Երևան
12 °C
searchclose
menuclose
Երևան
12 °C
Էլեկտրոնային առողջապահական համակարգը, որի ներդրման կարեւորությունն այդքան շեփորահարվեց, պարզվում է եկամտի մի նոր աղբյուր է, այն էլ՝ բավական մեծ եկամտի:
Արդեն քանի տարի է՝ մեկնարկել էր համակարգի ներդրման գործընթացը: Այն ավարտին հասցվեց առողջապահության գործող նախարար Լեւոն Ալթունյանի պաշտոնավարման օրոք: Հայտարարվում էր, որ էլեկտրոնային համակարգը, ի թիվս այլ առավելությունների, հնարավորություն է տալու պետության գումարները ծախսել առավել արդյունավետ ու թափանցիկ, որովհետեւ հիվանդների հերթագրումից, ընդունումից մինչեւ բուժում արտացոլվելու է այնտեղ՝ այդպիսով նվազագույնի հասցնելով կրկնվող կամ անտեղի ծախսերը:
Հայտարարվել էր, որ մայիսի մեկից սկսած հայաստանյան բուժհաստատությունները պետք է ֆինանսավորվեն ըստ էլեկտրոնային առողջապահական համակարգի տվյալների: Այսինքն, էլեկտրոնային հաշվետվությունը կլինի, գումարը կստանան, չի լինի, թող մեղադրեն իրենց: Բայց եթե առողջապահական հաստատությունները համակարգին ի սկզբանե միացել էին անվճար, այժմ արդեն այն դառնում է վճարովի:
Յուրաքանչյուր ամսվա համար սահմանված սակագները հետեւյալն են՝ ըստ համակարգում գրանցված այցերի քանակի.
բժշկական կենտրոնների համար՝ 130-150 հազար դրամ,
ախտորոշիչ կենտրոնների համար՝ 40-100 հազար դրամ,
հիվանդանոցների համար՝ 80 հազար դրամ,
շտապ օգնության ծառայության համար՝ 50 հազար դրամ,
ամբուլատորիաների համար՝ 5 հազար դրամ,
պոլիկլինիկաների համար՝ 40 հազար դրամ,
դեղատների համար՝ 5-25 հազար դրամ,
ատամնաբուժարանների համար՝ 7-20 հազար դրամ
առողջարանների համար՝ 50 հազար դրամ:
Ընդ որում, այս սակագներն առանց ավելացված արժեքի հարկի են, ինչը նշանակում է, որ հաստատությունների վճարելիք գումարը լինելու է 20 տոկոսով ավելի:
Այս պարտադրանքը դժգոհության ալիք է բարձրացրել հատկապես մարզերում գործող առողջապահական հաստատություններում, որոնց հնարավորություններն առանց այն էլ սուղ են:
Արթիկի բժշկական կենտրոնի տնօրեն Յուրա Ղազոյանը, մեր հարցմանը պատասխանելով, հաստատեց, որ իրենց համար շատ դժվար կլինի վճարել էլեկտրոնային համակարգի բաժանորդագրավճարը: Տվյալ դեպքում այն ամսական կազմելու է շուրջ 200 հազար դրամ, իսկ տարեկան՝ մինչեւ 2.5 միլիոն:
«Բոլոր հիմնարկների համար էլ մեծ է գումարը: Հիմա ինձ թվում է նախարարությունում քննարկումներ կանցկացվեն, այդ գործառույթն իրականացնող փակ բաժնետիրական ընկերությունը, միգուցե, վերանայի սակագները: Մեզ հետ պայմանագրի կնքումը հետաձգվել է: Գրություն ստացվեց, որ առայժմ աշխատելու ենք հին ձեւով, այսինքն՝ անվճար, մինչեւ գների վերանայումը եւ նոր պայմանագրի կնքումը: Քննարկումը լինելու է մարզպետարանների առողջապահության վարչությունների պետերի մասնակցությամբ: Հետո մեզ լրացուցիչ կտեղեկացնեն»,- ասաց Արթիկի բժշկական կենտրոնի տնօրենը:
Էլեկտրոնային առողջապահության համակարգը, կառավարության որոշմամբ, կոնցեսիոն պայմանագրով փոխանցվել է մրցույթով հաղթած օպերատորին՝ համատեղ գործունեության պայմանագրով հանդես եկող «Sylex SARL» ընկերությունից եւ «Մեյսիս Ապահով» ՍՊԸ-ից բաղկացած համատեղ ձեռնարկությանը: Երկուսի մասին էլ համացանցում տեղեկատվությունը շատ աղքատիկ է:
Իսկ էլեկտրոնային առողջապահական համակարգին վերոնշյալ սակագներով միանալու դեպքում, հասկանալի է, որ խոսքը վերաբերելու է հսկայական գումարների՝ հաշվի առնելով, որ Հայաստանում գործում է բուժծառայություն մատուցող առնվազն 450 հաստատություն, հազարավոր ստոմատոլոգիական կենտրոններ, դեղատներ եւ այլն:
«Հայկական Ժամանակ»-ը Telegram-ում
Սարիկ Մինասյանը՝ Գյումրու քաղաքապետի ժամանակավոր պաշտոնակատար. ամփոփվեցին ընտրական արդյունքները
Ստորագրվել է Հայաստան-Ֆրանսիա պաշտպանական համագործակցության 2025 թվականի ծրագիրը
Կրակոցներ Երևանում. դատախազը փորձել է կանխել կրակողի փախուստը․ ինչեր են հայտնաբերվել դեպքի վայրում
Կրեմլում հանդիպել են Պուտինն ու Հնդկաստանի պաշտպանության նախարարը
Այդ եզրակացությունները փարատելու համար բացեցի հայտարարագրիս բնօրինակը. վարչապետը գրառում է արել
Մեկնարկել է Գյումրու քաղաքապետի ժամանակավոր պաշտոնակատարի ընտրության արդյունքների ամփոփումը
ՀՀ Սահմանադրության ոչ մի դրույթ տարածքային պահանջներ չի պարունակում հարևան երկրների նկատմամբ. Փաշինյան
Վրաստանի քաջությունը վստահության աղբյուր է. Գերմանիայի ԱԳ նախարար
Հայաստանը հաստատուն է հավասարության խթանման իր հանձնառության հարցում. ԱԳՆ մամուլի խոսնակ
Ձմեռային անվադողերով երթևեկելը՝ պարտադիր պահանջ․ կարգավորումն ուժի մեջ է մտել
Երկկողմ հարաբերություններում զարգացման դրական դինամիկա կա. Ավստրիայի դեսպանը հավատարմագրերի պատճենն է հանձնել
Բախվել են «Մերսեդես»-ը, 2 «Օպել» ու «Կամազ»-ը. վարորդները հրաժարվել են բժշկական օգնությունից
Ռուսը Սիրիայում էր, թուրքը մտավ, «կերավ» սիրիացուն, որպեսզի մեզ ոչ մեկը «չուտի», պիտի ուժեղ լինենք. փորձագետ
Ցանկանում ենք, որ պատմական հնարավորությունը հանգեցնի Ադրբեջան-ՀՀ խաղաղության համաձայնագրի ստորագրմանը. Էրդողան
Ինչ իրավիճակ է հանրապետության ճանապարհներին
Վարչապետը օտարերկրյա պետություններում Սփյուռքի գործերի հանձնակատար է նշանակել
Yandex Armenia-ն ընդլայնում է նվիրատվությունների բարեգործական մեխանիզմը
Իսրայելի պաշտպանության բանակը ոչնչացրել է սիրիական նավատորմը
Արմավիրի մարզի որոշ գյուղերում և Արմավիր քաղաքում ջուր չի լինի
Ձկնորսների հետ շարունակվում են սիգի որսի արգելքի վերաբերյալ բացատրական աշխատանքները. ինչ դեպքեր են արձանագրվել
Նորածնին Հովհաննես անվանակոչած ծնողներին հայտնել են, որ ԲԿ-ից ծննդատուն տեղափոխված իրենց երեխան աղջիկ է
Հայտնի է՝ ով է նշանակվել Սիրիայի վարչապետի պաշտոնակատար
IDMerch. IDBank-ի նոր վարկատեսակը
ՊԵԿ էլեկտրոնային համակարգերում ստորագրության հետ կապված խնդիր է առաջացել
Երեխաների առողջություն, կրթություն, գիտություն․ «Իմ Ամերիա, իմ Հայաստան»-ի քվեարկության միջանկյալ արդյունքները
Արամ Հովհաննիսյանը վերանշանակվել է Ոստիկանության պետ-ներքին գործերի նախարարի տեղակալի պաշտոնում
Առաջին դասարանցուն ծեծած ուսուցիչն ազատվել է աշխատանքից. ԿԳՄՍ-ն առաջիկայում նաև հայց կներկայացնի
Վարչապետը հանձնարարել է վերջնական տեսքի բերել Զբաղվածության 2025-31 թթ. ռազմավարական ծրագրի նախագիծը
Քայլ-քայլ առաջ ենք գնում. «Հաջողակից՝ սկսնակին» ծրագրի շահառուն զարգացրել է ձիթապտղի արտադրությունը. տեսանյութ
Այսօրվա աշխարհն անհնար է պատկերացնել առանց մարդու իրավունքների պաշտպանության և խթանման պատշաճ համակարգի. ՄԻՊ
Բողոք-դիմումները պետք է հիմնված լինեն փաստերի վրա. ՀՌՀ-ն առաջարկում է հանրային արձագանքման նոր գործիք
Էրդողանն ու Ալիևը քննարկել են Սիրիայի վերջին իրադարձությունները
Աննա Հակոբյանն աշխատանքային առօրյայից տեսանյութ է հրապարակել
Հայաստան-Թուրքիա սահմանին տեղի է ունեցել մի շարք գերատեսչությունների ներկայացուցիչների հանդիպումը. Ռուբինյան
Շիրակի մարզում դեկտեմբերի 11-12-ին ջուր չի լինի. հասցեներ
Արշավախմբի անդամներն ընկել են լանջից. ժամեր տևած որոնողական աշխատանքի արդյունքում նրանք փրկվել են. տեսանյութ
Անկում տարադրամի շուկայում. ինչ փոփոխություններ են արձանագրվել դեկտեմբերի 10-ին
ԿԸՀ-ն հաստատել է Եվրաքվեի հարցով ստորագրահավաքի վավերականությունը. ինչ է այն ենթադրում
Ով կդառնա Գյումրու քաղաքապետի ժամանակավոր պաշտոնակատար. երբ և ինչպես հետևել քվեաթերթիկների հաշվարկին
ԱԻ նախկին նախարարին առնչվող վճռի շրջանակում մեղավոր է ճանաչվել 6 անձ, ևս մեկն արդարացվել է
