Դա չի նշանակում, որ թոշակը նվազում է. պատգամավորը՝ թոշակները 1000 դրամով կրճատելու մասին

Հայաստանի Ազգային ժողովում շարունակվում են «ՀՀ 2018թ. պետական բյուջեի մասին» ՀՀ օրենքի նախագծի նախնական քննարկումները:  Ֆինանսների նախարար Վարդան Արամյանը 2018 թվականի պետական բյուջեի մասին ասել էր, թե այն զարգացման բյուջե է:

ԱԺ ՀՅԴ խմբակցության քարտուղար Աղվան Վարդանյանն armtimes.com-ի հարցին պատասխանելով՝ ասաց, որ այնքան էլ համամիտ չէ նախարարի հետ, որ մեր 2018-ի բյուջեն զարգացման է:

«Ես զարգացման բյուջե արտահայտությունը չեմ լսել: Գուցե ասել է զարգացման հիմքեր նախապատրաստող, որովհետեւ բյուջեի քննարկման ժամանակ նախարարը խոսում էր ու ասում էր, թե զարգացման հիմքեր ստեղծող բյուջե է: 2018 թվականին մոտ 100 միլիարդ դրամով նախատեսվում է բյուջեն ավելացնել: Այդ 100 միլիարդի 70 միլիարդը գնալու է կապիտալ ծախսերին: Ես հավատում եմ կառավարությանը, որ այս եւ եկող տարիները լինելու են տնտեսական իրավիճակի կայունացման տարիներ, որը հնարավորություն կտա բարձրացնել մեր աշխատավարձերը, թոշակները եւ այլն: Այս առումով կարծում եմ, որ բավական համարձակ է կառավարությունը»,- ասաց ՀՅԴ-ական պատգամավորը:

Իշխող ՀՀԿ-ում ՀՅԴ-ի նման կասկածներ չունեն, որ բյուջեն «զարգացման է»: Armtimes.com-ի հետ զրույցում ՀՀԿ ԱԺ խմբակցության քարտուղար Գագիկ Մելիքյանն այսպես է հիմնավորում այդ հանգամանքը:

«Այո, ես տեսնում եմ, որ զարգացման բյուջե է, քանի որ ներդրումային բոլոր ծրագրերն ուղղվում են կապիտալ ներդրումների բնագավառին, իսկ դա կարող է միայն հանգեցնել զարգացման»,- ասաց Մելիքյանը:

2018 թվականին նախատեսվում է մոտ 1000 դրամով կրճատել միջին թոշակի չափը: ՀՀԿ խմբակցության քարտուղարը սա թոշակի չափի նվազում չի համարում: Armtimes.com-ն ԱԺ առողջապահության եւ սոցիալական հարցերի մշտական հանձնաժողովի հոկտեմբերի 20-ի նիստը լուսաբանելիս հղում անելով սոցապ փոխնախարար Արայիկ Պետրոսյանին տեղեկացրել էր, որ ըստ փոխնախարարի՝ 2018 թվականին աշխատանքային կենսաթոշակի միջին չափը լինելու է 39 հազար դրամը, 2017-ի 40 հազար դրամի փոխարեն: 

«Դա չի նշանակում, որ թոշակները նվազում են, դա նշանակում է, որ դա թոշակի միջին չափն է: Թոշակները չեն նվազում, պարզապես 2018 թվականին թոշակների աճ չի նախատեսվում»,- armtimes.com-ի հետ զրույցում մեկնաբանեց Մելիքյանը:

Այն հարցին էլ, թե ի՞նչ հիմնավորմամբ է բյուջեն զարգացման համարում, երբ նվազագույն աշխատավարձը՝ թոշակ-նպաստի հետ միասին չի բարձրանալու, Մելիքյանն ասաց.

«Մենք յուրաքանչյուր տարի ապահովում ենք աշխատավարձի 7-8 տոկոսի աճ: Դա միջին աշխատավարձն է ամբողջ հանրապետությունում: Նվազագույն աշխատավարձի նույնը մնալը չի նշանակում, որ 2018 թվականին աշխատավարձի աճ չենք ունենալու: Միջին աշխատավարձն է աճելու»,- նշեց նա:

Տպել
4135 դիտում

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն

Գյուղատնտեսական տարին պետք է դարձնել մաքսիմալ կանխատեսելի. Նիկոլ Փաշինյան (լուսանկարներ)

Բարեկամավան գյուղում ականի պայթյունից տուժած կա

Ադրբեջանցիները կրկին փորձել են խեղաթյուրել Իրանի բարձրաստիճան պաշտոնյայի հայտարարությունը. փորձագետ