ՀՅԴ-ն նախազգուշացնում է Սերժ Սարգսյանին. խմբագրական

Երեկ տեղի է ունեցել ՀՅԴ բյուրոյի եւ ՀՅԴ Հայաստանի գերագույն մարմնի հերթական համատեղ ընդլայնված նիստը, որի արդյունքում նաեւ հայտարարություն է տարածվել: ՀՅԴ-ի ղեկավար այս մարմինների նիստերը միշտ չէ, որ ավարտվում են  հայտարարությամբ: Նման բան տեղի է ունենում միայն, եթե դրա անհրաժեշտությունը բխում է ներքաղաքական իրավիճակից:

Մասնավորապես, այս ժամանակահատվածում, երբ մի քանի ամսից երկրում լուրջ քաղաքական փոփոխություններ են սպասվում՝ Սերժ Սարգսյանի նախագահության ավարտի եւ կառավարման խորհրդարանական համակարգին վերջնական անցում կատարելով պայմանավորված, ՀՀԿ-ի կոալիցիոն գործընկեր ՀՅԴ-ի հայտարարությունը առանձնահատուկ ուշադրության է արժանի:

Արդեն երկար ժամանակ է, մամուլը գրում է, որ 2018-ին կարող են կոալիցիոն փոփոխություններ տեղի ունենալ: Չեն բացառվում այնպիսի զարգացումներ, որտեղ ՀՀԿ-ի հետ կոալիցիա կազմի նաեւ ԲՀԿ-ն: Փոխվարչապետների պաշտոնի հավակնորդներն են շատացել. օրեր առաջ ՀՅԴ գերագույն մարմնի ներկայացուցիչ Աղվան Վարդանյանը ըստ էության հաստատեց, որ ՀՅԴ-ն հավակնում է նոր կառավարությունում ավելացնել իր պորտֆելները եւ չբացառեց, որ ինքը կարող է փոխվարչապետի պաշտոնը զբաղեցնել:

Բնականաբար, եթե ԲՀԿ-ում որեւէ կերպ քննարկում են 2018-ին կոալիցիա կազմելու տարբերակը, ապա ավելի լեգիտիմ հավակնություններ կարող են ունենալ փոխվարչապետներից մեկի պաշտոնի համար, քանի որ խորհրդարանում երկրորդ ուժն են: Ըստ մամուլի հրապարակումների, փոխվարչապետ նշանակվելուն դեմ չէ նաեւ գործող վարչապետ Կարեն Կարապետյանը, որն, ի դեպ, այսօր ասուլիս է հրավիրել, եւ ակնկալիքներ կան, որ կանդրադառնա նաեւ այս հարցին: Բնականաբար ՀՀԿ-ում փոխվարչապետների թեկնածուներ կունենան, իսկ տեղերը սահմանափակ են՝ ընդամենը երեքը: Եռակողմ կոալիցիայի դեպքում դժվար է լինելու բաժանել նաեւ նախարարական պորտֆելներն ու մնացած բոլոր կարեւոր պաշտոնները:

Ասել է թե, այն ժամանակ, երբ հանրային ուշադրությունը կենտրոնացած է միայն այն հարցի վրա, թե ով է լինելու 2018-ին ՀՀ վարչապետը, քաղաքական ուժերի ներսում 2018-ի կառավարության ձեւավորման շուրջ լուրջ խմորումներ են ընթանում: Կոնկրետ փոխվարչապետի պորտֆելի համար մեծ մրցակցություն կա, բնականաբար, նաեւ վտանգի տակ են ՀՅԴ-ին նախորդ կոալիցիոն հուշագրով տրված նախարարական պորտֆելներն ու մարզպետների տեղերը:  ՀՅԴ-ի երեկվա հայտարարությունն, ըստ այդմ, պետք է դիտարկել ընդհատակյա այս խմորումների համատեքստում:

«Հանդես գալով բացման խոսքով՝ ՀՅԴ բյուրոյի ներկայացուցիչ Հրանտ Մարգարյանը նշեց, որ կարեւոր է անդրադառնալ՝ արդյոք, մաս կազմելով Հայաստանի պետական կառավարման գործին, իրականացվո՞ւմ են Դաշնակցության առաջադրած նպատակներն ու խնդիրները, քաղաքական համագործակցությունն ու հանձն առած պատասխանատվությունը ապահովո՞ւմ են երկրի զարգացման դրական ընթացքը»,-ասված է հայտարարության մեջ:

ՀՅԴ-ն ՀՀԿ-ի հետ քաղաքական համագործակցության հուշագիր ստորագրեց խորհրդարանական ընտրություններից հետո, եւ անցած վեց ամսվա ընթացքում որեւէ անգամ կասկածի տակ չի դրել այս համագործակցությունը, արդյո՞ք իրականացվում են իրենց առաջադրած նպատակները եւ այլն: Երեկվա հայտարարության տոնայնությունն այս առումով բավականին բացասական է:

«Երկրում առկա սոցիալ-տնտեսական իրավիճակը դեռեւս բեկումնային փոփոխությունների չի ենթարկվել, թեեւ առկա են որոշ դրական տեղաշարժեր եւ արդյունքներ: Առանցքային են մնում ժողովրդի սոցիալական վիճակի բարելավման հարցերը՝ տեղի ունեցող թանկացումների, գործազրկության բարձր մակարդակի, արտագաղթի պայմաններում», «Սոցիալական արդարության հաստատումն ու այդ ուղղությամբ աշխատանքը ՀՅԴ առաջնային խնդիրն է»: «Առաջնային խնդիր է մնում պետական կառավարման արդյունավետության բարձրացումը, բյուրոկրատական մեխանիզմների պարզեցումն ու որոշումների կայացման եւ գործադրման արդյունավետությունը»: «Առանցքային նշանակություն ունի անկախ դատական համակարգի ներդրումը, որը պետք է երկրում ապահովի արդարության եւ իրավահավասարության իրական միջավայր»:

Դաշնակցությունում դժգոհ են նաեւ կրթության ոլորտում տիրող վիճակից, բնական միջավայրի եւ ռեսուրսների կառավարման անարդյունավետությունից, ոլորտում ներդրումների համար դրական միջավայրի բացակայությունից եւ այլն: Ըստ էության, հայտարարությունից այնպիսի տպավորություն է, որ ՀՅԴ-ն այնքան էլ գոհ չէ ՀՀԿ-ի հետ կոալիցիա կազմելու արդյունքներից, որովհետեւ այն խնդիրները, որոնք նշվում էին, որ պետք է լուծվեն կոալիցիոն կառավարում ձեւավորելու արդյունքում, նույն տեղում դոփում են:

Կարեւոր է, որ հայտարարության մեջ առհասարակ նշված չեն կետեր, որոնք ՀՀԿ-ՀՅԴ համագործակցության արդյունքում ունեցած ձեռքբերումներ կներկայացվեին: Դա նշանակում է, որ այդպիսիք չկան, հակառակ դեպքում անպայման տեղ կգտնեին հայտարարության մեջ: Կամ եթե նույնիսկ կան, ՀՅԴ-ում ուղղակի անիմաստ են համարել դրանց մասին խոսելը, որովհետեւ այդ կոալիցիան իրականում արդեն անցյալում է, իսկ նոր կոալիցիա ձեւավորելու հետ կապված խորը կասկածներ կան:

Եթե ՀՅԴ-ում վստահ չեն, որ 2018-ին կրկին կառավարության մաս են կազմելու, ինչու ավելորդ գովերգություններով զբաղվել: ՀՅԴ-ի սույն հայտարարությունն իրականում ազդարարում է  2017-ի քաղաքական հուշագրի ավարտը եւ 2018-ի կառավարության շուրջ բանակցությունների սկիզբը: «Այս հաստատումների համատեքստում, քաղաքական համագործակցության շրջանակներում, ՀՅԴ-ն առաջնորդվելու է նախաձեռնողականության ու ինքնուրույնության գործելակերպով»,-ասվում է հայտարարության մեջ:

Նախաձեռնողականություն եւ ինքնուրույնություն բառերը իրականում նախազգուշական նշանակություն ունեն: Ընդ որում՝ Սերժ Սարգսյանը հայտարարության վերջում կգտնի նաեւ այն թիրախները, որոնց ուղղությամբ ՀՅԴ-ից հարվածներ կստանա, այն պարագայում, եթե որոշի ՀՅԴ-ին փոխարինել ԲՀԿ-ով՝ սոցիալական արդարություն, մարդկանց կյանքի որակ, ապագայի հանդեպ վստահություն, ազգային անվտանգություն, հովանավորչություն, կոռուպցիա, մենաշնորհներ:

 

Տպել
7946 դիտում

Զգուշացնում ենք՝ Ադրբեջանի նախագահը և նրա դաշնակիցները պատրաստվում են Հայաստանի դեմ հերթական ագրեսիայի. դեսպան

Գարդման-Շիրվան-Նախիջևան միությունն անդրադարձել է Ադրբեջանի ՄԻՊ-ի կողմից ՀՀ-ին ուղղված մեղադրանքներին

Ակնկալում ենք բացատրություններ, թե ինչ է կանգնած ՀԱՊԿ-ի վերաբերյալ Փաշինյանի հայտարարությունների հետևում. ՌԴ ԱԳՆ

Քննարկման ժամանակ կատուն բարձրացել է թուրք քաղաքական գործչի վրա (տեսանյութ)

Թրամփը հավաստիացրել է, որ ընտրվելու դեպքում կկանխի երրորդ համաշխարհային պատերազմը

ՊԵԿ-ը կանխել է 58 մլն դրամ արժողությամբ չհայտարարագրված ոսկե ձուլակտորների տեղափոխումը

Մինսկը Երևանից ՀԱՊԿ-ի հարցով որևէ ծանուցում չի ստացել. Բելառուսի ԱԳՆ

Վերաբացվեց Կոմիտաս 30 հասցեում գտնվող Ucom-ի վաճառքի և սպասարկման նորացված կենտրոնը

Կարևոր է շարունակել Ադրբեջանին կոչ անել մասնակցել խաղաղ գործընթացին առանց ՀՀ-ի նկատմամբ տարածքային պահանջների. Խանդանյան

ՌԴ նախագահական ընտրություններով պայմանավորված՝ պատգամավորները կմեկնեն Մոսկվա

Ադրբեջանը ցանկանում է շարունակել հակամարտությունը, մենք՝ չէ. Մարիա Կարապետյան

Նիկոլ Փաշինյանի՝ France 24-ին տված հարցազրույցն ամբողջությամբ կհեռարձակվի 22:10-ին

Հայաստան-Ռուսաստան հարաբերությունները թևակոխում են բաց առճակատման ու ճգնաժամի փուլ. Սաֆարյան

Սուրեն Պապիկյանն ու Սեբաստիան Լըկորնյուն հարգանքի տուրք են մատուցել Հայոց ցեղասպանության զոհերի հիշատակին

Նոր նշանակում Քննչական կոմիտեում

Հայաստանը կարող է և ունի լեգիտիմ իրավունք դժգոհել ՀԱՊԿ-ից. Արմինե Մարգարյան

ԵԿՄ անդամը հանկարծամահ չի եղել, նրան սպանել են. մանրամասներ

Ադրբեջանի հռետորաբանությունը մեղմանում է. Բաքվից արձագանքել են Նիկոլ Փաշինյանին

Պուտինը Փաշինյանի հետ դեռևս չի քննարկել ՀԱՊԿ-ին Երևանի անդամակցությունը դադարեցնելու թեման. Պեսկով

ՀՀ-ն կրակ չի բացել․ պաշտպանության նախարարությունը հերքում է Ադրբեջանի տարածած ապատեղեկատվությունը

Եվրամիությունը ներկայացրել է հակառուսական պատժամիջոցների նոր՝ 13-րդ փաթեթը․ ինչ է այն ներառում իր մեջ

Արտյոմ Սմբատյանն ազատվել է պետական եկամուտների կոմիտեի նախագահի առաջին տեղակալի պաշտոնից

Հայաստան-ԵՄ հարաբերությունների համար առանցքային էր վարչապետի այցը Եվրոպական խորհրդարան. ՀՀ կառավարություն

Գնացել եք Լոս Անջելեսում համերգ եք տվել, որտեղի՞ց եք մեկնել, շոու-բիզնեսն էլ պետք է հարկ վճարի․ ՀՀ վարչապետ

Արմեն Նազարյանն ազատվել է առողջապահության փոխնախարարի պաշտոնից

Ֆրանսիան առաջին երկրներից է, որն արձագանքում է անվտանգության ոլորտը դիվերսիֆիկացնելու ՀՀ-ի որոշմանը. Փաշինյան

Բրազիլիայում հրաժարվել են լիցքավորել Սերգեյ Լավրովի ինքնաթիռը․ որն է եղել պատճառը

37-ամյա տղամարդը, 50 քաղաքացու տվյալներին հասանելիություն ստանալով, կատարել է 40 մլնի հափշտակություն

Տվյալ գործարքի շնորհիվ Ամերիաբանկն ավելի շատ հասանելիություն է ստանում միջազգային կապիտալին․ փորձագետ

Սեպտեմբերի 19-ի ռազմական գործողություններից հետո ադրբեջանական գերության մեջ է 16 անձ

Դատախազությունը հաշտության համաձայնություն է կնքել ՀՀ քաղաքացու հետ․ 2 միլիարդը գերազանցող գույքը փոխանցվել է պետությանը

Ֆրանսիայի ԶՈւ նախարարը ՊՆ վարչական համալիրի տարածքում անվանական եղևնի է տնկել

Պետք է հնարավորինս զերծ մնանք նման դեպքերից. Ավանեսյանը՝ Քրիստինա Աբրահամյանի կալանավորման մասին

Ասում են՝ ես չեմ ուզում հարկ վճարել, բա Մարտունու նոր ԲԿ-ն Էդ ո՞ւմ է սպասարկելու․ վարչապետը՝ «խոպանչիներին»

Ինչ հարցեր են քննարկել Սուրեն Պապիկյանն ու Ֆրանսիայի զինված ուժերի ղեկավարը

Որևէ մեկը չի կարող քննադատվել Հայաստանի բանակի պաշտպանական կարողությունները հզորացնելուն աջակցելու համար․ Լըկորնյու

Գյուղերից մեկում ծնողները 2-րդ դասարանի տղային տանը հայտնաբերել են մահացած

Եթե ՀՀ-ն կարիք ունենա, կարճ և այլ երկարության հրթիռները նույնպես կտրամադրվեն․ Ֆրանսիայի ԶՈՒ նախարար

ՍԱՏՄ-ն կրկին փաստում է՝ «Ջերմուկի» պարունակության մեջ չի կարող քացախ լինել․ Ռուսական կողմի մեղադրանքն անհիմն է

Ֆրանսիայի հետ համագործակցության օրակարգն ընդգրկում է ԶՈՒ կենսագործունեության գրեթե բոլոր ոլորտները․ Պապիկյան