Վահագն Հայրապետյանին կարելի էր «ԵԼՔ»-ի համար նվագել, Ռոլանդին չէ՞ր կարելի ՀՀԿ-ի երգը գրել

Երեկ մեկնարկեց խորհրդարանական ընտրությունների քարոզարշավը: Գուցե կգան ժամանակներ, երբ մեր երկրում քարոզարշավը բովանդակային խոսակցության վրա կկառուցվի, բայց այդ ժամանակները դեռ հեռու են: Իսկ ամեն անգամ, երբ առաջադեմ հասարակությունն իր ողջ ինտելեկտուալ էներգիան կենտրոնացնում է ՀՀԿ-ի նախընտրական տեսահոլովակում նկարահանված անհատներին ոչնչացնելու ուղղությամբ, այդ ժամանակներն ավելի ու ավելի են հեռանում:

Քարոզարշավի առաջին օրվա ամենանշանակալի իրադարձությունը դարձավ ՀՀԿ-ի քարոզչական տեսահոլովակը`«Ռեինկարնացիա» խմբի կատարմամբ: Տեսահոլովակը կոչվում է «Փոխենք աշխարհը», երգի բառերն ու երաժշտությունը «Ռեինկարնացիայինն» են, ռեժիսորական աշխատանքը`«Շարմ»-ինը: ՀՀԿ-ի նախընտրական պաշտոնական կայքում եւս մեկ տեսահոլովակ կա`«Մենք Հայաստանն ենք» վերնագրով:

Երկուսն էլ շատ հարմար կլինեին տուրիստական գործակալություններով տարածելու համար որպես Հայաստանը գովազդող ուրախ եւ պայծառ տեսահոլովակներ: Քաղաքական քարոզչության համար, դրանք անպիտան են: «Ռեինկարնացիայի» երգում, ճիշտ է, խոսքը փոխելու եւ փոխվելու մասին է, ինչը ՀՀԿ-ի նախընտրական կարգախոսներից է, բայց քանի որ հստակ չէ` ով փոխվի եւ ինչու փոխվի, բովանդակային բաց կա, որն էապես թուլացնում է ասելիքը:

Քարոզչության տեսակետից այս հոլովակը հաջողված է թերեւս միայն հարվածային գործիքներ նվագող վարչապետի կերպարով: Բայց այս ամենը չէ, որ քննարկվում է սույն տեսահոլովակի մասին: Քննարկման թեման լուրջ եւ խորքային է, մասնավորապես` ի՞նչ բարոյական իրավունքով է «Ռեինկարնացիա» խումբը մասնակցում ՀՀԿ-ի քարոզարշավին:

Խմբի ֆեյսբուքյան էջը ողողված է հայհոյանքներով: Վտանգի տակ է մարտի 8-ի նրանց համերգը. նախապես տոմս գնած հանդիսատեսը բարձրացված աղմուկի պատճառով վերադարձնում է տոմսերը, ովքեր չէին հասցրել գնել` այլեւս չեն գնի, որովհետեւ իրենք ՀՀԿ ընտրող չեն: Չգիտենք իհարկե քվեախցիկում հայտնվելով ում կընտրեն, ում չեն ընտրի, բայց համերգին հաստատ չեն գնա: 

Հայաստանում քիչ կան «Ռեինկարնացիայի» նման խմբեր` նոր սերնդի երաժիշտներ, որ սեփական քրտինքով, սեփական ստեղծագործությամբ հասել են հաջողությունների եւ սիրվել են բոլորի կողմից: Թվում է, թե Հայաստանի հասարակությունը պետք է փայփայի իր այսպիսի զավակներին, ովքեր հաջողություն չեն փնտրում արտերկրում, ապրում եւ ստեղծագործում են իրենց երկրում, ի տարբերություն հազարավորների, չեն հայտարարում` այստեղ ապագա չկա ու արտագաղթում:

Բայց ոչ, Հայաստանի առաջադեմ, ինտելեկտուալ եւ արդարամիտ հասարակությունը սիրում է միայն արտագաղթողներին: Իսկ Ռոլանդի նման երիտասարդներին շատ լուրջ հարցեր ունի ուղղելու. օրինակ` իրենք գիտե՞ն, որ երկիրն այս վիճակին ՀՀԿ-ն է հասցրել, իրենք գիտե՞ն, որ երկրում արդարություն չկա, գիտե՞ն, որ Սերժ Սարգսյանը կործանում է Հայաստանը, Մարտի մեկի սպանդի մասին լսե՞լ են, գիտե՞ն բնակչության քանի տոկոսն է ապրում աղքատության ճիրաններում, համախառն ներքին արդյունքից տեղյա՞կ են, տեսե՞լ են` խանութներում շաքարավազի գինը, գիտե՞ն, որ իրենց տեսահոլովակի հեռարձակման պահին մեկնարկում էր «Հաց բերողի» հացադուլի 20-րդ օրը:

Եւ ինչպե՞ս կարող էին այսքանից հետո ՀՀԿ-ի համար երգ գրել, Սերժ Սարգսյանի հետ նույն դահլիճում կանգնել, համերգ տալ: Ընդհանրապես չգիտե՞ն, որ արվեստագետը պետք է հեռու մնա քաղաքականությունից:  

«Ռեինկարնացիայի» երիտասարդները չեն կարող սույն հարցերին սպառիչ պատասխան տալ, նրանք այդքան խորը գիտելիքներ, բարձր քաղաքացիական գիտակցություն, հայրենասիրություն եւ ինտելեկտ չունեն: Նրանք միայն փորձում են պաշտպանվել ԶԼՄ-նեին ասելով, որ իրենք չեն կիսում որեւէ քաղաքական ուժի գաղափարախոսությունը, այլ ուժերից նույնպես առաջարկներ ունեն ու չի բացառվում, որ երգեն նաեւ ընդդիմադիրների համար: Նկատի ունեն, իրենք ընդամենը երգել են, գուցե մի քիչ էլ հիացել են թմբուկ նվագող վարչապետով, բայց արդյո՞ք դրա համար գնդակահարություն է հասնում:

Քիչ առաջ խմբի վոկալիստ Ռոլանդ Գասպարյանը պատասխանել էր կայքերից մեկի հարցին, թե վատ չի զգո՞ւմ իրեն սուր քննադատության պատճառով: «Ես ինչի՞ համար պետք ա վատ զգամ, պոռնկությո՞ւն եմ անում, թե՞ ուրիշ բան»,- եղել էր պատասխանը: 

Հայաստանի ամենաինտելեկտուալ եւ ամենահայրենասեր հատվածին, սակայն, հնարավոր չէ նման արդարացումներով շեղել խնդրի բուն էությունից: Մինչեւ քարոզարշավի ավարտը թերեւս կքննարկվի` արդյո՞ք «Ռեինկարնացիայի» արածը պոռնկությունից էլ վատ չէր: Կարելի է նաեւ սեմինարներ կազմակերպել որոշելու համար նրանց գործած հանցանքը վաղեմության ժամկետ պե՞տք է ունենա, թե՞ այլեւս երբեք չի կարելի «Ռեինկարնացիայի»  համերգներին ներկա լինել:

Երեկ «Արմենիա Մարիոթ» հյուրանոցում քարոզարշավի մեկնարկը տվեց նաեւ «Ելք» դաշինքը: Միջոցառմանը մասնակցում էր հայտնի դաշնակահար, ջազմեն Վահագն Հայրապետյանը, որի կատարման տակ էլ դաշիքնի թեկնածուները մտան դահլիճ: Այս փաստը որեւէ մեկը չնկատեց, հարցեր չառաջացան, թե ինչ գործ ունի ջազմենը քաղաքական ուժի միջոցառմանը: Որեւէ մեկը չմեկնաբանեց, թե Վահանգ Հայրապետյանի ներկայությունը նշանակում էր, որ նա համակրում է այդ ուժին եւ առաջիկա ընտրություններում իր ձայնը տալու է հատկապես «Ելք»-ին: Քարոզչական նման «անգին» աջակցություն ընդդիմադիր դաշինքը չստացավ:

Տպել
15324 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները