Արմեն Սարգսյանը ՀՀԿ-ի թեկնածուն է, այդ ուժի հետ կապվում են վատ երեւույթներ․ Միրզոյան

ՀՀԿ-ի կողմից ՀՀ նախագահի թեկնածու առաջադրված Արմեն Սարգսյանը երեկ հանդիպեց ՀՀԿ եւ ՀՅԴ խմբակցությունների հետ։ Լրագրողների հետ զրույցում նա ասաց, որ դեռ վերջնական որոշում չի կայացրել եւ դեռ պետք է հանդիպի մյուս ուժերի հետ։ Արդյո՞ք ԵԼՔ խմբակցության հետ հանդիպումից հետո հնարավոր է, որ Արմեն Սարգսյանը չցանկանա նախագահ դառնալ, պատասխանեց ԱԺ ԵԼՔ խմբակցության պատգամավոր Արարատ Միրզոյանը։

- Պարոն Միրզոյան, ՀՀԿ-ի առաջադրած ՀՀ նախագահի թեկնածու Արմեն Սարգսյանը երեկ ՀՀԿ-ի եւ ՀՅԴ-ի հետ հանդիպումներից հետո լրագրողների հետ զրույցում ասել է, որ դեռ որոշում չի կայացրել, հնարավո՞ր է, որ ԵԼՔ խմբակցության հետ հանդիպումից հետո նա չցանկանա նախագահի թեկնածու լինել։

- Տեսականորեն, իհարկե, հնարավոր եւ հետաքրքիր տարբերակ եք ասում, բայց կարծում եմ, որ Արմեն Սարգսյանն իր որոշումն արդեն իսկ ուներ, երբ Հայաստան էր եկել Լոնդոնից եւ հանդիպել էր Սերժ Սարգսյանի հետ։ Չեմ կարծում, որ առանց նախնական համաձայնություն ունենալու, այդ հանդիպումը կայանար եւ այդպես տարածվեր։ Ինչ վերաբերվում է ԵԼՔ-ի հետ հանդիպմանը, մենք անպայման ներկայացնելու ենք մեր խորը մտահոգությունները Հայաստանում առկա եւ կատարվող վատ երեւույթների վերաբերյալ։ Կտեսնենք Արմեն Սարգսյանի ռեակցիան, արձագանքը։ Նախ, լսելու ենք իր կարծիքը եւ հորդորելու ենք, որ համաձայնվելու դեպքում լուրջ աշխատանքներ տանի այդ վատ երեւույթները վերացնելու ուղղությամբ։

- Փաստորեն, հնարավո՞ր է նաեւ ԵԼՔ-ը մտափոխվի եւ որոշի քվեարկել Արմեն Սարգսյանի օգտին։

- Մեծ հաշվով՝ ոչ, չեմ կարծում։

- Դեռ հանդիպումը չկայացած, արդեն կարող ե՞նք ասել, որ ԵԼՔ-ը դեմ է քվեարկելու։

- Այդտեղ մի քանի բան կա, նախ, մենք մեր թեկնածուն ունենք եւ այնպես ստացվեց, որ այդ թեկնածուն չի կարող պաշտոնապես գրանցվել որպես թեկնածու, եւ հիմա մեկ թեկնածուով ընտրություններ են լինելու, սա շատ վատ է։ Ակնհայտ է, որ Արմեն Սարգսյանը ՀՀԿ-ի թեկնածուն է, իսկ դա մի քաղաքական ուժ է, որի հետ կապվում են նշածս վատ երեւույթները։ Այնպես որ, այս համատեքստում է պետք նաեւ դիտարկել։

- Այսինքն՝ ԵԼՔ-ի կողմից դրական արձագանք չի՞ կարող լինել։

- ԵԼՔ-ի գնահատականը կհնչի ժամանակին՝ հանդիպումից հետո, որովհետեւ մենք դեռ այդ մարդու հետ չենք հանդիպել, չենք խոսել։

- Առաջին փուլով կընտրվի՞ Արմեն Սարգսյանը։

- Չգիտեմ, դժվարանում եմ ասել, ըստ ամենայնի այո։

                                                                                                      Նիկոլայ Ավետիսյան

Տպել
3441 դիտում

«Իմ քայլը» հիմնադրամի հաշվեհամարին իր գործունեության վեց ամսվա ընթացքում մուտք է եղել 859 մլն 55 հազար դրամ․ Ա․ Հակոբյան

ԵՊՀ-ում կատարած բացահայտումների ամբողջ ծավալը չէ, որ ներառված է հետաքննության այս փուլում. ՊՎԾ

Տեղեկատվությունը չի համապատասխանում իրականությանը. Աննա Նաղդալյան

ԵԱՀԿ ՄԽ համանախագահներն Ալիեւի հետ քննարկել են ԼՂ հակամարտության կարգավորման հեռանկարները

Պետք է հնարավոր պայմանները ստեղծենք, որ մեր դատավորները սրա-նրա ձեռքին նայելու անհրաժեշտություն չունենան․ վարչապետ

Գարեգին Բ-ն հանդիպում է ունեցել վերապատրաստման դասընթացներին մասնակցող եկեղեցականների հետ

Կառավարությունը որոշեց․ դատավորներն ու ԲԴԽ անդամները կներառվեն սոցփաթեթի շահառուների շրջանակում

ԱՆ-ը հրապարակել է չարորակ հիվանդությունների բուժումն անվճար իրականացնող բուժհաստատությունների ցանկը

«ՀԱՅԲԻԶՆԵՍԲԱՆԿ» ՓԲԸ խորհրդի նախագահ է նշանակվել Արսեն Միքայելյանը  

Վարչապետի որոշմամբ Արմինե Մարգարյանը նշանակվել է Անվտանգության խորհրդի գրասենյակի ղեկավար

Փակ է լինելու «Թումանյան» կայարանից Օձունի խաչմերուկ ճանապարհահատվածը․ պայթեցման աշխատանքներ են ընթանում

Գործադիրը հավանություն չտվեց ԲՀԿ-ական պատգամավորների՝ «Արհմիությունների մասին» օրենքում փոփոխություն կատարելու նախագծին

30 փամփուշտ, պարկուճներ, վնասված Lexus․ ինքնաձիգի գործադրմամբ սպանության փորձ՝ Տավուշում

Արամ Սիմոնյանն ասել է, որ եթե իր դեմ քրգործ հարուցվի, ԵՊՀ-ն պետք է պաշտպանվելու համար․ նախարար (տեսանյութ)

Գեղեցիկ ու դրամատիկ խաղեր Չեմպիոնների լիգայում. «Սիթիի» ու «Ատլետիկոյի» օրն էր (տեսանյութ)

Մասիսի պետական գյուղատնտեսական քոլեջում զարգացման երկու կենտրոն է բացվել

Վարչապետն ու նախարարները կառավարության նիստում գրքի տոնի առթիվ նվերներ ստացան

Մեկնարկել է ՀՀ կառավարության հերթական նիստը․ օրակարգում ընդգրկված է 32 հարց, որից 19-ը՝ չզեկուցվող

Արցախը մոտենում է նախագահական ընտրություններին․ Արայիկ Հարությունյանը հրաժարական տվեց

Հայաստանում օգտատերերի համակարգիչների գրեթե կեսը ենթարկվել է տեղային սպառնալիքների․ «Կասպերսկի Լաբորատորիա»