Շոփինգը խավիարին վնաս չէ, Ադրբեջանի մամուլը «փետրահան» է անում ԵԽԽՎ իրենց պատվիրակությանը

27/01/2016 schedule11:00

Ադրբեջանական լրատվամիջոցները երեկ անխնա գրոհ էին սկսել ԵԽԽՎ-ում իրենց պատվիրակության ղեկավար Սամեդ Սեիդովի եւ ԱԳ նախարար Էլմար Մամեդյարովի դեմ:

Բրիտանացի պատգամավոր Ռոբերտ Ուոլթերի «Բռնության աճը Լեռնային Ղարաբաղում եւ Ադրբեջանի մյուս գրավյալ տարածքներում» բանաձեւի նախագծի տապալումից հետո հարեւան երկրի ողջ մամուլը ողողված էր «Սեիդովի եւ Մամեդյարովի ֆիասկոն» բովանդակությամբ նյութերով, որոնք համեմված էին այս երկուսի հանդեպ վիրավորական արտահայտություններով: Ադրբեջանին, ինչպես եւ սպասվում էր, միայն մի հակահայ բանաձեւի ընդունումը չէր բավարարելու: Այնինչ, Սարսանգի ջրամբարի վերաբերյալ բոսնիացի պատգամավոր Միլիցա Մարկովիչի հեղինակած «Ադրբեջանի սահմանամերձ բնակավայրերը միտումնավոր զրկված են ջրից» բանաձեւը, որն ընդունվեց, պակաս հակահայ չէ Ուոլթերի փաստաթղթից:

Հայաստանյան դիպկորպուսը երեկ, այդուամենայնիվ, կարողացել էր ԵԽԽՎ նիստերի դահլիճ բերել բազմաթիվ պատգամավորների, որոնք դեմ խոսեցին հակահայ նախագծերին: Ելույթ ունեցողներն ընդգծում են, որ ԼՂ հակամարտության կարգավորման բանակցային մանդատը պատկանում է բացառապես ԵԱՀԿ Մինսկի խմբին եւ պետք է զգույշ լինել հայտարարություններում: Ֆրանսիայի պատվիրակության ներկայացուցիչները հայտարարում էին, որ երկու փաստաթղթերն էլ կողմնակալ են: Դրանք անընդունելի են եւ իրենք դեմ են քվեարկելու երկուսին  էլ: ԵԽԽՎ հայաստանյան պատվիրակության ներկայացուցիչ Արմեն Ռուստամյանը հայտարարեց, որ զեկույցի հեղինակը փաստաթղթում կրկնել է Բաքվի դիրքորոշումը եւ նրա որոշ ձեւակերպումներ ցինիզմ են: «Դժվար է պատկերացնել նման միակողմանի եւ կեղծ փաստաթուղթ»,- ասաց Ռուստամյանը:

Ադրբեջանի պատվիրակության ներկայացուցիչ Ռաֆայել Հուսեյնովը հայտարարեց, որ զեկույցի հեղինակները օբյեկտիվ փաստաթուղթ են պատրաստել: «Հայաստանը օկուպանտ է եւ սեւը ներկայացնում է սպիտակի տեղ: Ուոլթերի եւ Մարկովիչի զեկույցները հիմնված են փաստերի վրա: Հիմա հայկական ուժերը հետապնդում են քաղաքացիական անձանց, հրդեհում են Ադրբեջանի անտառները, թունավորում են ջրերը: Զեկուցողները ոչ մեկի կողմից էլ չեն եւ փորձում են 2 կողմերին էլ օգնել, իսկ Հայաստանը չի ուզում տեսնել իրականությունը: Հարկավոր է բացել Հայաստանի ականջներն ու աչքերը»,- ասաց Հուսեյնովը:

Միլիցա Մարկովիչը հանդես եկավ պատասխան կարճ ելույթով: Հայտարարեց, որ 2 կողմերն էլ ընդունում են, որ տարածաշրջանում խնդիր կա: «Հայկական կողմը վիճարկում է զեկույցի մեջ տեղ գտած ձեւակերպումները: Բայց ես առաջինը չեմ, որ օգտագործում եմ «օկուպանտ» բառը: Այդ տերմինը տեղ է գտել նաեւ ԵԽԽՎ նախորդ բանաձեւերում: Խնդրում եմ աջակցել բանաձեւերի նախագծերին, քանի որ դրանք ազդանշան են` օգնելու տեղի բնակչությանը»,- ասաց Մարկովիչը: Ի վերջո, նրա հեղինակած նախագիծը ձայների փոքր տարբերությամբ ընդունվեց: Հիշեցնենք, որ «Ադրբեջանի սահմանային բնակչությունը միտումնավոր զրկված է ջրից» վերտառությամբ զեկույցում ԼՂ Մարտակերտի շրջանում գտնվող Սարսանգի ջրամբար չայցելած հեղինակը պնդում է, որ ջրամբարը ոչ բարենպաստ վիճակում է, ինչը կարող է հանգեցնել տարածաշրջանային խոշոր աղետի, որի հետեւանքով կարող են մեծ մարդկային կորուստներ լինել: Մարկովիչն ընդգծում է, որ ջրամբարը գտնվում է Ադրբեջանի այն տարածքներից մեկում, որն օկուպացրել է Հայաստանը: Նա պահանջում է դուրս բերել հայկական զինված ուժերը, հնարավորություն տալ անկախ փորձագետներին հետազոտել ջրամբարի վիճակն ու ոռոգման խողովակները։

Երեկ ԼՂՀ փոխվարչապետ Արթուր Աղաբեկյանը, անդրադառնալով Մարկովիչի զեկույցին, ֆեյսբուքյան իր էջում գրել էր. «Ադրբեջանի սահմանային բնակչությունը միտումնավոր զրկված է ջրից» ԵԽԽՎ կեղծ բանաձեւը իրականության հետ ոչ մի աղերս չունի: Սարսանգի ջրամբարի ջուրը իր հունով հոսում է մինչեւ Կուր գետը: Ադրբեջանի իշխանությունները իրենց ժողովրդից ոչ թե պետք է թաքնվեն ԵԽԽՎ-ի բանաձեւերով, այլ կամ պետք է պոմպակայաններով ջուրը մղեն ու հասցնեն իրենց ժողովրդին, կամ պետք է համագործակցեն Արցախի իշխանությունների հետ՝ Սարսանգի ջրամբարի ջրի համատեղ օգտագործման հարցով, որից կօգտվի եւ Արցախի ժողովուրդը եւ Արցախին սահմանամերձ ադրբեջանական բնակավայրերի բնակիչները: Ի դեպ, բանաձեւը իրականությանը համապատասխանեցնելու համար պետք է աջակցել Արցախի իշխանություններին, որ կառուցվի դեռեւս 2002թ. նախագծված ջրագիծը, որով Սարսանգի ջրամբարի ջուրը կհասցվի Մարտակերտի, Ասկերանի եւ Մարտունու շրջանի հողօգտագործողներին: Նախագծի արժեքն է 15 մլն դոլարին համարժեք դրամ»:

ՀՀ փոխարտգործնախարար Շավարշ Քոչարյանն էլ Twitter-ի իր էջում գրել էր. «ԵԽԽՎ Սարսանգի ջրամբարի բանաձեւը ջուր է լցնում ադրբեջանական քարոզչական ջրաղացին, որի նպատակն է ԼՂ խաղաղ բանակցային գործընթացի տապալումը»:

Ամեն դեպքում, երեկվա քվեարկությունը ցույց տվեց, որ ԵԽԽՎ հայկական պատվիրակության բոլոր այն լոլոները, թե ԵԽԽՎ-ն վերածվել է մեջլիսի, Ադրբեջանն իր խավիարով ու նավթադոլարներով գնում է պատգամավորներին, առ ոչինչ են, եթե շոփինգի ու վոյաժի փոխարեն գործ արվի: Թեեւ երեկվա քվեարկության մեջ մեծ էր ԵԱՀԿ ՄԽ համանախագահ Ջեյմս Ուորլիքի, ինչպես նաեւ սփյուռքի կառույցների դերը:

Ի դեպ, Ուոլթերի նախագծին երեկ կողմ էր քվեարկել նաեւ Թուրքիայի մեջլիսի հայ պատգամավոր, իշխող «Արդարություն եւ զարգացում» կուսակցության անդամ Մարգար Եսայանը:

Հիշեցնենք, երեկ ԵԽԽՎ լիագումար նիստում 66 «կողմ», 70 «դեմ» ձայների հարաբերակցությամբ տապալվեց բրիտանացի պատգամավոր Ռոբերտ Ուոլթերի հեղինակած «Բռնության աճը Լեռնային Ղարաբաղում եւ Ադրբեջանի մյուս գրավյալ տարածքներում» հակահայ բանաձեւի նախագծի ընդունումը: Սույն փաստաթղթով պահանջվում էր, որ «օկուպանտ Հայաստանն» անհապաղ դուրս բերի իր զորքերը Ադրբեջանի «գրավյալ տարածքներից», ինչպես նաեւ առաջարկվում էր ԵԽԽՎ հայկական պատվիրակությանը զրկել ձայնի իրավունքից: Միեւնույն ժամանակ ԵԽ խորհրդարանական վեհաժողովի լիագումար նիստում 98 «կողմ», 71 «դեմ», 40 «ձեռնպահ» ձայներով ընդունվեց բոսնիացի պատգամավոր Միլիցա Մարկովիչի՝ «Ադրբեջանի սահմանամերձ շրջանների բնակիչները միտումնավոր զրկված են ջրից» հակահայ բանաձեւի նախագիծը:

Տպել
3258 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան