Վարչապետ Կարեն Կարապետյանը ինքնահաստատվում է ոստիկանապետ Վլադիմիր Գասպարյանի վրա

Վարչապետ Կարեն Կարապետյանը երեկ հերթական անգամ կառավարության նիստի ժամանակ նկատողություն արեց ոստիկանապետ Վլադիմիր Գասպարյանին: Այս անգամ «Զվարթնոց» օդանավակայանում աշխատող տաքսիստների «անթրաշ, չստիկով, սիգարետը բերանին» լինելու համար:

Բնականաբար, ոստիկանապետն այս խնդրում մեղավոր առանցքային պաշտոնյան չէ, բայց վարչապետը որոշեց հենց նրա անունը հնչեցնել իրավիճակից իր ծայրահեղ դժգոհությունն արտահայտող ելույթի ժամանակ: Ինչո՞ւ է վարչապետը կառավարության նիստերի ժամանակ ոստիկանապետին հրապարակայնորեն նկատողություն անում, հատկապես այնպիսի հարցերում, որոնց համար ցանկության դեպքում ավելի անմիջական մեղավորներ կարող էր գտնել:

Մեկ ամիս առաջ Կարեն Կարապետյանը ոստիկանապետին նկատողություն արեց փողոցներում կուտակվող աղբի համար, եւ հանձնարարեց կանխարգելման միջոցներ ձեռնարկել, փողոցում աղբ թափողների ձեռից բռնել եւ թափած աղբը հավաքել տալ: «Պարոն Գասպարյան, այսօր հլը չունենալով տույժ-տուգանք՝ ուղղակի մեր ոստիկանության գործընկերներին խնդրում ենք մաքսիմալ կանխարգելման միջոցառումներ, ոնց պատկերացնում եք, բռնում եք, ասում եք՝ լսի, հավաքի գնա»,- ասաց նա:

Երեկ էլ տաքսիստների թեմայով կրկին դիմելով ոստիկանապետին Կարեն Կարապետյանն ասաց. «Պարոն Գասպարյան, ընդեղ էլ ձեզանից ակնկալում ենք շատ կոշտ... Պռոստը անթույլատրելի ա, առաջին հանդիպումը ՀՀ-ի զբոսաշրջիկի հետ գալիս են դրան: 20-30 հազար դրամով Մալաթիա Սեբաստիան պտտվելով բերում են Երեւանյան լիճ` որպես Սեւան»:

Երկու դեպքում էլ, Վլադիմիր Գասպարյանը ստիպված էր վարչապետին բացատրել, որ իրեն չի դիմում իր ուղղակի գործառույթներին առնչվող հարցերով: Աղբահանության մասով ասաց, որ ապարդյուն խոսակցություն է, քանի որ ոստիկանը կարող է օժանդակել, բայց չի կարող մաքրել փողոցները: Տաքսիստների հետ կապված էլ Գասպարյանը վարչապետի ուշադրությունը հրավիրեց լիցենզիա տրամադրելու խնդրի վրա, երբ կասկածելի անցյալով, հոգեկան առողջության հետ կապված խնդիրներ ունեցող անձանց տաքսի վարելու լիցենզիա է տրամադրվում:  

Աղբահանության թեմայով ոստիկանապետին անհանգստացնելուց հետո իշխանական մամուլի եզրակացությունը մեկն էր. Կարեն Կարապետյանն այդպես էլ քաղաքականությունից գլուխ չհանեց, եւ չընկալեց ներիշխանական չգրված օրենքները`չհասկանալով, որ  Վ. Գասպարյանի հետ նման խոսակցություն բացելով՝ նա լարվածություն է ստեղծում իր և Ս. Սարգսյանի իշխանության առանցքային դերակատարներից մեկի հետ: Նույնիսկ զգուշացում եղավ, որ դա կարող է վատ ավարտվել, քանի որ ի տարբերություն Կարեն Կարապետյանի, որը ժամանակավոր է Հայաստանում, Վլադիմիր Գասպարյանը Սերժ Սարգսյանի իշխանության հիմնական հենասյուներից մեկն էր:

Երեկվա իրադարձությունները ցույց տվեցին, որ մեղմ ասած, խաբուսիկ է տպավորությունը, թե Կարեն Կարապետյանը անգիտակցաբար է հարվածներ հասցնում Սերժ Սարգսյանի հենասյուներից մեկին:

Կառավարության վերջին ձեւավորման գործընթացից պարզ դարձավ, որ Սերժ Սարգսյանը զրկել է Կարեն Կարապետյանին նույնիսկ այն սահմանափակ ազատությունից, որ վարչապետի պաշտոնը ստանձնելու ժամանակ սահմանվել է իրենց պայմանավորվածությունների ժամանակ: Հիշեցնենք, Կարապետյանը վարչապետի նշանակումից հետո, տարբեր առիթներով հասկացրեց, որ ինքը ունի որոշումներ կայացնելու որոշակի աստիճան, սահման, որից դուրս գալ չի կարող: Նա սա ընդգծում էր երկրում բարեփոխումների, մոնոպոլիաների եւ կոռուպցիայի հաղթահարման թեմաների շրջանակներում զրույցների ժամանակ, ակնկալելով, թե իրենից այս հարցերում մեծ բան չպետք է սպասել, քանի որ ինքը չունի որոշումներ կայացնելու ազատություն:

Կառավարության ձեւավորման վերջին պրոցեսը, սակայն ցույց տվեց, որ որոշումներ կայացնելու վարչապետի շրջանակը էլ ավելի է նեղացել, գրեթե զրոյացել է: Կարեն Կարապետյանը, ըստ էության, հայտնվել է քաղաքական մեկուսացման մեջ, զրկված գործելու ցանկացած հնարավորությունից: Սերժ Սարգսյանն էլ վերջին շրջանում իրար հետեւից աշխատանքային խորհրդակցություններ է անցկացնում Կարեն Կարապետյանի «մարդկանց» հետ, նրանցից տարբեր պարզաբանումներ պահանջում, հանձնարարություններ տալիս, եւ այդ ամբողջ պրոցեսը նույնպես էապես թուլացնում է Կարեն Կարապետյանի դիրքերը:

Ու քանի որ վարչապետը գործողությունների լայն ընտրություն չունի, նա իր դիրքերն ամրացնելու, իր պաշտոնում եւ ՀՀ քաղաքական երկրակամարում ինքնահաստատվելու համար ընտրել է Սերժ Սարգսյանի հենասյուն, ոստիկանապետ Վլադիմիր Գասպարյանին: Կարապետյանի խոսքը տվյալ դեպքում ուղղված է ոչ այնքան ոստիկանապետին, որքան նրա ղեկավարին:

Եւ ակնհայտ է, որ սա լավագույնս գիտակցում է նաեւ Սերժ Սարգսյանը եւ Վլադիմիր Գասպարյանին խնդրել է տուրք չտալ էմոցիաներին, նույն ոճով չհակադարձել վարչապետին, եւ նույնիսկ բարեխղճորեն կատարել նրա հանձնարարությունները: Մինչեւ տեսնենք`ինչ է լինելու:

Տպել
10612 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ