Ոչ-ոքի ուսանողներ-պաշտոնյաներ պայքարում. դեղին քարտ՝ իշխանության ներկայացուցչին

12/11/2017 schedule17:12

Լարված պայքարում երեկ ընթացել է ՀՀ պաշտոնյաների և ուսանողական կառույցների ներկայացուցիչների ֆուտբոլային թիմերի հանդիպումը։ Խաղն ավարտվել է 3։3 հաշվով։ Այս մասին հայտնում է Հայաստանի երիտասարդական հիմնադրամի կապերի հետ ծառայությունը:

Պաշտոնյաների թիմում խաղում էին ՀՀ ԱԺ պատգամավորներ Կարեն Ավագյանը, Հրայր Թովմասյանը, Էդուարդ Շարմազանովը, Անդրանիկ Կարապետյանը, ՀՀ ֆինանսների նախարար Վարդան Արամյանը, սոցիալական ապահովության պետական ծառայության պետ Հովհաննես Սահակյանը, Ռուսաստանի գիտության և մշակույթի կենտրոնի ղեկավար Սերգեյ Ռիբինսկին և այլք։

Ուսանողներն առաջին խաղակեսում երկու անգամ գրավեցին հակառակորդի դարպասը։ Երկրորդ խաղակեսն անցավ դրամատիկ պայքարում. պաշտոնյաների թիմը դարձավ երեք գոլի հեղինակ, և միայն խաղի վերջին վայրկյաններին ուսանողները կարողացան հավասարեցնել հաշիվը։ Ի դեպ, Էդուարդ Շարմազանովն արժանացավ դեղին քարտի՝ խաղի ընթացքում մարզաշապիկը հանելու համար։

Մարզական այս միջոցառումը կազմակերպել էին Հայաստանի երիտասարդական հիմնադրամը (ՀԵՀ) և ՀՀԿ երիտասարդական կազմակերպությունը՝ երիտասարդական տոների շրջանակներում։

ՀԵՀ հոգաբարձուների խորհրդի համակարգող Կարեն Ավագյանը նկատեց, որ երիտասարդական տոները չէին կարող անցկացվել առանց մարզական միջոցառման. «Այս խաղով մենք ցանկանում ենք ցույց տալ մեր վերաբերմունքը սպորտի, առողջ ապրելակերպի նկատմամբ։ Սպորտով զբաղվելը, առողջ ապրելակերպը երիտասարդության, հասարակության համար պետք է դառնա կենսակերպ։ Անկախ մասնագիտությունից, աշխատանքից, պետք է ժամանակ գտնել մարզումների, սպորտի համար»։ Ի դեպ, Կարեն Ավագյանը նկատեց նաև, որ պաշտոնյաների թիմում ընդգրկված գրեթե բոլոր խաղացողները չծխող են, և այդ օրինակը պետք է վարակիչ լինի երիտասարդների համար։ Խոսելով խաղի ընթացքի և արդյունքի մասին՝ պարոն Ավագյանը շեշտեց. «Ուսանողության հետ խաղը միշտ դժվար է եղել, և այս հանդիպումը բացառություն չէր»։

Ռուսաստանի գիտության և մշակույթի կենտրոնի ղեկավար Սերգեյ Ռիբինսկին լրագրողների հետ զրույցում խոստովանեց, որ վաղուց չէր խաղացել ֆուտբոլ։ Ուրախ է, որ ընկերները հրավիրեցին, և ինքը մասնակից դարձավ այս հանդիպմանը։ «Անկեղծ ասած՝ անհանգստանում եմ։ Բայց կարևորը ընկերական մթնոլորտն է, որ թևածում է այստեղ»,- ասաց Սերգեյ Ռիբինսկին։

Հայկական պետական մանկավարժական համալսարանի ուսանողական խորհրդի նախագահ Ներսիկ Մարգարյանը խաղի սկզբում իր մտավախությունն էր հայտնում խաղի արդյունքի կապակցությամբ, քանի որ վերջին տարիներին ուսանողները պարտվում էին պաշտոնյաների հետ ֆուտբոլային պայքարում, սակայն տրամադրված են մարտական և ամեն ինչ անելու են հաղթանակի համար։

Ի դեպ, պաշտոնյաների թիմից խաղում էր նաև Հրայր Թովմասյանի 12-ամյա որդին՝ Վարդան Թովմասյանը։ Պատանի ֆուտբոլիստը խոստովանում է, որ անհարմարություն չի զգում ավագների հետ խաղալիս, քանի որ բակում նման խաղերի փորձ ունի։ Վարդանը խաղի ընթացքում գոլային փոխանցման հեղինակ դարձավ։

Տպել
1599 դիտում

200 ժամ հարկադիր աշխատանք. դատարանն անփոփոխ է թողել Արմեն Ջիգարխանյանի նախկին կնոջ դատավճիռը

Հեռացավ՝ իր հետ տանելով ավանդապաշտության ողջ դարաշրջան. Հասմիկ Պապյանը՝ Լագերֆելդի մասին

Կյանքից հեռացել է բարերար Ալեք Մանուկյանի դուստրը՝ Լուիզ Մանուկյան-Սիմոնը

Պատահական անցորդներին գրքեր են նվիրում նախարարներն ու վարչապետը (տեսանյութ)

Դատախազությունը բողոք կներկայացնի քրեական հեղինակություններ Նորատուցի Ալիկի եւ Չարբախցի Գեղամի դատավճռի դեմ

Արգենտինայի փոխնախագահը հայտնել է ՀՀ պաշտոնական այց կատարելու ցանկության մասին

Սեդրակ Քոչարյանին առաջարկել են ցուցմունք տալ, սակայն նա չի ցանկացել

Ղազարավան գյուղում բռնկված հրդեհը մեծ վնասներ է պատճառել

12-ամյա Հրաչյա Բադասյանը որոնվում է որպես անհետ կորած (տեսանյութ)

ԵՊՀ ռեկտորը չարաշահում է իր պաշտոնը. Restart

Փակ են Շիրակի ու Արագածոտնի մարզի շուրջ 20 գյուղերի միջհամայնքային ճանապարհներ

Նիկոլ Փաշինյանն ու Աննա Հակոբյանը գրքեր են նվիրում քաղաքացիներին (տեսանյութ)

Ոստիկանությունը նախկին պատգամավորին խորհուրդ է տալիս ձեռնպահ մնալ զուտ «ցնցող» բան գրած լինելու գայթակղությունից

Վճարեք կասեմ. Ֆլեշի Բարսեղը Սերժ Սարգսյանի հետ վերջին անգամ հանդիպելու մասին հարցին ի պատասխան

Գյումրու 2 մարզաուսումնական հաստատություններում 32.4 մլն դրամի վատնում կատարելու դեպքերով հարուցվել են քրգործեր

Մարտի 4-ից կհայտարարվի Հանրային հեռուստառադիոընկերության նախագահի մրցույթը. «Ա1+»-ի տնօրենը՝ իսկական Հանրայինի մասին

Հանդիպել են Լիբանանում ՀՀ դեսպանն ու երկրի վարչապետը

Աշտարակ քաղաքում վագոն-տնակ է հրդեհվել

«Արարատ» ակումբը դատական կարգով թիմի բժշկի պարտքը վերադարձրել է, ֆուտբոլիստը դեռ սպասում է

Ռուս սահմանապահն իր շան օգնությամբ գտել է Սյունիքում կորած քաղաքացու մարմինը