1 գրամը 60 դրամ. Պետական գանձարանում պահվող մարգարիտը կվաճառեն, որ չփչանա

Կառավարության վաղվա նիստի օրակարգում ընդգրկված է «Թանկարժեք մետաղների եւ թանկարժեք քարերի պետական գանձարանի» պահուստում պահվող 102 կգ 793 գրամ մարգարիտը աճուրդի հանելու մասին որոշման նախագիծ:

Աճեցված (կուլտիվացված) մարգարիտը վաճառելու մասին որոշումը հիմնավորվում է նախ պետական բյուջեում եկամուտների ու նոր մուտքերի ավելացման ապահովմամբ, ապա նաեւ այն հանգամանքով, որ այդ մարգարիտի պահպանումը ոչ արդյունավետ եւ աննպատակահարմար է, քանի որ այն տարիների ընթացքում ենթարկվում է քայքայման` կորցնելով ապրանքային տեսքն ու արժեքը:

ՀՀ ֆինանսների նախարարի մամուլի խոսնակ Լուսինե Մկրտչյանից հետաքրքրվեցինք, թե որքա ՞ն է սահմանվել աճուրդի հանվող մարգարիտի մեկ գրամի մեկնարկային գինը:

Լուսինե Մկտչյանն ասաց, որ աճուրդի հանվելիք 102 կգ 793 քաշով մարգարիտը պետական գանձարանում հաշվառված է մոտ 6 միլիոն 200 հազար դրամ, այսինքն՝ 1 գրամը գնահատված է մոտ 60 դրամ:

Նա նաեւ հայտնեց, որ Կառավարության կողմից նախագիծը հաստատվելուց հետո Պետական գույքի կառավարման վարչությունն է իրականացնելու աճուրդը: «Լինելու է բաց, հրապարակային աճուրդ»,- հավելեց նա:

«Թանկարժեք մետաղների եւ թանկարժեք քարերի պետական գանձարան»  գործակալության պետ Վահե Առաքելյանն էլ մեր զրույցում հայտնեց, որ ինքն է առաջարկել շուտ վաճառել 102 կիլոգրամից ավելի մարգարիտը:

- Դրանք աճեցված մարգարիտներ են, որոնց պահպանումը  արդյունավետ չի, նպատակահարմար չի, քանի որ դրանք տարիների ընթացքում կորցնում են իրենց արդիականությունը, ենթարկվում են քայքայման: Դրանք կորցնում են իրենց տեսքն ու արժեքը:

- Պարոն Առաքելյան, այս պահին ի ՞նչ տեսք ունի մարգարիտը, կորցրե ՞լ է իր տեսքն ու արժեքը:

- Այդ մարգարիտներն այս պահին գտնվում են բարվոք վիճակում, բայց քանի որ ցանկացած ապրանք ունի իր ապրանքային տեսքը (չեմ կարծում, որ դա հզոր կապիտալ է), հիմա Պետական գույքի կառավարման վարչության հետ ձեռք է բերվել նախնական պայմանավորվածություն, որ եթե Կառավարությունն այդ որոշումն ընդունի, դրանք աճուրդի տեսքով հանվեն վաճառքի:

- Մամուլում տեղեկություն կա, որ այդ մարգարիտներն արդեն երկու անգամ աճուրդի են հանվել, սակայն չեն վաճառվել: Ճի ՞շտ է:

- Ոչ, ես 2007 թվականից գործակալության պետն եմ, 2007 թվականից առ այսօր ոչ մի գրամ, ոչ մի դրամի ապրանք պետական գանձարանից դուրս չի եկել: 2012-13 թթ. եղել է կառավարության կողմից ընդունված որոշում, որով պետք է վաճառվեր մի քանի ապրանք (որոնց թվում նույն 102 կգ մարգարիտն էր), բայց միջազգային շուկայում թանկարժեք մետաղների գների նվազման պատճառով կառավարությունը որոշեց, որ դա տնտեսապես ոչ արդյունավետ է, չվաճառեց: Որպես գործակալության պետ, ես եմ այս անգամ հանդես եկել առաջարկով, որ այս 102 կգ մարգարիտը շուտ վաճառենք, հետո կմտածենք մնացած ապրանքների մասին:

- Արդյո ՞ք սահմանված 60 դրամ գինը համապատասխանում է շուկայական արժեքին:

- Շուկայական գներով 1 գրամը 40-60 դրամ է, մենք վերցրել ենք ամենաբարձրը:  

Տպել
8725 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան