Գարունը չի կողմնորոշվում կամ շտապում է. ի՞նչ է լինելու գյուղատնտեսության եւ բերքի հետ

Հայաստանում հունվարի 19-ից սպասվող «մարտ ամիսը» կարո՞ղ է վտանգավոր լինել գյուղատնտեսության եւ ակնկալվող բերքի համար: Օդերեւութաբաններն արդեն կանխատեսել են, որ առաջիկա օրերից օդի ջեմաստիճանը համապատասխան է լինելու մարտի ջերմաստիճանին:

ՀՀ գյուղատնտեսության նախարարի տեղակալ Աշոտ Հարությունյանը մեր նախորդ զրույցում ասել էր, թե քանի որ, չնայած եղանակային տաք պայմաններին, գիշերային ժամերին պահպանվում է բացասական ջերմաստիճանը, բերքը վտանգված չէ: Նշել էր նաեւ, թե բերքը կարող է տուժել, եթե եղանակը ցրտի՝ առանց ձյուն տեղալու եւ մի քանի սմ ծածկույթ առաջանալու:

Բայց փաստորեն, առաջիկային վերաբերող կանխատեսումները ոչ թե ցրտելու, այլ գարնան շունչը էլ ավելի մոտենալու մասին են: Հետեւաբար՝ չի բացառվում, որ այս դեպքում արդեն օդի ջերմաստիճանը զրոյից բարձր կլինի նաեւ գիշերը:

Գյուղատնտեսության փոխնախարարն, այդուհանդերձ, բերքը պաշտպանելու դեղատոմս չի առաջարկում:

«Մենք արձանագրում ենք, որ այս պահի դրությամբ հանրապետությունում անոմալ երեւույթ է դիտվում, որը կարող է ժամ առ ժամ փոխվել: Դրա համար մենք փորձում ենք երկու օրվա կտրվածքով, երեք օրվա կտրվածքով հետեւել բնությանը եւ դրան համապատասխան մեկնաբանություն տալ: Նորից կրկնում եմ, որ եթե ջերմաստիճանը գիշերները լինի բացասական, ցերեկները շատ չբարձրանա, այս պահի դրությամբ վտանգ չի սպառնա, աշնանացան ցորենն էլ չի ցրտահարվի: Իսկ եթե տեւական ժամանակ՝ մեկ շաբաթ եւ ավելի օդում ու հողում գիշեր-ցերեկ դիտվի դրական ջերմաստիճան, մենք արդեն բնության դեմ անզոր կլինենք: Կամա թե ակամա պետք է ընդունենք, որ գարնան շունչ է, գարուն է, համապատասխան աշխատանքներ սկսենք: Թե հետագայում ինչ զարգացում կտա բնությունը, ինձ թվում է՝ ոչ մեկը չի կարող ասել»,- նշեց Աշոտ Հարությունյանը՝ հույս հայտնելով, որ շատ ցուրտ եւ ցրտահարություն չի լինի:

Հետաքրքրվեցինք, թե եթե անգամ օդի ջերմաստիճանը բարձրանա ու օրեր շարունակ պահպանվի, ինչու են պարտադրված լինելու սկսել գյուղատնտեսական աշխատանքները, որովհետեւ միեւնույն է, օրացույցով դեռեւս հունվարն է, եւ ինչու այդ աշխատանքները չեն կարող սկսել ինչպես սովորաբար:  

«Արդեն ձեզ համար ոչ մասնագիտական հարց տվեցիք: Այսինքն՝ օրացուցային գարունը մեզ մոտ սկսվում է մարտի 1-ից: Տարի ենք ունեցել՝ մինչեւ մարտի վերջերը ցուրտ է եղել, աշխատանք չի կատարվել: Նշանակում է գարունը օրացուցայինով եկել էր, բայց աշխատանքայինով չէր եկել: Հիմա իմ ասածը հակառակն է, կարող է հունվարի 20-ից գիշեր-ցերեկ գրանցվի տեւական՝ մեկ շաբաթից ավելի դրական ջերմաստիճան: Դա նշանակում է՝ չենք կարող սպասել մարտի 1-ին, բնությունն արդեն իրենը կանի, մենք ստիպված պետք է արդեն համապատասխան ագրոաշխատանքներ սկսենք»,- պատասխանեց գյուղատնտեսության փոխնախարարը:

Տպել
7084 դիտում

Նպատակը վեթինգը չէ, այլ անաչառ դատարան ունենալը. որ ասենք՝ մեր անկախ, սկզբունքային դատարանը որոշեց. Ն. Փաշինյան

Բախում Իջեւանում. 9 վիրավոր ոստիկան տեղափոխվել է հիվանդանոց

Վրաստանի վթարից տուժած ծայրահեղ ծանր վիճակում գտնվող 14-ամյա տղան գիտակցության է եկել. նա սկսել է ինքնուրույն շնչել

Եթե Քոչարյանը քաղբանտարկյալ է, ուրեմն ես իրավունք ունեմ տանկերի տակ ճզմել ցանկացած ընդդիմադիր շարժում. վարչապետ

Երեւան-Սեւան ավտոճանապարհին ձորն ընկած բեռնատարի վարորդը մահացել է

100 հազար դոլար, 18 մլն դրամ. ԱԱԾ քննչական դեպարտամենտի պետի ունեցվածքը

Հայաստանի և Ադրբեջանի միջև թեժ գիծն աշխատում է, բայց դա չի երաշխավորում, որ մենք զոհեր չենք ունենա. վարչապետ

Երեւանում Իսպանիայի ու Պորտուգալիայի 19 տարեկանները ցույց տվեցին այն, ինչ Հայաստանում չկա

Վենետիկի հանձնաժողովի կողմից պաշտոնական միայն մի դիրքորոշում է եղել. Նիկոլ Փաշինյան

Թուրքական դատարանը Հրանտ Դինքի սպանության գործով տարբեր ժամկետներով դատապարտել է 9 մարդու

Խաչիկ գյուղի մոտակայքում խոտածածկ տարածք է հրդեհվել

Մի բուդկայի պես սեփականաշնորհվել է ՍԴ-ն. եղել է քաղաքական առեւտուր, 4 մարդիկ ստացել են իրենց հասանելիքը. վարչապետ

Իսպանիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ փոխնախարարին

Ապօրինի ծառահատում Ահնիձոր գյուղի հարակից անտառում

Ես ինքս ինձնից երբեք գոհ չեմ լինում, նշանակում է՝ իմ թիմից եւս. վարչապետը՝ անփորձների կառավարման մասին

Այո, կա վատ կառավարում, բայց դա ոչ միայն մարդկային, այլեւ համակարգային խնդիր է. վարչապետ

Քարաթափում Վայք-Ջերմուկ ավտոճանապարհին, վտանգը կանխելու համար արհեստական քարաթափում է արվել

Արարատ Միրզոյանն ու Նենսի Փելոսին քննարկել են հայ-ամերիկյան հարաբերություններին առնչվող հարցեր

Տիգրան Ավինյանը և Տատյանա Վալովայան անդրադարձել են ԵԱՏՄ–ում էներգակիրների միասնական շուկայի ձևավորման հարցին

Դատախազությունը պարզել է քաղավիացիայի ոլորտում 2013-2018-ին կատարված կոռուպցիոն չարաշահումներ