Ջուլֆալակյանի գոտեմարտի ժամանակ գնահատել ենք այն, ինչ ֆիքսել է տեսախցիկը. գլխավոր մրցավար

ՀՀ հունահռոմեական ոճի ըմբշամարտի 2018 թ. առաջնության 77 կգ քաշայինների աղմկահարույց եզրափակչում մրցավարները գնահատել են այն, ինչ տեսել են: Այս մասին «Հայկական ժամանակ»-ի հետ զրույցում ասաց մրցաշարի գլխավոր մրցավար, միջազգային օլիմպիական կարգի մրցավար Ավետիք Վարդանյանը: Հունվարի 28-ին կայացած մրցաշարի այդ քաշային կարգի եզրափակչում միմյանց դեմ էին դուրս եկել Արսեն Ջուլֆալակյանն ու Կարապետ Չալյանը: Տեսանյութում 3:00 րոպեից հետո կարելի է տեսնել, որ Չալյանն արգելված տեղից բռնվածք է անում: Ջուլֆալակյանը բողոքարկում է, սակայն մրցավարները չեն տեսնում խախտումը եւ 1 միավորով ու չորեքթաթ դրությամբ պատժում են նրան:

«Եղել է 1 չելենջ՝ բողոքարկում: Բողոքարկումը նայվել է այն տեսախցիկով, որով բոլոր մրցումներն են անցկացվել: Չելենջի ժամանակ մասնակցել են ժյուրիի անդամները, որոնց կազմում եղել են Էդուարդ Սահակյանը, ՀՀ հավաքականի գլխավոր մարզիչ Լեւոն Ջուլֆալակյանը եւ ես: Այդ ժամանակ ոչ մի բան չի երեւացել, տեսախցիկն ինչ ցույց է տվել, այն էլ գնահատել ենք»,- ասաց նա:

Գոտեմարտի ընթացքում եղել է 1 տեսախցիկ: Ըմբշամարտի միջազգային միությունը, սակայն, պահանջում է, որ լինեն 4-ը, որոնք գորգի բոլոր կողմերից կնկարահանեն մարզիկների գործողությունները: Այն հարցին, թե ինչու մրցաշարը տեխնիկապես բավականաչափ ապահովված չէր, Վարդանյանը չպատասխանեց:

«Դա իմ իրավասությունների մեջ չի մտնում, որ ասեմ՝ ինչու չի արվում, ես չեմ կազմակերպիչը, ես չեմ պատասխանատուն»,- ասաց նա:

Օլիմպիական արծաթե մեդալակիր, աշխարհի 2014 թ. չեմպիոն Ջուլֆալակյանի ու երիտասարդների աշխարհի չեմպիոն, Եվրոպայի մեծահասակների առաջնության բրոնզե մեդալակիր Չալյանի գոտեմարտն ամենալարվածն էր մանավանդ, որ դահլիճում կրքերը շատ թեժ էին: Ընդհանրապես այդ օրը հանդիսատեսի մեծամասնությունը բացասաբար էր տրամադրված Արսեն Ջուլֆալակյանի նկատմամբ՝ անկախ նրանից, թե ով էր նրա մրցակիցը: Այդ պատճառով էլ դիմակայության հետ կապված մրցավարների որոշումները լայն քննարկման առարկա դարձան: Ընդհանուր առմամբ, ըստ Վարդանյանի, մասնակիցները հիմնականում գոհ են եղել մրցավարությունից:

«Ինձ թվում է՝ 90% մասնակիցները եւ մարզիչները գոհ են գնացել այս մրցումներից: Ես լսել եմ միայն շնորհակալական խոսքեր 90-95%-ից: Չի կարող ամեն ինչ հարթ լինել, որովհետեւ կարծիքներ են, իսկ մարդկանց կարծիքները տարբեր են: Ամեն ինչն արել ենք կանոնների սահմաններում, ինչքանով մեզ թույլ է տվել տեսախցիկը, որով չելենջները ֆիքսվել են»,- ասաց նա:

Այդ գոտեմարտում, ի վերջո հաղթեց Չալյանը: Մինչեւ վերջին վայրկյանները հաշիվը 3-3 էր, եւ առավելությունը Ջուլֆալակյանի կողմն էր: Սակայն նա, կարծես թե, չգիտեր, որ հաղթում է, եւ գոտեմարտի ավարտից 3 վայրկյան առաջ փորձեց հնարք անել միավորներով առաջ անցնելու համար, սակայն ինքը հնարք բաց թողեց. Չալյանը կարողացավ օգտվել իրավիճակից, հաշիվը դարձրեց 5:2 օգուտ իրեն եւ դարձավ ՀՀ չեմպիոն:

Տպել
2931 դիտում

Ռ. Քոչարյանին ազատ արձակելուց հետո դատավոր Արսեն Նիկողոսյանին սպառնալու փաստով նյութեր են նախապատրաստվում

ԱԻՆ ջրափրկարարները վերսկսել են արդեն 11 օր կորած քաղաքացու ստորջրյա որոնողական աշխատանքները

Պետք է զգույշ լինենք, եթե վարակվել ու լավացել ենք, 100% երաշխիք չէ, որ երկրորդ անգամ չենք վարակվի․ Արսեն Թորոսյան

Նախագահի պասիվ դերակատարումը կասկածների առիթ է տալիս. Արման Բաբաջանյան

Մեկնարկում է Հայաստանում աշնանացան ցորենի արտադրության խթանման պետական աջակցության ծրագիրը

3 արջերը շարունակում են տանջվել Սիսիանի Resort MJA հանգստյան գոտում․ «Daily mail» (լուսանկարներ)

«Միասին երեխաների համար» խորագրով բարեգործական համերգի շրջանակում հավաքվել է 4,6 միլիոն դրամ

Սահմանադրական դատարանի նիստը չկայացավ քվորումի բացակայության պատճառով

Վերաքննիչ դատարանում սկսվել է Գագիկ Ծառուկյանի խափանման միջոցի վերաբերյալ բողոքների քննությունը

Ստեփանակերտում կորոնավիրուս է հաստատվել 1 քաղաքացու մոտ. պացիենտներից մեկի վիճակը ծանր է

Հաստատվել է կորոնավիրուսի 349 նոր դեպք, գրանցվել է 12 մահ, կա 605 առողջացած

Քիմ Քարդաշյանն իր միլիոնավոր հետեւորդներին կոչ է արել օգնել հայկական փոքր բիզնեսին

Սպիտակ Տան մամուլի խոսնակն իր խոսքում արտաբերել է «Հայոց ցեղասպանություն» եզրույթը (տեսանյութ)

Մարտի 1-ի իրավահաջորդները միջնորդություն են ներկայացրել ՍԴ՝ Քոչարյանի գործի քննությանը մասնակցելու անհնարինության մասին

«Adjarabet», «EasyPay» և «Tel-Cell» վճարահաշվարկային տերմինալներից համակարգչով հափշտակվել է շուրջ 18 մլն ՀՀ դրամ

«ՔոնթուրԳլոբալ Հիդրոկասկադ» ՓԲԸ-ն հայտարարում է մրցույթ

Գավառ քաղաքի Հացառատ թաղամասում այրվել է փայտյա տնակ

«Գուդվին» խաղատան մոտակայքում մեքենան բախվել է էլեկտրասյանը, սյունն ընկել է ճանապարհի երթեւեկելի հատված

«Թիմ» - «ՎԵՈՆ Արմենիա» հնարավոր գործարքը պետք է արգելվի. Ucom

ԱՀ նախագահը հաշմանդամության կարգի տրամադրման խնդիրներին նվիրված խորհրդակցություն է անցկացրել