Կկրկնվի՞ ՀՀԿ-ի 2011-ի աշունը և 2012-ի գարունը

Այս օրերին, երբ նոր կառավարություն է ձեւավորվում, նոր վարչապետ կա ու նոր նախարարներ են նշանակվում, բուռն քննարկվում է այն թեման, թե իշխանությունների ընտրությունն ինչու կանգ առավ, հատկապես, այս մարդկանց վրա: Կամ արդյոք այս փոփոխություններով իշխանություններն անկե՞ղծ են, ցանկանո՞ւմ են խորքային բարեփոխումներ իրականացնել, թե՞ այս ամենն ընդամենը բարեփոխումների իմիտացիա է:

Կարեն Կարապետյանին վարչապետ նշանակելիս կարծես թե հաշվի առնվեց նաեւ Ռոբերտ Քոչարյանի գործոնը: Կարապետյանը, մեծ հաշվով, ընդունելի է Քոչարյանի համար, եւ այդ նշանակումով Սերժ Սարգսյանի իշխանությունը 2017թ. համապետական ընտրություններից առաջ, ըստ էության, խուսափում է պրոքոչարյանական լրատվամիջոցների թիրախում հայտնվելուց: 

Կարապետյանը կառավարության կադրային քաղաքականության մեջ որոշակի ազատություն է ստացել, ի տարբերություն Հովիկ Աբրահամյանի, որը վարչապետ նշանակվեց ոչ իշխանական եռյակի բուռն պայքարի արդյունքում եւ խնդիր կար իշխանության ազդեցության տակ պահել եռյակի ուժերին ու, հատկապես, ԲՀԿ նախկին նախագահ Գագիկ Ծառուկյանին: Հիմա նման ինտրիգային իրավիճակ չկա, բայց այս դեպքում էլ նորանշանակ վարչապետն ունի մեկ այլ դերակատարում՝ առանց բարդույթների ազատել այն պաշտոնյաներին, որոնցից իշխանությունն ինքն էր վաղուց ցանկանում ազատվել, բայց դա չէր անում իր ձեռամբ:

Հիմա կա լուրջ պատճառաբանություն՝ նոր վարչապետը չի ցանկանում աշխատել, օրինակ, Գագիկ Խաչատրյանի, Հասմիկ Պողոսյանի, Արամայիս Գրիգորյանի, Գագիկ Բեգլարյանի, Սերգո Կարապետյանի եւ այլոց հետ: Եթե իշխանությունը նշվածներից մի քանիսից ցանկանում է ազատվել, որ ցույց տա, թե կառավարությունում այլեւս չկան քրեաօլիգարխիկ համարում ունեցող մարդիկ, ապա մյուս երեքը, պարզապես, իրենց ոլորտներում չեն կարողացել որեւէ դրական տեղաշարժ ապահովել:

Իսկ ինչ վերաբերում է նոր նախարարներին, ապա եթե տրանսպորտի եւ կապի, էներգետիկայի եւ բնական պաշարների ու գյուղատնտեսության՝ հանրությանն անհայտ նախարարների նշանակումներն ինչ-որ առումով ունեին այդ ոլորտներին նոր շունչ հաղորդելու նպատակ, ապա Էկոնոմիկայի նախարարի պաշտոնում դաշնակցական Արծվիկ Մինասյանին մերժելն ավելի շատ ուներ քաղաքական ենթատեքստ: Արդեն գրել ենք, որ վերջինս նշանակվելու է բնապահպանության նախարար, որը կառավարության կազմում համեմատաբար ցածր կշիռ ունեցող պաշտոն է:

Էկոնոմիկայի նախարարի պաշտոնում Կարեն Կարապետյանը ցանկանում է տեսնել տարբեր նախարարություններում որոշակի փորձառություն ձեռք բերած Սուրեն Կարայանին: Բայց, մեր աղբյուրների փոխանցմամբ, այս նախարարի նշանակման հարցում եղել է նաեւ որոշակի ռուսական ազդեցություն:

Կարայանը վերջին տարիներին զբաղվել է ԵՏՄ-ի հետ ինտեգրացիոն կապերի հաստատմամբ եւ ինտենսիվորեն աշխատել է ԵՏՄ տնտեսական հանձնաժողովի նախագահ, նախկին վարչապետ Տիգրան Սարգսյանի հետ: Վերջինիս վարչապետության շրջանում Ս. Կարայանը համարվում էր նրա թիմի պաշտոնյա: Որոշ տեղեկությունների համաձայն՝ Սուրեն Կարայանին նախարարի պաշտոն են առաջարկել նաեւ Հովիկ Աբրահամյանի վարչապետության ժամանակ, բայց նա մերժել է:

Նշենք նաեւ, որ ՀՅԴ-ի ու նույն Արծվիկ Մինասյանի հարաբերությունները դեռեւս ոչիշխանական եռյակի պայքարի ժամանակ լարված էին Տիգրան Սարգսյանի հետ: ՀՅԴ-ն ու Ա. Մինասյանն անձամբ անխնա քննադատում էին նախկին վարչապետին: Իսկ ինչ վերաբերում է Ա. Մինասյանի՝ արդեն բնապահպանության նախարարի պաշտոնում նշանակվելուն, ինչպես նաեւ իրենց պաշտոններում ՀՅԴ-ական Լեւոն Մկրտչյանի եւ Դավիթ Լոքյանի՝ առաջիկա վերանշանակումներին, ապա դա վեր է նորանշանակ վարչապետի լիազորություններից եւ լուծվում է կոալիցիոն համաձայնագրով:

Չմոռանանք, իհարկե, որ ընդամենը վեց ամիս հետո Հայաստանում տեղի են ունենալու խորհրդարանական ընտրություններ: Եվ իշխանությունները դրան ընդառաջ որոշակի քայլեր պետք է անեն գոնե դրական ակնկալիքներ առաջացնելու համար, որ կարողանան որոշակի քանակությամբ ձայներ ապահովել: Իսկ այս աշունն այդ առումով խիստ նման է 2011թ. աշնանը, երբ Հ.Աբրահամյանը կրկին պաշտոնանկ արվեց արդեն ԱԺ նախագահի պաշտոնից: Քաղաքապետի պաշտոնից հեռացվեց նույն Գագիկ Բեգլարյանը: Նրանց փոխարեն նշանակվեցին քրեաօլիգարխիկ համակարգի հետ առնչություն չունեցող Սամվել Նիկոյանն ու Տարոն Մարգարյանը: Այլ փոփոխություններ եւս տեղի ունեցան՝ հրաժարական տվեց ոստիկանապետ Ալիկ Սարգսյանը, նշանակվեց Վլադիմիր Գասպարյանը:

Բայց 2012թ. խորհրդարանական ընտրություններից հետո ամեն ինչ նորից տեղն ընկավ, եւ հրաժարական տված պաշտոնյաները նորից բարձր պաշտոններ ստացան: Արդյոք այս պատմությունը չի՞ կրկնվի 2017 թ. ԱԺ ընտրություններից հետո: «Մեր քաղաքականությունը չի փոխվի, մենք ունենք ծրագիր, ունենք որդեգրած սկզբունքներ, որոնց չենք դավաճանի: Իսկ թե արդյունքում ինչ կստացվի, ինքներդ կտեսնեք քաղաքական գործընթացների ընթացքում»,- կարճ, բայց ոչ կոնկրետ պատասխանեց ՀՀԿ կազմակերպչական հանձնաժողովի նախագահ Ռուբեն Թադեւոսյանը:

Տպել
3940 դիտում

Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ