Երեւանի երաժշտական դպրոցներում ուսման վարձավճարը կբարձրանա

Երեւանում գործող երաժշտական դպրոցներում, մեր ունեցած տեղեկությունների համաձայն, ուսման վարձավճարն առաջիկայում բարձրանալու է այն երեխաների համար, որոնք չունեն Երեւանի հաշվառում:

Եթե այժմ բոլոր սաները ամսական վճարում են 7-8 հազար դրամ՝ կախված այն բանից, թե երաժշտական ինչ գործիք են նախընտրել, մայրաքաղաքի հաշվառում չունեցողները շուտով ստիպված են լինելու վճարել 17 500 դրամ: Այսինքն՝ ավելի քան 100 տոկոսով շատ:

Ալեքսանդր Աճեմյանի անվան երաժշտական դպրոցից հաստատեցին մեր տեղեկությունը՝ հավելելով, որ փոփոխությունը նախատեսվում է հունվարից: Ասացին, որ չի պահպանվի նաեւ 7 հազար դրամ վարձավճարի չափը եւ Երեւանում հաշվառում ունեցողները կվճարեն 8 հազար դրամ՝ անկախ մասնագիտությունից:

Այս երաժշտական դպրոցում, ինչպես տեղեկացանք, մեծ թիվ են կազմում մարզերից Երեւան եկած երեխաները եւ քաղաքապետարանի մտադրությունը նրանց շրջանում դժգոհություն է առաջացրել: Նույնիսկ եղել են ծնողներ, որոնք մոտեցել են հաստատության ղեկավարությանը եւ հայտնել, որ ամենայն հավանականությամբ, երեխային այլեւս չեն կարողանա երաժշտական դպրոց ուղարկել:

Ալեքսեյ Հեքիմյանի անվան երաժշտական դպրոցում նույնպես տեղյակ էին վարձավճարի սպասվող բարձրացման մասին: Այստեղ, սակայն ավելի ըմբռնումով էին մոտենում՝ նշելով, որ ծնողներն իրենց երեխաների ուսման դիմաց վճարում են անհրաժեշտի միայն փոքր մասը, իսկ մնացածը փոխհատուցում է Երեւանի քաղաքապետարանը՝ համայնքային բյուջեից, հետեւաբար՝ բնական է, որ տեղի հաշվառում չունեցողների ուսման վարձն ավելի բարձր լինի:

Ալեքսեյ Հեքիմյանի անվան երաժշտական դպրոցից ասացին, որ իրենց սաները մոտավորապես 500-ն են, եւ նրանց 90 տոկոսն ունեն մայրաքաղաքի հաշվառում: Ընդամենը մեկ-երկու երեխա Երեւան է տեղափոխվել մարզերից, իսկ երեք-չորս սովորող ազգությամբ պարսիկ է:

Թե ինչով է պայմանավորված երաժշտական դպրոցներում ուսման վարձի փոփոխությունը, եւ մարզերում ու Երեւանում հաշվառվածների տարբերակումը, գրավոր հարցումով դիմել ենք Երեւանի քաղաքապետարան: Պատասխանը կներկայացնենք ստանալուն պես:

Ի դեպ, երաժշտական դպրոցներից փոխանցեցին, որ վերջին անգամ ուսման վարձավճարի փոփոխություն եղել է 2016 թվականին: Դրանից առաջ ամսական վարձաչափը կազմել է 5-6 հազար դրամ՝ ներկայիս 7-8 հազարի փոխարեն: 

Տպել
2657 դիտում

Ճապոնիայում 113 տարի եւ 179 օր ապրելուց հետո մահացել է աշխարհի ամենատարեց տղամարդը

Կապուտիկյանի 100-ամյակի առթիվ վարչապետը կարդում է «Հայոց աշխարհ» բանաստեղծությունը (տեսանյութ)

Գյումրիում հայտնաբերել են 2 հնդիկներին, որոնք կասկածվում են կեղծ փողեր տպելու մեջ

Սկսել եմ անհանգստանալ իմ ընտանիքի անվտանգության համար. Ելենա Աղաջանովա

Ներխուժել են պատերազմի վետերան թբիլիսահայ Սերգեյ Միրզոյանի բնակարան, ծեծի ենթարկել ու թալանել վերջինիս

Իրականացված բարեփոխումների նպատակն էր ունենալ անկախ ու արհեստավարժ դատական իշխանություն. Բակո Սահակյան

Ստեփանծմինդա-Լարս ավտոճանապարհը բաց է միայն մարդատար մեքենաների համար. 428 մեքենա կա ռուսական կողմում

Դեռևս 20 տարեկանում գրական շռնդալից մուտքով նա դարձավ գրասերների հիացմունքի առարկան. վարչապետի ուղերձը

Պարգեւատրվել են ԱՆ քրեակատարողական ծառայության մի շարք աշխատակիցներ (տեսանյութ)

Հանրապետության տարածքում կան դժվարանցանելի և փակ ավտոճանապարհներ

Չարենցավանում մեքենան ընկել է 9 մետր խորությամբ ջրանցքը

Ռուսաստանի Դաշնությունում զինվորականները ճահիճն են նետել 1,3 մլն ռուբլի արժողությամբ զինամթերք

Գուդաուրիում բացվել է տարածաշրջանում ամենաերկար ճոպանուղին

Ոստիկանները ահազանգից րոպեներ անց բերման են ենթարկել գողություն կատարողին

Լարսը շարունակում է փակ մնալ բոլոր տիպի ավտոմեքենաների համար․ առկա է ձնահյուսի վտանգ

Ոստիկանությունը բերման է ենթարկել Ազատության-Զարյան փողոցի խաչմերուկում մեքենան վնասող երիտասարդներին

Քաղաքապետ Հայկ Մարությանը երեք դպրոցների տնօրենների ազատել է աշխատանքից

Ստամբուլում մեկնարկել է Դինքի սպանության 12-րդ տարելիցին նվիրված հիշատակի միջոցառումը

Փարիզում «դեղին բաճկոնների» ակցիայի 12 մարդ է ձերբակալվել

ԵԽԽՎ ձմեռային նստաշրջանում անդրադարձ կլինի ՀՀ-ում կայացած արտահերթ խորհրդարանական ընտրություններին