Ժիրայր Սեֆիլյանը չի ցանկացել մասնակցել Վերաքննիչ դատարանի բեմադրությանը

 ՀՀ Վերաքննիչ քրեական դատարանը երեկ մերժեց «Նոր Հայաստան» հանրային փրկության ճակատի անդամ Ժիրայր Սեֆիլյանի եւ «Սասնա ծռեր» խմբի անդամ Գագիկ Եղիազարյանի կալանավորման որոշման դեմ ներկայացված պաշտպանների բողոքը:

Սեֆիլյանին եւ Եղիազարյանին անհապաղ ազատ արձակելու պահանջով երեկ մի խումբ քաղաքացիներ բողոքի ակցիա իրականացրին դատարանի բակում: Ակցիան ուղեկցվում էր «Ազատություն Ժիրայր Սեֆիլյանին», «Ազատություն դատավորներին», «Գագիկ», «Սասնա ծռեր» վանկարկումներով: Ցուցարարները՝ տեղեկանալով, որ Սեֆիլյանի եւ Եղիազարյանի բողոքները քննվում են դատարանի առաջին հարկում, հայրենասիրական երգեր միացրին եւ որքան հնարավոր էր, մոտ եկան դատարանին: Սա տեսնելով, դատական կարգադրիչները փակեցին դատարանի դռները:

Վերաքննիչ դատարանի որոշումը հրապարակվելուց հետո Ժիրայր Սեֆիլյանի պաշտպան Արա Զաքարյանը մեր հարցին ի պատասխան ասաց, որ պաշտպանական կողմի փաստարկների հիմքում դրված էր այն, թե ներկայացված նյութերով չի հիմնավորվում, որ Սեֆիլյանն առնչություն է ունեցել իրեն մեղսագրվող հանցագործությանը. «Չեն ներկայացվել թույլատրելի նյութեր, որոնք կարող են ցույց տալ, որ Սեֆիլյանն ազատության մեջ գտնվելու դեպքում կարող է խոչընդոտել քննությանը։ Չի երեւում քննիչի կողմից ջանասիրաբար գործը քննելու հանգամանքը եւ դատարանն ընդհանրապես չի պատճառաբանել գրավը մերժելու մասին պաշտպանական կողմի միջնորդությունը:

Դրա հետ մեկտեղ ցույց տրվեց, որ քրեական գործերը քաղաքական են, խոսքը վերաբերում է  նախորդ տարի հարուցված քրեական գործին, նաեւ այս զենքի հոդվածով շինծու գործը»: Հարցին, թե Սեֆիլյանի գործում հանգամանքների փոփոխություն եղե՞լ է, հաշվի առնելով, որ «Սասնա ծռերի» գործը միացվել է Սեֆիլյանի գործին, փաստաբանը պատասխանեց. «Այդ գործերն իրար միացնելու իմաստն ինքն անձամբ չի հասկանում եւ գործում որեւէ փոփոխություն չկա: Այս քրեական գործերը իրար միացնելով՝ իշխանությունները ցանկանում են ընդդիմության հանդեպ հաշվեհարդար տեսնել»,-ասաց Զաքարյանը՝ հավելելով, որ գործերը միացվելուց հետո որեւէ քննչական գործողություն Սեֆիլյանի մասնակցությամբ չի կատարվել: Բողոքի քննությանը Սեֆիլյանը ներկա չէր:

Մեր դիտարկմանը, թե նա ցանկություն չի՞ հայտնել ներկա գտնվել, պաշտպանը պատասխանեց, որ իր պաշտպանյալը համարում է, որ այս ամբողջը բեմականացում է եւ ցանկություն չունի դրան մասնակցել: Նա նաեւ ասաց, որ դատարանի այս որոշումը կբողոքարկեն Վճռաբեկ դատարան: Սեֆիլյանը ձերբակալվել էր հունիսի 20-ին ապօրինի զենք կրելու, պահելու, փոխադրելու մեղադրանքով: Օգոստոսի սկզբին այս գործը, ինչպես նաեւ անցյալ տարի Հայոց ցեղասպանության 100-րդ տարելիցին ընդառաջ «զանգվածային անկարգություններ նախապատրաստելու» հոդվածով հարուցված քրգործերը միացվեցին ՊՊԾ գնդի գրավման դեպքի առթիվ հարուցված քրեական գործին:

Երեկ դատարանը մերժեց «Սասնա ծռեր» խմբի անդամ Գագիկ Եղիազարյանին ազատ արձակելու, ինչպես նաեւ որպես այլընտրանքային խափանման միջոց գրավ կիրառելու՝ պաշտպան Մուշեղ Շուշանյանի բողոքը: Մեր հարցին ի պատասխան Շուշանյանն ասաց. «Բողոքի փաստարկներով մենք պնդում էինք, որ բացակայում է հիմնավոր կասկածն առ այն, որ Գագիկ Եղիազարյանը կատարել է իրեն առաջադրված մեղադրանքով նախատեսված գործողությունները»:

Մուշեղ Շուշանյանի խոսքով՝ նախաքննության մարմինը պարտավոր էր դատարանին ներկայացնել հիմնավոր կասկածն ապացուցող նյութեր, սակայն որեւէ ապացույց չի ներկայացրել, որի հիման վրա հնարավոր կլիներ հիմնավոր կասկածի առկայության վերաբերյալ եզրահանգում անել. «Երկու մեղադրանքով էլ ապացույցներ չկան։ Ավելին՝ կային  ապացույցներ, որոնցով դատարանը կարող էր հետեւություն անել, որ նրան կալանքի տակ պահելու հիմնավոր կասկածը բացակայում է»:

Նա  մեջբերեց ԱԱԾ հուլիսի 27-ի հաղորդագրությունը, որտեղ նշվում է, որ  Գագիկ Եղիազարյանը հանձնվել է իրավապահ մարմիններին. «Ես դատարանում հայտարարեցի, որ մենք չենք պնդում՝ դա իրականում այդպես է եղել, թե ոչ, բայց, եթե հիմք ենք ընդունում ԱԱԾ հաղորդագրությունը, նշանակում է, որ քրեական օրենսգրքի համապատասխան հոդվածի ուժով Գագիկ Եղիազարյանը պետք է ազատվի քրեական հետապնդումից: Նույնը վերաբերում է զենք-զինամթերք կրելու մեղադրանքին: Համաձայն արձանագրության՝ փաստվում է, որ Գագիկ Եղիազարյանն իրավապահ մարմինների կողմից բերման ենթարկվելու պահին եղել է անզեն, այսինքն՝ զենքը կամովին հանձնել է: Դա նույնպես, ըստ քրեական օրենսգրքի համապատասխան հոդվածի՝ քրեական պատասխանատվությունից ազատվելու հիմք է»:

Շուշանյանը նշեց, որ նախաքննական մարմինը որեւէ հիմք չի ներկայացրել, որ եթե Եղիազարյանը ազատության մեջ հայտնվի, ապա կթաքնվի քննությունից: Բողոքի քննությանը ներկա էր նաեւ Գագիկ Եղիազարյանը:

«Նա դատարանին հայտնեց, որ  առաջին ատյանի դատարանում քննիչը թաքնվելու մասին իր մտավախությունը բացատրել է հետեւյալ կերպ՝ վստահ ենք, որ եթե հայտնվեք ազատության մեջ,  ՊՊԾ գունդ վերադառնալու փորձ եք կատարելու: Գագիկ Եղիազարյանը  հետաքրքրվել է, թե  ունի՞ այդ հնարավորությունը, քննիչը նշել է՝ եթե ՊՊԾ գունդ վերադառնալ չեք կարող, ապա մասնակցելու եք հավաքների: Այսինքն՝ քննիչն ընդունել է, որ իրենց մտավախությունը զուտ Գագիկ Եղիազարյանի հանրահավաքների մասնակցելն է»,- ասաց Մուշեղ Շուշանյանը:

Գագիկ Եղիազարյանին Վերաքննիչ դատարանից «Ճանապարհեցին» «Գագիկ» վանկարկումներով. մինչ այդ ոստիկանները պատ էին կազմել՝ թույլ չտալով քաղաքացիներին մոտենալ Եղիազարյանին ուղեկցող մեքենային:

Տպել
2888 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում