Տարոն Մարգարյանը հեղինակավոր գործի՞չ, թե՞ համընդհանուր ծաղրի առարկա. ինչ կցանկանար հայրը

Երեկ Անդրանիկ Մարգարյանի որդին` Տարոն Մարգարյանը, իր հոր ծննդյան օրը կրկին ստանձնեց Երեւանի քաղաքապետի պաշտոնը: Սերժ Սարգսյանը երդմնակալության արարողության ժամանակ հայտարարեց, որ Տարոնը Երեւանի ամենամեծ վարկանիշ ունեցող գործիչն է, եւ նրան հորդորեց գիշեր-ցերեկ աշխատել հաջորդ ընտրություններում ավելի շատ ձայն ստանալու, եւ Երեւանի կառավարումը շարունակելու համար: 

Այն, որ Տարոն Մարգարյանը մեծ վարկանիշ ունեցող գործիչ չէ, այն, որ նա ընդհանրապես գործիչ չէ, Սերժ Սարգսյանը չի կարող չգիտակցել: Քաղաքականության մեջ, սակայն միշտ չէ, որ ասում են այն, ինչ գիտակցում են: Ավելի շուտ ասում են այն, ինչ տվյալ պահին հարմար է տարբեր պատճառներից ելնելով:

Սերժ Սարգսյանը, օրինակ, կասկածելի հանգամանքներում մահացած Անդրանիկ Մարգարյանի շիրիմի առաջ ինքն իրեն խոստացել է Մարգարյանի որդուն «լավ նայել» հետագա ողջ կյանքի ընթացքում: Դա նշանակում է` քանի Սերժ Սարգսյանը երկրի ղեկավարն է, Տարոն Մարգարյանը պետք է Երեւանի քաղաքապետ լինի:

Եթե Տարոնի ինտելեկտուալ հնարավորությունները թույլ տային, նա տարեցտարի կաճեր, քաղաքապետից հետո կդառնար նախարար, նախարարից հետո փոխվարչապետ, հետո` վարչապետ: Սա լավագույն հատուցումը կլիներ Անդրանիկ Մարգարյանին, բայց քանի որ նրա որդու հնարավորությունները, մեղմ ասած, սահմանափակ են, ապա նա այդպես էլ կմնա քաղաքապետ: Այս ընթացքում Սերժ Սարգսյանը նրան կհռչակի Երեւանի ամենամեծ հեղինակություն ունեցող քաղաքական գործիչ, Հանրապետական կուսակցության ղեկավարներից մեկը:

Յուրաքանչյուր ընտրությունից հետո իշխանական մամուլը կփորձի ռեաբիլիտացիայի ենթարկել Տարոն Մարգարյանին, եւ նրա ջախջախված վարկանիշը, նրան գեներալական որակներ կվերագրի, կանվանի Սերժ Սարգսյանի իշխանության հենասյուն, երկրում եղանակ ստեղծող քաղաքական գործիչ եւ այլն:

Իսկ Տարոնը կշարունակի քաղաքում նստարաններ տեղադրել եւ ծաղիկներ տնկել, որովհետեւ դրանից ավելին նա օբյեկտիվորեն չի կարող անել:

Ճակատագրի հեգնանքով երեկ, երբ Անդրանիկ Մարգարյանի որդին ստանձնեց որպես հատուցում իրեն նվիրաբերվող պաշտոնը, եւ իր հոր բարեկամների ու թշնամիների հետ սեղանի շուրջ նշում էր այդ իրադարձությունը, Երեւանում իսկական ջրհեղեղ եղավ:

Ընդամենը կարկուտ էր տեղացել, հորդառատ անձրեւ: Եւ պարզվեց Տարոն Մարգարյանի կառավարմամբ զարգացող Երեւանում ջրահեռացման համակարգեր գոյություն չունեն: Մեքենաներն ու ավտոբուսները սուզվել էին թունելներում, հետիոտները մինչեւ ծնկները ջրի մեջ էին հայտնվել:

Իսկ սոցիալական ցանցերը պայթում էին Տարոնին նվիրված գրառումներից: Ճիշտ է, այդ գրառումների բովանդակությունից չէր բխում, թե Տարոն Մարգարյանը Երեւանի ամենաբարձր վարկանիշ ունեցող գործիչն է, ուղիղ հակառակը` նա երեւանցիների ծաղրի առարկան  էր դարձել, բայց դա կարեւոր չէ:

Իշխանական մամուլը առաջիկայում Անդրանիկ Մարգարյանի որդու հեղինակությունը փրկող նյութերի նոր սերիա կթողարկի, որպեսզի մինչեւ հաջորդ առիթը Սերժ Սարգսյանի բարձր խոսքերի համար կրկին հող նախապատրաստի:

Միայն մեկ հարց կա, որ ամեն դեպքում արժե, որպեսզի Սերժ Սարգսյանն ինքն իրեն տա: Արդյո՞ք այս ամբողջ կրկեսը չի անարգում Անդրանիկ Մարգարյանի հիշատակը: Եւ արդյո՞ք սա այն է, ինչ կցանկանար Տարոն Մարգարյանի լուսահոգի հայրը, եւ Սերժ Սարգսյանի ընկերը:

Տպել
8201 դիտում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)