է՝ քանի փուլով այն կընթանա
Նախագահ Վահագն Խաչատուրյանը դիվանագիտական փոխատեղումներ է արել
