Սեպտեմբերին Երեւանում ՃՏՊ-ից տուժել է 50 մարդ, մահացել երկուսը. ինչո՞վ է զբաղված ՃՈ-ն

2017 թվականի սեպտեմբերին Երեւանում տեղի է ունեցել 19 ճանապարհատրանսպորտային պատահար, որի արդյունքում 50 քաղաքացի ստացել է մարմնական տարբեր աստիճանի վնասվածքներ, իսկ երկուսը տեղում մահացել են:

Armtimes.com-ը ստորեւ ներկայացնում է սեպտեմբերին մայրաքաղաքում տեղի ունեցած ավտովթարների ԱԻՆ-ի պաշտոնական հաղորդագրությունները, որոնք հաստատում են վերոնշյալ թվերի իսկությունը: Հետաքրքիր է, թե այս ամենին զուգահեռ ինչով է զբաղված Ճանապարհային ոստիկանությունը:

Սեպտեմբերի 28-ին, ժամը 14:51-ին Երևան քաղաքի Շիրազի փողոցում տեղի է ունեցել ՃՏՊ, տուժածն արգելափակվել է: 1985 եւ 1964 թվականներին ծնված վարորդները տարբեր մարմնական վնասվածքներով տեղափոխվել են բժշկական կենտրոն:

Սեպտեմբերի 28-ին, ժամը 14:34-ին Երևանի Մյասնիկյան պողոտայում թիվ 1 երթուղին սպասարկող տրոլեյբուսը դուրս է եկել երթևեկելի գոտուց և բախվել ճամփեզրի բետոնե բաժանարարին: Տրոլեյբուսի 11 ուղևորից 3-ին փրկարարները պատգարակով տեղափոխել են 1-ին համալսարանական հիվանդանոց, 4-ը հոսպիտալացվել է տեղի ուժերով, մեկը հրաժարվել է առաջին բուժօգնությունից, որին տեղում ցուցաբերվել է հոգեբանական աջակցություն, իսկ 3-ը մինչ փրկարարների կանչի վայր հասնելը տեղափոխվել են «Սբ Գրիգոր Լուսավորիչ» ԲԿ:

Սեպտեմբերի 27-ին, ժամը 18:10-ին Աշտարակ - Երևան ավտոճանապարհին տեղի է ունեցել ՃՏՊ` բեռնատարը կողաշրջվել է, կա տուժած: Պարզվել է, որ «ԿամԱԶ» մակնիշի 34 MM 053 պետհամարանիշով (վարորդ՝ 1987 թ. ծնված Ա. Մ.) բեռնատարը կողաշրջվել է, վարորդը արգելափակվել է խցիկում:

Սեպտեմբերի 27-ին, ժամը 18:19-ին Երևանի Կ. Ուլնեցու փողոցի թիվ 66ա շենքի մոտակայքում այրվում է ավտոմեքենա: Ամբողջությամբ այրվել է «Hyundai Elysion» մակնիշի 34 QA 095 պետհամարանիշով (վարորդ Լ. Ն.) ավտոմեքենան: Վարորդը այրվածքներով հոսպիտալացվել է Ճառագայթային բժշկության և այրվածքների հանրապետական կենտրոն, որտեղ տուժածի առողջական վիճակը գնահատվել է միջին ծանրության:

Սեպտեմբերի 27-ին, ժամը 06:13-ին Երևանի Հերացու փողոցում՝ թունելի մոտակայքում, տեղի է ունեցել ՃՏՊ՝ բեռնատարը շրջվել է, արդյունքում մահացել է 1972 թ. ծնված Ա. Ա.-ն:

Սեպտեմբերի 27-ին, ժամը 00:59-ին Երևանի Մ. Բաբաջանյան փողոցում գտնվող գազալցակայանի մոտակայքում տեղի է ունեցել ՃՏՊ, պարզվել է, որ «Volkswagen golf» մակնիշի 34 CT 334 պետհամարանիշի (վարորդ՝ 1980 թ. ծնված Ս. Մ.) ավտոմեքենան բախվել է «ՄԱՆ» մակնիշի 35 FV 197 պետհամարանիշի ավտոքարշակին, ինչի հետևանքով ՝ 1988 ծնված Լ. Հ.-ը և Ա. Մ.-ը (մոտ 9 տարեկան) հոսպիտալացվել են «Սուրբ Գրիգոր Լուսավորիչ» ԲԿ: Փրկարարները Volkswagen golf մակնիշի ավտոմեքենայից դուրս են բերել ուղևոր՝ 1967 թ. ծնված Ն. Ջ.-ի դին:

Սեպտեմբերի 23-ին, ժամը 13:14-ին Երևանի Նորքի հեռուստաաշտարակի շրջադարձի մոտակայքում, տեղի է ունեցել ՃՏՊ: Տուժել է թիվ 37 երթուղու վարորդ՝ 1971 թ. ծնված Ս. Գ.-ն:

Սեպտեմբերի 22-ին, ժամը 21:11-ին Երևանի Հալաբյան փողոցում բախվել են թիվ 13 երթուղին սպասարկող «ԳԱԶել» մակնիշի 1365S պետհամարանիշի (վարորդ՝ Ա. Ն.), «Nissan Altima» մակնիշի 35 MR 916 պետհամարանիշի (վարորդ՝ Ռ. Գ.), «Mercedes SLK» մակնիշի (պետհամարանիշը չի հաջողվել պարզել, վարորդ՝ Ա. Գ.) և «Nissan Altima» մակնիշի 20 UT 673 պետհամարանիշի ավտոմեքենաները, ինչի հետևանքով «ԳԱԶել» մակնիշի ավտոմեքենայի ուղևորներ՝ 1975 թ. ծնված Ն. Թ.-ը, 1960 թ. ծնված Ա. Ե.-ը և 1962 թ. ծնված Ա. Հ.-ը մինչ փրկարարների՝ կանչի վայր հասնելը հոսպիտալացվել են «Արմենիա» ՀԲԿ:

Սեպտեմբերի 21-ին, ժամը 17:31-ին Երևանի Շերամի փողոցում թիվ 35 երթուղին սպասարկող «HIGER» մակնիշի ավտոբուսը (վարորդ՝ Հ. Ա.) դուրս է եկել ճանապարհի երթևեկելի գոտուց և բախվել պատին: Ուղևորներ՝ 1996 թ. ծնված Լ. Ա.-ը և 1960 թ. ծնված Ս. Ս.-ը Էրեբունի ԲԿ, իսկ 1965 թ. ծնված Գ. Կ.-ը, 1934 թ. ծնված Բ. Պ.-ն, 1974 թ. ծնված Դ. Ս.-ը, 1952 թ. ծնված Զ. Մ.-ը, 1962 թ. ծնված Ե. Ս.-ը և 2000 թ. ծնված Ն. Ս.-ը հոսպիտալացվել են «Աստղիկ» ԲԿ:

Սեպտեմբերի 21-ին, ժամը 11:32-ին Երևան Շահումյանի 2-րդ գերեզմանատան մոտակայքում այրվում է ավտոմեքենա: Վարորդ Տ. Ա.-ն և դեպքի վայրում գտնվող քաղաքացի՝ 1985 թ. ծնված Ն. Գ.-ը ստացել են 1-ին աստիճանի այրվածքներ:

Սեպտեմբերի 19-ին, ժամը 19:29- Մաշտոցի պողոտայի և Ամիրյան փողոցի խաչմերուկի մոտակայքում տեղի է ունեցել ՃՏՊ: Տուժել են  «Opel Astra» մակնիշի 35 MQ 717 (վարորդ Ս. Հ.), «Daewoo Nexia» մակնիշի 34 ARV 814 (վարորդ` Հ. Ա.), «Mersedes C» մակնիշի 09 OL 209 (վարորդ Դ. Գ.), «Toyota Camry» մակնիշի 35 GD 590 (վարորդ Վ. Մ.) և «Opel Astra» մակնիշի 35 MA 557 պետհամարանիշերով մեքենաների վարորդները:

Սեպտեմբերի 15-ին, ժամը 17:04-ին ահազանգ է ստացվել, որ Երևան քաղաքի Տերյան-Կորյուն փողոցների խաչմերուկի մոտակայքում տեղի է ունեցել ՃՏՊ: Տուժել են` 1988 թ. ծնված Ա. Մ-ն, 1997 թ. ծնված Ժ. Ա.-ն և 1996 թ. ծնված Կ. Ա.-ն:

Սեպտեմբերի 14-ին, ժամը 22:51-ին Հրաչյա Քոչար փողոցում բախվել են ավտոմեքենաներ:  Տուժածնել են  «Opel Vectra» (վարորդ Ա. Գ.) և «Toyota Camry» (վարորդ Հ. Մ.) մեքենաների վարորդները:

Սեպտեմբերի 13-ին, ժամը 03:44-ին Ռիգայի փողոցի թիվ 126/4 շենքի մոտակայքում տեղի է ունեցել ՃՏՊ: Տուժածներ չկան:

Սեպտեմբերի 11-ին, ժամը 15:38-ին Ծիծեռնակաբերդի խճուղում տեղի է ունեցել ՃՏՊ, բախվել են «Nissan March» մակնիշի 59 DT 555 (վարորդ` 1999 թ. ծնված Հ. Հ.) և «Toyota Altezza» մակնիշի 35 MO 918 պետհամարանիշերով (վարորդ` 1986 թ. ծնված Տ. Վ.) ավտոմեքենաները: Վարորդները մարմնական վնասվածքներով տեղափոխվել են հիվանդանոց:

Սեպտեմբերի 9-ին, ժամը 13:01-ին Հալաբյան և Լենինգրադյան փողոցների խաչմերուկում տեղի է ունեցել ՃՏՊ, բախվել են ավտոմեքենաներ, որի արդյունքում տուժել է վարորդ՝ 1972 թ. ծնված Ե. Ե.-ն:

Սեպտեմբերի 6-ին, ժամը 01:07-ին Արմենակյան և Գ. Հովսեփյան փողոցների խաչմերուկում տեղի է ունեցել ՃՏՊ, ավտոմեքենան ընկել է ձորակը` 1961 թ. ծնված Մ. Խ. տեղափոխվել է հիվանդանոց:

Սեպտեմբերի 5-ին, ժամը 12:39-ին Աճառյան փողոցում տեղի է ունեցել ՃՏՊ: Վարորդ՝ 1981 թ. ծնված Կ. Մ.-ը, ուղևոր՝ 1986 թ. ծնված Ա. Մ.-ը և 1983 թ. ծնված Ք. Ս.-ը հոսպիտալացվել են «Սուրբ Գրիգոր Լուսավորիչ» ԲԿ:

Սեպտեմբերի 2-ին, ժամը 19:51-ին Տարոնցի փողոցի թիվ 1 շենքի մոտակայքում տեղի է ունեցել վրաերթ, տուժած 1937 թ. ծնված Է. Դ.-ին տեղափոխել են հիվանդանոց։