Մենք այս ֆարսին չենք մասնակցի. թեժ իրավիճակ. «Սասնա ծռեր» խմբի անդամները լքեցին դահլիճը

Շենգավիթ վարչական շրջանի ընդհանուր իրավասության դատարանում դատավոր Արթուր Օհանյանի նախագահությամբ լարված մթնոլորտում շարունակվում  է «Սասնա ծռեր» խմբի 11 անամների գործով դատական նիստը:

Թեժ իրավիճակ ստեղծվեց այն ժամանակ, երբ մեղադրող դատախազները սկսեցին հրապարակել մեղադրական եզրակացության եզրափակիչ մասը: Մասնավորապես Արամ Մանուկյանի եւ Հովհաննես Հարությունյանի մասերի հրապարակումից հետո թեժ իրավիճակ առաջացավ դատարանի դահլիճում: Դեդ մականունով հայտնի Մարտիրոս Հակոբյանը ոտքի կանգնեց, եւ փորձեց լքել նիստերի դահլիճը: Նա հայտարարեց, որ ընթերցվողը իրենց հետ կապ չունի, ինքը չի կարող մնալ: Նախագահողը անընդհատ կրկնում էր. «մնացեք, վա՞տ եք զգում Մարտիրոսյան Հակոբյան»: Դեդը հայտարարեց. «թող վատ զգան իրանք, չեմ կարա մնա էդ կլյաուզնիկ բաներին: Սանկցիա կիրառեք: Իմ մոտ տենց ա, որոշել եմ, չեմ ուզում մասնակից ըլնեմ բաշիբոզուկներին, ենիչներիներին, ուր ա ստեղ դատարան, դուք ընդամենը կամակատարներ եք»: Նախագահողը Դեդին հեռացրեց մինչեւ նիստի ավարտը, սպս ոտքի կանգնեցին Արամ Մանուկյանը, Արամ Հակոբյանը: Նրանք հայտարարեցին, որ ներվայանանում են, չեն կարող մնալ: Նախագահողը Արամ Մանուկյանին ասաց, եթե վատ եք զգում գնացեք,թույլատրում  գնալ,  իսկ Արամ Հակոբյանին չթույլատրեց՝ նրան անընդհատ դիմելով Տիկուշի Հակոբյան: դահլիճում մթնոլորտը շատ թեժացավ եւ ելքը եղավ փաստաբան Լիպարիտ Սիմոնյանի ընդմիջում հայտարարելը: Ընդմիջումից հետո Վարդան Գերավետյանը խնդրեց «Սասնա ծռերին» ոտքի կանգնել, ապա հայտարարեց. «Այստեղ կա միայն մեկ դատավոր, դա մեր հայ ժողովուրդն ա, որը գտնվում է դրսում: Մենք բոլորս լսել ենք էս վերջերս ձեր նախագահի, ձեր  գլխավոր հրամանատարի հայտարարությունը՝ ադրբեջանական 7 շրջաններ զիջել Ադրբեջանին: Նման պայմաններում, երբ որ հիմա մենք տեսնում ենք, որ Առաջին ալիքով ցույց են տալիս Մոնթե Մելքոնյանին, դա խեղկատակություն է, ոնց որ ձեռ առնեն, 7 շրջանը, ոչ թե արդբեջանական,  այլ՝ հայկական է,  ոչ թե գրավյալ են, այլ մեր արյունով, մեր պատմությամբ ողողված տարածքներն են: Ձեր եզրակացությունները դուք կկարդաք, ինքներդ ձեր համար, մենք չունենք լսելու այդ եզրակացությունը, որովհետեւ կատարվում է պետական դավաճանություն: Այս պահին Արցախի տարածքից 800....»,- Գերավետյանի հայտարարությունը ընդհատեց մեղադրող դատախազ Արթուր Չախոյանը՝ նշելով, որ սա վերաբերելի չէ գործին: Գերավետյանը շարունակեց. «Դուք պետք է դրդապատճառները տեսնեք, ոչինչ չեք տեսնում, այն մարդիկ ովքեր կատարում են պետական դավաճանություն ոչինչ չեք անում: Դուք պարտավոր եք նախ դատավոր-դատախազ լինելուց առաջ նախ  ՀՀ քացաքացի լինել եւ եթե ինչ-որ մեկը կատարում է պետական դավաճանություն, դուք պարտավոր եք նրան դատել: Մենք էս ֆարիս չենք մասնակցի.. եթե համաձայն եք արյունով ողոված 7 շրջանները հանձնել թուրքին մենք այստեղ անելիք չունենք»,- եզրափակեց նա:

Արամ Հակոբյանն էլ հավելեց, որ երկու եզրափակիչ մաս լսեցին՝ արտագրած բոլորի համար, «շեշտվում է պետությանը վնաս հասցնելու մասին, մենք համաձայն չենք, չենք ուզում մնալ ու լսել նույնը, ոչ մի բառ մեր պահանջների  մասին չկա, մեզ հանցագործի կերպարով են ներկայացնում հանրությանը, մենք լքում ենք դահլիճը»»,- ասաց նա:
Լուսինե Սահակյանն էլ ասաց, որ պաշտպաներին լիազորել են եզրափակիչ մաս որեպս բացառություն իրենց բացակայությամբ հրապարակել: Դատախազները առարկեցին միջնորդության դեմ նշելով, որ Քրեական դատավարության օրենսգիրքը չի նախատեսում մեղադրական եզրակացության եզրափակիչ մասի հրապարակման ժամանակ միջնորդություններ ու հայտարարություններ անել, սա կրկին զայրացրեց «Սասնա ծռեր» խմբի անդամներին. «Հանգիստ, հանգիստ»,- դիմելով խմբի անդամներին ասաց դատավորը:

Դատարանն այնուամենայնիվ բավարարեց Ծռերի  միջնորդությունը, ինչից հետո «Սասնա ծռեր» խմբի անդամները լքեցին նիստերի դահլիճը: Նիստերի դահլիճը լքեցին նաեւ ծռերի հարազատները: Այժմ դահիճում էին միայն փաստաբանները, դատավորը, մեղադրողներն ու լրագրողները: Մեղադրողները շարունակում են հրապարակել մեղադրական եզրակացության եզրափակիչ մասը:

Տպել
2262 դիտում

«Para TV» կայքի աշխատակիցը հավաքի ժամանակ չի դանակահարվել, այլ կենցաղային վեճի արդյունքում. Ջանոյան

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից