Երեւանից՝ Գյումրի «խոպան» եկած բարձրաստիճան պաշտոնյաները, եւ Գյումրու արտագաղթը. Ֆոտո

Հունիսի 8-ին Շիրակի մարզը նոր ղեկավար ունեցավ: ՀՅԴ-ՀՀԿ համատեղ պայմանավորվածության արդյունքում մարզպետ նշանակվեց ՀՅԴ-ական Արթուր Խաչատրյանը: Մինչ նա կհասներ Գյումրի, շատերը սկսեցին քննարկել այն հանգամանքը, որ հերթական անգամ մարզ բարձրաստիճան պաշտոնյա է գալիս մայրաքաղաքից:

Երեւանից Գյումրի ժամանած Արթուր Խաչատրյանը, թեեւ, հետաքրքիր հայտարարությամբ հանդես եկավ, որը բացառիկ էր այնքանով, որ որեւէ մեկը չէր փորձել աչքի ընկնել նման հայտարարությամբ:

«Չեմ եկել այստեղ արտագնա աշխատանքի, եկել եմ ընտանիքիս հետ: Վստահ եմ, որ համատեղ կարող ենք իրավիճակը բարելավել»,- հունիսի 8-ին մարզի ղեկավար կազմի հետ հանդիպման ժամանակ հայտարարել էր Արթուր Խաչատրյանը:

Armtimes.com-ը ներկայացնում է այն բարձրաստիճան պաշտոնատար անձանց, ովքեր մայրաքաղաքից «արտագաղթել» են Շիրակի մարզ:

Արթուր Խաչատրյան. Շիրակի մարզպետ, ծնվել է Երեւանում 1972 թվականի հուլիսի 17-ին: Մասնագիտությամբ ֆիզիկոս է, սովորել է ԵՊՀ-ում, գիտությունների թեկնածու է, ուսանել է նաեւ Լոնդոնում: 2016-ին զբաղեցրել է ՀՀ տարածքային կառավարման եւ զարգացման նախարարի տեղակալի պաշտոնը: 2017-ի հունիսի 8-ից՝ Շիրակի մարզպետի: Ամուսնացած է ունի երեք երեխա:

Արթուր Խաչատրյան

Արտակ Կարապետյան. ՀՀ ոստիկանության Շիրակի մարզային վարչություն պետ, ծնվել է 1966 թ. հոկտեմբերի 3-ին, Երևան քաղաքում:
Սովորել է ԽՍՀՄ ՆԳՆ բարձրագույն քաղաքական ուսումնարանը: ՀՀ ոստիկանության պետի 2016 թ. օգոստոսի 8-ի հրամանով նշանակվել է ոստիկանության Շիրակի մարզային վարչության պետ: Ամուսնացած է, ունի մեկ որդի և մեկ դուստր:

Սամվել Սիմոնյան. ՀՀ քննչական կոմիտեի Շիրակի մարզային քննչական վարչություն պետ: Սիմոնյանը ծննդով Արարատի մարզի Մասիս քաղաքից է: Գերատեսչության պաշտոնական կայքում բացակայում է վերջինիս կենսագրական տվյալները:  Նա Գյումրիում է 2014 թվականից:

Նարեկ Պողոսյան. Ազգային անվտանգության Շիրակի մարզային կառույցի ղեկավար: Նա Շիրակի մարզում է մոտ մեկ տարի, մեր տեղեկություններով կրկին երեւանաբնակ է:

Նարեկ Պողոսյանը՝ աջից 2-րդը

Սուրեն Ղազարյան. ՀՀ մաքսային ծառայության Շիրակի տարածքային պետ, ծնվել է 1977 թվականի դեկտեմբերի 2-ին Երևան քաղաքում: 2003թ.-ին ավարտել է Միջազգային հարաբերությունների համալսարանը, համաշխարհային տնտեսագետ մասնագիտությամբ: 2017 թվականի հունիսի 4-ից՝ Շիրակի տարածաշրջանային մաքսատան պետն է: Ունի մաքսային ծառայության փոխգնդապետի կոչում: Ամուսնացած է, ունի 3 դուստր:

Արթուր Եթիմյան. ՀՀ ԿԱ ՊԵԿ Գյումրու տարածքային հարկային տեսչության պետ, ծնվել է 1968 թ մարտի 25-ին ` Վանաձորում: Սովորել է ԵՐՊԻ Վանաձորի մասնաճյուղում, ինժեներ մեխանիկ է: Գյումրիում աշխատում է 2017-ից: Ամուսնացած է ունի երկու որդի:

Շիրակի մարզից չէ նաեւ ԱԻՆ Շիրակի մարզային վարչության պետ Արթուր Կարապետյանը: Մեր տեղեկություններով՝ նա եւս Երեւանից է: Այս պաշտոնյայի մասին տեղեկություններ ԱԻՆ պաշտոնական կայքում տեղադրված չէ:

Մեր ուսումնասիրությունների արդյունքում պարզվեց, որ Շիրակի մարզում բարձր պաշտոններ զբաղեցնում են նաեւ ծննդով շիրակցի եւ գյումրեցի անձիք:

Գագիկ Հովհաննիսյան. Շիրակի մարզի ընդհանուր իրավասության դատարանի նախագահ, ծնվել է 1972 թվականին Գյումրի քաղաքում։  Սովորել է ԵՊՀ իրավաբանական ֆակուլտետում։  2006-2014թթ. աշխատել է Լոռու մարզի ընդհանուր իրավասության դատարանի նախագահ: 2014 թվականից ՀՀ Նախագահի հրամանագրով նշանակվել է Շիրակի մարզի ընդհանուր իրավասության դատարանի նախագահ: Ղեկավարում է արդեն երեք տարի:

Կարեն Գաբրիելյան. Շիրակի մարզի դատախազ, ծնվել է 1981 թվականին Շիրակի մարզի Արեւշատ գյուղում: Aravot.am-ի տեղեկություններով՝ աշխատել է Շիրակի մարզի քննչական բաժնում՝ որպես քննիչ, այնուհետ զբաղեցրել է Սյունիքի քննչականի պետի պաշտոնը: Շիրակի դատախազի պաշտոնում է 2016 թվականից:

Շիրակում բարձր պաշտոններ զբաղեցնելու հավակնոտ անձանց մարզ ժամանելուն զուգահեռ, բարձր է նաեւ Շիրակից արտագաղթի թիվը: Սա հանրապետության ամենաաղքատ մարզն է, միայն Գյումրիում աղքատ է բնակչության 46 տոկոսը:

Տպել
13050 դիտում

Հայաստանի և Ադրբեջանի ԱԳ նախարարները ԼՂ հակամարտության հարցով կհանդիպեն հունվարի 20-ին

Բանաձեւի ընդունումը հարգանքի տուրք է զոհերի հիշատակին և նրանց արժանապատվությանը. Զոհրաբ Մնացականյան

Ցեղասպանության բանաձեւի հեղինակ Մենենդեսը հուզվել է դրա ընդունումից հետո իր խոսքի ավարտին (տեսանյութ)

Մենք ոչ բանակ ունենք, ոչ զենք, ոչ գումար՝ այն գնելու համար. վրաց նախագահի սկանդալային հայտարարությունն ու արձագանքները

Քիմ Քարդաշյանն իր բոլոր հետեւորդներին կոչ էր արել զանգել սենատորներին, խնդրել կողմ քվեարկել Ցեղասպանության բանաձեւին

Պիտակների առկայությունը կփաստի, որ տնտեսվարողը սպառում է միայն անվտանգ մսամթերք

Խորը երախտագիտություն եմ հայտնում Սենատին այս նշանակալի օրենքի համար. Նիկոլ Փաշինյան

Նոր Հայաստանում կանայք և երիտասարդներն ազատ ու անկաշկանդ են ակտիվ ներգրավվելու թե՛ քաղաքականության և թե՛ այլ ոլորտներում

Նախկին վարչապետ Կարեն Կարապետյանը դարձել է ՌԴ Փորձագիտական խորհրդի նախագահության անդամ. ԻՆՏԵՐՖԱՔՍ

ԱՄՆ Սենատն ընդունեց Հայոց ցեղասպանությունը ճանաչող և դատապարտող բանաձևը

Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

Մանվել Գրիգորյանի կալանքի հարցով արդեն 10 միջնորդություն է ներկայացվել. Վերաքննիչում սկսվեց բողոքի քննությունը

Ավտոմեքենան դուրս է եկել ճանապարհի երթեւեկելի հատվածից և գլորվել ձորը. վարորդի վիճակը գնահատվել է ծանր

Էրեբունու ոստիկանները բացահայտել են ատամնաբուժական խանութից արված գողությունը (տեսանյութ)

«Արմավիր» ՔԿՀ-ում կանխվել է 3 գրամ մետամֆետամին տեսակի թմրամիջոցի փոխանցումը

Ֆինլանդիայի բանտում գտնվող հայ երկրպագուն արդարացվել է. 1-2 օրվա ընթացքում նա կլինի Հայաստանում

Բացահայտվել է Կարմիր բլուրում բնակարանային գողությունը. հեղինակը Մաուգլին է (տեսանյութ)

Շովրոյան փողոցի տան հրդեհը մեկուսացվել է. ԱԻՆ

ՃՏՊ Առինջ գյուղում. վնասվել է գազատարը

«SOAR աչքի շարժական կլինիկա»-ն կայցելի ՀՀ խնամքի հաստատություններ, կհետազոտվեն երեխաները