Երևան
12 °C
Էրեբունի եւ Նուբարաշեն վարչական շրջանների ընդհանուր իրավասության դատարանում դատավոր Աննա Դանիբեկյանի նախագահությամբ այսօր շարունակվեց 2016թ. հունիսի 4-ին Նուբարաշենի խճուղում դաժանաբար սպանված Եղիշե Խաչատրյանի սպանության գործով դատական նիստը:
Այսօրվա նիստում նախատեսվում էր շարունակել սույն գործով տուժող, Եղիշե Խաչատրյանի մոր՝ 78-ամյա Էմմա Աբրահամյանի հարցաքննությունը: Այսօրվա նիստում Աբրահամյանի ներկայացուցիչ Ինեսա Պետրոսյանը դատարանին տեղեկացրեց, որ Էմմա Աբրահամյանն այլեւս դատական նիստերին չի կարող գալ, քանի որ վերջինիս առողջական վիճակը ծանր է:
Նշենք, որ նախորդ դատական նիստին հարցաքննության ժամանակ Էմմա Աբրահամյանի առողջական վիճակը կտրուկ վատացավ եւ նրան շտապօգնության մեքենայով տեղափոխեցին «Էրեբունի» բժշկական կենտրոն: Ինեսա Պետրոսյանը դատարանին ներկայացրեց «Էրեբունի» ԲԿ-ի գործադիր տնօրեն Միքայել Մանուկյանի կողմից տրված տեղեկանքը: Ըստ այդ տեղեկանքի՝ Աբրահամյանը տառապում է սրտի իշեմիկ հիվանդությամբ, ունի հոդացավեր եւ այլ հիվանդություններ, ուստի նրան խորհուրդ չի տրվում ներկայանալ դատարան եւ ցուցմունքներ տալ: «Տուժող Էմմա Աբրահամյանը չորս դատական նիստի ընթացքում մանրամասն ցուցմունքներ է տվել եւ պատասխանել դատավարության մասնակիցների հարցերին: Ամեն նիստից հետո նրա ինքնազգացողությունը կտրուկ վատանում է, նման պարագայում նրա ներկայանալն ու ամեն անգամ դեպքը վերապրելը շատ վտանգավոր կարող է լինել ոչ միայն իր առողջության, այլ նաեւ կյանքի համար: Հազվադեպ է լինում, երբ քրեական գործի շրջանակներում տուժողները, այն էլ այդ հոգեվիճակում՝ նման առողջական վիճակով, տանջանքի ենթարկվեն, ինչպես այս դատական նիստի ընթացքում է եղել Էմմա Աբրահամյանի հետ»,- դիմելով դատարանին՝ ասաց փաստաբան Պետրոսյանը:
Ստեղծված իրավիճակի վերաբերյալ դատարանը լսեց դատավարության մասնակիցների կարծիքները: Մասնավորապես՝ սպանված Եղիշե Խաչատրյանի կինը՝ հայտնի լեզվաբան Փառանձեմ Մեյթիխանյանը հայտարարեց, որ իր սկեսուրն այլեւս դատական նիստերին չի գա: «Ես կարող էի առաջին իսկ նիստից նրան դատարան չբերել, որովհետեւ նա նախաքննական ցուցմունքներում, ամենայն մանրամասնությամբ պատմել է: Բայց մենք ընտանիքով խնդրեցինք, արեցինք ամեն ինչ, որ գա, այդ ամենը վերապրի, որպեսզի դահլիճում ներկա ամբաստանյալների հարազատները, ընկերները ականջալուր, թե ինչպես է տեղի ունեցել դեպքը, սակայն տեսնելով նրա վիճակը՝ ես փոշմանել եմ: Ես մեկ կորուստ տվել եմ, չեմ ցանկանում եւս մեկ կորուստ տալ, իմ սկեսուրն այլեւս դատարան չի մտնի»,- հայտարարեց նա:
Մեղադրող դատախազ Սարգսյանն էլ ասաց, որ Էմմա Աբրահամյանի հարցաքննությունը լիարժեք իրականացվել է:
Կարծիք հայտնեց նաեւ պաշտպանական կողմը. բանն այն է, որ պաշտպանական կողմը կարեւորում է տուժող Էմմա Աբրահամյանի ներկայությունը դատարանում՝ առավել եւս ցուցմունքը այն պատճառով, որ վերջինս ականատես է եղել դեպքին եւ նախաքննության ընթացքում տված նրա ցուցմունքներն են ըստ էության դրվել հենց մեղադրանքի հիմքում:
Ամբաստանյալներից Արարատ Նիկողոսյանի պաշտպան Լիպարիտ Սիմոնյանը պնդեց, որ պետք է ապահովվի պաշտպանական կողմի՝ տուժողին լիարժեք հարցաքննելու իրավունքը: «Տուժողի հարցաքննությունը համարել ավարտված հասկացություն գոյություն չունի Քրեական դատավարությունում: Եթե չի ապահովվում տուժողին հարցաքննելու իրավունքը, ապա որեւիցե բան չի խանգարում մեղադրողին հրաժարվելու այդ ապացույցից: Տուժողի ցուցմունքներում կան էական հակասություններ, նա միակ ականատես վկան է, ում ցուցմունքից շատ բան է կախված այս գործի ելքը կանխորոշելու համար»,- ասաց Սիմոնյանը եւ միջնորդեց միջոցներ ձեռնարկել, ստեղծել հնարավորություն ապահովելու տուժողի ներկայությունը:
Ամբաստանյալ Արտաշես Չիչոյանի պաշտպան Միհրան Պողոսյանն էլ նկատեց, որ տուժողի հարցաքննությունը չի ավարտվել, նրան հարցաքննելու հնարավորություն չեն ունեցել անգամ ամբաստանյալներն, իսկ ՀՀ քրեական դատավարությամբ հարցաքննությունը կիսատ թողնել նախատեսված չէ: «Տուժողի հարցաքննության հետ կապված նոր հարցեր են առաջանում»,- ասաց Պողոսյանը՝ կասկածի տակ դնելով նաեւ բժշկի տեղեկանքը: Ապա՝ անդրադառնալով Ինեսա Պետրոսյանի այն դիտարկմանը, որ տուժող Էմմա Աբրահամյանը տանջանքների է ենթարկվում դատարանում, Միհրան Պողոսյանը դիմելով նախագահող դատավորին ասաց. «Հարգելի՛ դատարան, արդյո՞ք ձեր վարույթում քննվող քրեական գործով տուժողը տանջանքի է ենթարկվում: Եթե այդպես լիներ երեւի կնկատեիք եւ միջոցներ կձեռնարկեիք, չէիք թողի տանջվեր»:
Ամբաստանյալ Խաչիկ Կոսյանի պաշտպան Վաչագան Քոսյանն էլ նկատեց. «Պարզվում է տիկին Մեյթիխանյանը ղեկավարում է նախաքննությունը, հիմա էլ փորձում է ղեկավարել դատաքննությունը: Եվ դրա վառ ապացույցն այն է, որ ասում է՝ ես կարող էի չբերել: Նախորդ նիստից հետո արդեն իսկ կայքերում հոդված էր գրել՝ ասելով, որ չի բերելու սկեսուրին դատարան, ինչ գիտեր, ինչ է լինելու: Ես առաջին անգամ եմ հանդիպում նման իրավիճակի, որ բժիշկն իրեն թույլ տա տենց մի հատ թուղթ տա»:
Այս մեղադրանքներին Փառանձեմ Մեյթիխանյանն այսպես արձագանքեց. «Ամբաստանյալների տարիքի երկու երեխա ունեմ: Մեյթիխանյանների ընտանիքն անազնիվ ճանապարհով չի փորձում հարցեր լուծել, այլ ապավինում է օրենքին: Սկեսուրից վատանալու պատճառը եղել են փաստաբաններից երկուսի գործողությունները: Նրանք խաղացին մեր նյարդերի հետ՝ ասելով, թե ես սկեսուրիս հուշել եմ ամբաստանյալներից մեկի ով լինելը: Համապատասխան ձայնագրությունների կրիչները կան՝ ես չեմ հուշել»,- ասաց նա:
Այսպիսով՝ ամբաստանյալների պաշտպանները միջնորդեցին միջոցներ ձեռնարկել տուժողի ներկայությունը դատական նիստին ապահովելու եւ նրան հարցաքննելու համար: Մեղադրող դատախազն էլ իր հերթին հայտարարեց, որ ինքը չի հրաժարվի Էմմա Աբրահամյանի նախաքննական եւ դատարանում տված ցուցմունքներից:
Նախագահող դատավոր Աննա Դանիբեկյանն էլ նկատեց, որ Էմմա Աբրահամյանի առողջական վիճակի վերաբերյալ ներկայացված բժշկական տեղեկանքում ներկայացված չէ, թե որքա՞ն ժամանակ նա չի կարող մասնակցել դատական նիստերին: Փաստաբան Ինեսա Պետրոսյանը հայտնեց, որ իրենք մինչեւ հաջորդ դատական նիստ կներկայացնեն նման փաստաթուղթ:
Դատարանն էլ պաշտպանական կողմին ժամանակ տվեց տուժող կողմի ներկայացրած բժշկական փաստաթուղթն ուսումնասիրելու եւ այդ կապակցությամբ դիրքորոշում հայտնելու վերաբերյալ:
Սույն գործով հաջորդ դատական նիստը տեղի կունենա դեկտեմբերի 18-ին՝ ժամը 12:30-ին:
«Հայկական Ժամանակ»-ը Telegram-ումԳագիկ Սուրենյանը եղանակի վերաբերյալ նոր գրառում է արել
Մարտունիում կայացած հանդիպմամբ ավարտեցինք «Կրթվելը նորաձև է» շարժման բանախոսությունների այս փուլը. Հակոբյան
Երեխան, նախնական տվյալներով, ունի վնասվածքներ. ՆԳՆ-ն՝ «Բարդիների պուրակ» հանգստյան գոտուց կորած երեխայի մասին
Տարօրինակ տեսքով «Լաբուբուն» տագնապ է առաջացնում. ինչ է թաքնված փափուկ մորթու տակ. ծնողներն ահազանգում են
«Բարդիների պուրակ» հանգստյան գոտուց կորած երեխան գտնվել է. որտեղ է աղջնակը
«Աբովյան» ՔԿՀ-ի հետ կապ չունեցող լուսանկարներ չհրապարակել. ՔԿԾ-ն ցույց է տվել Լիանայի և երեխայի պահման խուցը
Կրթվելը նորաձեւ է Մարտունիում. նախաարձակուրդային ամփոփիչ հանդիպումը. վարչապետը տեսանյութ է հրապարակել
Ճապոնիայի հարավում սեյսմիկ ակտիվության աճ է գրանցվել
Թուրքիան ուշադիր հետևում է Աբու Դաբիում տեղի ունեցած հայ-ադրբեջանական խաղաղության բանակցություններին. Էրդողան
Փարիզում մասնակցեցի Ֆրանկոֆոնիայի խորհրդարանական վեհաժողովի 50-րդ նստաշրջանի լիագումար նիստին. Ալեն Սիմոնյան
«Բարդիների պուրակ» հանգստյան գոտում կորած 4-ամյա աղջնակի որոնումը շարունակվում է
Գյումրիում շարունակվում են ճանապարհների և բակային տարածքների հարթեցման, բարեկարգման աշխատանքները
Ինչ աշխատանքներ են կատարվել անցած շաբաթ Շրջակա միջավայրի նախարարության ենթակա կառույցներում
Մշակույթը միավորում է մարդկանց, և այսօր դա տեսանելի է. Գանձայում բացվել է Տերյանի վերականգնված տուն-թանգարանը
Ձևավորում ենք ռազմավարություն, որը կդառնա առաջիկա տարիների հարկային վարչարարության ամուր հիմքը. ՊԵԿ նախագահ
Փոստանջյանի պնդումներն իրականության հետ աղերս չունեն. ՔԿԾ-ն՝ Լիանա Հարությունյանի վերաբերյալ գրառման մասին
Գետազատ գյուղի «Բարդիների պուրակ» հանգստյան գոտում 4-ամյա աղջիկ է կորել. 2 ժամ է՝ որոնում են երեխային
Հայաստանը բարձր է գնահատում Մոնտենեգրոյի հետ հարաբերությունները. ԱԳՆ-ն շնորհավորական ուղերձ է հղել
Վիճաբանություն Բջնիում. «Դեպի ճամբար» ճանապարհահատվածում արնանման հետքեր են հայտնաբերվել
Բոլորը՝ մանկապարտեզ հաճախող երեխայից մինչև վարչապետ, առաջնային պետք է համարեն կրթությունը. Նիկոլ Փաշինյան
Ուղերձը աշակերտներին հստակ է՝ լավ սովորիր, որ լավ ապրես. վարչապետը մասնակցել է Սևանի երաժշտական դպրոցի բացմանը
Սովորում ենք հաշվել. Անդրեի նախկին կինը՝ Անի Օհանյանը, նոր տեսանյութ է հրապարակել
«Շիրակ» գերեզմանատան «Ազատամարտիկների պանթեոն»-ում ասֆալտապատում և բարեկարգում է իրականացվում. տեսանյութ
Օդի ջերմաստիճանը կնվազի 3-4 աստիճանով. սպասվում է կարճատև անձրև
Անընդունելի է փաստաբանների կողմից ատելության խոսքի տարածումը և ՄԻՊ բարձաձայնումները լռեցնելու փորձը. ՄԻՊ
Իսրայելի հարձակման ժամանակ Իրանի նախագահը վիրավորվել է. երբ և որտեղ է դեպքը տեղի ունեցել. մանրամասներ
Երևանում հսկայական ծառի ճյուղը կոտրվել, ընկել է ավտոմեքենաների վրա
Ալեն Սիմոնյանը Ֆրանսիայի ԱԺ նախագահի ուշադրությունն է հրավիրել Ադրբեջանում գտնվող գերիների խնդրին
Ուկրաինան հետախուզում է հայտարարել Կիրիենկոյի նկատմամբ
Դոլարը թանկացել է. ինչ փոփոխություններ է արձանագրել տարադրամի շուկան հուլիսի 13-ին
Մայրը այրել է տունը, դանակով վնասել երեխաներին. վնասվածքներ և այրվածքներ ստացած փոքրիկների կյանքը փրկվել է
Վիզայի տրամադրումից հետո ստուգումները չեն դադարում. ԱՄՆ դեսպանատուն
Ընթացքի մեջ է Մրգաշատ գյուղի վթարային կամրջի հիմնանորոգումը. տեսանյութ
«Մերսեդես»-ը շրջվել, բախվել է հողաթմբերին և քարերին. 20 և 21-ամյա տղաների կյանքը փրկել չի հաջողվել
Օրեր առաջ բերման ենթարկված ՀՅԴ երիտասարդներից 4-ն ազատ արձակվեցին
ՀՅԴ անդամ Ալեքսան Ասատրյանը կալանավորվել է
Ապարան-Քուչակ ճանապարհին մեքենան գլորվել, հայտնվել է դաշտում. տուժածները հոսպիտալացվել են
Ինչ իրավիճակ է հանրապետության ճանապարհներին և Լարսում
Քննարկվել է 2026 թվականի խորհրդարանական ընտրությունների ռազմավարությունը. տեղի է ունեցել ՔՊ Քաղաքական ժողովը
Ալեն Սիմոնյանը հանդիպել է Ֆրանսիայի Սենատի նախագահի հետ
© 2025 Հայկական ժամանակ
Website by MATEMAT