Երևան
12 °C
Երեկ Հայաստանը ունեցավ նոր կառավարություն: Նոր, բայց հին: Ավելի ճիշտ՝ ոչ այնքան հին:
Սրանք բառախաղեր չեն: Սա վարչապետ Կարեն Կարապետյանի կառավարության «խաչն է», որը այն պետք է կրի: Ընդամենը անցած տարի սեպտեմբեր-հոկտեմբերին կազմավորված կառավարությունը ցրվում ու նույն կազմով հավաքվում է ընդամենը 7-8 ամիս անց: Եթե արտառոց բաներ չլինեն, այս կառավարությունը ՀՀ Սահմանադրության համաձայն՝ ցրվելու է 1 տարի անց: Կարապետյանի կառավարությունը 7-8 ամսվա ընթացքում երկու ծրագիր պետք է ներկայացնի...:
Չնայած սրանք «արարողակարգային», կամ այսպես ասենք՝ ձեւական բնույթ են կրում, այդուհանդերձ գործող կառավարության «ճակատից» մի տեսակ չի իջնում «ժամանակավորի» կարգավիճակը: Ու դա պայմանավորված չէ նոր Սահմանադրությամբ նախատեսված զարգացումներով: Խնդիրը Կարապետյանի եւ նրա կառավարության շուրջ ստեղծված իրավիճակի մեջ է:
Երեկ ՀՀԿ ԳՄ նիստից հետո պատասխանելով լրագրողների հարցերին, ՀՀԿ խոսնակ Էդուարդ Շարմազանովը բավական տարօրինակ էր խոսում կառավարության մասին: Նա հայտարարեց, թե իրենք «ընդհանուր առմամբ դրական են գնահատում» Կարեն Կարապետյանի կառավարության գործունեությունը:
Լրագրողի դիտարկմանը, թե կառավարության կազմը գնահատելիս բավականին զուսպ է արտահայտվել, Շարմազանովը պատասխանել է. «Զուսպը չի նշանակում վատ, ես ասեցի, որ, ընդհանուր առմամբ, դրական ենք համարում: Հնարավորություն ենք տալիս այս կառավարությանը, քանի որ դեռ երկար ժամանակ չեն աշխատել, սակայն ունեն լուրջ ծրագրեր»:
Իրոք որ չափազանց զուսպ գնահատական է: Տպավորությունն այնպիսին է, որ ՀՀԿ վերնախավի հնաբնակները սկսել են «դիստանցիա պահել» գործող կառավարությունից: ՀՀԿ վերնախավում առկա հակասությունները արդեն ակնհայտ են բոլորին: Չնայած դրան, այդ մասին լուրերը Շարմազանովը բնականաբար հերքում է, դրանք որակելով «թվացյալ եւ շինծու հակասություններին»: «Մեր կուսակցությունում չի կարող լինել հակասություն, մեր կուսակցությունում մեկ քաղաքական թիմ է, մեր կուսակցության մեջ չկան թիմեր, այդ քաղաքական թիմի ղեկավարը Սերժ Սարգսյանն է»,- նշել է Շարմազանովը:
Իրավիճակը, սակայն, մի փոքր այլ է: Կարեն Կարապետյանի կառավարության վիճակը արմատապես տարբերվում է նախորդ կառավարությունների կարգավիճակից: Ինքը՝ Կարեն Կարապետյանը, կարելի է ասել, ինքնուրույն խաղացող է: Եթե պատկերավոր արտահայտվենք, ի տարբերություն իր նախորդների, նա իր ոչ բոլոր քայլերն է համաձայնեցնում Սերժ Սարգսյանի հետ:
Միաժամանակ նա շատ ավելի ոչ շահեկան վիճակում է իր նախորդների համեմատ զուտ տնտեսական իրավիճակի առումով: Նրա կառավարությունն այլեւս չի կարող հույսը դնել վարկերի վրա, որովհետեւ Հայաստանը սպառել է նոր պարտքեր կուտակելու «լիմիտը»: Գործնականում միակ հաղթաթուղթը, որ նա կարող է գործարկել, օտարերկրյա ներդրումներն են:
Եթե նրան հաջողվի ներգրավել մեծածավալ ներդրումներ, եւ միաժամանակ որոշակիորեն բարձրացնի կառավարման արդյունավետությունը, կրճատի բյուջեի անիմաստ ծախսերը, ապա նրա կառավարության «ճակատից» կմաքրվի ժամանակավորի կարգավիճակը: Այդ դեպքում կտրուկ կմեծանա նրա ազդեցությունը ՀՀԿ-ում: Հաշվի առնելով Կարապետյանի ունեցած որոշակի աջակցությունը ռուսական իշխանական օղակներից, նրան կհաջողվի ներկուսակցական իշխանափոխություն իրականացնել ՀՀԿ վերնախավում եւ «սեփականացնել» կուսակցության «բաժնետոմսերի հսկիչ փաթեթը»: Սակայն դա նրան դեռ չի հաջողվում, գոնե առայժմ:
Կարեն Կարապետյանի ակնկալած ներդրումները դեռ չեն գալիս: Կառավարման արդյունավետության բարձրացման գործողությունները շոշափելի արդյունքներ դեռ չեն տալիս: Ու դա ունի օբյեկտիվ պատճառներ: Ներդրումների ակնկալված հոսքը ապահովելու համար անհրաժեշտ է նախ ստեղծել համապատասխան պայմաններ: Դրանք որքան պարզ են, այնքան էլ գործնականում անիրականանալի: Կոռուպցիա, տնտեսության օլիգոպոլ կառուցվածք, բիզնեսի ու իշխանության սերտաճում, դատական անարդյունավետ համակարգ...: Առանց այս խոչընդոտները վերացնելու՝ ներդրումների զգալի հոսք դեպի մեր տնտեսություն անիմաստ է ակնկալել: Այդ խոչընդոտները վերացնելը զուտ քաղաքական հարց է:
Իսկ այդ քաղաքական հարցերը լուծելու բանալին գտնվում է Սերժ Սարգսյանի ձեռքում: Ինչպես կարելի է ապամոնոպոլիզացնել մեր տնտեսությունը, եթե դա չի ցանկանում Սերժ Սարգսյանը: Այստեղ անցնցում լուծումներ չկան: Նույնը բիզնեսի եւ իշխանության տարանջատման, կոռուպցիայի նվազեցման պարագայում: Թերեւս արդեն բոլորի համար է ակնհայտ, որ Սերժ Սարգսյանի ղեկավարած «քաղաքական թիմը» չի գնալու այդ հարցերի լուծմանը: Մի խոսքով, Կարեն Կարապետյանի համար դժվար ժամանակներ են: Նա կամ պիտի գնա ներկուսակցական էլիտայում ցնցումներ առաջացնելու ճանապարհով, կամ հանձնվի: Ո՞րը կընտրի Կարապետյանը՝ պարզ կդառնա առաջիկա ամիսներին:
«Հայկական Ժամանակ»-ը Telegram-ում«MeatFood»-ի «կիսաապխտած «Կրակովյան» երշիկ»-ի խմբաքանակը շուկայից հետկանչի և ոչնչացնելու կարգադրագիր է տրվել
Քննարկվել են հակակարկտային կայանքների ներկայիս տեխնիկական վիճակն ու դրանց արդյունավետությունը
Թուրքիայից գրանցված օգտատերերին վիրավորական գրություններ են ուղարկվել. հետաքննություն է սկսվել Grok-ի դեմ
Կթվայնացվեն ՀՀ քաղաքացիություն ստանալու և դադարեցնելու գործընթացներում մատուցվող ծառայությունները
«PREPA RUN»-ի ընթացքում Երևանի մի շարք փողոցներ ժամանակավորապես փակ կլինեն
Արթուր Սարգսյանը կալանավորվել է. դատարանը բավարարել է միջնորդությունը
Հայագիտության զարգացումը Կառավարության առաջնահերթություններից է. Անդրեասյանը՝ Յասմին Դում-Թրագուտին
Վեդիում ավտոմեքենա և էլեկտրական հեծանիվ են այրվել
Իրականացվել են ավազակոպճային խառնուրդի ապօրինի արդյունահանում և վաճառք. 40 մլն դրամի վնասը վերականգնվել է
Նիկոլ Փաշինյանը ժամանել է Արաբական Միացյալ Էմիրություններ. նախատեսված է հանդիպում նախագահի հետ. լուսանկարներ
Մեկնարկեց աշխատանքային այցս Արաբական Միացյալ Էմիրություններ. վարչապետը տեսանյութ է հրապարակել
Դա նշվել է որոշակի պատճառով. Պետդեպը՝ ՀՀ-Ադրբեջան խաղաղության վերաբերյալ Ռուբիոյի հայտարարության մասին
Ծագող հարցերը պետք է լուծվեն գործընկերային եղանակով. Մոսկվան կապի մեջ է Բաքվի հետ. Զախարովա
Նոր նշանակում դատախազությունում
2025-ի 1-ին կիսամյակում լուծվել է տևական ժամանակ քննվող 179 քրվարույթի ընթացք. խորհրդակցություն Տավուշում
Դարձիր Ամիօ բանկի հաճախորդ և ամեն ամիս ստացիր 5% քեշբեք
Դատախազությունում կադրային փոփոխություններ են տեղի ունեցել
Մեքենաներ են բախվել, «ՎԱԶ 2107»-ը գլխիվայր շրջվել է․ վիրավորները ոստիկանության ծառայողներ են
Եվրոն էժանացել է. ինչ փոփոխություններ է արձանագրել տարադրամի շուկան հուլիսի 9-ին
«Սևան»» ազգային պարկ» ՊՈԱԿ-ին կվերադարձվի 15 հազար քմ մակերեսով հողամասը. դատախազության հայցը բավարարվել է
Սուրեն Պապիկյանը հեռախոսազրույց է ունեցել ԻԻՀ պաշտպանության և զինված ուժերի աջակցման նախարարի հետ
Գագիկ Ծառուկյանը հարցաքննվել է որպես վկա
«Դո՛ւրս հանեք թույնը մեր եթերից»․ ակցիա ընդդեմ ռուսական ալիքների հեռարձակմանը Հայաստանի հանրային եթերում
Տաքսի ծառայությունների կողմից դուրս է գրվել շուրջ 91 մլրդ դրամի 83 մլն հատ էլեկտրոնային ՀԴՄ կտրոն․ վարչապետ
ՊՆ զորավարժադաշտում ականանետային կրակոցի պայթյունի դեպքի առթիվ նախաձեռնվել է քրեական վարույթ
Հայտնի է՝ ով է Հոլիվուդի ամենաբարձր վարձատրվող դերասանուհին
Ռոբերտ Աբիսողոմոնյանը ՄԱԿ-ի գլխավոր քարտուղարի փոխտեղակալին է ներկայացրել խաղաղության օրակարգի ՀՀ ջանքերը
Հանրապետության հրապարակի տարածքում գործարկվելու է էլեկտրական շչակ
Խաթունիկ Կտրիճովնա․ կուսակրոն եպիսկոպոսն աղջկան տվել է մոր անունը, հայրանվան հարցում չի կեղծել․ Հարությունյան
Կոնվերս Բանկը ներկայացնում է թարմացված՝ ավելի ընդգրկուն հնարավորություններով Converse Mobile հավելվածը
Հայտնի է՝ ովքեր ելույթ կունենան «Ֆեստիվառի» շրջանակում․ նախատեսված է երեք համերգ
Մեկ օրում հայտնաբերվել են 4 հետախուզվող, 2 անհետ կորած. ՆԳՆ
Այս տարի «Ֆեստիվառը» կանցկացվի Արմավիր, Արտաշատ և Հրազդան քաղաքներում. օրերը հայտնի են
Հնդկաստանի Գուջարաթ նահանգում կամուրջը փլուզվել է, մեքենաները ջուրն են ընկել․ տեսանյութ
Վերացվել է «Տաշիր պիցցա» ընկերությանը պատկանող մասնաճյուղի առանձին արտադրատեսակի կասեցումը
«Կասկադ» համալիրի հարակից տարածքում կստեղծվի բարեկարգ ու հարմարավետ միջավայր․ տեսանյութ
Թող իր հարազատները օրհնյալ լինեն․ Ռուբինյանի արձագանքը՝ Ասողիկ աբեղա Կարապետյանի հայտարարություններին
ՌԴ ԱԴԾ-ն ահաբեկչի է ոչնչացրել. նա պատրաստվում էր կամուրջ պայթեցնել Սարատովի մարզում․ տեսանյութ
ՀՀ սեփականության իրավունքն է վերականգնվել Երևանի հեռուստաաշտարակին հարող տարածքի հողամասի նկատմամբ. վարչապետ
PMI Science միջազգային ընկերությունը որպես բիզնես աքսելերատորի շենքի առաջին ռեզիդենտ․ ստորագրվել է հուշագիր
© 2025 Հայկական ժամանակ
Website by MATEMAT