Արթիկի քաղաքապետի «Շակալ» մականունով տեղակալը ժուչոկ է դրել մանկապարտեզի տնօրենի սենյակում

Շիրակի մարզի Արթիկ քաղաքում հետընտրական կրքերը չեն հանգստանում: Սկանդալային իրավիճակների մեջ են հայտնվել մանկապարտեզների որոշ տնօրեններ: Ապրիլի 25-ին Արթիկի թիվ 4 մանկապարտեզի տնօրեն Հասմիկ Աջամօղլյանի աշխատասենյակից հայտնաբերվել է գաղտնալսող սարք: Այս մասին armtimes.com-ի հետ զրույցում ասաց մանկապարտեզի տնօրենը:

«Աշխատասենյակում նստած էինք, պատահական սարքը պոկվեց, ընկավ հատակին: Սարքը դրված էր պահարանի վրա: Այդ պահարանն այնպիսին է, որ վերում եւ մեջտեղում բաց հատվածներ ունի, իսկ մեջտեղում՝ դռներ: Պահարանի դռների տակի հատվածում կպցրած էր ժուչոկը: Երբ ընկավ՝ ինձ թվաց, թե հաշվապահի պայուսակից բան ընկավ: Հաշվապահը տեղում չէր, եկավ, վերցրեց, ասեց, որ սա գաղտնալսող սարք է: Բացեցինք սարքը, տեսանք, որ մեջը «Վիվասելի» քարտ կա, կարմիր լույսը միացված: Մենք քարտը հանեցինք, դրեցինք հեռախոսի մեջ, ստացանք զանգեր: Ես գիտեմ ում քարտն է, ինչ նպատակով է դրվել, բայց անուններ չեմ կարող տալ, քանի որ քրեական գործ կա»,- armtimes.com-ի հետ զրույցը մանրամասնեց Աջամօղլյան:  

Վերջինս չցանկացավ մանրամասնել, թե ո՞ւմ հետ են խոսել, եւ ի՞նչ խոսակցություն է տեղի ունեցել: Մանկապարտեզի տնօրենն ասում է, որ այս ամենը կատարվում է այն պատճառով, որ ինքը ՏԻՄ եւ ԱԺ ընտրությունների ժամանակ սատարել է ՀՀԿ-ի թեկնածու Մուշեղ Պետոյանին:

Պետոսյանը ԱԺ եւ 2016 թվականի ՏԻՄ ընտրությունների ժամանակ, եղել է Արթիկի քաղաքապետ՝ Մխիթար Վարագյանի հակառակորդը, ինչն էլ քաղաքապետին դուր չի եկել: Մանկապարտեզի տնօրենն ասում է, որ Վարագյանը այս կերպ փորձում է իրեն վատություն անել՝արհեստական խաչընդոտներ ստեղծելով:

Հասմիկ Աջամօղլյանի խոսքով՝ մինչ ձայնագրող սարքի ի հայտ գալը, Արթիկի քաղաքապետարանը 15 օր շարունակ իր կողմից ղեկավարվող կառույցում ստուգումներ է իրականացրել: Քաղաքապետարանի աշխատակիցները տարել են գնումների գործընթացները հաստատող փաստաթղթերը, սննդի պահեստի գրանցամատյանը, աշխատավարձի ցուցակը, կատարված փոխանցումների տեղեկանքները:

«Ինձ մոտ ոչ մի փաստաթուղթ չկա: Արթիկի քաղաքապետարանի կազմը եկել եւ 2014-2017 թվականների բոլոր փաստաթղթերը տարել է: Նրանց մեջ եղել են կրթության բաժնի գլխավոր մասնագետը, աուդիտի բաժնի պետը եւ մասնագետը, քաղաքապետի խորհրդականը, ֆինանսականի բաժնի վարիչը: Ուզում են, որ մի խախտում գտնեն, ինձ ազատեն»,- ասաց մանկապարտեզի տնօրենը:

Armtimes.com-ին հասած տեղեկությունների համաձայն` քաղաքապետարանը ստուգումներ է անցկացնում միայն թիվ 4 եւ թիվ 1 մանկապարտեզներում: Ի դեպ, թիվ 1 մանկապարտեզում 15-օրյա ստուգումներն ավարտելուց հետո, քաղաքապետարանը որոշել է եւս 7 օր շարունակել աուդիտը: Այս կառույցը ղեկավարվում է Արթիկի քաղաքապետի հակառակորդ Մուշեղ Պետոյանի հորեղբոր աղջկա՝ Արմինե Պետոյանի կողմից: Վերջինս չհերքեց մեր տեղեկությունը, բայց հրաժարվեց որեւէ բան ասել:

Արթիկի երկու մանկապարտեզների լարված իրավիճակի եւ հայտնաբերված ձայնալսող սարքի թեմայի շուրջ armtimes.com-ը զրուցեց նաեւ Արթիկի քաղաքապետ Մխիթար Վարագյանի հետ: Մեր աղբյուրների փոխանցմամբ` «ժուչոկը» տնօրենի աշխատասենյակում տեղադրել է քաղաքապետի տեղակալ Արտակ Հարությունյանը, ով արթիկցիներին հայտնի է «Շակալ» մականվամբ:

Քաղաքապետի  հետ ունեցած մեր զրույցը ներկայացնում ենք ստորեւ:

- Պարոն Վարագյան, քաղաքապետարանը Արթիկի որոշ մանկապարտեզներում երկարատեւ ստուգումնե՞ր է իրականացնում:

- Այո: Հերթական աուդիտն է: Քաղաքապետարանը իրավունք չունի՞ իրա հիմնարկներում ստուգում անի:

- Բոլոր մանկապարտեզներո՞ւմ է իրականացվում:

- Այո:

- Կան տեղեկություններ, որ քաղաքապետարանը կենտրոնացել է միայն թիվ 1 եւ թիվ 4 մանկապարտեզների վրա…

-Ոչ: Դա սխալ տեղեկություն է:

- Պարոն Վարագյան, թիվ 4 մանկապարտեզում ձայնալսող սարք է հայտնաբերվել: Ձեզ ինչ-որ բան հայտնի՞ է:

- Մենք էդ թեմաներում չկանք:

- Տեղեկություններ են շրջանառվում, որ դա Ձեր տեղակալ Արտակ Հարությունյանն է տեղադրել: Այդպե՞ս է:

- Ոնց կարա ըդենց բան ըլնի: Փոխքաղաքապետի ինչի՞ն էր պետք:

- Թիվ 4 մանկապարտեզի տնօրենի հետ տարաձայնություն ունեցե՞լ եք:

- Ես ոչ մեկի հետ խնդիր չունեմ:

Նշենք, որ Շիրակի մարզի դատախազ Կարեն Գաբրիելյանի հանձնարարությամբ հայտնաբերված ձայնալսող սարքի դեպքի վերաբերյալ Շիրակի մարզային քննչական վարչությունում ՀՀ Քրեական դատավարության օրենսգրքի 180-181 հոդվածներով նյութեր են նախապատրաստվում:

Այս մասին armtimes.com-ին տեղեկացրեց ՀՀ դատախազության լրատվության պատասխանատու Արեւիկ Խաչատրյանը:

Տպել
12768 դիտում

ՏԻՄ ընտրություններ. հաղթանա՞կ, թե պարտություն. խմբագրական

ԵՄ-Հայաստան առևտրաշրջանառությունն աճել է 19 տոկոսով. արտահանման դյուրացմանը նպաստել է նաև GSP+ համակարգը

Հրդեհ Սյունիքում․ փայտյա 2 տնակ ամբողջությամբ այրվել են

Վիսենտե դել Բոսկեն՝ աշխարհի ֆուտբոլային ամենատիտղոսակիր մարզիչներից մեկը, կգա Հայաստան

ԵԱՀԿ ՄԽ համանախագահները ժամանել են Երեւան․ այնուհետեւ կայցելեն Բաքու

ԱՄՆ-ի 16 նահանգներ դատական հայց են ներկայացրել Թրամփի՝ արտակարգ իրադրություն հայտարարելու որոշման

Ոստիկանությունը հայտնաբերել է որոնվող 12-ամյա Հրաչյա Բադասյանին

Աշխարհը չունի. քննություն ենք բռնելու

Օմբուդսմենը էլի նշանակվեց. Քոչարյանը չդարձավ Մանդելա

Կոմիտասի պողոտայում գտնվող դպրոցի արտաքին պատից քարերը թուլացել են, թափվել երթևեկելի հատված

Բարձր աշխատավարձ. պայքար դատական կոռուպցիայի դեմ

Երևանում թալանել են «Նաիրի» բժշկական կենտրոնի գլխավոր տնօրեն Անատոլի Գնունու տունը

Թումանյանի 150-ամյակին նվիրված միջոցառում է տեղի ունեցել նաև Սանկտ-Պետերբուրգում

Ոստիկանները բացահայտել են տրակտորի գողության 27 տարի առաջ կատարված դեպքը

Փրկարարները դուրս են բերել ձյան շերտում արգելափակված մեքենաները

Շարունակում են փակ մնալ Շիրակի ու Արագածոտնի մարզերի մի շարք միջհամայնքային ճանապարհներ

Այգեպար գյուղում այրվել է փայտյա տնակի տանիքը. տուժածներ չկան

Երևանի Միքայելյան փողոցի տներից մեկում հայտնաբերվել է բնակչի դին

Երևանում և 4 մարզում այսօր էլեկտրաէներգիայի մինչեւ 6-ժամյա անջատումներ կլինեն

200 ժամ հարկադիր աշխատանք. դատարանն անփոփոխ է թողել Արմեն Ջիգարխանյանի նախկին կնոջ դատավճիռը