ՌԴ վարչապետ Դմիտրի Մեդվեդեւը Հայաստան կժամանի հոկտեմբեր ամսին, որպեսզի մասնակցի Եվրասիական տնտեսական միության միջկառավարական խորհրդի նիստին: Armtimes.com-ին հայտնի դարձավ, որ նիստը նախատեսված է հոկտեմբեր ամսին, սակայն օրը դեռեւս փոխհամաձայնության փուլում է:

Մեդվեդեւը Հայաստան կատարելիք իր այցի մասին հստակ հայտարարել է երեկ: «Ես կշարունակեմ քննարկել այդ հարցերը Հայաստանում կայանալիք միջկառավարական խորհրդի առաջիկա նիստում»,- Իտար ՏԱՍՍ-ի փոխանցմամբ ասել է ՌԴ վարչապետը։

Այս այցից առաջ ՀՀ բարձրագույն իշխանության ներկայացուցիչները տարբեր առիթներով Մեդվեդեւին հրավիրել են Հայաստան, սակայն վերջինս միայն այս այցով է այս տարի լինելու Երեւանում:

2017 թվականի հունվարի 24-ին ՌԴ կատարած պաշտոնական այցի ժամանակ Կարեն Կարապետյանն էր Մեդվեդեւին հրավիրել Հայաստան. «Դմիտրի Անատոլիի, օգտվելով առիթից, ցանկանում եմ ձեզ պաշտոնական այցով հրավիրել Երեւան, քանի որ գտնում եմ, որ վեկտորները, որոնց մասին դուք նշեցիք եւ այն, ինչ հիմա այս մամուլի ասուլիսում չի նշվել, ունեն հսկայական ապագա: Ես վստահ եմ, որ ամեն ինչ լավ կլինի: Շնորհակալություն»,- ասել էր ՀՀ վարչապետը: Արձագանքելով՝ ՌԴ կառավարության նախագահ Դմիտրի Մեդվեդեւն ընդգծել է. «Դժվար է չհամաձայնել, հաստատ ամեն ինչ լավ կլինի: Շնորհակալություն»:

Այս տարվա օգոստոսի 14-ին էլ ՀՀ վարչապետ Կարեն Կարապետյանն Աստանայում առանձնազրույց է ունեցել Ռուսաստանի Դաշնության կառավարության ղեկավար Դմիտրի Մեդվեդեւի հետ: Հանդիպմանը քննարկվել են հայ-ռուսական համագործակցության օրակարգի մի շարք հարցեր, այդ թվում՝ ՌԴ գործադիր մարմնի ղեկավարի՝ Հայաստան նախատեսվող այցի ժամկետները:

Այս հանդիպուներից հետո էլ Սերժ Սարգսյանն է ակնարկել Մեդվեդեւին Հայաստանում տեսնելու ցանկության մասին: Սեպտեմբերի 14-ին Սերժ Սարգսյանը շնորհավորական ուղերձ է հղել Ռուսաստանի Դաշնության կառավարության նախագահ Դմիտրի Մեդվեդեւին՝ ծննդյան օրվա առթիվ: «Ձեզ հետ հանդիպումները միշտ ունենում են գործնական եւ անձնական շփման բաց, վստահելի բնույթ: Ուրախ կլինեմ կրկին ողջունել Ձեզ Երեւանում՝ Հայաստան կատարելիք Ձեր պաշտոնական այցի ընթացքում»,- շնորհավորանքում նշել է Սարգսյանը:

Տպել
1961 դիտում

Սեդրակ Քոչարյանի ներկայացուցիչը միջնորդեց դատարան հրավիրել ԱԱԾ տնօրենին

Արարատի մարզպետն իրավունք չուներ աշխատավարձը գերազանցող ինքնապարգևատրում անել. Ս. Պապիկյան

Կայք գյուղի տներից մեկում պայթել է գազի բալոնը, կոտրվել են պատուհանները. տանտերը այրվածքներ է ստացել

Բացահայտվել է ՀՀ ՊԵԿ պաշտոնատար անձի օժանդակությամբ կազմակերպված հանցավոր մեխանիզմ. ԱԱԾ (տեսանյութ)

Կողքից է տպավորություն, թե հեշտ էր. Գեւորգյանը՝ ՀՀ 2019 թ. կանանց շախմատի չեմպիոն դառնալու մասին

ԵԽԽՎ դիտորդական առաքելությունը բարձր է գնահատել Հայաստանի ազատ եւ արդար ընտրությունները. Ռուբինյան

Սոցիալական աջակցության ոլորտում ծավալով աննախադեպ կոռուպցիոն մեխանիզմի ամբողջական շրջանակն է բացահայտվել

Նիկոլ Փաշինյանը շնորհավորական ուղերձ է հղել Շվեդիայի վարչապետին՝ վերընտրվելու առթիվ

Նախորդ տարիներին եղել է շահագրգռող գին եւ գյուղացիներն իրացրել են, ինչն էլ ոգեւորություն է առաջացրել. փոխնախարար

«ԱԳԱ ֆուդ կորտ»-ի աշխատանքը դադարեցված է, սնունդի մեջ աղիքային ցուպիկի խմբի մանրէներ են եղել

Երեւանի համար նախատեսված 9-ը նոր ձնամաքրիչ մեքենաները տեղ են հասել (լուսանկարներ)

Նիկոլ Փաշինյանը շնորհավորական ուղերձ է հղել Շվեդիայի վարչապետին

Իրանում ՀՀ դեսպանը ներկայացրել է ԼՂ հիմնահարցի շուրջ վերջին զարգացումները

Եթե պատրաստ եք ձեր քայլը կատարել, եկե՛ք Հայաստան, հարստացե՛ք և հարստացրե՛ք. Փաշինյանը՝ շվեյցարացի գործարարներին

«Հինգերորդ ալիքը» կեղծում է Մարտի 1-ի պատմությունը. փաստերի ստուգում

Դատարանը բավարարել է Քոչարյանի հայցն ընդդեմ 1in.am-ի

Գյումրեցի կնոջ մահվան մեջ մեղադրվող ռուս զինծառայողին ՀՀ ՔԿՀ տեղափոխելու միջնորդությունն ամբողջությամբ մերժվել է

Ռոբերտ Քոչարյանի դեմ. դավադրություն հայկական ձեւով

Հանրաքվեից հետո. Քոչարյանը միջազգային տրիբունալի առջեւ

Միասին դեպի տուն․ Նյու Յորքում Սաակաշվիլին հանդիպել է վրացի էմիգրանտներին