Եթե դատարանին դիմենք խռբշ, ղզլբաշ, ցռան վերգո, կկարծեք՝ խելագար ենք կամ տգետ. Դեդ

Շենգավիթ վարչական շրջանի ընդհանուր իրավասության դատարանում դատավոր Արթուր Օհանյանի նախագահությամբ շարունակվում է «Սասնա ծռեր» խմբի 11 անդամի գործով արտագնա դատական նիստը:

Նիստը սկսվելուն պես «Սասնա ծռեր» խմբի անդամ Տիգրան Մանուկյանի պաշտպան Մուշեղ Շուշանյանը միջնորդեց անհապաղ ազատ արձակել իր պաշտպանյալին: Մինչ դատարանը խորհրդակցական սենյակից վերադառնալով կհրապարակեր որոշումը՝ ամբաստանյալները կատակեցին. «Տիգրան ջան, հեսա անհապաղ կազատվես»: Դատարանը, սակայն մերժեց Շուշանյանի միջնորդությունը:

Որոշման հրապարակումից հետո «Սասնա ծռեր» խմբի անդամ Դեդ մականունով հայտնի Մարտիրոս Հակոբյանը հանդես եկավ հայտարարությամբ:

«Ես առաջին նիստում հայտարարեցի ձեզ այն մասին, որ ինձ շղթայված են դատարան տեղափոխում, ինչը ոտնահարում է կալանավորի իրավունքը: Եվ դուք խոստացաք անդրադառնալ ընթացքում, սակայն մինչ  օրս  լռել եք եւ ձեր լռությամբ մերժել, որն արհամարհանք է դատարանի կողմից  իմ անձի նկատմամբ»,- հայտարարեց Դեդը, ապա հավելեց. «Դատարանը մինչեւ հիմա «ամբաստանյալով» է ինձ դիմում, ինչը չի համապատասխանում իմ  քաղաքական բռնավոր լինելու կարգավիճակին: Իսկ եթե մենք մեզ թույլ տանք  եւ դատարանին դիմենք նույնկերպ իրերը կոչենք իրենց անունով, օրինակ՝ խռբշ կամ ցռան վերգո, հետեւաբար կկարծեք խելագար ենք կամ տգետ: Այդ դեպքում ինչպե՞ս դիմենք ձեզ, ձեր եռյակին (նկատի ունի գործը քննող երեք դատավորներին,-հեղ.), այն դեպքում, երբ խոշտանգում եւ բռնանում եք մի ամբողջ ժողովրդի՝ հատկապես մարտի 1-ի եւ ապրիլյան պատերազմից հետո: Ահաբեկիչներ, ազգի դավաճաններ, թե՝ ղզլբաշներ...Ուշադիր հետեւելով այս դատավարության ամբողջ գործընթացին եւ նրա շուրջ ծավալված գործունեությանը հասկացա, որ սրանք խորհրդային պետության մնացորդներն են եւ մեզ դատում են խորհրդային օրենքներով՝ առաջնորդվելով կեղծ հումանիզմի գաղափարներով: Եվ ինչպես բանաստեղծն է ասել՝ այդ զարհուրելի եռյակը մեկը մյուսին լրացնելով դավեր են նյութում մեր նկատմամբ՝ ազգի եւ նրա պայծառ ապագայի նկատմամբ: Եվ այսպես մղկտում էր մրրկահույզ բանաստեղծը: Ամենազարհուրելին այն է, որ մարդու հոգու քուրայում ձուլված խոսքը, որ այնքան բարձր է հնչել այս օրերում, դրան արժեք տվող չկա, նաեւ զարհուրելի է այն դատարանը, որն իբր ժողովրդիդ միակ արտահայտիչ եւ ամեն մի անհամաձայնություն ուղղված է, նախ եւ առաջ, ժողովրդի դեմ»,- հայտարարեց Դեդը: 

Այնուհետեւ պաշտպան Հարություն Բաղդասարյանը միջնորդեց անհապաղ ազատ արձակել իր պաշտպանյալ Արամ Մանուկյանին, դադարացնել նրա նկատմամբ քրեական հետապնդումը եւ նրան տուժող ճանաչել:

Հարություն Բաղդասարյանը նշեց, որ «Սասնա ծռերի» գործողությունները պայմանավորված են եղել ծայրահեղ անհրաժեշտությամբ եւ դրանք հանցագործություն դիտելը անթույլատրելի է: Բաղդասարյանն անդրադարձավ Մարտի 1-ին, Բաստիլի գրավմանը: Ապա նշեց, որ «Սասնա ծռերը» կանխել են մեծ վտանգ, թույլ չեն տվել Հայաստանի տարածքների հանձնում, ՀՀ-ում փոխվել է կառավարությունը, «Սասնա ծռերը» օժանդակել են պետության կայացմանը:

Միջնորդությունը ներկայացնելուց հետո դատավոր Արթուր Օհանյանը դիտողություն արեց Բաղդասարյանին . «Փաստաբանը քաղաքական գործիչ չէ, պետք է միայն իրավաբանական հիմնավորումներ անեք»,- ասաց նա եւ թափահարեց ձեռքի տակ եղած Փաստաբանների վարքագծի կանոնագիրքը:

Այս արտահայտությունից հետո իրավիճակը թեժացավ, պաշտպանները կարծիք հայտնեցին, որ դատավորը մինչեւ խորհրդակցական սենյակ մտնելը իր կանխակալ վերաբերմունքն է արտահայտել եւ պարարտ հող է ստեղծել նրան չվստահելու համար:

Միջնորդության վերաբերյալ դիրքորոշում հայտնեց նաեւ «Սասնա ծռեր» խմբի անդամ Հովհաննես Հարությունյանը: Նա  հայտարարեց տարածքների հանձնման վերաբերյալ. «Մենք լայն փակված աչքերով շատ քաղաքացիներ ունենք, ովքեր մտածում են՝ լավ, մի քիչ էլ տարածք հանձնենք, ինչ կա որ: 2018 թվին Ադրբեջանը դառնում է 100 տարեկան, իսկ Հայոց եղեռնը՝ 103 տարեկան: Տարածքներ զիջելով՝ ոտնահարում ենք այն փաստը, որ եղեռն է եղել»: Արամ Հակոբյանն էլ հայտարարեց. «88-ից պայքարի մեջ եմ մինչև էս պահը, 96-ից մինչև հիմա իշխանությունը բռնազավթված է, մասնակցել եմ բոլոր ընտրություններին, միտինգներին, ձայնս անընդհատ բարձրացրել եմ, բայց ձայն բարբառո հանապատի: Ես արդեն 60 տարեկան եմ, 30 տարի պայքարում եմ, 30 տարի մի արդար ընտրություն չեմ տեսել. երբ չի լինում ճար՝ խենթերն են գտնում հնար: Ասում եք` մեր տղաները ռազմական բախման ընթացքում են վիրավորվել, դա այդպես չէ, նրանք սառնասրտորեն գնդակահարվել են դիպուկահարի կողմից: Սա քաղաքական դատավարություն է, հաշվերահարդար իշխանությունների կողմից մեր նկատմամբ»:

Մեղադրող Հակոբ Ենոքյանն էլ նշեց, որ պաշտպան Հարություն Բաղդասարյանի միջնորդությունն ավելի շատ նման էր Ազգային ժողովում քաղաքական գործչի ելույթի, քան միջնորդության եւ այն ենթակա է մերժման:

Տպել
2476 դիտում

Բացահայտվել է Երեւանի բնակարաններից մեկից կատարված գողությունը

Վարդենյաց լեռնանցքը փակ է կցորդիչով բեռնատարների համար, մարդատարների համար՝ դժվարանցանելի

Երեւանի տներից մեկում գազի բալոնի արտահոսքից 3 քաղաքացի է թունավորվել

Թուրքիան Հայաստանի հետ սահմանին լայնամասշտաբ զորավարժություն է անցկացնում (լուսանկարներ)

Իսրայելի վտանգավոր արկածախնդրությունը կարող է բերել տարածաշրջանում ռազմական հակամարտության. Իրանի ԱԳ նախարար

Քննչական կոմիտեի նախագահն ընդունել է ԱՄՆ դեսպանության թմրամիջոցների դեմ պայքարի ծրագրի տնօրենի պատվիրակությանը

Քննարկումներ մրցակցության ոլորտի օրենսդրական խնդիրների շուրջ

Սուրբ Աթոռում ՀՀ դեսպանը հանդիպում է ունեցել Սուրբ Աթոռի պետությունների հետ հարաբերությունների քարտուղարի հետ

Ստեփանծմինդա-Լարս ավտոճանապարհը ժամը 20:30-ի դրությամբ բաց է տրանսպորտային բոլոր միջոցների համար

Ըստ մեղադրանքի՝ Արմեն Գևորգյանը այլ գործողություններով օժանդակել է Ռոբերտ Քոչարյանին սահմանադրական կարգը տապալելու համար

Վնասել ու կոտրել են գեներալ Մանվել Գրիգորյանի մայրական տունը, տակնուվրա արել ամեն ինչ ներսում

Փոխնախարար Մանե Ադամյանն ընդունել է ֆրանսիական Airbus ընկերության ներկայացուցիչներին

Փրկարարներն ավտոմեքենան դուրս են բերել արգելափակումից

Վերակառուցման և զարգացման եվրոպական բանկի նախագահը կայցելի Հայաստան

ՔԿՀ-ում գտնվող Արթուր Վարդանյանին անհրաժեշտ է տեղափոխել քաղաքացիական հիվանդանոց. ՄԻՊ

Նազարբաեւը որոշել է լուծարել Ղազախստանի կառավարությունը

ՌԴ դեսպանը ԱԺ պատգամավորների հետ քննարկել է հայ-ռուսական համագործակցությանն առնչվող հարցեր

Ավինյանն ընդունել է Ավստրիական զարգացման համագործակցության Հարավային Կովկասի գրասենյակի ղեկավարին

Որպես ի՞նչ է Սաշիկ Սարգսյանը 18,5 միլիոն դոլար «նվիրաբերում» պետությանը, որպես «չայեվո՞յ»

ՊԲ հրամանատարը հետևել է զորամասերից մեկի՝ «բարձր» մարտական պատրաստականության աստիճանի պարապմունքներին