Ախորժակները բացվել է.Ղարաբաղում փետրվարից խառն են լինելու

16/01/2016 schedule16:03

Փետրվարից ԼՂՀ-ում սկսվելու է նույն գործընթացը, որն ընթանում էր ՀՀ-ում մինչեւ դեկտեմբերի 6-ի հանրաքվեն:

ԼՂՀ վարչապետ, խորհրդարանական ամենամեծ՝ «Ազատ հայրենիք» կուսակցության նախագահ Արա Հարությունյանն անցյալ տարեվերջին հայտարարել էր, որ դիմելու են Արցախի նախագահ Բակո Սահակյանին՝ այնտեղ եւս սահմանադրական փոփոխություններ իրականացնելու համար: Արցախի «Ազգային վերածնունդ» կուսակցության նախագահ, ԼՂՀ ԱԺ պատգամավոր Հայկ Խանումյանը երեկ մեզ հետ զրույցում ասում էր, որ այնտեղ եւս փոփոխությունների մեխը իշխանության վերարտադրության ապահովումն է:

- Պարոն Խանումյան, ըստ ձեզ, ո՞րն է Արցախի Սահմանադրությունը փոխելու իրական նպատակը: Հայաստանում ոչ իշխանական ուժերը հայտարարում են, որ այստեղ դա արվեց իշխանության վերարտադրության համար: Արցախում նպատակը ո՞րն է:

- Արցախում պաշտոնապես գործընթաց չի սկսվել, սակայն կան խոսակցություններ, որ փետրվարից արդեն կսկսվեն քաղաքական խորհրդակցությունները գործընթացը սկսելու վերաբերյալ: Բայց մենք դեմ ենք որեւէ անձի համար Սահմանադրություն փոփոխելուն, ինչպես տեղի ունեցավ Հայաստանում: Ինչպես Հայաստանում, կարծում եմ, Արցախում նույնպես կառավարող էլիտաներին առավել շատ անհանգստացնում է այն հանգամանքը, որ նախագահը անընդմեջ 2 անգամից ավելի ընտրվելու իրավունք չունի, իսկ Սահմանադրության փոփոխությունը եւ խորհրդարանական կառավարմանն անցումը հնարավորություն է տալիս հիմնական գործող անձին՝ վարչապետին, նշանակվել կամ ընտրվել անընդհատ: Սա, կարծում եմ, գլխավոր մեխն է այս ամբողջ փոփոխությունների:

- Այսինքն, կարծում եք, Արա Հարությունյանի՞ համար է սա արվում՝ հաշվի առնելով, որ հենց իրենց ուժն է նախաձեռնողը:

- Ինքը չի նախաձեռնողը, բայց իրենց կուսակցությունը կողմ է: ՀՅԴ-ն էլ ավանդաբար կողմ է խորհրդարանական կառավարման մոդելին, բայց այսպիսի մի հանգամանք կա. չգիտեմ՝ ով է նախաձեռնում, ինչ ակնկալիքներ ունի, բայց հնարավոր է, փոփոխությունների ընթացքում տարբեր մարդկանց ախորժակները բացվեն: Ասենք, ինչո՞ւ Արա Հարությունյանը եւ ոչ Բակո Սահակյանը:

- Արա Հարությունյանը կուսակցություն ունի, Բակո Սահակյանը՝ ոչ:

- Դա խնդիր չէ, կարծում եմ, դա արագ լուծվող հարց է: Կարեւորը ցանկությունն է: Բայց շատ հաճախ սահմանադրական փոփոխություններ նախաձեռնող ուժերը մնում են այդ փոփոխությունների տակ: Այդպես եղել է, օրինակ, Վրաստանում: Այնպես որ, միշտ չէ, որ այդ փոփոխությունները աշխատում են փոփոխողի օգտին:

- Կարծում եք, այդտեղ կստեղծվի՞ նույն իրավիճակը, ինչ ՀՀ-ում: Նկատի ունեմ ոչ թե ըմբոստության իմաստով, գիտենք, այդտեղ մեծ հանրահավաքներ, ցույցեր չեն լինում, այլ՝ դեմ ուժերը ովքե՞ր են ու կհամախմբվե՞ն այդ փոփոխությունների դեմ:

- Նախ, չգիտենք, թե ինչ փոփոխություններ են լինելու, որպեսզի դեմն ու կողմը իմանանք: Հնարավոր է, իսկապես այսօր կարիք կա փոփոխությունների, սակայն նաեւ կարեւոր է, թե ինչ տեսքով է այդ Սահմանադրությունը լինելու: Հույս ունեմ, որ ՀՀ-ի տարբերակով չի լինելու, որովհետեւ դա անընդունելի է քաղաքական շատ ուժերի համար: Քաղաքական խորհրդակցությունները ցույց կտան, թե ինչ տեսքով է դա լինելու եւ այնուհետեւ կորոշվեն դեմն ու կողմը:

- Կարծես թե այս պահին «Շարժում-88»-ն ու «Ազգային վերածնունդն» են դեմ: Ճի՞շտ է տպավորությունը:

- Չեմ կարծում, օրինակ՝ Արցախի ժողովրդավարական կուսակցությունը նույնպես ժամանակին կողմ չի արտահայտվել: Չգիտեմ, ժամանակի ընթացքում դիրքորոշումների ինչ փոփոխություն է եղել, բայց կան կուսակցություններ, որոնք կողմ են նախագահական համակարգին: Այսինքն, գործընթացը երբ սկսվի, հստակ դիրքորոշումներ կլինեն:

- Դուք ասացիք, որ Արա Հարությունյանը չի նախաձեռնողը, բայց իրենք են անընդհատ այդ մասին խոսել:

- Խոսել են, բայց նախաձեռնությունը մի քիչ այլ տեղից է: Նրանք միգուցե գաղափարի լոբինգ անողներն են:

- Ովքե՞ր են իրականում նախաձեռնության հեղինակները:

- Իրականում հասկանալի է, «Ազատ հայրենիք» կուսակցությունը, որպես խորհրդարանում ամենաշատ պատգամավորներ ունեցող ուժ, այդպիսի ցանկություն հայտնել է եւ այդպիսի գաղափար նետել է քաղաքական ասպարեզ դեռեւս Հայաստանում այդ գործընթացը սկսելուց առաջ: Եվ նորմալ է, երբ այդ քաղաքական ուժը ունի իր կարծիքը այդ խնդրի վերաբերյալ, բայց գործընթացը ֆորմալ առումով տարբերվում է:

- Այսինքն, հիմա ո՞ւմ համար է դա արվում՝ Արա Հարությունյանի՞, Բակո Սահակյանի՞:

- Երբ ընթացքը սկսվի, կերեւա: Ցանկացած ուժ, որը փոփոխություններ է նախաձեռնում, բնականաբար, ուզում է, որ իր համար անի: Բայց ես կարծում եմ, որ դա կարող է բոլորովին այլ ընթացք ունենալ, քան նախաձեռնողների ցանկությունն էր:

- Խոսվում էր Արկադի Ղուկասյանի վերադարձի մասին, հնարավո՞ր է՝ այս փոփոխությունների առիթն օգտագործի:

- Ես չգիտեմ Ղուկասյանի ներգրավվածության աստիճանը, ես իրեն չեմ նկատում Արցախի քաղաքական կյանքում: Այն, որ հնարավոր է Ղուկասյանը փորձի վերադառնալ՝ հիմնվելով կուսակցություններից մեկի վրա, հնարավոր է, բայց ես նման բան չեմ նկատում:

- Բայց այն, որ այդ փոփոխությունները կլինեն, կարծես թե ակնհայտ է դառնում ու միանշանակ:

- Այո: Բայց պետք չէ ինտրիգներ փնտրել: Ցանկություն հայտնողը «Ազատ հայրենիք» կուսակցությունն է, եւ գտնում եմ, որ դա անում են կոնկրետ անձի համար՝ նրա իշխանությունը հարատեւ դարձնելու՝ ենթադրելով, որ գլխավոր գործող անձը դառնալու է վարչապետը, բայց չեմ բացառում տարբերակներ, որ քաղաքական դաշտի այլ խաղացողներ նույնպես կփորձեն այդ փոփոխությունները օգտագործել իրենց շահերի համար եւ նույնպես մնալ իշխանության, օրինակ, ներկայիս նախագահ Բակո Սահակյանը:

- Այդքան հեշտ է նոր կուսակցություն ստեղծե՞լը, թե՞ որեւէ այլ կուսակցության մեջ կմտնի:

- Այս պահին նման բան չկա, բայց Սերժ Սարգսյանն էլ 2006-ին դարձավ ՀՀԿ ղեկավարը եւ տեղի ունեցավ այն, ինչ տեղի ունեցավ: Ուզում եմ ասել, նման սցենարներ չպետք է բացառել:

Տպել
4372 դիտում

Հայաստանի և Ադրբեջանի ԱԳ նախարարները ԼՂ հակամարտության հարցով կհանդիպեն հունվարի 20-ին

Բանաձեւի ընդունումը հարգանքի տուրք է զոհերի հիշատակին և նրանց արժանապատվությանը. Զոհրաբ Մնացականյան

Ցեղասպանության բանաձեւի հեղինակ Մենենդեսը հուզվել է դրա ընդունումից հետո իր խոսքի ավարտին (տեսանյութ)

Մենք ոչ բանակ ունենք, ոչ զենք, ոչ գումար՝ այն գնելու համար. վրաց նախագահի սկանդալային հայտարարությունն ու արձագանքները

Քիմ Քարդաշյանն իր բոլոր հետեւորդներին կոչ էր արել զանգել սենատորներին, խնդրել կողմ քվեարկել Ցեղասպանության բանաձեւին

Պիտակների առկայությունը կփաստի, որ տնտեսվարողը սպառում է միայն անվտանգ մսամթերք

Խորը երախտագիտություն եմ հայտնում Սենատին այս նշանակալի օրենքի համար. Նիկոլ Փաշինյան

Նոր Հայաստանում կանայք և երիտասարդներն ազատ ու անկաշկանդ են ակտիվ ներգրավվելու թե՛ քաղաքականության և թե՛ այլ ոլորտներում

Նախկին վարչապետ Կարեն Կարապետյանը դարձել է ՌԴ Փորձագիտական խորհրդի նախագահության անդամ. ԻՆՏԵՐՖԱՔՍ

ԱՄՆ Սենատն ընդունեց Հայոց ցեղասպանությունը ճանաչող և դատապարտող բանաձևը

Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

Մանվել Գրիգորյանի կալանքի հարցով արդեն 10 միջնորդություն է ներկայացվել. Վերաքննիչում սկսվեց բողոքի քննությունը

Ավտոմեքենան դուրս է եկել ճանապարհի երթեւեկելի հատվածից և գլորվել ձորը. վարորդի վիճակը գնահատվել է ծանր

Էրեբունու ոստիկանները բացահայտել են ատամնաբուժական խանութից արված գողությունը (տեսանյութ)

«Արմավիր» ՔԿՀ-ում կանխվել է 3 գրամ մետամֆետամին տեսակի թմրամիջոցի փոխանցումը

Ֆինլանդիայի բանտում գտնվող հայ երկրպագուն արդարացվել է. 1-2 օրվա ընթացքում նա կլինի Հայաստանում

Բացահայտվել է Կարմիր բլուրում բնակարանային գողությունը. հեղինակը Մաուգլին է (տեսանյութ)

Շովրոյան փողոցի տան հրդեհը մեկուսացվել է. ԱԻՆ

ՃՏՊ Առինջ գյուղում. վնասվել է գազատարը

«SOAR աչքի շարժական կլինիկա»-ն կայցելի ՀՀ խնամքի հաստատություններ, կհետազոտվեն երեխաները