ԱԱԾ-ն խեղաթյուրում է, ես խումբ չունեմ. ԱԱԾ-ի կողմից հետախուզվողը ԱՄՆ-ում հարցաքննվել է

«Հայկական ժամանակ»-ին հաջողվեց կապ հաստատել ՀՀ Ազգային անվտանգության ծառայության կողմից հետախուզվող ԱՄՆ քաղաքացի Ռ.Ք-ի հետ: Ինչպես ավելի վաղ տեղեկացրել էինք նշված անձը Ռոբերտ Քուրքյանն է, որը բնակվում է ԱՄՆ Կալիֆորնիա նահանգում:

Տեղեկությունը մեր զրույցում հաստատեց հենց ինքը: Նրա հետ զրույցը ներկայացնում ենք ստորեւ.

- Պարոն Քուրքյան, Martin Avagyan կեղծ անունով ֆեյսբուքյան էջը ձե՞զ է պատկանում:

- Այդ հարցի պատասխանն այսպես. իսկ քանի՞ կեղծ էջեր ունի ԱԱԾ-ն եւ ոստիկանությունը, մինչեւ հիմա հարց տվել ե՞ք իրենց։

- ԱԱԾ-ն ձեզ մեղադրում է ՀՀ տարածքում ահաբեկչություն նախապատրաստելու մեջ: Ի՞նչ կասեք սրա մասին, արդյո՞ք փորձել եք հանցավոր խումբ հավաքագրել ՀՀ տարածքում, կամ դրանից դուրս:

- Ես ոչ մի խումբ էլ չեմ ունեցել եւ չունեմ, ես ունեցել եմ միտք, որը դուր է եկել ժողովրդին, եւ սարսափի է մատնել իշխանություններին։ Ես արտահայտել եմ միտք, որը հանգամանքներից ելնելով դուր է եկել աշխարհասփյուռ հայությանը, եւ այդ տեսակետից, եթե նայեք, կարելի է ասել, որ համախոհներ ունեմ: Ինչպես միշտ ԱԱԾ-ն խեղաթյուրում է։ Ազգային անվտանգություն չկա, կա Սերժ Սարգսյանի եւ Հանրապետական կուսակցության անվտանգությունն ապահովող Ծառայություն։

- Այդ դեպքում, ըստ ձեզ, ի՞նչ նպատակ է հետապնդում ԱԱԾ-ն:

- Լռեցնել ժողովրդին, պատժելով հայրենասեր եւ հայրենիքին նվիրված մարդկանց։

- ԱԱԾ-ն ձեր նկատմամբ հետախուզում է հայտարարել, հիմա դուք թաքնված ե՞ք:  

- Ոչ, ես հիմա ձեզ հետ զրուցում եմ, թաքնված մարդու տպավորությո՞ւն եմ թողնում:

- Նախկինում ՀՀ ԱԱԾ-ի հետ խնդիրներ ունեցե՞լ եք, նկատի ունեմ կրկին նրանց ուշադրության կենտրոնում հայտնվել ե՞ք:

- Ոչ, հիմա էլ չունեմ, իրենք ինձ հետ խնդիր ունեն։

- Ի՞նչ խնդիր ունեն:              

- Նրանք ասում են ծեծել, մարդկանց խոշտանգելն իրենց մենաշնորհն է, իսկ ես ասում եմ՝ ոչ:

- Պարոն Քուրքյան, հիմա ի՞նչ եք պատրաստվում անել:

- Ես ոչ մի բանի էլ չեմ պատրաստվում։ Ես չեմ ընդունում ներկայացված մեղադրանքները եւ այն դիտարկում եմ խոսքի ազատության եւ ժողովրդին վախեցնելու, ստրկացնելու կոնտեքստում:

- Պարոն Քուրքյան, մի քանի ֆեսյբուքյան էջեր ունեք, երկուսը ձեր անունով, մեկը Մարտին Ավագյան կեղծանունով: Ո՞րն է պատճառը:

- Դա ի՞նչ կարեւորություն է իրենից ներկայացնում:

- ԱՄՆ իրավապահները եկե՞լ են ձեր բնակարան, կապ հաստատե՞լ են ձեզ հետ:

- Այո, եկել են, հարցաքննել են և ես մանրամասն բացատրել եմ, որ ինչ գաղութացված եւ տոտալ դիկտատուրայի պայմաններում է ապրում այսօր Հայաստանի ժողովուրդը։

- Այդքա՞նը: Հետո թողել գնացե՞լ են:

- Առայժմ այո, այստեղ, բարեբախտաբար, մարդկանց սուտ եւ անհիմն գործերով չեն դատում կամ ձերբակալում։

Քուրքյանը այլ հարցերի չպատասխանեց: Նրա հետ կարողացել ենք կապ հաստատել Ֆեսյբուք սոցիալական ցանցի միջոցով:

Հիշեցնենք, որ ԱԱԾ-ն հաղրոդագրություն էր տարածել՝ նշելով, որ ՀՀ կառավարությանն առընթեր ազգային անվտանգության ծառայության կողմից իրականացված օպերատիվ-հետախուզական միջոցառումների եւ քննչական գործողությունների արդյունքում պարզվել է, որ ազգությամբ հայ, ԱՄՆ քաղաքացի Ռ.Ք.-ն 2017 թվականի սեպտեմբերին «Ֆեյսբուք» սոցիալական ցանցում գրանցել է «Martin Avagyan» օգտատիրոջ կեղծ տվյալներով անհատական էջը, որի միջոցով հրապարակել է նյութեր` «Մարտիկներ հանուն արդարության» անվանմամբ խմբավորում ձեւավորելու, խմբավորման գործունեության մարտավարության, դրա անդամների կարգապահության, անվտանգության եւ գաղտնապահության կանոնների մասին:

ԱԱԾ մամուլի կենտրոնի տարարծ հաղորդագրությունն ամբողջությամբ՝ այստեղ

Տպել
6739 դիտում

Կաթնաշոռի անվան տակ մանկատներին և տուն-ինտերնատներին մատակարարվել է այլ արտադրանք. պատժամիջոցներ է կիրառվել

Իջեւանում բախումների հետեւանքով 13 անձ է ձերբակալվել. հարուցվել է քրեական գործ

Ապօրինի ծառահատումները կասեցվելու են ամենայն վճռականությամբ. վարչապետն ու ոստիկանապետը Տավուշում են

Մեկնարկել է Զարեհ Սինանյանի աշխատանքային այցը Մոսկվա

Իջեւանում այս պահին մեծածավալ ոստիկանական ուժեր են կենտրոնացվում (տեսանյութ)

Միաբանվենք. Քոչարյանն ու Սարգսյանը նույն մարդն են 

Մայր Աթոռում տեղի են ունեցել լսումներ Ստամբուլյան կոնվենցիայի շուրջ

Հարցի իրավական կողմը. զինվորական չզբաղվել պոլիտիկա

Առայժմ՝ դիմումների վիճակագրություն. որտե՞ղ է ամենամեծ մրցույթը

Երեկ Իջեւանում տեղի ունեցած բախումների դեպքով հարուցվել է քրգործ, կան բերման ենթարկվածներ

Արցախի ՊԲ հրամանատարն այցելել է հյուսիսային հատվածի մի շարք զորամասեր և առաջնագիծ

Իջեւանում բախումներից տուժածներն այժմ անցում են անհրաժեշտ ծավալով հետազոտություններ․ ԱՆ խոսնակ

24 ժամ ջուր չի լինելու Երևանի Մալաթիա-Սեբաստիա վարչական շրջանում

Էրբիլում զինված հարձակում է եղել թուրք դիվանագետների վրա, մեկը սպանվել է

Եղվարդ քաղաքում այրվել է մոտ 45 հա խոտածածկ տարածք

Իջևանում տեղի ունեցած բախումներից հետո ահազանգեր են ներկայացվել ՄԻՊ աշխատակազմի թեժ գծին

Թբիլիսիում բողոքի ցույցերը շարունակվում են. պահանջը նույնն է՝ ՆԳ նախարարի հրաժարականը

M4 միջպետական ճանապարհի Իջեւանի հատվածը բացվել է առանց որեւէ անօրինական պահանջի կատարման. Տավուշի մարզպետ

Պոտենցիալ «վեթինգվածների» երկակի ստանդարտները

Հարգանքի տուրք է մատուցվել ՀՀ ոստիկանության պարեկապահակետային ծառայության գնդում (տեսանյութ)